Хөрмәтле райондаштар! Бөгөн, 1 октябрь көнө, контракт ваҡыты тамамланыу сәбәпле мин вәкәләттәремде һалам һәм киләһе срокка контрактты оҙайтмаҫҡа тип ҡарар иттем. Яҡын арала район Хакимиәте башлығы вазифаһын биләүгә конкурс иғлан ителәсәк. Киләсәктә районыбыҙҙы лайыҡлы шәхес етәкләп алып китер, тип ышанам.
Ҡәҙерле райондаштар! Бергә эшләгән осорҙа районыбыҙ мәнфәғәтенә төрлө эштәр башҡарылды. Һеҙҙең ярҙам менән районыбыҙ һәр яҡлап үҫешһен өсөн ҡулдан килгәндең барыһын да эшләргә тырыштыҡ. Бөгөнгө еңел булмаған осорҙа миңә ышаныс белдереп, эшләргә мөмкинселек биргән Бөрйән районы халҡына сикһеҙ рәхмәтемде еткерәм. Барығыҙға ла именлек-һаулыҡ, ғаилә бәхете, уңыштар теләйем! Тыуған еребеҙ артабан да сәскә атһын, үҙ-ара татыулыҡ, берҙәмлек көслө булһын!
Уважаемые земляки! В связи с истечением срока контракта, я с 1 октября 2024 года сложил полномочия главы Администрации муниципального района Бурзянский район и решил не продлевать контракт на следующий срок. В ближайшее время будет объявлен конкурс на замещение вакантной должности. Уверен, что должность займет достойный руководитель.
В период совместной работы во благо нашего района сделано не мало. От всего сердца хочу поблагодарить жителей района за оказанное мне доверие и поддержку в этот сложный период. Всем желаю доброго здоровья, семейного счастья, и успехов. Пусть наш район процветает, будьте солидарны и едины!

Оло йәштәге граждандарға иғтибар һәм ихтирам күрһәтеү, уларҙың хеҙмәттәрен таныу йәһәтенән октябрҙең тәүге көнөндә Халыҡ-ара ололар көнө билдәләнә. Ошо уңайҙан районыбыҙҙың барлыҡ оло быуын вәкилдәренә рәхмәт һүҙҙәрен белдереп байрам менән ихлас ҡотлайым!
Һеҙ үҙегеҙҙең тормош юлын Тыуған еребеҙҙең үҫеше хаҡына фиҙакәр хеҙмәткә бағышланығыҙ. Бөгөн дә районыбыҙҙың йәмәғәт тормошонда әүҙем ҡатнашыуығыҙ, гражданлыҡ позицияғыҙ, тәжрибәгеҙ беҙгә өлгө булып тора. Бай йолаларыбыҙҙы һаҡлап, уны йәш быуынға еткереүҙә индергән өлөшөгөҙ ҙур әһәмиәткә эйә.
Байрам айҡанлы Һеҙҙең барығыҙға ла ныҡлы һаулыҡ, рух күтәренкелеге, бәхетле ҡартлыҡ һәм һәр көндөң тәмен-йәмен татып, оҙон-оҙаҡ ғүмер кисереүегеҙҙе теләйем!

Бөгөн Иҫке Монасип дөйөм белем биреү мәктәбендә «Мәғариф» милли проектының «Заманса мәктәп» төбәк проекты сиктәрендә булдырылған "Үҫеш нөктәһе" асылды.
Бындай үҙәктәр ойоштороуҙың төп маҡсаты - ауыл ерендә белем биреү сифатын күтәреү, техник һәм тәбиғи фәндәрҙе ҡыҙыҡлыраҡ һәм төптәнерәк өйрәнеү, өйрәтеү өсөн шарттар булдырыу. Заманса ҡорамалдар менән йыһазландырылған үҙәк "Физика", "Химия", "Биология" фәндәре буйынса лаборатор эштәрҙе юғары кимәлдә үткәрергә, уҡыусыларға һәм педагогтарға ижади яҡтан үҫешергә, һәләттәрен асырға мөмкинлектәр бирәсәк. Заман талабы - һәр яҡлап үҫешкән, алған белемен төрлө өлкәлә ҡуллана белгән егет һәм ҡыҙҙарҙы тәрбиәләү. "Үҫеш нөктәһе" үҙәге ошо маҡсатты бойомға ашырырға булышлыҡ итһен.