👆👆👆👆👆

اۆستده‌کی یازی‌یا باغلی اوْلان شکیل
@abcmedrese

#منیم_یازی_لاریم

سلجوقلولار و بیز

من سلجوقلو دئییلم؛ سلجوقلو ایمپریاسی‌نین دا وکیلی یوْخسا عسگری دئییلم. منیم‌له اوْنلارین آرامیزدا زامان باخیمیندان مین ایله یاخین اختلاف واردیر. اوْنلار بؤیوک شاه‌لار ایدیلر و من ساده‌جه «شهروند» دئییلن بیر انسان. باشقا فرقلی‌لیک‌لریمیزی ده نظرده آلاندان سوْنرا دئیه بیلرم کی، بیر سری شئی‌لرده ده بیر-بیریمیزه بنزه‌ییریک.

منیم دانیشدیغیم دیل ایله اوْنلارین اوْ زامان دانیشدیغی دیل بیر-بیرینه بنزه‌ییر. مۆختلف مذهبده اوْلدوغوموزا باخماساق مۆسلمانلیغیمیزدا دا بیریک و بونلاردان باشقا و ان اؤنملی‌سی انسانلیغیمیزدا.

بلکه سلجوقلولاردان بیر عدّه‌سی جنایتکار دا اوْلموشلار. آمّا من اوْنلارین جنایت‌لری اۆچون باشی آشاغی اوْلمامالی‌یام. بلکه ده بعضی‌لری بؤیوک خدمت‌لر ائله‌میشلر و اوْ دا منه هئچ دخلی یوْخدور و منه فخر یاراتمیر. چۆنکی اوْنلارین جنایت‌لرینده ده خدمت‌لرینده ده منیم هئچ بیر ایزیم و ایشیم اوْلماییبدیر. اصلینده تاریخ فخر ائتمک و تحقیر ائتمک اۆچون دئییل. قدیم تاریخده‌کی حادثه‌لر بو گۆنوموزده یاشایان انسان‌لارا هئچ بیر حاق قازاندیرمیر.

ایندی بونلاردان کئچندن سوْنرا بو گۆن جامعه‌میزده باش وئرن بعضی سؤز-صؤحبت‌لره کئچک. سیزجه «انجمن خوشنویسان ایران» آدلی بیر انجۆمنین سلجوق آدینا دئدیگی سؤزلره نئجه باخمالی‌ییق؟

من بئله دۆشونورم کی، بو متنی یازان جناب(لار) بئله دۆشونور کی، بونو یازماق ایله اؤزونه باشقا بیر اۆستونلوک حاقّی قازانماغا چالیشیر. حال‌بوکی، بو اوْنلارین رۆسوایلیغینا و ساوادسیزلیغینا ان بؤیوک سنددیر. نئچه سببدن بونو دئییرم:

1. سلجوقلولار فرهنگسیز اوْلسایدیلار بس سیزجه اوْنلارا باش اَین [سیز دئیین اصیل ایرانلی‌لار] نئجه بیر ملّت اوْلا بیلرلر؟

2. دده-بابایا و نژادا فخر ائتمک اوْلورسا سیزجه بو یازیچی نئجه دئیه بیلر کی، منیم دده-بابالاریم سلجوقلولارا یئتیشمیر؟ آخی سلجوقلولارین دا اوْ زامان اوْلدوقجا ائولی‌لیک‌لری و اوشاق‌لاری اوْلدو. بلکه ده اوْنلارین نوه-نتیجه‌سی‌نین بیری ده ائله بو یازیچی‌دیر؟

3. بونلاردان کئچندن سوْنرا سلجوقلولارین معماری اثرلری هله ده ایندیکی ایرانین و البته باشقا اؤلکه‌لرین باشدان باشاسیندا سینه‌گری‌ییب داغ کیمین دوروب و اوْنلارین فرهنگ و هؤنرلری‌نی بو گۆنه کیمی ساخلاییر. بونلارین مۆقابلینده هئچ بیر سؤز قبول ائدیلمزدیر.

