لا آله إلا أنتَ دُلني…

الخفاجي
ثانيةً يجيءُ الحسين.

الجواهري
آمنتُ بالحسين.

علي الشرقي
السيف والقلم.

موشحة الحبوبي
ياغزالَ الكرخِ

أنتَ الذي أبقيت دين مُحمدٍ

لا شيء يستمر إلا بالنقص.

Ghostly Kisses , Empty Note

شهالنسيم الماخذ رموشك ونسته ؟! شهالحمام المشتهي چفوفك غرفته ؟! شهالعطش بيه اعله شمك ؟! شيل مني المايشبهك ريّدني ، أنسالك هويتي صيحني ، أتركلك دنيتي جيسني أبديني إعله عرفك شفايتلها وطينتي ، تتسمى بـ أسمك شفايتلها ، سنيني لو تكَضي أعله وجهك وأدري عدمن يستحق…

شهالنسيم الماخذ رموشك ونسته ؟!
شهالحمام المشتهي چفوفك غرفته ؟!

شهالعطش بيه اعله شمك ؟!
شيل مني المايشبهك

ريّدني ، أنسالك هويتي
صيحني ، أتركلك دنيتي

جيسني
أبديني إعله عرفك

شفايتلها وطينتي ، تتسمى بـ أسمك

شفايتلها ، سنيني لو تكَضي أعله وجهك
وأدري عدمن يستحق ينعاش عمري

يا گبل روحي وبعدها

لو چفوف الناس كلها
تحبني وتمدلي دفوها
هم أضلّ عايز شبگتك

ولو أكض بيدي هواهم
وما يراووني جفاهم
أبقى خايف لا تراويني فرگتك

آنه عافيتي بضحكتك

إنتَ فردوسي
ومذاق الفاكهة البيها اعله شفتك

إنتَ تاليتي
اعله إيدك تنتهي جُملة حياتي
جيبها وحطها نقطتك.

عرّفتلي الدنيا : تُربة ، الماي هو اليرسم البيها برغبته
يا مُطر عمري وتُربته

وعرّفتلك

الأمان : حچايتك، من تشتهي الدنيا رجفتي
المحبة : چفوفك، زنودك، لهفتك
من أحط كل تعبي بيهن، من أحس بيهن غرفتي
الدفو صوتك ، من الدنيا تبرد
من تحط كل عقلك ويا أسمي
وتدلعني على كيفك
من تكلي اسمك ونستي
المتاهة : عيونك، من تضيع بيّه
من اضيع بلونهن، باليضوي بيهن

السعادة : من أدلّيك بضحكتي

.