#Долзарб #Фойдали

⚡🤔 ИСО суюқлиги бўйича саволлар келяпти. Шунга тўхталиб ўтаман.

💥 Хурматли Фермер хўжалиги рахбарлари ва мутахассислар яқин бир хафта ўн кун ичида ғўза зараркунандалари 🕷️(ЎРГИМЧАККАНА)га қарши Дала четларига ИСО суюқлиги билан ишлов бериш ишлари бошланади. Сабаби зараркунанда биринчи дала четидаги бегона ўтларда бўлади. Кейинчалик ғўза майдонларига тарқала бошлайди. Ўргимчакканага қарши курашда Кўпчилик фермерлар бу вазиятда кўпроқ кимёвий восита(акарицид)ларга боғланиб қолган. ИСО суюқлиги ФУНГИЦИД ва АКАРАЦИД таъсирига эга суюқлик хисобланади. Шуни инобатга олиб биринчи галда Тут дарахтларига эхтиёт бўлган холда (пилла қуртини хавфга қўймасдан) ишловлар амалга оширилса жуда самараси яхши бўлади, молиявий томондан арзон бўлади. Буни Қумқўрғон туманидаги Наврўз худуди фермер хўжаликлари жуда яхши билади. Хозир дала шароитида ИСО суюқлиги таёрлашни тушунтириб ўтаман.
Ушбу суюқликни тайёрлаш вақтида меъёрларга қатъий амал қилиб тайёрлаш керак. 100 л ИСО (олтингугурт оҳак қўшимчасини) тайёрлаш учун 100 л сув олинади, алоҳида идишда 6 кг сифатли тоза оҳак оз миқдордаги сув билан сўндирилади. Сўндирилаётган оҳак устига яна бир оз сув қўшиб, оҳакли сут ҳосил қилинади. Тайёрланган оҳакли сут фильтрланиб, чўян қозонга қуйилади ва қайнагунча қиздирилади. Бир вақтнинг ўзида бошқа идишда 12 кг олтингугурт кукуни сув билан тўла қоришиб, сариқ тусли бўтқа ҳосил қилгунча яхшилаб аралаштирилади. Тайёр бўлган эритма оҳакнинг устига қуйилади. Ажратилган 100 л сувнинг қолган қисми ҳам қозонга қуйилиб, қозондаги массанинг сатҳи белгилаб қўйилади.
Қайнаш бошлангандан сўнг (эътибор беринг. қайнаш бошлангандан сўнг дейиляпти) ёғоч куракча билан тўхтовсиз қўзғатиб туриш билан яна 🕒 60 дақиқа қайнатилади. Қайнаш жараёнида буғланиш эвазига қозондаги суюқлик ҳажми камаяди. Қайнатиш бошлангандан олдин белгилаб қўйилган 100 л ҳажм сақланиб қолиши учун қайнатиш жараёнида керакли миқдорда қайнаган иссиқ сув қўшиб турилади. Сувнинг охирги қўшилиши, қайнатиш тўхтатилишидан 15 дақиқа аввал амалга оширилади. Қайнатиш тўхтатилгач, аралашма 6-8 соат давомида усти ёпиқ ҳолатда тиндирилади ва сўнгра оғзи зич бекилувчи, шиша ёки пластмасса идишларга эҳтиёткорлик билан қуйилади. Суюқликнинг оғзи зич бекитилишидан аввал идишдаги қайнатма устига керосин ёки техника мойидан қуйилса, ҳаво оксидланишининг олдини олади. Эритма металл билан реакцияга киришгани боис бу турдаги идишларда сақлаш мумкин эмас. Ана шунақа гаплар. Саломат бўлинг.

Бу каналда сизларга Ўсимликларни ҳимоя қилиш бўйича энг керакли ва сараланган тавсиялар бериб борилади.
Каналга уланиш
👉  @zashitnik_jonnazarov

#Долзарб #Керакли #Тарқатинг

💥⚡ Постни албатта 🧑‍💻 ўқинг.🙏 Бу сиз учун фойдали.