4. بۆتون بونلاری دئدیگیمده ان اؤنملی سؤزوم بودور کی، سلجوقلولار بؤیوک بیر ایمپریا قوراندان سوْنرا دا انسان‌لارین دیل‌لری‌نی، فرهنگ‌لری‌نی، دین‌لری‌نی و هئچ بیر شئی‌لری‌نی آرادان آپارماغا چالیشمادیلار. اوْنلار تۆرک اوْلدوقلارینا باخمایاراق، فارسجا و عربجه دیل و ادبیّاتینا دا بؤیوک خدمت‌لر ائله‌میشدیلر و ائله بیر جامعه قورموشدولار کی، بیر مهربان آنا کیمی و ایستی بئشیک کیمی خیّام کیمی شاعرلری اؤزونده بئجرمیشدی. بو یازیچی‌لارین هئچ ده باجارمادیغی ایش!

✍️ یاسر فاتحی

صؤحبتی گئدن شکلی نؤوبتی پوْستدا پایلاشیرام. 👇👇👇👇
@abcmedrese

#داستان #منیم_یازی_لاریم ایشیقدان قوْرخان خاقان (12-جی بؤلوم)

نه‌ایسه، بیر گۆن و بیر گئجه‌نین ایچینده شهرین اۆستو اؤرتولدو و ظۆلومات هر یئری بۆرودو. ایشله‌ین اهالی نه قدر یوْرغون اوْلسالار دا اؤزلری‌نین دۆزلتدیک‌لری قارانلیقدا یاتمادان، دینجلمه‌دن خاقانی گؤزله‌ییردیلر. یالنیز دامدا قوْیولان آددا-بوددا بالاجا باجالاردان ایشیق زوْلاغی بیر ذره شهری ایشیقلاندیریر و انسان‌لار، ائله‌جه ده اطرافدا اوْلان هر بیر شئی کؤلگه کیمی گؤزه گلیردی.

ایش قورتاراندان بیر آز سوْنرا خاقان قارانلیقدا سئوینه-سئوینه شهرین مئیدانینا گلدی و اؤز خالقینا و اؤز قارانلیق شهرینه باخماغا باشلادی. شهر دۆزدن ده خاقانین ایسته‌دیگی شکیلده اوْلموشدو. ایلک دفعه اوْلاراق شهرین خیابان‌لاریندا، کۆچه‌لرینده و ان اؤنملی‌سی شهرین مئیدانیندا قوْرخوسوز، عذابسیز یئریمگه باشلامیشدی. بونونلا یاناشی یوْرغون اهالی ده خاقانین گلدیگی‌نی گؤررکن اوْنلارین آراسیندان بیر کیمسه اوجادان اوْخوماغا باشلادی:
ان بؤیوک خاقانین خالقیندانام من
ان بؤیوک دیواری تیکن ده منم
...

اوْنون باشلادیغی‌نی گؤرن باشقا اهالی ده اؤز بؤیوک ایش‌لرینه گۆوَنرَک اوْنونلا بیرگه اوْخوماغا باشلادیلار:
بو خالقین، خاقانین دۆشمنی اۆسته
یۆرویوب قوْرخولار تؤکن ده منم
...

