#БИЛАСИЗМИ:

“Саҳобалар даврида ҳалолни енгил қабул қилишган, натижада ҳаром эса улар учун қийин бўлиб туюлган. Бизнинг давримизга келиб эса бунинг акси, ҳаром ишларга енгил қараш оқибатида ҳалол ишлар қийинлашиб кетди. Мисол қилсак, бир камбағал, ҳалол яшайдиган йигит бошқа бир аёлга совчи қўйса, унга розилик беришмайди. Аммо бой, гуноҳлардан таб тортмайдиган бир фосиқдан совчи келса дарров розилик беришади сўнгра ортидан, "ажаб эмас, Аллоҳ ҳидоят бериб қолар", дейишади. Нима учун камбағал йигитга ҳам "Аллоҳ ризқини мўл қилиб қўяр", дейишмайди, ахир ҳидоят қўлида бўлган Зот ризқни ҳам кафолатига олган эмасми!? Сизларга нима бўлди, нега бундай ҳукм чиқармоқдасизлар!?”.

(Муҳаммад Ротиб Набулусий ҳафизаҳуллоҳ).
•┈┈┈┈•✿❁✿•┈┈┈┈•
👉 @suzukotaziyoratgoxi

#БИЛАСИЗМИ:
Барака Аллоҳ таолонинг аскарларидан биридир...

• Уни хоҳлаганига юборади...

— Агар молга юборса уни кўпайтиради;
— Агар жисмга юборса уни қувватли қилади;
— Агар умрга юборса уни обод этади;
— Агар фарзандга юборса уни салоҳиятли қилади;
— Агар қалбга юборса уни саодатли қилади.

• Аллоҳим! Ҳар нарсамизни баракот билан ризқлантир!
•┈┈┈┈•✿❁✿•┈┈┈┈•
👉 @suzukotaziyoratgoxi

