هم تخبل❤️

#اشهد_ان_عليا_ولي_الله

حيدر ناموس .. علي
بيده فردوس .. علي
حيّر الكون دخيل اعيونه

يمحير الناس .. علي
يابو العباس .. علي
سورة النور علي يسمونه

علي بشر كيف بشر
الله بصفات حيدر ظهر
كل الشعر ماوصفه
محد يوصفك ياگمر

اشهد ان عليا ولي الله ...
ــــــــــــــــــــــــــــــــــــــ

وجدان الكون .. علي
واللوح والنون .. علي
علة الكون علي و وجدانه

عدلين ميتين .. علي
يمك يبو حسين .. علي
ونموت ونصيح علي مولانا

ظليت اصيح يهل العشگ
بس حب علي الحب الصدگ
صرت انت كلشي بدنيتي
ياروحي ياگلبي اليدگ

اشهد ان عليا ولي الله ...
ــــــــــــــــــــــــــــــــــــــ

حيدر قرآن .. علي
اسمه الرحمن .. علي
عالي والشوگ رسملك اية

حيدر ياحيد .. علي
انت التوحيد .. علي
فوگ الاملاك تدگ الراية

انت العظيم ياحيدرة
مرعب دخلت بخيبرة
مالك رجف من خزرتك
الواگف عليها الگنطرة

اشهد ان عليا ولي الله ...
ــــــــــــــــــــــــــــــــــــــ

ياعشگ الروح .. علي
يل كلشي تلوح .. علي
بعينك الناس شفت تكوينها

كلها تناديك .. علي
لبيك لبيك .. علي
الموتى بسمك علي تلقينها

اسمك صلاة من ينذكر
حيدر هواك اجمل عطر
قل لافتى الا علي
رددها گلبي من الزغر

اشهد ان عليا ولي الله ...
ــــــــــــــــــــــــــــــــــــــ

حبك مولاي .. علي
مخلوق وياي .. علي
انه بصياري علي وحبيتك

انت البرهان .. علي
روح وريحان .. علي
الف هنياله الحضه بحنيتك

انت الامير انت الفحل
ودخيله سيفك لو زعل
ترهب يحيدر بالصور
جواك اسد وانت الجبل

اشهد ان عليا ولي الله ...
ــــــــــــــــــــــــــــــــــــــ
✿ اداء : سيد فاقد الموسوي
✿ الشاعر :
✿تليگرام : قصائد سيد فاقد الموسوي المكتوبة والصوتية @facdy

تخبل❤️‍?

مدد يا حسن?

أسمعوا وصية الإمام الحسين عليه السلام?

??ياعلے‌

?? ...

#علي_عالي

ياعلي بچفوفك.. كلشي چان يطوفك.. هايم
هيبتك محلاها.. الله بيك اتباها.. عالم
بسمك وتقديسه.. يم ضريحك عيسى.. خادم

انت كشخت فاطمة
بيدك تلوح السمه
طه ربك كلمه بسم حيدر

صار طوفان النجف
نوح ياحيدر هتف
كتب علماي ونشف بسم حيدر

ياحيدر ياعلي دخيلك .. ياحيدر ياعلي دخيلك

بالشدد ناديتك.. امك مسميتك.. حيدر
لليحب متواضع.. بالحرايب قالع.. خيبر
بالسمه منصبينك.. والفجر منعينك.. لو طر

هذا قتال العرب
قاب قوسين وقرب
الله يغضب لو غضب علي عالي

الريح والجن والانس
بسم رداد الشمس
الخوف تارسهم ترس علي عالي

ياحيدر ياعلي دخيلك .. ياحيدر ياعلي دخيلك

وجهك الله يديمه.. ياگمر عالخيمة.. نازل
ياجمال اعيونك.. حاجبك لمتونك.. مايل
محبسك ضميته.. بالصلاة وانطيته.. لسائل

سولفوا بيك شكثر
بالحرب صيدك صگر
خلصت حتى الشعر يادخيلك

خادمك والزود الي
فدوة الك انه وهلي
انت عباس وعلي يادخيلك

ياحيدر ياعلي دخيلك .. ياحيدر ياعلي دخيلك

نتيه وانت تجيبنه.. دوم ساتر عيبنه.. بجودك
خلفت عباسنه.. هذا رفعت راسنه.. و عودك
واجبات اعلومه.. شرداها الحومة.. زودك

اسد طالع من اسد
فوگ مهره من صعد
صاح ياحيدر مدد ابو فاضل

ياامير اعله النحل
ياعشگ ماينحمل
يارحيم وياعدل ابو فاضل

ياحيدر ياعلي دخيلك .. ياحيدر ياعلي دخيلك

يادخيل الشارة.. مايرد زواره.. وضيفه
بلا درع ويقاتل.. مهره يخطف مايل.. كيفه
الفارس من يلوحه.. ماتلحگ روحه.. بسيفه

ياچبير من الزغر
مايل وياك المهر
لازم اسجدلك شكر يابو فاضل

ياگمر هسه وگبل
يمك تطيح العگل
علمتنه اعله الثگل يبو فاضل

ياحيدر ياعلي دخيلك .. ياحيدر ياعلي دخيلك

✿ اداء : سيد فاقد الموسوي
✿ الشاعر :
✿تليگرام : قصائد سيد فاقد الموسوي المكتوبة والصوتية @facdy