Zulhijjaning o'n kuni

Fazilatli zamonda ibodat qilish Allohning shiorlarini ulug'lash demakdir. Alloh o'ziga ibodat qilinishini yaxshi ko'radigan zamonda uning shiorlarini ulug'lamaslik gunohdir.

وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ

"Kim Alloh qonunlarini hurmat qilsa, bas, albatta (bu hurmat) dillarning taqvodorligi sababli bo'lur", (Haj: 32).

•┈┈┈•✿~❁~✿•┈┈┈•

Quyosh Zulhijjaning o'n kunidan ham afzalroq kunlarda nur taratmaydi. U kunlardagi amallar ulug'langan bo'lib, afzallari namoz, takbir, sadaqa, ro'za va hajdir. Ulug'langan zamonda gunoh ishlar ham katta sanaladi.

•┈┈┈•✿~❁~✿•┈┈┈•

Zulhijjaning o'n kuni yilning eng afzal kunlaridir, Ramazonning oxirgi o'n kechasi esa yilning eng afzal kechalaridir. Kim birinchisining kunduzlarida va ikkinchisining kechalarida ibodat qilishga muvaffaq bo'lsa, demak u haqiqiy tavfiqqa erishibdi.

•┈┈┈•✿~❁~✿•┈┈┈•

Zulhijja oyining o'n kunida Alloh Muso bilan gaplashdi, Islom dini komil bo'ldi va u kunlar bilan Alloh qasam ichdi. Binobarin, u kunlardagi ibodatlar boshqa kunlardagi ibodatlardan afzaldir. Xossatan takbir va ro'za. Arafa kuni esa yilning eng afzal kunidir.

•┈┈┈•✿~❁~✿•┈┈┈•

Har bir fazilatli amal Zulhijjaning o'n kunida fazilatliroq bo'ladi. Juma fazilatli kun, o'n kunlikda esa u yanada fazilatlidir. Darhaqiqat fazilatlar yonma-yon kelishi bilan amalning fazilati yanada ziyoda bo'ladi.

•┈┈┈•✿~❁~✿•┈┈┈•

Ramazonning qazosini Zulhijjaning o'n kunida tutib berish mustahabdir. Ro'zador uchun qazo va o'n kunlikdagi ro'zaning ajri bo'lishi umid qilinadi. Umar ibn Xattob roziyallohu anhu: "Ramazonning qazosini tutib berishimda men uchun ushbu o'n kundan suyumliroq kunlar yo'q", dedilar.

•┈┈┈•✿~❁~✿•┈┈┈•

Alloh Zulhijjaning o'n kunini eng afzal kunlar qilib, barcha ezgulik istovchilar ajr-savobga erishsinlar uchun, engil ibodat bo'lgan zikrni u kunlarda afzal qilishi Allohning rahmatidandir. Mahrumlikka haqli kimsalargina bunday ajrlardan mosuvo bo'ladilar.

Shayx Abdulaziz Tarifiy

?ZULHIJJANING 10 KUNI

Zulhijja oyining avvalgi o‘n kuni Allohning rahmati yog‘iladigan mavsumlaridan biridir. Bu kunlar ko‘p solih amallar qilib, Allohga yanada yaqinlashish uchun fursatdir. Rasululloh sollallohu alayhi va sallam bu kunlarning dunyodagi eng fazilatli kunlar ekanini bildirib, unda solih amallar qilib qolishga targ‘ib
qilganlar. Musulmon kishi bu kunlarni quyidagicha qarshi olishi maqsadga muvofiqdir:

•CHINAKAM TAVBA QILISH
•NAMOZNI KO‘PAYTIRISH
•GUNOHDAN YIROQ TURISH
**•SADAQA QILISH

•HAJ VA UMRA IBODATINI ADO
ETISH

•RO‘ZA TUTISH

•QURBONLIK QILISH

•ZIKRLARNI KO‘P AYTISH**

"Payg‘ambar alayhissalom bu 10 kunda solih amal qilishga targ‘ib
qildilar. Ro‘za ham solih amallar jumlasidandir. Arafa kuni ro‘za tutish ta’kidli sunnatdir".

"Bu kunlarda Alhamdulillah La ilaha Illalloh Vallohu Akbar zikrlarini ko‘p aytish sunnatdir".

**ҚУРЪОН ЎҚИШНИ БИЛМАЙДИГАН КИШИ НИМА ҚИЛИШИ КЕРАК?

Қуръон тиловати — буюк ибодат. Ҳар бир ҳарфига биттадан ўн баробаргача ҳасанот, ажр-мукофот ёзиладиган баракотли солиҳ амал.

Қуръон тиловатини тинглаш — роҳат, ҳаловат, ақл ва руҳга қувват.

Қуръонга амал қилиш, Қуръон аҳкомларини амалга ошириш, Қуръон мадҳ этган хулқлар билан безаниш — айни саодат, саодат, саодат!

