القناة الرسمية على التلكرام ?✔
استمتــع بـــــالمـشاهدة
•┊اشعار
•┊اقتباسات
•┊فيديوهات
•┊قصائد
✹ لــنشر الاعلانات $ : @YYMMKL
Last updated 1 month, 2 weeks ago
- شلك بروحك تعال بروحي عيش .
- لطلب تمويل تواصل ← : @ooooow
- قناة التمويلات : @xxxxzz
Last updated 1 month, 2 weeks ago
- انا مُتناقِضه اُحاوِل نسيَانك واكتبُ عنكَ .
طلب التمويل @XX3X2
Last updated 2 months, 2 weeks ago
أحفاد الشجره الملعونه _ والعدهم وجهين .
يسّبون الحره الميمونه _ بغضاً بالنورين.
فرعوني وشيطاني _ هالفعل السفياني
بغضاً بالنورين
_____
للعرب عادات چانت _ منها للميدان أصوله
اليحرگ إخيام الحراير _ وتسحگ الرضع خيوله
ويمنع الماي أعله خصمه _ هذا خالي من الرجوله
وجيش أل أميه بكربله _ من آخره حد أوله _ ابشع مِن اوحوش الفله_ اقسم بالله ورسوله
حاقد عالكرار وآله _ يطلب حيدر دين
عطشانه يخليها اعياله _ يگطع نحر حسين
طاغوتي وعدواني _ هالفعل السفياني
بغضاً بالنورين
__
معركة عاشر محرم _ كشفت اخلاق البغايه
الذبحت ابن الزهره ضامي _ إبلا دفن خلت ضحايه
الرووعت گلب اليتامى _ وتأخذ الخدر سبايه
ذرية الهادي النبي _ بطف المنايا تنسبي _ من الشمس حمره العبي _ أعله الهزل آل الهدايه
يالوعه التشبه هاللوعه _ وين العالم وين
زينب مهضومه ومفجوعه _ وهيه اخت السبطين
صاحت يا شرياني _ هالفعل السفياني
بغضاً بالنورين
_____
الوسوس الشيطان الها _ وبايعت أبن الدعيه
وحاربت قرآن ناطق _ وذبحته بالغاضريه
أسست للجور والشر _ ومهدت للجندريه
هالامة تتحمل وزِر _ لتبرر ولا تعتذر _ چم طاغي خلقت چم شمر _ وچم مصيبه الها ورزيه
اسباب المأساة الكبره _ نلخصها بشطرين
اتباع الخمار وشره _ واتباع الشيخين
انقلها بوجداني _ هالفعل السفياني
بغضاً بالنورين
______
لولا أفعال ال اميه _ المو رشيده ولا حميده
ما تجاسر هالوضيع _ ومزگ القرآن بيده
لكن إيقلد فعلهم _ وهالجرايم مو جديده
مدرسة هند الفاحشه _ اتخرج بشر متوحشه _ مسعوره عالناس وحشا _ السامع الواله الصميده
مدرسة التغتال الحمزه _ يخجل منها الشين
عنوان الطاغوت ورمزه _ ما تملك أي زين
والرايد برهاني _ هالفعل السفياني
بغضاً بالنورين
_____
بهالمجالس والمآتم _ ننصر السُنه الصحيحه
ونكشف الملعون مِعقل _ ونفضح الفكره القبيحه
من علي عدنه شجاعه _ أحنه اتباعه الصريحه
صوت المجالس يعتلي _ سلمٌ ٌلمن سالم علي _ حرب ٌ لمن خان الولي _ ويهضم اللبوه الجريحه .