ҲАҚИҚИЙ БАХТ

Исо алайҳиссалом бир дарахтнинг соясида дуо этиб ўтирган одамни кўриб, унга яқинлашдилар. Қарасаларки, одамнинг икки кўзи кўр, оёқлари шол, баданини йирингли яралар босган... лекин юзида ажиб бир бахт ёлқинланар, қўлларини дуога очган кўйи, ҳаяжондан титраб дуо этар эди:
-Эй, не-не бадавлатларга бермаган неъматини менга бериб, сийлаган Раббим! Сенга дунёдаги барча дарахтларнинг япроқлари қадар шукрлар бўлсин!
Исо алайҳиссалом бу одамнинг ёнига чўккалаб, сўрадилар:
-Эй, биродар, кўряпманки юриш бахтидан маҳрумсан, кўзларинг кўрмайди. Шунга қарамай, не-не бадавлатларга берилмаган неъматнинг ўзингга берилганидан сўзлаяпсан, шукрона келтиряпсан. У қайси неъматдир, менга сўзлармисан?
Одам овоз келган томонга ўгирилди:
-Биродар, Аллоҳим менга шундай қалб бермишки, бу қалб орқали Уни танидим. Шундай бир тил бермишки, бу тил билан Унга шукрлар айтаман. Ҳолбуки, дунёнинг энг қийматли бойликлари берилган неча-неча кишилар бор – қалбларида Аллоҳни танимоқ севинчи, тилларида шукр этмоқ бахти йўқдир. Аммо, ўзингиз кўриб турганингиздек, кўр кўзли, оёқлари шол, баданини йирингли яралар босган бир қулига Раббим шундай бир СЕВГИ эҳсон этмиш ва бу неъматнинг фарқига бориш тафаккурини насиб айламиш. Кеча-кундуз бунинг шукрини адо этиш билан машғулман, бу менинг бурчимдир...
Бу сўзлардан Исо алайҳиссаломнинг муборак қалблари тўлқинланди, кўзлари ёшга тўлди. У одамнинг бошини қучоқларига олиб, кўзларидан ўпдилар ва «Оч кўзларингни, эй севикли қул», дея буюрдилар. Одам кўзларини очиб, умрида биринчи бор ёруғ дунёни кўрди. Ҳаяжондан титраб, қаршисидаги Исо алайҳиссаломнинг қўлларига ёпишди ва:
-Сиз ўликларни тирилтиргувчи, хасталарга шифолар бахш этгувчи, мўъжизалар соҳиби Исо алайҳиссаломмисиз? – дея сўради. Тасдиқ жавобини олгач, йиғлаб, Раббига яна шукрлар айта бошлади. Исо алайҳиссалом унинг елкаларини силаган эдилар, баданидаги йирингли яралар ғойиб бўлди. Қўлларидан тутиб, «Тур ўрнингдан» деган эдилар, шол оёқлар жонланди. Одам хурсандчиликдан бир он ўзини йўқотиб қўйди. Кейин ўзига келиб, дедики:
-Эй, Аллоҳнинг набийси! Сиздаги бу мўъжизаларнинг ҳам Яратганнинг Ўзи бермишдир. Мени сизга йўлиқтирган ва шифо берган ҳам Удир. Шундай экан, изн беринг, мен шукр этмоққа кеч қолмайин. Ўзига қанча шукр қилсам ҳам камдир...
Одам юзини тупроққа қўйиб:
-Раббим! Сени таниган бир қалбнинг, шукр этгувчи тилнинг шукрини муносиб адо этишдан ожиз ҳолимда, менга кўргувчи кўз ва юргувчи оёқлар, сиҳҳатли бадан ҳам лутф этдинг. Бу беназир неъматлар шукрини қандай адо этишни билмайман, ўзинг ёрдам бер, ё Раббим! – дея йиғлай бошлади.
Бу орада атрофда тўпланган халойиқ Исо алайҳиссаломнинг яна бир мўъжизаларини ўз кўзлари билан кўрган ва у зотнинг қўлларини ўпмоқ учун бир-бирларини итариб, ғала-ғовур кўтарар эдилар. Аллоҳнинг набийси қўлларини юқори кўтариб, халойиқни тинчлантирдилар ва:
-Менинг эмас, мана бу саждадаги одамнинг қўлларини ўпинглар. Уни саждага бош қўйдирган ва тилини шукрга тўлдирган неъматларга биз туғилганимиздан бери соҳибмиз. Аммо ҳеч биримиз у туйган бахтни туёлмадик! - деб йиғладилар.

•┈┈┈┈•✿❁✿•┈┈┈┈•
👉 @suzukotaziyoratgoxi

#АУДИО ?

*Қалбларимиз Аллоҳнинг каломи ила нурларга тўлсин!

Сафиуллоҳ қори
"Каҳф" сураси.?*Расулуллоҳ соллаллоҳу алайҳи ва саллам шундай деганлар:
“Ким жума куни Каҳф сурасини ўқиса келаси жумагача ундан нур таралиб туради”.
(Байҳақий “Сунанул кубро”да (5996) ривоят қилган):•┈┈┈┈•✿❁✿•┈┈┈┈•

Маълумот учун: Каҳф сураси (арабча: سورة الكهف, номининг маъноси — Ғор) — Қуръоннинг 18-сураси. Маккий суралардан бири, 110 оятдан иборат. Бу сура Қуръоннинг 293–304-саҳифасида ва 15-16-жузида жойлашган. 69-бўлиб нозил бўлган.

•┈┈┈┈•✿❁✿•┈┈┈┈•?Instagram | Facebook | Youtube |Telegram

#АУДИО ?

