ئەو پێگە و مەقامانەی کە بارودۆخ تێیدا تەنگ دەبێتەوە بەجۆرێک کەمینەیەکی موسڵمان دەبنە نوێنەر و پارێزەری ئیسلام و لەدژی باتڵ ڕادەوەستن، بەئەندازەیەک وەزعەکە دێتەسەر بوون و نەبوونی ئیسلام؛ لە ڕیزدارترینی پێگەکانە.
مرۆڤی موسڵمان لە وەها بارودۆخێکدا نابێ بێ ئومێد ببێت، با بگەڕێ و هەوڵی ئەوە بدات خوا لە یەکێک لەو بۆشاییانەی هەیە بۆ سەرخستنی ئیسلام و بەرەنگاربوونەوەی باتڵ بەکاریبهێنێت، ئاخر وەها ڕێز و شەرەفێک بۆ ئینسان ئێستا نەبێت ئیدی کەی بەدی دێت!

لە بوخاریدا هاتووە: جوبرەئیل لە پێغەمبەری خودای پرسی ﷺ: ئەوانەی لە بەدردا - کە خودای گەورە بە ڕۆژی فورقان ناوی هێناوە، ڕۆژی یەکلابوونەوەی حەق و باتڵ- بەشدارییان کرد، لای ئێوە چ پێگەیەکیان هەیە؟ فەرمووی ﷺ: لە باشترین موسڵمانەکانن. جوبرەئیلیش فەرمووی: بەهەمان شێوە ئەو فریشتانەی -لەو شەڕەدا-بەشداربوون لای ئێمە باشترینی فریشتەکانن.

کامەیان بەرهەمی دڵخوازتە و بۆ هاوڕێکەتی پێشنیار دەکەیت؟

بەرهەمە چاپکراوەکانی شێخ ئەحمەد سەیید لە ئاستانە

ئەم بەرھەمانە لە پێشانگەی نێودەوڵەتیی سلێمانی بۆ کتێب بەردەست دەبن.

لە ڕۆژانی: ٢٨/١١/٢٠٢٤ تاوەکوو ٨/١٢/٢٠٢٤
شوێن: سلێمانی - تاسڵوجە

#ئاستانە_Astana
#پەرتووکەکانی_ئاستانە
#SulyBookExpo
#پێشانگەی_نێودەوڵەتیی_سلێمانی

لە تۆڕەکۆمەڵایەتییەکان لەگەڵمان بن:
🌐 تەلەگرام  🌐 فەیسبووک  🌐 ئینیستگرام  🌐 ئێکس

نزا و پاڕانەوەی شێخ ئەحمەد سەیید (خوای گەورە بیپارێزێت و پایەبەرزی بکات) بۆ کەس و کارمان لە غەززەی تاجی شکۆ و عیزەتی باوەڕداران.

ئەوەی ناتوانێت لە بازنە گشتییەکاندا پشتیوانی بکات، با لە بازنە تایبەتییەکانی خۆیدا لە خێزان و کەسوکار و هاوڕێکانیدا پشتیوانی بکات، تەنانەت ئەگەر بە هۆشیارکردنەوە بێت سەبارەت بەوەی ڕوودەدات و جیاکردنەوە و ڕوونکردنەوەی ڕێگای تاوانباران بێت.

ئەوەی ناتوانێت لەم قۆناغەدا کاریگەری هەبێت، بۆچی خۆی ئامادە ناکات بۆ کاریگەری لە قۆناغێکی داهاتوودا؟

ئەوەی ئەمڕۆ بچووک و تازەکارە، ئایا هەموو هەوڵی خۆی دەدات بۆ ئەوەی سبەینێ ببێتە ژمارەیەکی گران و خەریکی بنیاتنانێک بێت کە بناغەی ئوممەت بەهێز بکات لە داهاتوودا؟

پوختەی قسە:

ئەگەر بێتوانایی ڕاستەقینە هەندێک لە ڕۆڵەکانی ئەم ئوممەتە کۆت دەکات، ئەوا ڕاهاتن و لاوازی و سەرقاڵبوون بە دنیاوە هەندێکی تر کۆت کردووە - کە ئێجگار زۆریشن-، هەندێک کەسیش هەن نەزانین بە واقیع و تێنەگەیشتن لە ڕاستی پیلانی دوژمنان کۆتی کردوون، بۆیە هەر هەنگاوێک بۆ ڕەواندنەوەی ئەم سێ وەهم و بەربەستە: (بێتوانایی - العجز/لاوازی - الوهن/نەزانین - الجهل) لە ئەرکە گەورەکانی ئەم سەردەمەیە.