احرار تعلمنه من الطف _ لو دارت صوبين
ما نتخاذل عن المصحف _ والضحه بچفين
والنهج القرآني _ هالفعل السفياني
بغضاً بالنورين
__
للمصايب والنوايب _ زينب الحوراء مركز
ثكلى مسبيه وغريبه _ وچالجبل حاشاها تهتز
لكن اهتز كل گلبها _ للطفل من شافته فز
ينشدها عن حامي الضعن
ليـــــش الخيــام اتلاهبن
ليـش الحـــــــرم يتسلبن
اتحيرت أم المصايب _ وللنهر دارت وجهها
الحمد لله
محمد هادي المجتومي
?
?
?
أيام – ما أنساهــا
أيام – ما أقساهـا
يوم المحسن والباب --- ويوم الطف والمحراب
أيام – ما أقساها
آنـــي الهاشمـيـــــه زينـــب الحوراء
عگب عيــن البتول وفارس الهيجاء
حياتــي أبـلا حيــاة من الألف للياء
أحزان وضلع , هامــه وچبد وأشلاء
لليوم – جمره بضلعي
لليوم – يهمــل دمعي
من وصه الهادي وغاب --- ويوم الطف والمحراب
أيام – ما أقساها
مُـضه عمري وگضه شده أقسه من شده
وسطرات الدهـــــر وحــده بأثــر وحـده
فتــح بــاب الحـــزن , بــاب الفـرح سده
وجرح المحسن وضلـــع أمـي شيضمده
لازال – يتــراوالـي
لازال – شاغل بالي
ضلع الزهره الما طاب --- ويوم الطف والمحراب
أيام – ما أقساها
مسح دمعــــي أبـــوي بلطفـــه وبعطفه
وبأمان اللـه وأمانــه عيونـــي مـن تغفه
بس يا حيـــف أگــول ويا ألـــف وسفـه
أنطبــر راس القلـــع بــاب الكفـــر چفـه
كرار – شيبه أتخضب
كرار – حيـف أتصوب
من غدرونه الأصحاب --- ويوم الطف والمحراب
أيام – ما أقساها
عله أمصاب الصميــده والبتول أمي
گلت أصبــر يدنيــا أشمــا ثگـل همي
ما دام الهواشـــــم والحســــــن يمي
بجال المجتبى زينـــب يظــل أسمي
واللـه – شاغت روحي
واللـه – زاد أجـروحي
يوم البي چبده أنصاب --- ويوم الطف والمحراب
أيام – ما أقساها
غريــبـه بكربلــه وأهموم العّـلـيـّـه
بكثر طعنات اخوي ألف وتسعميه
فوگ التــل صحت حيّهم , وداعيه
أخيــام أتلاهبــت والحـــره مسبيه
وأيتام – زادت همـــي
وأيتام _ تصـــرخ يمـي
من أسيـاط السلاّب--- ويوم الطف والمحراب
أيام – ما أقساها
أبـــد مــا حسّبــت بالغربــــه أتيسر
وآنـي أخـت الگمـر ومخـدرة حيدر
گلبي أعله اليتـامى وعيني عالخدّر
أواسي أم الرضيـع وأم علي الأكبر
بالشام – للـعـافـــونـي
بالشام – درت أعيوني
وكل نظره وياها أعتـاب – ويوم الطف والمحراب
أيام – ما أقساها
الحمد لله
محمد هادي المجتومي
?
ما بين الخدّر _ وأهل الخدّر _ والأيتــام
حيرة مسبيه _ حورائـيـــــه _ ياضرغام
مجتوفه إچفوف إخت العباس
إدرك زينــــب يا بـــو النوماس
___
زمـــن ما لـه أمــان ولا إلــه صاحب
فجــع أم المصايــب يبــن أبو طالب
بظلام الطف گمرها إعله النهر غايب
وإبـن أمهــا شبل ليث الوغى الغالب
ذبحوه عدوانه _ وبصيــوانه _ شبوا نار
داسوه بالحافر _ ظهر العاشر _ ياكــــرار
من حـزب الوسواس الخنّاس
إدرك زيـــنب يا بــو النوماس
______
الوراها ادموع وآهات وسبي وممشه
لخوهـا إتـفـيـــي وبدمـع الوفـه ترشه
تصلّــي مــن جلـوس بليلـــة الوحشه
وجفنـهـــا ذابـل وأبيـض گِلـب رمشه
چم طفل وطفله_ عدها وثكله_ مسبيات
المكسورة خاطر _ تجبر خاطر _ علويات
حاديهن مو من جنس الناس
إدرك زينــب يا بــو النوماس
_____
كسـر گلــب العقيلـه ياعلـي العاشر
شـح إعلـه الغريــبه بكربلـه الناصر
لديـوان الشماتـه تنسبــــــــي باچر
إدركهــا يحيـدر وأجـبــــــر الخاطر
زينب مهضومه _ إتصد للحومه __ بس إنحور.
