الشيخ حبيب الكاظمي

كون ع اعتقاد حركتك و فزعتك و لطمك
و تخطيطك و الحركه و كلهن

وكلشي تقدمه ع قدر حُبك لمولاك
خلي كل واحد بينه يشوف قدر حُبه للمعصوم

كل القصائد تلكوها اهنا ✋✅⬆️
اسالكم الدعاء اي استفسار

@MirzaAliMahdi

خير الشباب .. موتك عذاب .. ياضنوة الكلب
شادهلي بال .. جني بخيال .. ياضنوة الكلب
شفت بجمالك ضيم .. غير تفاصيلي
ويـن الرسـوم الـبيـك .. ماهـنـه ياويــلي
..................................................ـ
ماتنعرف ياسلوتي
من كدما شمك السيف
اتبريد ابروحي الكلب
ياوسفه والف ياحيف
نايم ماشارب عذب
حر الضهر موسم صيف

فاتحه انه انصب الك مدري اليه
بعد جم ساعه حرب ماكو ترجيه
يبني موبس  الدمع طايح حيلي
شلون أضمها عازتك تفضح بيه

اقره بدموع .. واشعل شموع .. ياضنوة الكلب
كل عمري ناح .. مايستراح .. ياضنوة الكلب
وجهك اشوفه منين .. يانجمه أسهيلي
وين الرسوم البيك .. ماهنه ياويلي
..................................................ـ
التمن عليك الحرم
ماكو أمجان يبوسن وين
ماخذ شمرتي ياعلي
معزب خيل ومنطي العين
حتى الحوافر حبتك
غير انت ابوك أحسين

هايبويه حيره ضمتك عن امك 
خاف اشيلك خاف يوكع من يمك
شرد اكابر والدمع مايسترني
انه كلها أمدوهنه أحوالي أبسهمك

تلجم دليل .. تزيد العويل .. ياضنوة الكلب
فرحي نسىٰ .. بموتك جفىٰ .. ياضنوة الكلب
غيروا جمالك ليش .. ماحسبوا ليلي
وين الرسوم البيك .. ماهنه ياويلي
..................................................ـ
بلكوه وخرت العبي
عن جرحك وباقي الهضم
شكد ناحن وماهودن
شافن جرح مايلضم
حقهن واريد اويه النسه
والطملك وافطر عضم

عمتَك قوس الله لونه ابوجنها
ياحزنها وغزلت احااه أبمتنها
غيرتنه ياعلي بطيحتك فدنوب
تيهينه الخيمه وأضلمت جنها

شبيها السيوف .. ماعدهاشوف .. ياضنوة الكلب
لاماتشوف .. بصدرك تطوف .. ياضنوة الكلب
سيف الاخذ رجواي .. كبرني عن جيلي
وين الرسوم البيك .. ماهنه ياويلي 
..................................................ـ
يبني هاي امك حضرتك
رادت تشوف الياذيك
رادت تحصللها  حضن
شبكت وجنها أتوصيك
بعدك ورانه اشكد مشي
انهض يبني ومحتاجيك

هايه امك جانت اتشوفك كحله
بيك تتباهه  بسلف حيل تتعله
هسه وينك تفرك الايد أبفكدك
ياوسافه من اسم ليلى ألثكله

شكد بيها نار .. مصابك شرار .. ياضنوة الكلب
مشغوله بيك .. وانت شبديك .. ياضنوة الكلب
امك صحيفة نوح .. تكسر شكو بحيلي
وين الرسوم البيك .. ماهنه ياويلي
..................................................ـ
مومال احشمك ياشهم
صالت النار أبخيمتك
عذراً حبيبي ياعلي
لو هاي الجلمه لجمتك
انهض ياعاكد لزلم
أمطر خيم من غيرتك

ياحسافه ايفرهد الماعده غيره
وانت نايم وانه لموني بحصيره
لومه ربك جذب يكدرلك فارس
جا فصلت الدنيه يلوحدك عشيره

طولك حلو .. عطرك شذو .. ياضنوة الكلب
حبك جرَد .. ابروحي أستبَد .. ياضنوة الكلب
بعدك انه بشواي .. اتوسد لخيلي
وين الرسوم البيك .. ماهنه ياويلي
..................................................ـ