خودایە بەزەییت بە ئوممەتی خۆشەویست و دۆستەکەت محمد ﷺ دا بێتەوە و زیندووی بکەرەوە و سەری بخە.

هەموو شتێک بە حیکمەت و هێزی خۆی بەڕێوە دەبات.
هەروەها باوەڕدارانی هەوڵدەر بۆ چەسپاندنی حەق و پووچەڵکردنەوەی باتڵ ئەنجامی بەخشین و بەخشندەیی و قوربانیدانیان دەبینن:{لينصرن الله من ينصره}، (بێگومان خودا ئەو کەسانە سەر دەخات کە ئاینەکەی سەری دەخەن).

ئەم ساڵە تەواوەی کە تێپەڕی لە دەستپێکی ڕووداوەکانی غەززەوە بەس بوو بۆ ئەوەی خەڵک ڕاستییەکان ببینن، و ئەوەی هەتا ئەمڕۆ نەیبینیوە ئیتر لە تەمەنیدا نایبینێت، و هیچی لێ چاوەڕوان ناکرێت دوای ئەوە، وای لە بێئاگاکان، وای لە سەماکەران و غافڵان، وای لەوەی خەڵکی تووشی فیتنە کرد و گەلانی سەرقاڵ کرد و ڕێگری کرد لە سەرخستنی براکانیان...
پیرۆزبایی لە ئارامگران، و پیرۆزبایی لە شەهیدان، و پیرۆزبایی لەوانەی دەستیان بە گومانی باشەوە گرتووە بە خودای بەرز و بڵند.

ئێمە ئەمڕۆ لەم لاپەڕە ئازاراویەدا دەژین، و سبەینێ ئوممەت - بە ئیزنی پەروەردگار - ئەم لاپەڕەیە هەڵدەداتەوە تاکو لە لاپەڕەی بەرەنگاربوونەوە بژی، پاشان لاپەڕەی جێگیربوون؛ خودا زاڵە بەسەر کارەکەیدا بەڵام زۆربەی خەڵکی نازانن.

ئەحمەد یوسف سەید.