🔊 Ғўзани Ягана қилгандан кейинги ишлов.

Аввало ягана қилишда экилган ғўза навига, тупроқ унумдорлигига ва экиш схемасига катта эътибор бериш лозим.

120-130 минг кўчат қолдириш учун:
60 см қатор орасида экилган майдонда 1 метрда 7-8 та, 90 см қатор оралиғида экилган бўлса 11-12 та, қўшқаторда бир қаторида 6 та иккинчисида 7 та, 76 см қатор орасида 8-9 та,
110-120 минг кўчат қолдириш учун:
1 метрда 60 см қатор орасида 7 та, 90 см қатор орасида 10-11 та, қўшқаторда 10-11 та. 76 см қатор орасида 7-8 та,
100-110 минг кўчат қолдириш учун эса яна 1 тадан кам қолдириб кўчат ягана қилинади.

💨🔊 Яганалашдан кейинги ишлов:

Яганалашдан кейин ғўза ниҳолларига қўшимча озиқа сифатида баргидан аввало гумин кислатали ва таркибида бошқа ўстирувчи, илдиз тизимини ривожлантирувчи, ўсимлик осон ўзлаштира оладиган микроэлементли моддалар мужассам биостимуляторлар билан суспензия сепилиб, орадан 3 кун ўтказиб гектарига 2,5 -3 кг дан карбамидли суспензия қилинса, ғўзанинг нимжон чинбарглари тез озиқланади ва унда хлорофил моддаси кўпаяди ва барг қалинлашади. Қалин ва соғлом баргларда фото-синтез жадаллашиб ғўзанинг ёш нихоллари ўзини тутиб олади.
Бу жараён худди нимжонроқ одамга витаминли Товуқ шўрванинг сувини бериб тетиклаштириб олишга ўхшайди.

Натижада туп сон йўқотишлари камайиб, маҳсулдорлиги ошади.
Бундан ташқари, Ўсимликда ўсиш ва ривожланиши тезлашиши оқибатида, хосил органлари эртачироқ шакилланиб, эртаки ҳосил тўплашга эришилади. Яна бир жиҳати, ғўзадаги баргларнинг қалинлиши эвазига сўрувчи ҳашаротлар(Шира-Трипс) га чидамлилиги ҳам ошади. Бу дегани Шира -трипсни ўлдиради ёки қириб ташлайди дегани эмас.
Буни чалкаштирмаслик керак.

👆 Аслида ғўза хосилдорлигини оширишда фақат бу эмас, узлуксиз сифатли ва ўз вақтида кечиктирмай ўтказиладиган агротехник тадбирлар катта рол ўйнайди.
Хозирча ғўзада яганалашдан кейинги биринчи агротехник тадбир қисқача шу эди.
✈️ Барча фермер дехқонларга ва Қишлоқ хўжалиги гуруппаларига юбориб қўйинг.

Бу каналда сизларга Ўсимликларни ҳимоя қилиш бўйича энг керакли ва сараланган тавсиялар бериб борилади.
Каналга уланиш 👇
@zashitnik_jonnazarov

#ДОЛЗАРБ #ТАРҚАТИНГ

⚡💥 МАЙ ОЙИДА ҒАЛЛА МАЙДОНЛАРИДА НИМАЛАРГА ЭЪТИБОР БЕРИШ КЕРАК ?
(Келаётган кўплаб саволларга жавоб сифатида)

👉🧑‍💻 Бир оз мутоала қилинг. Сиз учун бу маълумот.

Май ойида ғалла майдонларида, гуллаш, сут-мум пишиш даври кузатилади. Бунда ғалланинг эрта, ўрта ва кечпишар навларига, экилган муддатлари ҳамда ривожланиш фазаларига қараб ишлов бериш графиги ва муддатлари аниқ белгиланиши зарур.