كل الفضل لابو الفضل

لطلب الحن?
@Mirza_AliMahdi

شبابي كله اضيعه
الشبابك بلايه رجعه
قريتك لطمه دمعه
شبل الحسن
دخيلك كض شبابي
وانذرني المصابي
اجيت اطلب عذابي
شبل الحسن
.. ـ
ياقاسم مدد .. حيل و دمعات
ضيع كل درب .. بس العزيات
انه امشي الك .. اعمى ومااشوف
مؤمن انه بيك .. يابو الكلفات
.. ـ
قاسم لا ماينعد .. بس بالف فارس
عزب الخيماته .. وهم وكف حارس
هالشبل من ذاكَ .. ابن ابو طالب
ياوريث اجدادك .. للكفر دايس
.. ـ
ياقاسم مدد .. ياقاسم مدد
..............................ـ
دخيل الله وجفوفك
يالمرَگكد طفوفك
حرز گلبي حروفك
شبل الحسن
يبو جف الثكيله
اليبارز ماله حيله
يرد لابسله شيله
شبل الحسن
.. ـ
ياكاشف كرب .. عن وجه احسين
وارث هالصفه .. من ساقي الدين
وقفته العمر .. لخيامك ذيج
ولعمرك انه .. الطم عُمرين
.. ـ
ياشباب الخدمه .. و العمر عَده
عُمري فوك احروفك .. ريته يتبده
شمعتك ياسيد .. مااطفيهه
كلشي فتره ويخلص .. و العزه بعده
.. ـ
ياقاسم مدد .. ياقاسم مدد
..............................ـ
زرع بيك الحسن حُب
عُمر لحسينك اتصب
تكله ادلل اطلب
شبل الحسن
رضعت الغيره و الجود
حليبك من هالجود
يتربات الكمر زود
شبل الحسن
.. ـ
من رمله اطلگت .. شالك عباس
كَبر بالاذن .. و انطاك احساس
اكبر ياشهم .. للطف و روح
اشتل بالخيم .. وردات و يأس
.. ـ
كله يابو اليمه .. ياابي و امي
انه صاير لاجلك .. وانتَ كل همي
انتَ غايتي خلقي .. يابو الاكبر
سيدي انتَ الغالي .. و أغلى من يمي
.. ـ
ياقاسم مدد .. ياقاسم مدد
..............................ـ
الوصيه عاينتهه
كفو من طبقتهه
بنظر كلبك شفتهه
شبل الحسن
وصية موفق اتصير
تكلك وجهك ادير
لعد عمك فقط سير
شبل الحسن
.. ـ
متعز هالنفس .. ياعم بس كول
تكلبهه الارض .. من المعقول
وسفه اليوصلك .. وانه الموجود
كد حجايتي .. وانه المسؤل
.. ـ
ابن اخيك انه .. يا بعد عمري
وين الراد يحارب .. كلهه مو گدري
بيهم انه اتسله .. بجفي مو سيفي
انه عمي الكافل .. داك الك صدري
.. ـ
ياقاسم مدد .. ياقاسم مدد
..............................ـ
اويه الاكبر انتَ صغرك
تـكــلــه انـــه بأمرك
بركبتي حفظه سترك
شبل الحسن
سوالفكم بالحسين
صغه كلبك صغت عين
امن اهدهه اتوضح الدين
شبل الحسن
.. ـ
يااكبر حُسين .. وبعيوني اجبير
لاتمشي اعالكاع .. اعالجتافي سير
ياسيد علي .. يابن مولاي
اكفيك المهم .. امن لتحير
.. ـ
انه صح بن عمك .. هذا بالضاهر
ياشبيهه الخاتم .. هالگرب باجر
كلشي احط بين ايديك .. وانت ماحاجي
لو سمعتك تهمس .. اكلب العاشر
.. ـ
ياقاسم مدد .. ياقاسم مدد
..............................ـ
كل الفضل لابو الفضل

لطلب الحن?
@Mirza_AliMahdi

يبو محمد يغالي و يا أنيس الروح
بالحنيه انت السيد الأول

لمثالي زيارة تكرم اليردون
لسوء احوالهم يلكونك انت الحل

يترياق اللطافه اتحط باليزورون
لقاح ادموع يمنع غفله عن التل

بشوارع مشهدك ماينوصف لحساس
تره وصف المشي اليمك صعب يحصل

هناك الحيره بين الدمعه و البسمات
تذكرها الكفاله و تذكر الهزل

حتى الحيره الِهناكه لطيفة أتصير
كل حيره بنظر للكبه تتهدل

مجرب انت تتمشى و تدير اعيون
من تصير انت وكبه و بمعزل

معزل عن حياة الا حياتك ذيج
شماتنطق تريد؟ الصمت يمك حَل

ترتاح الدقائق تنتهض و تروح
و ترد فندقك عطشان من توصل

تشتغرب تكول استوني من رديت
بعدها الكبة بعيوني و لا تأفَل

فكرت وعرفت ازيارة السلطان
جن ماي البحر عطشانه ماينهل (مايرتوي)

شغلتين التقن بزيارة السلطان
روحية الجنة وعبرة المقتل

تمت بحمد الله وتوفيقه
الميرزا علي مهدي
٩ ذو القعدة ١٤٤٥
٢٠٢٤.٥.١٨ يوم السبت

تم التعديل على بعض من القصيدة
من جناب اخي الشاعر علي كريم الفاخر

مُلهم للشعر يا وزن الاوزان
يا ملح القصيدة و ملح الاحزان

هنيالك يدعبل يكتب وياك
علي بن موسى عجزه و شطره مُرجان

ارثينه يدعبل و التزم زين
بشعارك تره اتصيرلنه عوان

مادحنا يكلك و شكبر هاي
ماضن من سمعته شالك مجان

ال الله من معصوم تنضاگ
من حلك الرضا تخليك ولهان

كل شاعر يفرفح من يقدموا
خصوصاً لو عريف الحفل انسان

يا دعبل عريفك ابن ابو تراب
سلطانك عريفك مو ايّن كان

وتكول الرواية كلك ارثي
مادامت حياتك ارثي عطشان

من حلكك افاطم تجرح اكلوب
لو خُلتي حروف تبجي سلطان

ارثينا يدعبل خنهل ااااه
علي الباقي ثلاثه بلايه دفان

مولانا يمُلهم عونك بهاي
يسيد عالبشر ياسيد الجان

ارزقنه شعر ام حسن تقرا
تقره اشعارنا ام الولد عريان

تمت بحمد الله وتوفيقه
الميرزا علي مهدي
٥ ذو القعدة ١٤٤٥ هـ
يوم الثلاثاء ٢٠٢٤.٥.١٤

