#премьера

Бебошлик...

Изладингми мени ҳазонли боғдан?
Сўрадингми мени залворли тоғдан?
Сени интиқ кутиб чарчадим ахир,
Нега қидирмадинг болалик чоғдан?

Қайда эдинг? Сукут қийнади мени,
Гоҳо ҳижронлари сийлади мени,
Асов юрагимга қувват бўлмадинг,
Жимжитлик жимликка сайлади мени.

Битта ҳато қилсам дунё бузилмас,
Битта шўҳлигимдан ибо узилмас,
Бебошлик, вақтида келмадинг нега?
Энди асов бўлма? Бу дард тузалмас!

Қайтиб кетавергин. Чунки бир ҳато
Қилмоқлик қалбимни этади адо.
Изламагин мени. Бевақт келибсан,
Бебошлик, жонимга қилмагин жафо!

Кўклам онларимга қайтиб кет, ишон,
Ўша онлар сенга беради имкон.
Авф этгин! Кўксимга қадалиб борар,
"Кексалик" номини олган бир нишон.

Бебошлик, жонимга қилмагин жафо..!

Санобар Юсупова.
19.12.2024 йил. 18:29.

@birkamdunyosheriyat

Гўзал қўшиқ...ҳар бир сатри...юракни ёндиради❤️‍🔥

@birkamdunyosheriyat

#лирика

Интизорман...

Интизорман. Интизорлик жабр жонга.
Лаҳзаларни санаётган вақт-ку золим.
Сени мендан айро тутган ўша онга
Тасвирини чизиб бердим интиқ ҳолим.

Питирлаган юрагимдан томчилар қон,
Қайсар кўнглим эса уни шимиб қонар.
Қай бирига бўлишини билолмай жон,
Икки ўтнинг ўртасида пинҳон ёнар.

Олов ичра ингранади беҳол вужуд,
Исён қилган туйғуларнинг кўзи сўқир.
Фиғонимни осмонларга элтар булут,
Ақлим эса матонатдан ваъзлар ўқир.

Чиқолмайди ташқарига банди руҳим,
Ичкарида жангу жадал йўлин тўсар.
Беор кўнгил эса ишқла тузиб сулҳин,
Пора бўлган юрагимга тузлар сепар.

Кишанланган ҳисларимдан титрайди қалб,
Калитини тополмаган жонга жафо!
"Интизорман сенга" - дея пичирлар лаб,
Аммо, илҳақ қилган ишқда йўқдир вафо!

Интизорман. Интизорлик жабр жонга...

Санобар Юсупова.
12.12.2024 йил. 18:01.

@birkamdunyosheriyat

Бир тараф...

Муаллиф : Санобар Юсупова.

Ижрода : Бахтиёр.

@birkamdunyosheriyat

**Ташаккурнома топшириш тақдимоти аудиоси.

Тингланг, завқланинг азизлар!**

@birkamdunyosheriyat

АНВАР ГАНИЕВ ва МАВЛУДА
АСАЛХУЖАЕВА СЕВГИЛИМСАН🍀🌺🍀

@birkamdunyosheriyat

#лирика

Орзу...

Сен тоғ бўлсанг эди бағрингда унган
Мен лола бўлардим сенга ҳамнафас.
Агар денгиз бўлсанг тўфони тинган,
Тўлқин бўлиб сенла олардим нафас.

Шамол бўлсанг япроқ бўлардим шу он,
Сен учган жойларга борардим учиб.
Дараҳт бўлсанг агар чирмашиб гирён,
Чирмовуқ, бўлардим танангни қучиб.

Саҳро бўлсанг қумман, сув бўлсанг уммон,
Ер бўлсанг майсаман илдизи нафис.
Агар кўл бўлсангчи ажралмай бир он,
Нилуфар гул бўлиб яшардим тўкис.

Афсус, афсус бугун тақдир ёзиғи,
Ёлғон ҳислар билан дилни ғашлаган.
Ҳар бир банда каби умр чизиғи,
Иккимизни айро йўлга ташлаган...

Санобар Юсупова.
05.12.2024 йил. 12:04.

@birkamdunyosheriyat

@birkamdunyosheriyat

Umr hazon tashlar bemor yurakka...

?SANOBAR YUSUPOVA
? MADINAM

@birkamdunyosheriyat