Аввало эътиборни кечикиб экилиб, ғалла ривожи тикланаётган майдонлардаги ғаллага қаратиш мухим.
Бунинг учун: 👇

👉 Кеч экилган ғалла майдонларига май ойининг биринчи ўн кунлигида қўшимча 100-150 кг/га физик ҳолда азотли ўғитини қўлда сочиб бериш ва суғоришни гектарига 5-10 тоннадан маҳаллий ўғит билан шарбат усулида ташкил этиш;

👉 Об-ҳаво шароитига қараб, ғаллазорларда намликни чекланган дала нам сиғимига нисбатан (ЧДНС) 70-75 фоизда бўлишини таъминлаш зарур.

Хуллас ўртоқлар май ойида имкон даражасида ғалла майдонларида намлик балансини ушлаб туриш керак.

Хар қандай экин майдонларингизда агротехник тадбирлар ўтказишдан, зараркунандаларга қарши кураш тадбирларини бажаришдан олдин албатта Ўсимликларни ҳимоя қилиш мутахассиси билан маслахатлашинг. БУ ОЛТИН ҚОИДА.

📢 Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
👉 @zashitnik_jonnazarov

ҒАЛЛА МАЙДОНЛАРИДАГИ БЕГОНА ЎТЛАРГА ҚАРШИ КУРАШ.
(Мазза қилиб ўқийдиган пост. Жуда фойдали)

Айнан мана шу масала яъни: Ғалла майдонларидаги бегона ўтларга қарши қандай курашиш керак ?, Қандай препаратлар яхши самара беради.? Кимёвий препаратларни қандай миқдорда сепайлик ? деган саволлар билан Ўсимликларни ҳимоя қилиш мутахассислари, фермерлар, уман олганда жуда кўпчилик мурожаат қилишган. Хозир шу саволларга жавоб бериш билан бирга,  жайдари қилиб керакли тавсияларни қисқача бериб ўтаман.

Аввало ГЕРБИЦИД нима.?
ГЕРБИЦИД – бегона ўтларга қарши қўлланиладиган кимёвий восита хисобланади.
        Мен сизларга қайсидур кампаниянинг ГЕРБИЦИДларини реклама қилмасдан, таъсир этувчи моддасига қараб тушунтириб бераман. ГЕРБИЦИДларнинг номи хар хил бўлиши мумкин. Қайсидур компаня Али деб ном қўйса, буниси Вали деб қўяди. Буларнинг номлари шунчалар кўпки адашиб кетишингиз хеч гапмас. ГЕРБИЦИДларнинг таъсир этувчи моддасини яхшилаб билиб олсангиз сизни хеч ким чалғитолмайди. Аввало чалғимаслик учун Ўсимликлар карантини ва ҳимояси агентлигининг Karantin.uz сайтига кириб синовдан ўтказилган, таъсир этувчи моддаси миқдори текширилган, Ўзбекистон Республикасида қўллашга рухсат этилган кимёвий препаратлар РЕЕСТРИга бир кўз ташлаган маъқул. Қуйида мен ўзим шахсан тажрибамдан ўтказган таъсир этувчи моддали ГЕРБИЦИДларга тўхталаман.

БИР ЙИЛЛИК ИККИ ПАЛЛАЛИ БЕГОНА ЎТЛАРГА ҚАРШИ.

ТРИБЕНУРОН МЕТИЛ 75 % - таъсир этувчи моддали ГЕРБИЦИД -  ғалла майдонларидаги жағ-жағ, ёввойи сабзи, юлдузўт, олабута, исмалоқ, бангидевона, лолақизғалдоқ, Рапс (сариқ гул), чумчуқтил, шўра, мойчечак каби бир йиллик икки паллали бегона ўтларни қириб ташлайди.
          Моторли қўл пуркагич билан сепиш: 10 литр тоза сувга, 0.5 грам хисобида қўшиб 2.5 сотихга сепиш керак.
ОВХ ва Штангелли пуркагич билан сепиш: бунда 600 литр сувга 40 грамм ТРИБЕНУРОН МЕТИЛ 75 % таъсир этувчи моддали гербицид қўшиб 2 гектар майдонга ишлов бериш керак.