Устоз, Саййид Аюбхон қори хафизаҳуллоҳнинг гўзал қироатлари:?
«ЯСИН СУРАСИ»Тафсир ва маъноларини ўқиш учун ?киринг!Яқинларингиз ва дўстларингизга улашинг.
•┈┈┈┈•✿❁✿•┈┈┈┈•?Instagram | Facebook | Youtube | Telegram

#АУДИО?
Қалбларимиз Аллоҳнинг каломи ила нурларга тўлсин!
«МУЛК» сураси?*
Устоз, Саййид Аюбхон қори хафизаҳуллоҳнинг гўзал қироатлари.
•┈┈┈┈•✿❁✿•┈┈┈┈•?*Instagram | Facebook | Youtube | Telegram

ТАШВИШ ИЗТИРОБЛАРИАмир Аҳмад ибн Тулун баъзи-баъзида масжидга бориб меҳробдаги имомларнинг қироатига қулоқ солиб турар эди. Бир куни ходимларидан бирини чақириб деди:
- Фалон масжидга бор. Унинг имомига мана бу динорларни бер!

Ходим айтади:
«Мен имомнинг олдига бордим. Унга пулни бермасдан у билан узоқ гаплашиб ўтирдим. Имом аҳволидан шикоят қилди. Хотини туғиш арафасида экан. Унинг пули йўқ экан.
Сўнгра у намоз ўқиб берди. Намозида кўп хато қилди. Намоздан сўнг мен унга пулни бериб қайтдим. Ибн Тулунга бўлган воқеани айтдим. Ундан сўрадим:
- Эй амир! Унинг муҳтож эканлигини қаердан билдингиз?

Ибн Тулун деди:
- Мен унинг ортида кўп намоз ўқиганман. У хато қилмас эди. Кеча кўп хато қилди. Билдимки, хаёли қандайдир ташвиш билан банд. Унинг ташвишини кетказмоқчи бўлдим!».
Нақадар аччиқ унинг аламлари!
Нақадар ўзгарувчан бу олам!

Гоҳида энг сабрли инсон ҳам ҳайратдан қотиб қолади. Энг покиза инсонлар гоҳида ёрдамга муҳтож бўлади. Уларга раҳм қилайлик!
Оиша онамиз розияллоҳу анҳо бир куни Расулуллоҳ соллаллоҳу алайҳи васалламдан энг ёмон ва аламли кунлари қайси эканлиги ҳақида сўрадилар. Онамиз ўйлар эдиларки, у кишининг энг оғир кунлари Уҳуд кунидир.
Чунки у кунда суюкли амакиларини йўқотдилар, бир қанча саҳобаларидан ажралдилар. Олд тишлари синдирилди!
Аммо Расулуллоҳ соллаллоҳу алайҳи васаллам Оиша розияллоҳу анҳога Тоиф куни ҳақида гапирдилар. Ўшанда тошбўрон қилинган эдилар. Оёқлари қонга беланган, бошлари қуйи, қаерга боришни билмай қолган эдилар. Ота-онам ва жоним фидо бўлсин Набиййимга!

Ана шу ҳолда юриб фақатгина Қарнус саъолиб деган жойдагина ўзларига келдилар.
Кишиларнинг ёрдам бермаслиги ниҳоятда аламли. Набийларни эгилтириб қўйган кулфатлар оддий бандаларни эгмасинми?!
Гоҳида бир танишингиз сизнинг олдингиздан салом бермасдан ерга боқиб хаёл билан ўтиб кетса унга раҳм қилинг. Эҳтимол, қарзи бордир. Эҳтимол, чидаб бўлмас дарди ва алами билан банддир. Дарди билан бўлиб сизни кўрмай қолгандир!

Бир кишининг олдига ишингиз тушиб бордингиз. Уни ҳоли негадир ўзгача. Аввалгидек эмас. Уни дарров маъзур деб билинг. Эҳтимол бошига сизнинг ташвишингиздан кўра каттароқ ташвиш тушгандир. Эҳтимол унинг жароҳатлари бошқаларга ҳамдард бўлишга йўл бермаётгандир!
Ҳассос ва эътиборли бўлинг. Эҳтиёжи борлигини инсонларнинг юзидан билинг. Имконингиз бўлса уларга ёрдам беринг. Инсонлар маҳзунлигини уларнинг овозидан англашга ҳаракат қилинг. Уларни суянг. Бошқаларга эҳтиёжини айтиш кишиларга ниҳоятда оғир. Уларни сўрашдан озод қилинг!