بەڵێ، ئەمڕۆ تاقی دەکرێینەوە وەک چۆن پێغەمبەران و شوێنکەوتووانیان تاقیکراونەتەوە:{حتى يقول الرسول والذين آمنوا معه متى نصر الله}، (هەتا پێغەمبەر و ئەوانەی لەگەڵیدا باوەڕیان هێناوە دەڵێن: کەی سەرکەوتنی خودا دێت؟).
برایانمان دەکوژرێن و ئەشکەنجە دەدرێن وەک چۆن سومەییە - کە بە ڕم لێی دراوە - و یاسر و موسعەب و حەمزە - کە سکی هەڵدڕاوە و جەستەی شێوێندراوە - و زەیدی خۆشەویستی پێغەمبەری خودا ﷺ و جەعفەر - کە هەردوو باسکی بڕاوە و جەستەی پەنجا زەبری شمشێر و ڕمی بەرکەوتووە - و ئەنەس کوڕی نەزر - کە هیچ نیشانەیەک لە جەستەیدا نەمایەوە پێی بناسرێتەوە - کوژران، بەڵکو وەک چۆن پێغەمبەران لەسەر دەستی باپیرانی ئەم داگیرکەرە ستەمکارانە کوژران { قل فلم تقتلون أنبياء الله من قبل}، (بڵێ: ئەی بۆچی پێشتر پێغەمبەرانی خوداتان دەکوشت؟)
پاشان چی دوای ئەم هەمووە ؟
بۆ شەهیدەکان بەهەشتێک هەیە کە پانتاییەکەی ئاسمانەکان و زەوییە ...
بۆ بێباوەڕان ئاگری دۆزەخ ...
بۆ باوەڕدارانی سەرخەری حەق و چەسپاو لەسەری: سەرکەوتن و جێگیربوون؛ ئەوە مێژوو بیخوێننەوە ...
هەستی بیلالی کوڕی رەباح بێننە یاد کاتێک بانگی دا لە ڕۆژی فەتحی مەککە، لە کاتێکدا پێشتر بە شەقامەکانیدا ڕادەکێشرا و ئەشکەنجە دەدرا { وأخرى تحبونها نصر من الله وفتح قريب وبشر المؤمنين}، (شتێکی تر کە پێتان خۆشە، یارمەتی و سەرکەوتنێکی نزیکە لە خوداوە، بۆیە موژدە بدە بە باوەڕداران).
بەڵێ؛ تاقیکردنەوەیەکی سەخت و دژوارە، بەڵام - بە ئیزنی خودا - سەرەتای کۆتایی ستەمێکی درێژخایەنە کە بەسەر ئوممەتدا زاڵ بووە و کۆتی کردووە، و چەمک و بنەماکانی شێواندووە، و فاسقەکانی بەسەر چاکەکارەکان و تاوانبارەکانی بەسەر چاکەخوازەکانیدا زاڵ کردووە، و زۆرێک لە ڕۆڵەکانی ئوممەتی بە ئاهەنگ و بێڕەوشتی و بێئاگایی و بیرۆکەی ساختە سەرقاڵ کردووە.
ئەم سەرەتای کۆتاییە تەنها کاتێک دەبێت کە بێدار دەبینەوە و هۆشیار دەبین، و خۆمان لە ستەم و ستەمکاران و دووڕوویی و دووڕووەکان بێبەری دەکەین و تێدەگەین کە ئەم ئوممەتە تەنها ڕۆڵە دڵسۆزەکانی هەن، بۆیە سەریان دەخەین و پشتگیرییان دەکەین و لە پێناویدا قوربانی دەدەین، و خۆمان و منداڵەکانمان لەسەر ئەم ڕێگایە پەروەردە دەکەین، و وازدێنین لە چەقبەستویی ژیانی هاوچەرخ کە ڕۆحی بەستووە و مرۆڤی کۆت کردووە و کردوویەتی بە تەنها پێچێک لە چەرخی دەوڵەتی مۆدێرنی هاڕەردا کە هەموو شتێک دەهاڕێت تەنها بۆ ئەوەی ببێتە کۆیلەی پیشە لە سەرەتای خوێندنیەوە هەتا مردنی و تەنها سەیری ئەوە دەکات؛ فێردەبێت لەبەر خاتری ئەو و وزەکانی ئاراستەی دەکات پاشان دەترسێت لە لەدەستدانی و پەیوەست دەبێت بەوەی کە "بەسەریدا منەتی ناوە"، پاشان دوای ئەوە دەپرسێت بۆچی من بێتوانام؟
پاشان؛ لە یاساکانی خودایە کە دۆسیەی لێپرسینەوەی ستەم و سەرکەشی لە دنیادا پێش دوارۆژ دەکرێنەوە - بەڵام بە تەرازووی خودا نەک بە تەرازووی ژماردن و پەلەکردنمان -، خودا کەسانێک بەسەر ئەم بکوژانەدا زاڵ دەکات کە خراپترین ئازاریان پێدەگەیەنن:{ وإذ تأذن ربك ليبعثن عليهم إلى يوم القيامة من يسومهم سوء العذاب}، (پەروەردگارت بڕیاریداوە کە هەتا ڕۆژی قیامەت کەسانێک دەنێرێت بەسەریاندا زاڵ ببێت و خراپترین سزا و ئازاریان بدات).
هەروەها خیانەتکارەکان کە غەززەیان گەمارۆ داوە و یارمەتی داگیرکەریان داوە ئەنجامی خیانەت و پشتتێکردنیان دەبینن.
فێڵبازەکان کە خەڵکانێکی هیچ و بێنرخیان هێناوە بۆ شەڕی موجاهیدان و هەستاوان بۆ سەرخستنی ئایین ئەنجامی فێڵ و تەڵەکەکانیان دەبینن.
هەموو شتێک لای خودا نووسراوە و حیسابی خۆی هەیە و ئەگەر ئەمە ژیانی دنیا نەبوایە خودا ڕازی نەدەبوو باوەڕداران تووشی زەڕڕەیەک ئازار ببن {ولو شاء الله لانتصر منهم ولكن ليبلو بعضكم ببعض}، (ئەگەر خودا بیویستایە تۆڵەی لێدەکردنەوە بەڵام بۆ ئەوەیە هەندێکتان بە هەندێکی تر تاقی بکاتەوە) تەنها تەمەنی بەڵا و کاتەکەی درێژ دەبێتەوە بۆ تاقیکردنەوەى باوەڕداران و فیتنە بۆ ستەمکاران، خودا ناترسێت کەسێک لێی دەرباز بێت؛ بۆیە پەلە ناکات لە سزادانی کەسێک - پاک و بێگەردی بۆ ئەو - بەڵکو

