እኔ...
የውስጤን ችዬ ፥ የማላብራራ
አፈ-ላሁጫ ፥ ልበ-ጨብራራ
አምላክ ላይ እንኳን ፥ ጅንን ቀብራራ
ሟች የነበርኩኝ ፥ እግዜር ባይራራ!

እኔ...
ስንኩል መልከ-አምላክ ፥ መንፈሰ-ክልስ
ነፍሱ ሸካራ ፥ ምላሱ ልስልስ
ድቅል ተክል ነኝ ፥ ስንዴና እንክርዳድ
የተዘራ አብቃይ ፥ የሆዴ ሁዳድ!

እኔ...
ለሥጋ ታጋይ ፥ ለቅንጥብጣቢ
ገላው ቆሽሾ ፥ ስሙን አጣቢ
ሕይወት ትርዒት ፥ ኑሮም ድራማ
ሲገበርለት ፥ ጀማው ከራማ

የሙጥኝ ብዬ ፥ ያዳም ከል ቅርሴን
እንኳን ወዳጄን ፥ እንኳን ራሴን
አምላኬን እንኳን ፥ ምንኛ አለፋሁ
ስጠፋ አገኘኝ ፥ ሲያገኘኝ ጠፋሁ!

አትራራልኝም ፥ ዓለም አጅሪት
ክብ ሆኖብኛል ፥ ሕይወት አዙሪት
ኢያሪኮዬን ዛሬም ፥ ልዙረው
ትላንቴን አይደል ፥ ነገ ምኖረው?ባሮጌ አንቀልባ ፥ ነፍሴን አዝያት
ሾልካ ጭቃ ላይ ፥ ስትወድቅ እያት
ቀኔ ሲጓደል ፥ ሲርቀኝ ቆሌ
"ሆሳዕና" ነው ፥ ኦሜጋ ቃሌ
"አሁን አድን" ነው ፥ ፍጻሜ ቃሌ!አሁን አድነኝ...በጆችህ ልዋል ፥ ሁነኝ ጠራቢ
አንፀኝ ጌታ ፥ አድነኝ ረቢ
አድክመኝ ላለም ፥ ቆሜ ላለክልክ
አሳደህ ያዘኝ ፥ በሽሽቴ ልክ

አሁን አድነኝ...
ፈውሰኝ ረቢ ፥ እስቲ ላገግም
ዕምባዬን አብስ ፥ አላልቅስ ዳግም
መሮጥ ቢያቅተኝ ፥ በስሱ ላዝግም

አሁን አድነኝ...
ይደገፍ በጅህ ፥ መንገዳገዴ
ዋጀው ዕድሌን ፥ ይግደድህ ገዴ
በእቶን አባብለኝ ፥ አልሁን ለጋ
ሞት ደጃፍ አልሂድ ፥ ሕይወት ፍለጋ!
አሁን አድነኝ...ይፋፋም እንጂ ፥ ሕቅ እንቅ ትግል
ሥጋና ነፍሴን ፥ አላሸማግል
እንኳን ገላዬ ፥ ሃሳቤ አይዘሙት
ዓለም ትሙተኝ ፥ ለዓለም ልሙት!
አሁን አድነኝ...ክንፌን ስበረው ፥ ይብቃ መክነፌ
ሥጋ ይሸነፍ ፥ በመሸነፌዓለም ትርበድበድ ፥ በመርበድበዴ
እነሆኝ ፊትህ ፥ መንታ ወንበዴ
ነፍሴን በግራ ፥ ሥጋዬን በቀኝ
እመስቀልህ ጎን ፥ ባክህ ጠርንቀኝ!
ምኞት ሹክሹክታው ፥ ሲነዘንዘኝ
በፍቅርህ ገድለህ ፥ እስቲ ገንዘኝ!

አሁን አድነኝ...
ምኞት ሲንጣት ፥ ሲያርገፈግፋት
መልሳት ነፍሴን ፥ ልቤን ደግፋት
በብሉይ ፍቅር ፥ በአዲስ ኪዳን
ለመኖር ልሙት ፥ ለመሞት ልዳን!

ያው ስልኬ እየለየላት ስለሆነ ሰሞኑን ቁጭ ብዬ ፋይሎቼን backup ሳደርግ ነበር። ልክ እንደዚህ ያሉ ለሦስት ዓመት የጻፍኳቸውን Nonsense የሆኑ ጽሑፎቸ፣ ብሶቶች፣ ያልተላኩ ቴክስቶች፣ የማያስቁ ቀልዶች እያየሁ ስፍታታ ነበር።

አንዳንዶቹ ያስቃሉ፣ አንዳንዶቹ አለማሳቃቸው ያስቃል፣ አንዳንዶቹ ያናድዳሉ፣ አንዳንድቹ ምንም ትርጉም የላቸውም፣ አንዳንዶቹ ለማን እንደሆኑ እንኳን የማላስታውሳቸው ቴክስቶች ናቸው፣ አንዳንዶቹ ደግሞ በጊዜው የነበርኩበትን ስሜት ያስታውሳሉ፣ አንዳንድቹ ስጽፋቸው የነበርኩበትን ቅጽበት ጥርት አድርገው ያሳታውሱኛል። ብቻ ደስ ይላል ሁሉንም አልፈው ወደ ኋላ መለስ ብለው ሲያዩት። እና ዝም ብዬ ላካፍላችሁ ፈለግኩ። They will be deleted soon, I guess!

