**ناوی تەواوی « محمد محمد مرسي عيسى العياط »ـە؛ لە « 20ی ئابی 1951 » لە گوندی « العدوة » لە پارێزگای « الشرقية » لەدایڪبووە و لە بنەماڵەیەڪی سادەدا گەورەبووە، باوڪی جوتیاربووە لەڪاتێڪا دایڪی ژنی ماڵەوەبووە.

لە ساڵی « 1978 » هاوسەرگیرییڪردووە و خاوەن پێنج منداڵە؛ خۆی و هاوسەرەڪەی لە « ڪۆمەڵەی برایان » یەڪێڪبوون لە چاڵاڪەڪان و لە ڪاری بانگخوازیی و پەروەردەیی بەشداربوون و خەریڪی چارەسەرڪردنی ڪێشەی ڪۆمەڵایەتی و پەروەردەدانی خەڵڪی بوون.

پێنجەمین سەرۆك ڪۆماری مصرە و یەڪەم سەرۆڪە پاش شۆڕشی « 25ی ڪانوونی دووەم »، هەروەها یەڪەم سەرۆڪی مەدەنی هەڵبژێردراوی ئەو ووڵاتەیە ڪە بە ڕێژەی « %51.73 » براوەی هەڵبژاردنی « 24ی حوزەیرانی 2012 » بوو.

ماوەی سەرۆڪایەتییەڪەی دەستپێدەڪات بە ڕاگەیاندنی لەدوای بردنەوەی هەڵبژاردنەڪە و لە بەرواری « 30ی حوزەیرانی 2012 » دوای سوێندخواردنی دەستووریی، دەستبەڪاربوو.

لە « 3ی تەمموزی 2013 » جەیشی ڪودەتاچییەڪانی مصر بە سەرڪردایەتی « عبد الفتاح السيسي » ڪودەتایانڪرد بەسەر سەرۆك « مرسي » و بەگیراویی مایەوە لە زیندانا تا ڕۆژی وەفاتڪردنی لە « 17ی حوزەیرانی 2019 ».

| بە سوپاسەوە لە « ك. یوسف » وەرگیراوە**.