Лекин айримлар баъзи сабабларга кўра Қуръон ўқишни билмайди. Қуръонни ёдлаш у кишилар учун жуда қийин.

Хўш, шудай мусулмон нима қилиши керак?

Имом Аҳмад ва Абу Довуд ривоят қилган саҳиҳ ҳадисда бу саволга жавоб бор.

جاء رجل إلى النبي صلى الله عليه وسلم فقال إني لا أستطيع أن آخذ من القرآن شيئا فعلمني ما يجزئني منه قال قل سبحان الله والحمد لله ولا إله إلا الله والله أكبر ولا حول ولا قوة إلا بًالله العلي العظيم قال يا رسول اللهِ هذا لله عز وجل فما لي قال قل اللهم ارحمني وارزقني وعافني واهدني فلما قام قال هكذا بيده فقال رسول اللهِ صلى الله عليه وسلم أما هذا فقد ملأ يده من الخير

Набий соллаллоҳу алайҳи ва саллам ёнларига бир киши келиб:

— Қуръондан бирон бир нарсани олишга қурбим етмайди. Қуръон ўқий олмайман, Қуръон ёдлолмайман. Шунинг учун менга Қуръон ўқишнинг ўрнига ўтадиган амални ўргатинг, — деди.

— «Субҳаналлоҳ, валҳамдулиллаҳ, ва ла илаҳа иллаллоҳ, валлоҳу акбар, ва ла ҳавла ва ла қуввата илла биллаҳил алиййил азийм», дегин, — дедилар Росулуллоҳ соллаллоҳ алайҳи ва саллам.

— Ё Росулуллоҳ, булар Аллоҳ азза ва жалла учун эди, мен учун нима бор? — деди аъробий.

— «Аллоҳуммарҳамний, варзуқний, ва аъ'финий, ваҳдиний», — «Илоҳо, мени раҳм айла, барча яхшиликлардан, моддий ва маънавий озуқалардан ризқлантиргин, офият бер; турли бало-офатлардан, касалликлардан, ёмонликлардан Ўзинг асра, ва менга ҳидоят бер; мени тўғри йўлга йўлла, тўғри йўлдан адаштирма», деб дуо ўқи, — дедилар.

Киши «зўр» деган маънода муштини тугиб, чиқиб кетди.

«Бу киши қўлини яхшиликка тўлдирди», дедилар Росулуллоҳ соллаллоҳу алайҳи ва саллам.

Имом Аҳмад «Муснад»да, Абу Довуд «Сунан»да ривоят қилишган.

Росууллоҳ соллаллоҳу алайҳи ва саллам ҳузурларига умуман Қуръон ўқишни билмайдиган бир аъробий келиб: «Мен Қуръон ўқишни билмайман. Менга Қуръон оятларининг ўрнини босадиган бошқа бир енгилроқ амални ўргатинг», деб дангал гапирди.
Жанобимиз соллаллоҳу алайҳи ва саллам унга Қуръон тиловатининг ўрнини босадиган бешта муборак калималарни ўргатдилар. «Албоқиётус солиҳот»ларга — Охиратга захира бўладиган, охиратда асқотадиган, ҳеч йўқ бўлиб кетмайдиган мангу солиҳ амалларга иршод этдилар.

Қуръондан кейинги энг буюк калималар, Қуръон тиловатининг ўрнига ўтадиган муборак калималар ушбулардир:

1. СУБҲАНАЛЛОҲ.
2. АЛҲАМДУЛИЛЛАҲ.
3. АЛЛОҲУ АКБАР.
4. ЛА ИЛАҲА ИЛЛАЛЛОҲ.
5. ЛА ҲАВЛА ВАЛА ҚУВВАТА ИЛЛА БИЛЛАҲИЛ АЛИЙЙИЛ АЗИЙМ.

Муродига етган аъробий индамай чиқиб кетмасдан «Бу ҳамду санолар Аллоҳ учун эди, менга нима бор?» деб ўзи учун манфаатли дуо ўргатишларини сўради. Жанобимиз соллаллоҳу алайҳи ва саллам дунё ва охират учун фойдали тўртта нарсани Аллоҳдан сўрашни ўргатдилар.

1. Аллоҳнинг раҳмати.
2. Ризқ-рўз.
3. Офият.
4. Ҳидоят.

Ақлли инсон бу ҳадисдан тўғри хулоса чиқариб, ҳар куни эрта-ю кеч Аллоҳни мазкур калималар билан зикр қилиб, зикр ортидан ўзи учун манфаатли неъматларни Аллоҳдан сўрайди.

«Лайлатулқадр» умид этилган бу оқшомдан то тонггача ушбу зикрни ҳамда бошқа зикр, дуо ва истиғфорларни тилдан қўймаслик керак!

Аллоҳ барчамизни Ўзи суйган амалларни бажаришимизга ёрдам берсин.

Жалол Иброҳим.**@Quron_oyatlaar