✯•|

‏من ينتظر فراغ يومه وصفو ليلِه حتى يقبل على كتاب الله فسيطول انتظاره..

ومن يظنّ أن الدنيا ستهديه يومًا دون مشغلات ليتسنى له حفظ القرآن وتلاوته، فقد خاب وخسر

الحياة سريعة العجلة دائمة التقلب، فاسترق منها ساعات صفاء تعيش فيها مع القرآن، اصنع له وقتًا وفراغًا ليطيب عيشك في كنفه.

✯•|

في رحلتك في الحياة وفي أي خطوة تمشيها؛ إوعى تستبعد حاجة عن ربنا، ولا تستكتر حاجة على نفسك.

مفيش حاجة اسمها ده صعب وده بعيد وده مستحيل، ولا في حاجة اسمها اللي حصل حصل وفات الأوان!

في حاجة اسمها سعي وأخذ بالأسباب، في حاجة اسمها توكل على الله وتسليم لله، ومفيش أبدًا حدود لأي إنسان بيسعى وهو متوكل على الله..

(إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ)

كل حاجة ممكن تحصل، وكل الأسباب ممكن تتسخر، وكل الأبواب ممكن تتفتح، بس لأن ربنا أراد ده!

انت تستحق كل جميل،
وربنا كريم وهيراضيك.

✯•|

كانت مُعلمتي تقُولنا مفيش أعذار تخليكِ متقرأيش قُرآن في يُومك، أو أنك تتغيبي عن حلقة القُرآن،
كانت بتقُولنا إن شيخهَا زمان كان يقُول اليوم الل متجيش فيه حصة القًرآن، يكون يوم موتك." يعني مفيش عُذر أقوى من ده لأن فعلًا مش هتعرف تيجي"

فكانت بتحكلنَا عن بنت كان عندها ابتلاءات كتير في حياتها، حياتها كانت صعبة جدًا، وكانت مبتغبش أبدًا عن حلقة القُرآن،
كانت يتيمة وجدتهَا هي الل ربيتهَا،
في مرة كلمتني بادري عن معاد حلقتها، فسألتها ليه!!
قالتلي عشان جدتي توفت، فأنا عاوزة أغسلهَا وأكفنهَا، فعاوزة أسمع بادري قبل ما أنشغل بقية اليُوم!!

متخيلين!! وكان صوتها فيه كمية ثبات، ما شاء الله عليها،
كُانت صعبانه عليا جدًا، وخصوصًا أنها وحيدة، ولا أخ ولا أُخت،
بس كمية صبرها وهي بتقولي الله هيتولاني، ومش هيسيبني أبدًا، أنا واثقة فيه،
وفعلًا دلوقتي ربنا عوضها اللهُم بارك، ربنا يبارك فيها وفي أولادهَا،
آخر حلقة ليها معايا قالتلي
" الحمدلله إن حياتي كان فيها قُرآن، خير جليس، وخيرُ صاحب، هو الل كان بيهون عليا كل المصائب الل حصلت"

-من فترة سمعت بودكاست للشيخ سعيد أبو العلا حمزة، لما حكى عن واحدة كانت بتحفظ قرآن بمقدار معينة وما شاء الله عزيمتهَا قوية، في مرة قللت المقدار، فسألها ليه!! قالتله لأن بنتها توفاها الله وهي كانت بتغسلها وبتكفنهَا فملحقتش تحفظ الكمية كلها،

أنتم متخيلين!!! بنتها توفاها الله وجات الحلقة، والل صدمنِي أنها من القاهرة، والمركز كان في الإسكندرية!
ايه كمية الثبات دي!!

ولما سألها انتِ أزاي كدا، ردت رد جميل أوي:
بتقُول أنا بَحمد ربنا إن بنتِ ماتت وأنا معايا ١٧ جُزء أتعذى به، بتخيل لو كانت ماتت وأنا مش معايا ال ١٧ جزء، كُنت هتعذي بإيييه!!
أنا مشفقة على الناس الل بيموت ليهُم ابن أو بنت ومش مش معاهم اي حاجة من القرآن.

وأنا بسمع البودكاست ده بكيييت،ايه الناس دي بجد!!! اللهُم حالهُم.

‏- القلوب التي تتنفّس بالقرآن يصعب عليها التخلّي عن القرآن ولو كان ليوم واحد فقط.

- لِـصاحبته.

