እንዴት ናችሁ ቤተሰብ? በዓል እንዴት አለፈ?

ምን እንጨምር ወይ እንቀንስ? ምን ይስተካከል?

Let me know what you think via @yonis_home_bot

🖤

መልካም በዓል!

በየዕለቱ የትንሳኤውን ምስጢር እና ኃይል ለመረዳት እንትጋ!

🖤

ፍቅረሥላሴ ወግደረስ ለመንግሥቱ ኃ/ማርያም እንዳሸበሸበው ምንም ብታጠፉ የሚያሸበሽብላችሁ ታማኝ ጓደኛ ይስጣችሁ!

መልካም ቀን!
በላባችሁ ለምታድሩ ደግሞ መልካም የላብ አደሮች ቀን!

😅

Let's just hope we will meet again, my lovely people!

💛🌼

ዛሬ እሁድ ነው!

በጠዋት ተነሱ፣ ሙቅ ሻወር ውሰዱ፣ ቀለል ያለ ቁርስ ብሉ [Preferably ሽሮ ፍትፍት for your hangover 😅 ጁስ ጠጡ ስትባሉ አትሰሙ መቼስ]፣ በእጣን የታጀበ ቡና እየጠጣችሁ የዳዊት ቸርነትን "ጽዮን" ስሙ፣ ከዚያ ቤተክርስቲያን ሂዱ።

አንቂያችሁ ዮናታን ነኝ ከሐዋሳ ጊዜያዊ የስርጭት ጣቢያ። ደስ የሚል ቀን አሳልፉ!
💙

[ A Hymn About Hymn 🎶 ]

እሱ
ንጉሡ
ዝምታ ቢሆንም ፥ አንዳንዴ ምላሹ
ቅኔ ነው ጠረኑ ፥ ግጥም ነው ትንፋሹ
ሲሰባበር ልቤ ፥ ስከፋበት ልጁ
ዳስሶ ሚያፅናናበት ፥ ሙዚቃ ነው እጁ!

ቅድም ዋቢ ሸበሌ ሆቴል አጠገብ ሎምባርዲያ ካፌ ያለበት ሕንፃ እየፈረሰ ነበር። ሲያፈርሱት ረዥም ደቂቃ ቆሜ አየሁ። ለምን እንደኾን እንጃ የምር አዘንኩ ፥ እምባ እምባ አለኝ። አንድ ሁለት ቀን እሷን እየጠበቅኹ ማኪያቶ የጠጣኹበት ቦታ ሲፈርስ እንዲህ ካዘንኩ ብዙ ትዝታ ያላቸው ሰዎች እንዴት ያዝኑ ይሆን ብዬ አሰብኩ። ግን ደግሞ እኔ ብቻ ልሆንም እችላለሁ ያዘንኩት because I'm a sensitive አስ ኒጋ - አላውቅም ብቻ። Maybe I'm just being a grumpy granny who hates change.

ቅድም በስንት ጊዜዬ ፒያሳ ሄጄ እንደገጠር ልጅ ተደነባበርኩ። ፒያሳ ተቀያይሯል። ታክሲ ተራውን ፍለጋ ከላይ ታች ስባዝን ነበር። It seems that half of the ፒያሳ I love is no more there. የምወዳቸው፣ የሚመስጡኝ እና በጥቂት ትውስታም ቢሆን ከአዕምሮዬና ከልቤ ጋር connected የሆኑ ቦታዎች አሁን በብዛት የሉም። ወደሌላ፣ ምናልባትም "ወደተሻለ" ቦታነት ተቀይረዋል።

እና ከ4 ኪሎ ሜክሲኮ ወክ እያደረግኩ ብዙ ለውጦችን notice አደረኩ። አምባሳደር እያየነው ከሞቀ መንደርነት ወደ ፍርስራሽነት ተቀይሯል፣ ኪዳኔ በየነ ሕንፃ ግራጫ ቀለም እየተቀባ ነው፣ የሜክሲኮ ደብር የሆኑት መጻሕፍት መሸጫ ሱቆች ፈርሰዋል፣ ሌላም ብዙ ብዙ ...

ምናልባት ታሪክ ለእኔ ያለውን ያህል ሬለቫንስ ለሌላው የለውም ይሆናል። ወይም ጥሩ ነገር ይሆናል እያደረጉ ያሉት። ምናልባት nostalgia የምናስበውን ያህል ጥሩ ነገር አይደለም ይሆናል። አላውቅም! እዚህ ሀገር የሚሻለን ሳያስቡ እና ምንም ሳያውቁ መኖር ነው አባቴ ~

➖ የገጣሚው ኑዛዜ! ➖

"ሃሳብ አልጎደለን ፥ እርዕስ አላጣን
ለሴት የምንገጥመው ፥ ኧረ ምን በወጣን?
ሐቀኛ ገጣሚ ፥ ግጥሞቹን ባይመርጥም
ስለሴት ብቻ ግን ፥ አይጻፍም ግጥም!"

ብዬ እየተቆጣኹ ፥ ስንቱን ሰው ሳሞኘው
ስለ`ሷ እየገጠምኩ ፥ እራሴን ላግኘው?

፨

ቃል ሆኗት እንጎቻ ፥ ባትጎርሰው እንደእራት
ስንኝ ጥለት ሆኖ ፥ ምን ባያሳምራት
ሆኗት ድሪና አምባር ፥ ባይሸልም ባይኩላት
ኧረ እንኳን ጻፍኩላት ፥ እንኳን ገጠምኩላት!

፨

ደስታ እንደመቸሯ ፥ እንደ ወርሃ ጥር
ነፍስ እንደማሞቋ ፥ በተጠጓት ቁጥር
እንደጠዋት ፀሐይ ፥ እንደመለስለሷ
እውን ይበዛል ወይ ፥ አንድ ግጥም ለ`ሷ?

፨

ምን ዛሬ ብታገል ፥ ብዬ "ቃል አላጥፍም"
ቀለም ባያስደፋኝ ፥ የፍትወቱ ፍም
በቃሌ ፀንቼ ፥ ስለሴት ባልፅፍም
የ`ሷ ሴትነት ግን ፥ ከሕይወት አይገዝፍም?

፨

ቢያስውባት አብልጦ ፥ ፈጣሪ እያዳላ
ምንም ቢሆን እንኳን ፥ ዳሌዋ ሞንዳላ
ዐይኗ የተኳለ ፥ ጎፈሬዋም ችምችም
ይኼን ግን አውቃለሁ ፥ ሴት ብቻ አይደለችም!

፨

በመላ ሸሽጌ ፥ በታይታ አዳፍኜ
ከሳቅ ቡቱቶ ሥር ፥ የያዝኳት ሸፍኜ
ገፄን የነቀሰች ፥ በእሳት ነበልባል
አለችኝ ጠባሳ ፥ ሕይወት የምትባል!