بو شعرلر سانکی اهالی‌نین قانینا قاریشمیشدی و اوْنلار اۆرکدن اوْخویور و اؤزلری اؤز ایش‌لریندن و اوْخودوقلاری بئیت‌لردن ذؤوق آلیردیلار.
بونو ائشیدن خاقان دوْستونون سؤزونو خاطیرلادی. دوْستو بو ایشی عؤهده‌سینه گؤتورنده دئمیشدی کی، شهرین اهالی‌سی بو ایشه راضی اوْلاجاقلار و بیر آز اذیّت چکسه‌لر ده بونون هئچ اهمیّتی یوْخدور. اوْ گؤروردو کی، خالقی اذیّت چکیب بو دیواری و بو اؤرتوگو اؤز ال‌لری‌یله تیکیبلر و ایندی ده راضیلیق ایچینده بو گؤزل شعری اوْخویورلار.
اهالی ساکتلشندن سوْنرا خاقان دانیشماغا باشلادی:
«سیز منیم یوْلداش‌لاریم و بؤیوک خالقیمسینیز. بو بؤیوک ایش، یالنیز بؤیوک خاقانی اوْلان بؤیوک خالقدان باش وئره بیلر و سیز بو ایشی گؤردونوز. البته کی، بو ایش بورادا بیتمه‌یه‌جک. بونون نتیجه‌سی‌نی گؤرمه‌یینجه و بو ایش‌له «منیم شهریمی» ان بؤیوک یئرلره چاتدیرمایینجا بو ایشی سوْنا چاتمیش بیر ایش کیمی قبول ائتمک اوْلماز. اوْ گۆنو اۆمیدله، آرزویلا گؤزله‌ییرم.»

خاقان، بو دفعه هر زامانکیندان آرتیق اؤزونو هر کیمسه‌دن اۆستون گؤروردو. اوْ بیرینجی دفعه اوْلاراق «بیزیم شهریمیز» دئییل «منیم شهریم» دئدی. اوْ اهالی‌نین اوْخودوغو ماهنی‌دان اوْلدوقجا شعفلنیب و اؤزونو باشقا بیر عالمده گؤروردو و بئله‌لیک‌له فکره گئتدی...

*✍️ یاسر فاتحی*
@abcmedrese

#Dastan #Mənim_Yazılarım İşıqdan qorxan Xaqan (XII bölüm)Nə isə, bir gün və bir gecənin içində şəhərin üstü örtüldü və zülümat hər yeri bürüdü. İşləyən əhali nə qədər yorğun olsalar da, özlərinin düzəltdikləri qaranlıqda yatmadan, dincəlmədən xaqanı gözləyirdilər. Yalnız damda qoyulan adda-budda balaca bacalardan işıq zolağı bir az şəhəri işıqlandırır və insanlar, eləcə də ətrafda olan hər bir şey kölgə kimi gözə gəlirdi.

İş qurtarandan bir az sonra xaqan qaranlıqda sevinə-sevinə şəhərin meydanına gəldi və öz xalqına, öz qaranlıq şəhərinə baxmağa başladı. Şəhər düzdən də xaqanın istədiyi şəkildə olmuşdu. İlk dəfə olaraq şəhərin xiyabanlarında, küçələrində və ən önəmlisi şəhərin meydanında qorxusuz, əzabsız yeriməyə başlamışdı. Bununla yanaşı, yorğun əhali də xaqanın gəldiyini gördükdə, onların arasından bir kimsə ucadan oxumağa başladı:

Ən böyük xaqanın xalqındanam mən,
Ən böyük divarı tikən də mənəm...

Onun başladığını görən digər əhali də öz böyük işlərinə güvənərək onunla birgə oxumağa başladılar:

Bu xalqın, xaqanın düşməni üstə,
Yürüyüb qorxular tökən də mənəm...

Bu şeirlər sanki əhalinin qanına qarışmışdı və onlar ürəkdən oxuyur, öz işlərindən və oxuduqları beytlərdən zövq alırdılar.
Bunu eşidən xaqan dostunun sözlərini xatırladı. Dostu bu işi öz öhdəsinə götürəndə demişdi ki, şəhərin əhalisi bu işə razı olacaq və bir az əziyyət çəksələr də, bunun heç bir əhəmiyyəti yoxdur. O gördü ki, xalqı əziyyət çəkib bu divarı və bu örtüyü öz əlləri ilə tikiblər və indi də razılıq içində bu gözəl şeiri oxuyurlar.