መልካም ምሽት!
😎

እሺ... ሰይጣን ራሱ ከፍቶ ወስዶት ካልሆነ በቀር እንዴት ነው አንዱ ጆሮ Airpod ብቻ ተለይቶ ከኬዙ ውስጥ የሚጠፋው?

?

በ ቃ ኝ !
                         °
                          °
                          °
አንዳንዴ - አንዳንዴ ብቻ
ሕመሜ ደርሶ ያገረሻል
`ሞታለሁ መኖር ስጀምር
         ፀሐይ ስትወጣ ይመሻል!

°

ሕልም አገኘሁ ስል በሌሊት
ቅዥት ታቅፌ ስነቃ
ቅዠቴን ሕልም ላደርገው       
በከንቱ ፀጉር ስንጠቃ
ላንድምታ ባስቆም ጉባዔ
ብፈክር ባስተነትነው
ሌላ ጥልቅ ፍቺ የለውም
ቅዠቴ በቃ ቅዠት ነው!

°

በሆታ የጀመርኳት ቀን
በእህታ ይኸው ተቋጭታ
ያስቀኝ ጀመር እምባዬ
መዝሙሬ ሆነኝ ኤጭታ!
አንጀቴን ይቆርጠኝ ጀመር
ብሶቴን ሆዴ ብከተው
እግዜርም እንደ ወዳጄ
ሕመሜን መስማት ታከተው?
ለፈውሴ ነበር እኔማ
በሽሽግ ሌት ያለቀስኩት
የዘነጋኝን ደሕና
ደግሞ በ`*ምባዬ ቀሰቀስኩት?

°

ከፊቴ ቀድሞ ሲመራኝ
ጥላዬ አካሌን ቀድሞት
ሞትኩኝ እላለሁ ሳልኖር
ኖርኩኝ እላለሁ ብሞት?
ብለውኝ ነበር በተረት
"አይጠራም ካልደፈረሰ"
ስደፈርስ ነው የኖርኩት
መጥራቴስ ምን ላይ ደረሰ?

°

ከእንግዲህ ምንስ ይመጣል
ፍራሹን ወዴት ታፈርሰው?
እንደ አምላክ ባትሳሳትም
ልክ አይደለህም እንደ ሰው!
ምን ላድርግ እንዳላስብህ
ምን ልሳል እንትረሳኝ
መሻቴን ባትሰጠኝ እንኳን
ምናለ በወግ ብትነሳኝ?

°

ምን አጎድላለሁ ብትተወኝ
ለዕድሌ ለፍጥርጥሬ?
እንዳልቀር ሆንክብኝ እሳት
እንዳልሄድ ሆንክልኝ አጥሬ

°

የለውም ወይ ልክ ~ ለአምላክ?
የለውም ወይ ጡር ~ የፍጡር?

°

ብሶ ከነዲድ ወላፈን
ውኃህ እንዲህ ከላፈን
እንዴት ይጠብስ ይሆን ሲኦልህ
እንዴት ሊያንገበግብ እሳትህ?
ማስታወስህ እንዲህ ከሆነ
እንዴት ሊያደርገን ነው መርሳትህ?

°

ጠላት የሌላት ይመስል
የሚሻ ሊሰለቅጣት
ምን የሚሉት ብኂል ነውሳ
ነፍስን በሥጋ መቅጣት?

°

መቼስ ባልታደል አይደል
ለሕይወት እኔክሽ እኔካ?
በጣትህ እንደው ቅንጦት ነው
እስኪ በሰይፍህ ልነካ!

°

በቃኝ!
በቃኝ!
በቃኝ!
ሲነጋ ለጣር አታንቃኝ!

°

ላትመልስ ምልጃ ፀሎቴን
የእንብርክክ አታመላልሰኝ
የሌለሁ ልሁን በፊትህ
በቃ እርሳኝ ላታስታውሰኝ
በ`ምባዬ የምከፍለውን
እፍኝ ሳቅ ተው አታውሰኝ
ትገድለኝ እንደኹ ግደለኝ
ትፈውስ እንደኹ ፈውሰኝ!
°
°
°
በ ቃ ኝ* !

እንዴት ናችሁ ቤተሰብ? በዓል እንዴት አለፈ?

ምን እንጨምር ወይ እንቀንስ? ምን ይስተካከል?

Let me know what you think via @yonis_home_bot

?