السلام عليكم دفعتنا العزيزة، قرّب موعد الصورة الجماعية وحالياً قاعدين نخططو في أكثر من حاجة ممكن نديروها عشان تكون صورتنا الأخيرة قبل صورة التخرج حاجة نزيكة ومميزة ?

زي ما كلنا عارفين أن الأفكار واللمسات الجميلة مستحقات دعم ولم فلوس، ف توا حندير استفتاء سريع نشوفو بيه مدى رغبتكم في المساهمة بقيمة مالية للصورة الجماعية وبناءً على التصويت والمشاركة نقررو نديروها ولا لا ?

وأي حد يبي يساعد أو يعرف حد يقدر يقدملنا خدمة بسعر مخفض يدز على البوت @Mind47Mapsbot

شكراً لكل من حضر وشاركنا في اليوم العلمي للأبحاث الخاص بدفعتنا، وجودكم ودعمكم وكلامكم الإيجابي هو اللي زاد جمال الحدث ❤️
الدفعة 47 فيها الخير من زمان واليوم زدنا تأكدنا من الشي هذا ?

#RAY47

مرحبتين دفعتنا العزيزة 47 وكافة دفعات الطب البشري جامعة بنغازي ?

حابين نقدمولكم دعوة لحضور اليوم العلمي للأبحاث RAY 47 القائم على مجهودات وأبحاث طلبة الدفعة 47 طب بشري، الهدف من الحدث هو زيادة الوعي حول أهمية الأبحاث العلمية للطلبة والخريجين وكذلك نبوكم تشوفو طلبة دفعتنا المميزين اللي شاركوا وقدروا يجهزو 13 بحث علمي كامل متكامل من الصفر بمجهوداتهم الجبارة ?❤️

الحدث حيكون في مدرج سناء يوم الأربعاء الموافق 26\7\2023 على تمام الساعة العاشرة صباحاً، طلبة الدفعة 47 حيكون لهم مقاعد VIP مخصصة (راكم تغيبو).
والدعوة مفتوحة لكل الدفعات ✨
#RAY47