Əhali sakitləşəndən sonra xaqan danışmağa başladı:

"Siz mənim yoldaşlarım və böyük xalqımsınız. Bu böyük iş yalnız böyük xaqanı olan böyük xalqdan baş verə bilərdi və siz bu işi gördünüz. Əlbəttə ki, bu iş burada bitməyəcək. Bunun nəticəsini görməyincə və bu işlə ‘mənim şəhərimi’ ən böyük yerlərə çatdırmayınca, bu işi sona çatmış bir iş kimi qəbul etmək olmaz. O günü ümidlə və arzuyla gözləyirəm."

Xaqan bu dəfə hər zamankından artıq özünü hər kimsədən üstün görürdü. İlk dəfə olaraq "bizim şəhərimiz" deyil, "mənim şəhərim" dedi. O, əhalinin oxuduğu mahnıdan da olduqca şad oldu və özünü başqa bir aləmdə hiss etdi və beləliklə fikrə getdi…

*✍️ Yasir Fatehi*
@abcmedrese

#منیم_یازی_لاریم

ملّتچی‌لیک و اوْنون سرحدلری

منیم بئینیمده بعضاً بئله سوال یارانیر کی، ملّتچی‌لیگین سرحدلری هارا کیمی‌دیر؟ بعضی ملّتچی! آدی‌نی داشی‌یان دیلداش‌لاریمیز، سانکی بونا سرحد گؤرمورلر. بئله دۆشونورلر کی، منه خوْش گلن هر ایش و هر شئیی قبول ائدیرم و اوْندان باشقاسی‌نی نئجه و هر یوْل ایله اوْلمالی اوْلسا دا ردّ ائتمکده چالیشاجاغام. بونلار چوْخ زامان دا انسانلیق سرحدلریندن ده چیخیرلار. منجه، انسان اوْلماغین سینیرلاری ملّت اوْلماغین سینیرلاریندان دا چوْخ گئنیشدیر و بئله‌لیک‌له انسانلیق سرحدلری‌نی کئچن هر بیر کیمسه اوْندان اؤنجه ملّتچی‌لیک سرحدلری‌نی ده آشیبدیر. آمّا عکسی‌نی دئمک چتیندیر. یعنی بئله دئیک کی، ملّتچی اوْلماق اۆچون، اؤنجه انسان اوْلمالی و انسانلیغین قایدالارینا بوْیون اَیمه‌لی‌ییک.

ایندی بونلاری نه‌دن دئییرم؟ بعضی بو ملّتچی‌لیک ادّعاسی ائله‌ین‌لر بیزیم دیلیمیزین و فرهنگیمیزین مۆخالفی اوْلان‌لاری اوْلدوقجا پیس سؤزلر ایله قارشیلاییرلار... ائله سؤزلر کی، انسان اوْنو جمع ایچینده دئمکدن اوتانیر. آمّا بونلار اوتانمادان راحاتجاسینا بو سؤزلری دئییب-دانیشیرلار. من نه قدر دۆشونورمسه ده بونلارین بو قدر پیس دانیشدیق‌لاری بیزیم فرهنگیمیزی، ادبیاتیمیزی، دیلیمیزی و هر شئیدن اؤنجه ملّتمیزی نئجه ایره‌لی‌لده‌جگی‌‌نی باشا دۆشمورم. سوْنرا دئییرم کی، بونلار انسانلیغی باشا دۆشسه‌یدیلر ان چیرکین دۆشمنی ده بو سؤزلرله چاغیرمازدیلار. چۆنکی بو سؤزلری دیله گتیرمگین اؤزو انسانین اؤزونو دَیَردن-قیمتدن سالیر و بئله‌لیک‌له بونلار ملّتچی دئییل، بلکه ان یاخشی حالدا پسیخوْلوْژیک خسته‌لیک‌لردن اینجی‌ین دیلداش‌لاریمیزدیرلار.