✯•|

‏من حُسن الأدب مع الله ألّا تنصرف بعد الصلاة وكأنك كنت مقيدًا، اجلس فقُل الأذكار

سَمّى بعض العلماء هذا الجلوس الذي بعد الصلاة بالجلوس الثمين .. لماذا؟

لأن الله يغفر فيه الذنوب، فإن الملائكة تُصلّي على أحدكم مادام في مُصَلّاه، تقول اللهُمَّ اغفر له، اللهُمَّ ارحمه

‏فاقعد وقل « استغفر الله، استغفر الله، استغفر الله؛ اللهم أنت السلام، ومنك السلام، تباركت يا ذا الجلال والإكرام »

لأنك لا تدري ما المقدار الذي سرحت فيه وشُتِّت عقلك فيه، فتستغفر الله عز وجل ثم تُكمل أذكار بعد الصلاة.

✯•|

"حَسْبِي أنِّي أمَتُه، ولَن يُضيِّعنِي")!

✯•|

يَكتبُ الله ثوابًا جَزيلًا لِمَن يقرأ سُورَة الكهف يَوم الجُمعة، وفضلُهَا يكمُن فِي أنهَا تُضيء للإنسان المُسلم مَا بينَّ الجُمعتين وتُضِيء لهُ قلبُه ووجهه.

✯•|

أختي الفاضلة المنتقبة:

لو مفيهاش إساءة أدب يعني بلاش كل ما تشتري طقم جديد تطلعي تفرجينا عليه في مقاطع الريلز، ولفة النقاب كل البنات بتعرف تعملها وأحسن منك كمان فنقطينا بسكاتك وغطي إيدك ودراعاتك واستري نفسك الله يسترك !!

آه معلش حاجة كمان: مش هنستفيد حاجة من إنك تطلعي كل شوية تحكيلنا عن اللي حصل معاكي في الشارع والمواصلات والمحلات اللي بتخرجي فيها انتي وأصحابك، خليها لنفسك الله يصلح حالك !!

وبمناسبة الجملة اللي كل شوية تكتبيها على صفحتك وفي فيديوهاتك (الدين هو البعد عن الحرام وليس البعد عن الحياة) فعلا كلامك صح، ولكن رسمة عيونك وشكل حواجبك ومانكير صوابعك وحركاتك ولفاتك وغمازاتك وإفيهاتك وغزلياتك وتهزيئاتك لخطيبك أو زوجك أو صحابك، وتركيب المقاطع على أصوات الفنانين والموسيقى، كل ده حرام يا بنتي أقسم بالله !!

أختي المنتقبة: اتلمي بقى وخلي عندك دين وحياء، لأنك كده والله مش بتخدمي الدين، انتي بتشوهي صورة الدين وبتفتني شباب المسلمين !!

✯•|

هيّ خطاوِي، ربنا كاتبها عليك، ولازم تمشيها

فَـ ياربّ الخطاوي تكُون على هوانا
ولا نشقى فيها ولا تشقي لنا قلب فيها ياربّ.

✯•|

ياربّ أدِّبني بأدب أمهات المؤمنين، ياربّ تفضَّل علىَّ بما يجعلني أنثي مسلمة صالحة سوية.

✯•|

من أدب الأخوّة والمُرافقة أن يُقدّر الواحد منّا سريرة أخيه وما قد يُخفيه عنه، وأن يحتَرم رغبته في الإسرار بأموره وعدم الجهر بها مهما قرب منهُ مقامه أو بَعد، فلا تلومنّ على أخيكَ مُداراته حاجاتِه ولا تسألنّه فيمَا لَم يُبديه لَك، ولا تُضيّق عليه بالكلام فتجعل للتكلّف مذهبًا بينكما، وتوقع الأذيّة عليه.

لا تكن ثقيل المُرافقة بتدخّلك في شؤون من لا يرغبون أن تُشارَك شؤونهم، ولا تُلحّ في السّؤال على من لَمستَ فيهم عدم ارتياحٍ للحديث وتجاوزٍ للإجابة حرجًا منك، وأنت تُعاين أنّهم يُفضّلون الكتمان دونًا عن الإعلان، فلا تُمكّن فضولك على نفسك وتَفرُضهُ على غيرك، والأهم ضع لأخيك ألفَ عذرٍ لاختياره السّتر قبلَ الملامَة عَليه.

كُن رقيقَ الحاشيَة خفيفَ الحضور والكلام، إن حَضرتَ حَضرَت مَعك الراحة، وإن غادرت ذُكِرت بالخَير وامتلأتِ القلوبُ والأماكِن للقياكَ أشواقًا.