КЎП ЙИЛЛИК ИККИ ПАЛЛАЛИ БЕГОНА ЎТЛАРГА (ПЕЧАК)ҚАРШИ КУРАШ.

ФЛУРОКСИПИР 40 % бундай таъсир этувчи моддали  ГЕРБИЦИД ғалла майдонидаги Қўйпечак ва отқулоқни қириб ташлайди.
   Моторли қўл пуркагич билан сепиш: 10 литр тоза сувга, 12.5 миллилитр хисобида қўшиб 2.5 сотихга сепиш керак. Моторли қўл пуркагич соз холатда бўлиши лозим.
      ОВХ ва Штангелли пуркагич билан сепиш: бунда 600 литр сувга 1 литр ФЛУРОКСИПИР 40 %  таъсир этувчи моддали гербицид қўшиб 2 гектар майдонга ишлов бериш керак.

БОШОҚЛИ БЕГОНА ЎТЛАРГА (Ёввойи сули) ҚАРШИ КУРАШ.

КЛОДИНОФОП ПРОПАРГИЛ 8% бундай таъсир этувчи моддали гербицид ғалла майдонларида ашаддий кўп тарқаладиган Ёввойи сули(оқбош), Тулкидум бегона ўтларини қириб ташлайди.
         Моторли қўл пуркагич билан сепиш: 10 литр тоза сувга, 10-11 миллилитр хисобида қўшиб 2.5 сотихга сепиш керак. Моторли қўл пуркагич соз холатда бўлиши лозим.
         ОВХ ва Штангелли пуркагич билан сепиш: бунда 600 литр сувга 0,8-0,9 литр КЛАДИНАФОП ПРОПАРГИЛ 8 %  таъсир этувчи моддали гербицид қўшиб 2 гектар майдонга ишлов бериш керак.

БИР ЙИЛЛИК ИККИ ПАЛЛАЛИ ВА БОШОҚЛИ( РАЙГРАС, СУЛИ) БЕГОНА ЎТЛАРГА ҚАРШИ КУРАШ.

МЕЗОСУЛЬФУРОН-МЕТИЛ НАТРИЙ 3% + ЙОДОСУЛЬФУРОН-МЕТИЛ НАТРИЙ 0,6%  - бундай таъсир этувчи моддали гербицид  ғалла майдонларида охирги йилларда ашаддий кўпайиб зарар бераётган Райграс хамда Итузум бегона ўтларини қириб ташлайди.
     Моторли қўл пуркагич билан сепиш: 10 литр тоза сувга, 8-8,5 миллилитр хисобида қўшиб 2.5 сотихга сепиш керак. Моторли қўл пуркагич соз холатда бўлиши лозим.
       ОВХ ва Штангелли пуркагич билан сепиш: бунда 600 литр сувга 0,6-0,7 литр  МЕЗОСУЛЬФУРОН-МЕТИЛ НАТРИЙ 3% + ЙОДОСУЛЬФУРОН-МЕТИЛ НАТРИЙ 0,6% таъсир этувчи моддали гербицид қўшиб 2 гектар майдонга ишлов бериш керак.
        Хар қандай КИМЁВИЙ ПРЕПАРАТНИ ғалла майдонига қўллашдан (сепишдан) олдин албатта Ўсимликларни ҳимоя қилиш мутахассиси билан маслахатлашинг. БУ ОЛТИН ҚОИДА.

📢 Диққат: Пост, муаллифнинг интелект мулки. Кўчирганда пастдаги канал линки билан улашинг.

Каналга уланиш
👉  @pakhta_galla