سوْنوندا ایسه، بونو دئمک ایسته‌ییردیم کی، بیزیم اوْلدوقجا گؤزل ادبیّات‌لا دیلیمیزی، ادبیاتیمیزی، تاریخیمیزی و عمومیّت‌له ملّتچی‌لیگیمیزی قوْرویان یازیچی‌لاریمیز اوْلان یئرده بئله پسیخوْلوْژک خسته‌لرینه مئیدان وئرمه‌مه‌لی و اوْنلارین دَیَرسیز و چیرکین یازی‌لاری‌نی یایمامالی‌ییق.

✍️ یاسر فاتحی

@abcmedrese

#داستان #منیم_یازی_لاریم ایشیقدان قوْرخان خاقان (11-جی بؤلوم)

هئچ کیمسه‌دن سس چیخمادی. خاقانین دوْستو ایشی بئله گؤرنده یئنه اوجادان دئدی:

- بئله‌دیرسه، ائله ایندی‌دن ایشی باشلایین. هامی بو ایشده اشتراک ائتمه‌لی‌دیر. صاباح ایسه خاقان گلیب شهره باش ووراجاق.

بۆتون اهالی هر ایشده اوْلسایدی دا ایشینی یئره قوْیوب اؤز ال‌لری‌یله اؤزلری‌نی و اؤز شهرلری‌نی بؤیوک بیر دام آلتیندا باسدیرماغا باشلادیلار.
بؤیوک‌لر، کیچیک‌لر قوْرخو، حئیرت و البتّه اۆزرلرینده اوْلان بیر وظیفه حسّی‌نین آراسیندا ایشله‌ییردیلر. اهالی خاقانی چوْخ اوزون زامان گؤرمه‌میشدی. گئده-گئده خاقانین گؤرونمه‌مه‌سی اوْنلار اۆچون بیر تاپماجایا چئوریلمیشدی.

اوْنون اۆچون ده بعضی کیچیک اوشاق‌لار اۆچون – خاقان نه‌دن بو قدر اؤنملی و احتراملی‌دیر – دئیه سوال یارانیردی. بونو اوشاق‌لارین بیری ایشین آراسیندا آتاسیندان سوْروشموشدو و آتاسی اوْنا بئله جاواب وئریردی:

«خاقان‌لار ان اسکی زامان‌لاردان ایندی‌یه کیمی، شهرین روحو، بیرلیگی و همرأیلگی‌نی تمثیل ائدن بیر سیمبوْل کیمی قبول ائدیلمیشدیر. بۆتون اهالی اوْنلاری عزیزله‌ییردیلر و خاقان‌لار دا بونون مۆقابلینده شهرین انکشاف ائتمه‌سینده جاندان-باشدان مایا قوْیوردولار.
خاقانین حؤرمتی تکجه تاریخه دئییل، ان قدیم و افسانوی ناغیل‌لارا دا دایانیردی. سانکی مین ایل اؤنجه بیزیم خاقانین 27-جی باباسی بو شهرین داشی‌نی بو یئرده قورموشدو. اوْ یوخودا بو یئرلره دۆشن قیزیل بیر اولدوز گؤرموشدو. اوْ اولدوزو گؤتوروب بؤیوک اوْغلونا وئرمیشدی. آمّا الینه باخاندا گؤرموشدو کی اوْ اولدوز عئینی حالدا اوْغلونون دا اؤزونون ده الینده‌دیر. الینده‌کی اولدوزو نؤوبتی اوْغول‌لارینا و قیزلارینا دا وئردی و بئله‌لیک‌له هر اوْغلونون و هر قیزی‌نین الینده بیر اولدوز وار ایدی. سوْنونجو اوشاغا اولدوزو وئررکن الینده اولدوز قالمادی. خاقانین اولو باباسی اوْ اولدوزو بو یئرلره باغلی بؤیوک بیر گله‌جک سعادتی کیمی نظرده آلیب بو یئری یاشاماغا سئچمیشدی. اوْ یئددی اوْغلو و یئددی قیزی‌نین عایله‌سینه امر ائتدی کی همین بو یئرده ساکن اوْلسونلار و باشقا هئچ یئره گئتمه‌سینلر. بئله‌لیک‌له بورادا بالاجا بیر کند یارانمیشدی. اوْنلار چتینلیک‌له گۆن کئچیریر و عؤمور سۆروردولر. خاقانین اولو باباسی اؤلدوکده اوْنو شهرین یوخاری باشیندا باسدیردیلار. بیر گۆن اوْندان سوْنرا اوْنون قبری قالخماغا باشلادی و یاشیل بیر داغ اوْ قبرین اۆستونده دیکَلدی. بو داغین اتگیندن گؤزل بیر چای آخیب شهرین اوْرتاسیندان کئچیب بو آرالاری سوواردی. و بئله‌لیک‌له بورالار تام باشقا بیر شکله دؤندو. اوْ داغ هله ده شهرین باشی‌نین اۆستونده دورموشدو و چای هله ده شهرین اوْرتاسیندان کئچیردی.»

