لو ركزت على الي ضاع منك
عمرك ماراح تشوف الي بيستناك
شوف رزقك الدنيا واسعه.

مع الأسف:
ناديت،
خانتني السنين اللي مضت «راحت»
ولا زلت أنادي بكلّ رجاء مع أن البارحة عيّت تمرّ.

أتوقع كلنا نستاهل شخص يصر علينا مثل إصرار مساعد الرشيدي لما قال : " جيتك لو انتي سابع المستحيلات ، اللي يحبك . . يصنع المعجزات " .

‏"سريت ولا على صبري ملام وخاطري قد طاب
‏على الله خطوتي لوّ الدوافع ترهق أقدامي".

‏يا كبر ظُلم الغياب اللي سرق ملحي و زادي
‏و الغياب اللي بلا تبرير .. نوع من الظليمه

‏ليه اعبّر عن حنين الشوق و الشوق متمادي
‏لو بعبّر عن حنينه بـ اطرق ابواب الهزيمه

‏الغرام يكون بين اللي يحبّون انفرادي
‏و إن طلع من بينهم ما صار له حشمه وقيمه

‏في دجى ليلي سرى همّي ورا غاية مرادي
‏المراد اللي خذاه البُعد و طعونه مقيمه

‏اتمالك صبري اللي ماهو بـ صبر المهادي
‏الطواري تجعل المشتاق في مسرح جريمه

‏ذكرياته باقيه بـ القلب لو القلب غادي
‏و الدموع من المفارق تشبه دموع اليتيمه

‏كل طعنه منه تاخذني على حدّ التمادي
‏تجرح سلوم المبادي و الدروب المستقيمه

‏صرت مثل المُغترب و انا سعودي في بلادي
‏لين عفت المُجتمع كله .. و ذبّيت الخريمه

‏ليت لو يسمع صدى صوتي و يرجع يوم انادي
‏الرجوع الدافع اللي يعطي الروح العزيمه

‏هو يعرف إن الوصل من بيننا ماهو بـ عادي
‏و القلوب اللي يعيش بْها الغلا دايم كريمه

‏علموه إن لي " ثلاث شهور " اهيم فـ كل وادي
‏و الشمال إن هبّ نسناسه يجاوبني نسيمه

‏ليت لي قدره و اشرّف بـ الطوال من المبادي
‏و اتبرّا من طعون الوقت و الذكرى القديمه.

‏أما بعد . .

‏- لا يوجد أجمل من وصف أبو نوره لما قرر
‏يعترف للجميييييييع بمحبوبته غنا له :

‏يمك دروبي ، و كل الناس يدروا بي و أنا
‏أدري ، كل قلب له حبيبه
‏و أنت محبوووووبي .

‏قالت العرب قديماً
‏"إذا كبر جرحك مع الوقت خاوه"
‏وهذي مرحلة عجز النسيان والشفاء ما عاد به طبّ.

‏"حبيب البال ليتك ما خذيت الصدّ لك مدهال
‏و أنا اللي لأجل عين الوصل مالك درب ما أدلّه

‏يمررني العتب لـ اللوم ، لـ التنهيد، لـ الترحال
‏تعبت أطق بيبان الصدف ، و اتسولك طله

‏تعال و حرر اكتافٍ عليها من الحمول جبال
‏تعب كلي و لك بعضٍ يزيل من التعب .. كله ".

ياحسايفَ راحت سنيني .

‏لفاني على طرق الغلا والهوا مرسال
‏ وانا من شعور وحب واحساس لبيته
‏
‏هلا مرحبا باللي على الذاكره ما زال
‏ اتجدد غلاه الذاكره لا تناسيته

‏عن البال ما قد غاب واشغلت فيه البال
‏ احس اني اشوفه كثر ما تهییته

‏شعور التفاؤل يجعل الحلم طيب فال
‏ياكم ذاق حلمي سكرة الموت واحيته.