إنجوم إعله الغبره _ تشوف الحره _ بين إبدور .
كل جثه إتصدلها إبلا راس
إدرك زينب يا بو النوماس
____
بنتـك ياعلـي إعلـه الناگـه مچتوفه
وسجـاد الهـواشــــم ذابــل إتشوفه
شحال أم الحـزن لــو طبـت الكوفه
وبيتك ياعلـي بنظـرة سبي إتطوفه
ياحيــدر بنتك _ وبعاصمـتــــك _ تترجاك
تحضر هالشده _ الجرح تضمده _ وتتمناك
تعمي عيون الصدت للياس
إدرك زينب يا بو النوماس
__
رقيـه التفـرش السجــاده لحسينك
مگيديهـا وتحشــم ياعلـــٕي وينــك
يجدي اتذبحـوا أهلـي عگـب عينك
وهضموا عمّـتي وحرگوا صواوينك
من زغري أتيتم _ وأنصب مأتم _ للمـذبــــوح
بروحـي ودلالي _ لفگـــد الغالي _ كلي جروح .
خمس أسنين وشاب الراس .
إدرك زينب يا بو النوماس
الحمد لله
محمد هادي المجتومي
?
?
شيعي مكتوب بدمائي --- جعفر الصادق رجائي
شيعـــي وافتخـر بالأسـس المذهب
شريـــان العدالــه وللعلــــــم كوكب
نجل الباقر أسمه من الفرات أعذب
سبحانه الـــذي عنّـه الرجس أذهب
للحشــر يبقه ندائي --- جعفر الصادق رجائي
-----------------
مــن نور ألجلاله أمفصله أثيابه
وبــاب ألمعرفه والغانمــه بابــه
أقسم بالخلقنـي ورسلــه وكتابه
وأقسم بالصميده وريحـة أترابه
للنبي وآله انتمائي--- جعفر الصادق رجائي
----------------
نجل المرتضى أصل وفرع ديني
إمـام الحــق سـره حُبـه بشرايني
دنيــا وأخــره الصـادق يحاميني
ولـو تـاه الــدرب أنـــواره تهديني
ثابت بگلبي ولائي --- جعفر الصادق رجائي
-----------------
يتباع ألضلالـــه يا نســــل فرعون
ديــن إبـلا إمامـه لا طعــــم لا لون
صمـام الأمان ألعتـره ســــر الكون
صاروا للرساله موسى وي هارون
تشهد بهذا سمائي --- جعفر الصادق رجائي
الحمد لله
محمد هادي المجتومي
القناة الرسمية على التلكرام ?✔
استمتــع بـــــالمـشاهدة
•┊اشعار
•┊اقتباسات
•┊فيديوهات
•┊قصائد
✹ لــنشر الاعلانات $ : @YYMMKL
Last updated 1 month, 2 weeks ago
- شلك بروحك تعال بروحي عيش .
- لطلب تمويل تواصل ← : @ooooow
- قناة التمويلات : @xxxxzz
Last updated 1 month, 2 weeks ago
- انا مُتناقِضه اُحاوِل نسيَانك واكتبُ عنكَ .
طلب التمويل @XX3X2
Last updated 2 months, 2 weeks ago