ایندی آرتیق داغ دیوارین دالیندا ایتمیشدی. آمّا چای هله ده دیوارین آلتیندان اؤزونه یوْل آچیب شهردن کئچیب شهرین باشقا طرفیندن چیخیردی.

*✍️ یاسر فاتحی*
@abcmedrese

#Dastan #Mənim_Yazılarım İşıqdan qorxan Xaqan (XI bölüm)...Heç kimsədən səs çıxmadı. Xaqanın dostu işi belə görəndə yenə ucadan dedi:
- Bələdirsə, elə indidən işi başlayın. Hamı bu işdə iştirak etməlidir. Sabah isə xaqan gəlib şəhərə baş vuracaq.

Bütün əhali hər işdə olsaydı da, işini yerə qoyub öz əlləriylə özlərini və öz şəhərlərini böyük bir dam altında basdırmağa başladılar.

Böyüklər və kiçiklər qorxu, heyrət və əlbəttə üzərlərində olan bir vəzifə hissinin arasında işləyirdilər. Əhali xaqanı çox uzun zaman görməmişdi. Gedə-gedə Xaqanın görünməməsi onlar üçün bir tapmacaya çevrilmişdi. Onun üçün də bəzi kiçik uşaqlar üçün – xaqan nədən bu qədər önəmli və ehtiramlıdır – deyə sual yaranırdı. Bunu uşaqların biri işin arasında atasından soruşmuşdu və atası ona belə cavab verirdi:

“Xaqanlar, ən əski zamanlardan indiyə kimi, şəhərin ruhu, birlik və həmrəylikni təmsil edən bir simvol kimi qəbul edilmişdir. Bütün əhali onları əzizləyirdilər və xaqanlar da bunun müqabilində şəhərin inkişaf etməsində candan-başdan maya qoyurdular. Xaqanın hörməti təkcə tarixə deyil, ən qədim və əfsanəvi nağıllara da dayanırdı. Sanki min il öncə bizim xaqanın 27-ci babası bu şəhərin daşını bu yerdə qurmuşdu. O, yuxuda bu yerlərə düşən qızıl bir ulduz görmüşdü. O, ulduzu götürüb böyük oğluna vermişdi. Amma əlində baxanda görmüşdü ki, o ulduz eyni halda oğlunun da özünün də əlindədir. Əlindəki ulduzu növbəti oğullarına və qızlarına da verdi və beləliklə hər oğulunun və hər qızının əlində bir ulduz var idi. Sonuncu uşağa ulduzu verərkən əlində ulduz qalmadı. Xaqanın ulu babası o ulduzu bu yerlərə bağlı böyük bir gələcək səadəti kimi nəzərdə alıb bu yeri yaşamağa seçmişdi. O, yeddi oğlunun və yeddi qızının ailəsinə əmr etdi ki, həmən bu yerdə sakin olsunlar və başqa heç yerə getməsinlər. Beləliklə burada balaca bir kənd yaranmışdı. Onlar çətinliklə gün keçirdir və ömür sürürdülər. Xaqanın ulu babası öldükdə onu şəhərin yuxarı başında basdırdılar. Bir gün ondan sonra onun qəbiri qalxmağa başladı və yaşıl bir dağ o qəbrin üstündə dikəldi. Bu dağın ətyindən gözəl bir çay axıb şəhərin ortasından keçib bu araları suvardı, və beləliklə buralar tam başqa bir şəklə döndü. O dağ hələ də şəhərin başının üstündə bir mehriban ata kimi durmuşdu və çay hələ də şəhərin ortasından keçirdi.”