•┈┈┈┈•✿❁✿•┈┈┈┈•
? @suzukotaziyoratgoxi

#АУДИО ?

Қалбларимиз Аллоҳнинг каломи ила нурларга тўлсин!
Меҳмонимиз Нурмуҳаммад қори қироати:?
“Фотиҳа” ва "Каҳф" суралари**.

Маълумот учун: Каҳф сураси (арабча: سورة الكهف, номининг маъноси — Ғор) — Қуръоннинг 18-сураси. Маккий суралардан бири, 110 оятдан иборат. Бу сура Қуръоннинг 293–304-саҳифасида ва 15-16-жузида жойлашган. 69-бўлиб нозил бўлган.
•┈┈┈┈•✿❁✿•┈┈┈┈•
​​Расулуллоҳ соллаллоҳу алайҳи ва саллам шундай деганлар:
“Ким жума куни Каҳф сурасини ўқиса келаси жумагача ундан нур таралиб туради”.
(Байҳақий “Сунанул кубро”да (5996) ривоят қилган):

Яқинларингиз ва дўстларингизга улашинг.
•┈┈┈┈•✿❁✿•┈┈┈┈•?Instagram | Facebook | Youtube |Telegram

#АУДИО ?

Устоз, Саййид Аюбхон қори хафизаҳуллоҳнинг гўзал қироатлари:?
«ЯСИН СУРАСИ»Тафсир ва маъноларини ўқиш учун ?киринг!Яқинларингиз ва дўстларингизга улашинг.
•┈┈┈┈•✿❁✿•┈┈┈┈•?Instagram | Facebook | Youtube | Telegram

​​#НАМОЗ_ВАҚТЛАРИ:

Ҳижрий 1446 йил 15 - “Жумадул аввал”16- Ноябрь 2024 йил.
ТОШКЕНТ ШАҲРИ УЧУН: ? Тонг - 05:49 (Саҳарлик вақти)*? Қуёш - 07:12
? Пешин - 12:07
? Аср - 15:21
? Шом - 17:08 (Ифторлик вақти)? Хуфтон - 18:22

Тошкентдан олдин: Ангрен–3/4, Андижон–12/13, Хонобод–14/15, Шаҳрихон–10/12, Хўжаобод–13/13, Наманган–9/10, Поп–6/7, Чортоқ–10/10, Чуст–8/8, Фарғона–9/11, Риштон–6/9, Қўқон–6/7, Қува–10/12.

Тошкентдан кейин: Бекобод–2/0, Бухоро–22/19, Газли–26/23, Ғиждувон–21/19, Қоракўл–25/23, Гулистон–4/2, Сардоба–5/4, Жиззах–8/6, Зомин–6/4, Фориш–10/9, Ғаллаорол–9/7, Навоий–18/16, Зарафшон–20/18, Мингбулоқ–26/24, Конимех–19/17, Нурота–16/15, Учқудуқ–22/23, Нукус–37/39, Мўйноқ–38/43, Тахтакўпир–34/37, Тўрткўл–32/30, Қўнғирот–40/43, Самарқанд–12/8, Иштихон–14/11, Мирбозор–16/13, Каттақўрғон–15/13, Ургут–11/9, Термиз–10/6, Бойсун–14/9, Денов–9/2, Шеробод–13/7, Шўрчи–10/6, Қарши–19/14, Деҳқонобод–17/11, Муборак–20/15, Шаҳрисабз–13/10, Ғузор–18/12. Урганч–35/35.
•┈┈┈┈•✿❁✿•┈┈┈┈•?Instagram | Facebook | Youtube |Telegram

«Сузук ота» жомеъ масжиди намоз вақтлари: ?*?***