تاقیکردنەوەیەکی قورس و سەخت ئەمڕۆ ئوممەتی ئیسلامی تێیدەپەڕێت بەهۆی ئەو کۆمەڵکوژی و خوێنڕشتن و داگیرکاری و ستەمەی کە لەلایەن قەوارەی داگیرکەر و هاوپەیمانەکانیەوە ئەنجام دەدرێت.
بەیانی و ئێوارە لەگەڵ هەواڵی خوێن و کوژران و ئەشکەنجە و ئاوارەبوون و دەستگیرکردن و برسیکردن و زوڵم هەڵدەستین و دەخەوین، ئەمەش تاقیکردنەوەیەکی ڕاستەقینەیە بۆ باوەڕ و دڵنیایی و ڕاستگۆیی و دڵسۆزی و زانست و بانگەوازیمان .
لە تاقیکردنەوەدا دەژین سەبارەت بە خۆشەویستیمان بۆ خودا و پێغەمبەرەکەی ﷺ ، ئایا پێشی دەخەین بەسەر خۆشەویستی خۆمان و دنیامان - کەواتە قوربانی دەدەین و دەبەخشین - یان خۆشەویستی خۆمان پێش دەخەین و سەرقاڵی بەرژەوەندییەکانی خۆمان دەبین و پشتهەڵدەکەین و خۆمان سەرگەرم دەکەین و یاری دەکەین؟

٥- خودای گەورە لە قورئاندا زۆر باسی پاداشتی ڕۆژی دواییمان بۆ دەکات، بەوەی کە دونیا چێژێکی بێهودەییە و کاتییە و تێدەپەڕێت، لە ڕۆژی قیامەتدا تەرازووی دادپەروەرانە دادەنرێت، ستەم لە هیچ نەفسێک ناکرێت بە بچووکترین شێوەیەک، هەروەها باسی ئاگر و ئەشکەنجە و سزای تاوانبارانی بۆ کردووین، ئینجا هەموو مافەکان بۆ خاوەنەکانیان دەگەڕێتەوە، هەرکەسێک بەتەنها چاوێک لە دونیا بڕوانێت ئاوا سەری لێی دەرناچێت و تێناگات.
٦- سەرەڕای هەموو ئەوانەش هیچ گومان و دڕدۆنگی تێدا نییە کە سەرئەنجام -لە دونیادا- بۆ باوەڕدارانە، ئەگەر پابەندی دیینەکەی بێت و دەستی پێوە بگرێت و سەری بخات، خوای گەورە سەربازەکانی سەر دەخات و ڕزگاریان دەکات، وەکوو ئەوەی; نوح، ئیبراهیم، ساڵح، هود، لووت، موسا، عیسا و محەمەد (️ﷺ)ـی سەرخست، ئەوەش تایبەت نییە بەوان، بەڵکوو بەڵێنێکی بەردەوام و یاسایەکی چەسپیوە، له دوای لێکۆڵینەوەی ورد و تاقیکردنەوە بەدی دێت ﴿حَتَّىٰٓ إِذَا ٱسۡتَيۡـَٔسَ ٱلرُّسُلُ وَظَنُّوٓاْ أَنَّهُمۡ قَدۡ كُذِبُواْ جَآءَهُمۡ نَصۡرُنَا﴾، [يُوسُف: ١١٠] واته:« هیچ نەتەوە و ئوممەتێکمان سزا نەداوە، هەتا ئەودەمە کە پەیامبەرەکانیان لە ئیمان هێنانیان مەئیوس و بێهیوا بووبن، یەقینیشیان بووبێت کە لەلایەن نەتەوەکەیانەوە بە درۆ دەخرێنەوە و باوەڕیان پێناکرێت، لەوکاتەدا یارمەتى ئێمەیان بۆ هاتووە.»، ئەگەر ئێمە ئەوەی خودا خۆشی دەوێت و لەسەرمانە ئەنجامی بدەین، ئەوا ئەستەمە بەڵێنی خودا بشکێت.

وردەکاری زیاتر و قسەی گرنگتر هەیە کە لەم وتارەدا جێگەی نابێتەوە، بەڵام لە زنجیرەیەکدا بەناوی یاسا خواییەکان (سنن الإلهية) بە تێروتەسەلی و بە ڕوونی باسم لێوە کردووە، کەی خودا ستەمکاران و تاوانباران لەناو دەبات؟