İndi artıq dağ divarının dalında itmişdi. Amma çay hələ də divarının altından özünə yol açıb şəhərdən keçib şəhərin başqa tərəfindən çıxırdı.

*✍️ Yasir Fatehi*
@abcmedrese

#سیزدن_سؤزلر

قدیمکی‌لر سؤزونو، گؤزلری‌یله دئیردی
یاغلی-یاوان چؤرگی، بیر سوفره‌ده یئیردی
حؤرمت‌له بیر-بیرینه، ال باسیب باش ایَردی
بیز نسیل‌لر ایتیردیک، اوْنلارین میراثی‌نی
کئچمیشیمیزی گؤمدوک، ساخلامادیق یاسی‌نی

عالمه خان بی ایدی، آت بئلینده گزردی
سومر، ماننا نه بیلیم، گؤی تۆرک، آغ هون، خزردی
دوْستونا گۆلراۆزلو، دوشمنی‌نی ازردی
اوْنلارین قیلینجی‌نین کیم آلاجاق پاسی‌نی
کئچمیشیمیزی گؤمدوک ساخلامادیق یاسی‌نی

یارامازلیق نه قدر، هاچانادک سۆره‌جک!
سوْیوندان قوْپان ساتیق، آلچاق دوْنا گیره‌جک
جۆیوت‌قولو اوْلاجاق عالمی گۆلدوره‌جک
آناسی‌نی سؤیه‌جک، داناجاق آتاسی‌نی!
کئچمیشیمیزی گؤمدوک ساخلامادیق یاسی‌نی

یئنه اومود یوْلو وار، یئنه شۆکرو وار هله
های دئین دلی‌لرله، یار گلیر گۆله‌-گۆله
جیرتدانیمیز قاییدیر، قاری ننه مۆرگوله
باشینا چک یوْرغانی، قور آلتیندا تاسینی
کئچمیشیمیز قاییدیر، توتا سنین یاسینی.

*✍️ آیدین خلفی*
@abcmedrese

«آیدین خلفی» جناب‌لاریندان گؤزل بیر شعر

هانسی دیل‌له دئییم؟ خانیم! آی آغا!
گیزلده بیلمیرم بو سرّی قاغا
حئیرانی اوْلموشام باشدان آیاغا
من قورو بیر جسمم اوْ منه جان‌دیر
کؤنلومون سولطانی، آذربایجان‌دیر

گۆوندیم، سیغیندیم، بیر پای وئرمه‌دی
گلین ساچ‌لارینی آنام هؤرمه‌دی
بوْغولدو آرزولار کاما ارمه‌دی
سنینکی شاه اولسا، منیمکی خان‌دیر
کؤنلومون سولطانی آذربایجان‌دیر

اوچورام اۆزولور آیاغیم یئردن
گزیرم ائل‌لری آرابیر، هردن
یادیمدان چخماییر اوْ مینا گردن
ها دانیش، ها دئیین، ها منی قاندیر
کؤنلومون سولطانی آذربایجان‌دیر.

@abcmedrese