#افراح ?❤️

علي بن موسى كايل
لكلمن حمله مايل
الطالب يثبت اهنا
بأسمنه يصير سائل
________
علي بن موسى بن جعفر حصانه
لكلمن ضيع بهالدنيه امانه
بس كولوا علي و الغُمه تنزاح
عليٌ ياعلي غوثُ و ديانه

كل هموم و غموم
بعلي ينزاحن اليوم
هذا وعدي الكم
و بهالحجي ملزوم

التوبة يمنه سهله
العاصي الله يمهله
لخاطرنه اعلحبنه
التايب عطره يحله

يامؤنسها النفوس
ياشمس اعالشموس
________
بالشِد و العسر نوكف للدخيل
نعدل احنه حاله خافن ايميل
فيل الدنيا من يهجم عليكم
احنه الكم نصير اطيور ابابيل

نرمي الفتنه منكم
فوتوا احنه بضهركم
تلزمونه احنه نلزم
و نصبح بيرغ الكم

بأسمنه فوتوا اعرضروا
المعمي عينه كَحلوا
احنه الحاجب و عين
بينه الله طلبوا

يامؤنسها النفوس
ياشمس اعالشموس
________
الله يحب اليتوب بحياته
بحياته انحضره احنه و بمماته
نوسعله القبر و نترسه بالنور
يم الله اليتوب شكد غلاته

مامن شي احب لله
غير اعباده توصله
فكروا انتم بهايه
بيكم فاخر المله

بيكم يفتخر ليش
لان عفتوله كل طيش
و قدمتوا اعتذارات
و صلح الكم الريش

يامؤنسها النفوس
ياشمس اعالشموس
________
مولانا الرضا كايل بالاقوال
حصني ب لا الهَ الا جبار
الرايد يأمن من اهوال الِمعاد
خاليدخل حصن اجدادي الأطهار

عذاب الله يباعد
الداخل حصنه راكد
رِكد بالجنه روحه
و عندي بهايه شاهد

نظروا حاله اليفوت
بحصني روحه متموت
ذكره يبقى شاخص
أمن الله يسمع الصوت

يامؤنسها النفوس
ياشمس اعالشموس
________
عباده الله كثره بيها صَلوا
ستين و تسع بيها انتوا ترضوا
ارضوا وسلموا لرب الجلاله
و ال ال النبي البيهم تعبدوا

سلموا و عيشوا راحه
و اطلبوها السماحه
برضا الله تحصلون
كل امر و صلاحه

حجي مولانا ميفض
يخلي الغيره تنهض
اخو معصومة رايد
يبعد عنه الِتلض (جهنم)

يامؤنسها النفوس
ياشمس اعالشموس
________
تمت بحمد الله وتوفيقه
٣ ذو القعدة ١٤٤٥
يوم الأحد ٢٠٢٤.٥.١٢

الميرزا علي مهدي
اللحن أسفل القصيدة ⬇️

للجنة سمعنه تسعة ابواب
منها اتلاثه طابو و صرف من قم

ثَلث بيبان منها اطب موالين
و ماي الكوثر يزقونه بالفم

و الجنة بحث اخر يخدام
المهم هسة الزيارة و يمها نلتم

منو رايح زيارة و كاض الباب؟؟؟
منو حس بطعمها حاسة الشم

صلاة الفجر يمها تختلف حيل
اليصلي اهناك جنه استوه اسلم

انعاش الزيارة و خصه معصومة
و الكاصدها وجهه يفور من دم

زيارتها حياة الماوصل مات
شتترجى بعد من عيشت السم

ماعندك خزينه و همك بهاي
روح اكصد ابوها و كله بالكم

حتى فلوس نومك هو ينطيك
و قبل لتسافر ارجع كله تسلم

من تروح اشبع ترجع اتجوع
زيارتها عطش ميفضه الف يم

طمأنينة نفس تلكاها ليغاد
و الامارة بالشر يمها تنطم

يابخته الي بين و بين و يروح
بلوحة خدمتة يلون و يرسم

اختصارً للحجي و شنسولف انريد
شنوصف و يمها الرحمة طلسم

بس طلبه اخيره و بيها الالطاف
اريد اصبح لمامي ابنَ حثلم

اسعد الله ايامكم

تمت بحمد الله وتوفيقه
الميرزا علي مهدي
٣٠ شوال ١٤٤٥
٢٠٢٤.٥.٩ يوم الخميس