#Adolat

✨ Amerikada hammaga mashhur bir sudya bor. Nihoyatda adolatli. O‘sha sudya bir safar o‘n besh yoshli bir bola ustidan hukm qildi. Bola do‘kondan non va pishloq o‘g‘irlagan ekan. Bola qochish asnosida tokchalardan birini ham sindirgan. Hodisa tafsilotini eshitgan sudya boladan so‘radi:
-Sen haqiqatdan ham o‘g‘irlik qildingmi? Non o‘g‘irlab tokchani ham sindirdingmi?
Bola xijolatdan yerga qarab javob berdi:
-Ha!
-Nega o‘g‘irlik qilding?
-Muhtojlikdan!
-O‘g‘irlagandan ko‘ra sotib olsang bo‘lmasmidi?!
-Pulim yo‘q!
-Otang yoki onangdan pul olsang bo‘lar edi-ku!
-Otam yo‘q. Onam borlar. U kishi bemor. Ishlay olmaydilar. U kishi uchun non va pishloq o‘g‘irladim!
-Sen ishlamaysanmi?
-Mashinalarni yuvar edim. Onamga yordamlashish uchun xo‘jayindan bir kun javob so‘radim. Shuning uchun meni ishdan haydashdi!
Savol-javob tugagandan so‘ng sudya hukmni e’lon qildi:
“O‘g‘irlik, xususan non o‘g‘irlash juda ham uyatli ish. Bu o‘g‘irlikda hammamiz sherikmiz. Mana shu zalda o‘tirganlarning bari bu jinoyatda sherik. Ular ichida men ham borman. Bundan barchamiz mas’ulmiz! Bu yerda o‘tirganlarning bariga o‘n dollardan jarima solaman. O‘n dollar bermasdan hech kim zaldan chiqmasin!”.
Birinchi bo‘lib sudyaning o‘zi cho‘ntagidan o‘n dollar chiqarib stolga qo‘ydi va dedi:
“Och qolgan bolani polisiyaga topshirgan do‘kon egasiga ming dollar jarima solaman. Agar do‘kondor pulni bermasa do‘koni yopiladi. Modomiki, kimdir non o‘g‘irlar ekan, bundan barcha fuqarolar uyalishi lozim. Bu ish davlatimizdagi jamiyat a’zolari uchun sharmandalik!”.
Zaldagi barcha ishtirokchilar boladan kechirim so‘rashdi. Hamma yig‘ladi. Sudya ham zaldan ko‘zlarida yosh bilan chiqdi. U rahmat va insoniylik asarini ko‘rsatdi!

🤍📚

Reaksiya xachuu🥹🫠

#Дилдаги_изхорларим❤️
#Ширин_тилакларим?

???????????

Сатторжон отанинг суюкли набиралари #Достонбекнинг дил изхорлари☺️?

?????
Остонамни хатлаб киролмайди ғам,
Кўнглимни енголмас аламлар турли...
Сиз бор кўзларимни йўқламайди нам,
Дада...Ёнингизда бўлмоқ ҳузурли...

Оқларга алмашиб сочингиз ранги,
Сизни чарчатибди йилларнинг жанги,
Ҳикматлар оламан янгидан-янги,
Дада...Ёнингизда бўлмоқ ҳузурли...

Борсизки юрмайман ҳеч недан чўчиб,
Яшайман омадни эркалаб қучиб,
Ҳаловат истасам бораман учиб,
Дада...Ёнингизда бўлмоқ ҳузурли...

Ўзгарса ўзгарар майли замони,
Яхшига айланар бир кун ёмони,
Қизиқмас дунёнинг тўртта томони,
Дада... Ёнингизда бўлмоқ ҳузурли...

Гоҳида юракдан қувончим тошиб,
Борлигингиз учун яшайман жўшиб,
Юрибман исмимга номингиз қўшиб,
Дада...Ёнингизда бўлмоқ ҳузурли...

Остонамни хатлаб киролмайди ғам,
Кўнглимни енголмас аламлар турли...
Сиз бор кўзларимни йўқламайди нам,
Дада...Ёнингизда бўлмоқ ҳузурли...

?Муаллиф: Зоҳид Зиё...
?E'zoza Yerixanova

https://t.me/Huzurbaxsh_satrlarr

#ПРЕМЬЕРА **?*Койийверма акамни дунё...

Койийверма акамни дунё,
Юришади ишлари ҳали...
Қўллари тош остида эмас,
Келар унга омадлар гали...

Койийверма акамни дунё,
Далда бўлгин бошини сила...
Бағрингда не яхшилик бўлса,
Ҳаммасини акамга тила...

Койийверма акамни дунё,
Ўзи анча ўксиб юрибди...
Мен ишондим сен ҳам ишонгин,
Уни бахтлар кутиб турибди...

Койийверма акамни дунё,
Ҳеч не келмас қўлидан дема...
Аллоҳ берса омади кулса,
Қилмишингдан пушаймон ема...

Койийверма акамни дунё,
Ҳар ёнидан чоҳлар чиқариб...
Йигит боши тик турар экан,
Қолиб кетмас бундайин ғариб...

Койийверма акамни дунё,
Аламлардан чарчаган толган...
Тепкилама йигит йиқилса,
Турса дунё пойида қолган...

Койийверма акамни дунё,
Севганлари билан синама...
Ёри унга далдалар бўлсин,
Ишончсизлик билан қийнама...

Койийверма акамни дунё,
Келар бир кун омадлар гали...
Меҳнатлари самара берса,
Унга хизмат қиласан ҳали...

Кoйийверма акамни дунё...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

#ПРЕМЬЕРА **?*Кексайибсиз Онажоним кексайибсиз...

Бугун шодон болангизда ғам кўринар,
Тўкис бўлган юрагида кам кўринар,
Сизга боқса қароғида нам кўринар,
Кексайибсиз Онажоним кексайибсиз...

Асоларга етай дебди нозик қўллар,
Қариликка етаклабди умр йўллар,
Оҳ ўйласам гулзоримни босар чўллар,
Кексайибсиз Онажоним кексайибсиз...

Сиздан гўзал йўқдир ҳамон олам аро,
Ажинларга кўзим тушса бағрим яро,
Сочингизда қолмабдия бирор қаро,
Кексайибсиз Онажоним кексайибсиз...

Узоқ йўллар энди сизни хоритмоқда,
Дил нурингиз ҳаётимни ёритмоқда,
Ё мен ёки вақт сизни қаритмоқда,
Кексайибсиз Онажоним кексайибсиз...

Оёғингиз ерга ботса чим бўлайми,
Ҳаммасини ичга ютиб дим бўлайми,
Йиғлаймикан дод солайми жим бўлайми,
Кексайибсиз Онажоним кексайибсиз...

Аллоҳ умр берса ҳамма қарир экан,
Белдан қувват билакдан куч арир экан,
Ўша онда фарзандлари зарур экан,
Кексайибсиз Онажоним кексайибсиз...

Кулиб бордим ёнингизга артиб ёшим,
Ҳисларимни айтмоқликка етмас дошим,
Икки дунё пойингизга урай бошим,
Кексайибсиз Онажоним кексайибсиз...

Ё мен ёки вақт сизни қаритмоқда,
Кексайибсиз Онажоним кексайибсиз...

?Муаллиф: Зоҳид Зиё...

➪ @ONAMGAA ?Ота онасига мехрибонлар канали

Яқинларингизга улашинг, обуна бўлишни унутманг!!!***

Unga judayam havasim keldiyee??