السيدة #زينب عليها السلام

وين حسين والعباس وينه

وين حسين ما يحضر لأخته
يجيب زنود عباس اوگفته
بالتشييع ماكو صياح سكته
خلّه يجيب نسوان الظعينة

خله يجيب نسوانه الثچالى
ويثغبن على نعش الكفالة
مهضومة شرف الله وحلاله
تنطر صوت من حسين ( اجينا )

التروط الگاع من جدم الكفلها
و ايسدّ الشمس بيرغ اهلها
هاي الما يشوف حسين ظلها
ظل تابوتها بعازة يمينه

يا منحور منحورة العقيلة
وين زنود شيّال الثجيلة
عدكم باليسر يحسين شيلة
ترجع لو تظل زينب حزينة

اهل الشام مو گد الضيافة
بيوت وناس متروسه صلافة
من طبّ ظعني للشام بعفافه
خوارج صاحت الوادم علينا

.

تاريخ الانشاء :
١٣/رجب الاصب/١٤٤٦هـ
٢٥/١/١٤ الثلاثاء
٤:٤٦ مساءً
الديوانية - ام الخيل

تاريخ الانتهاء :
١٤/رجب الاصب/١٤٤٦ هـ
٢٥/١/١٥ الاربعاء
٧:٠٥ مساءً
الديوانية - ام الخيل

https://t.me/murtaja_mauod

السيدة #زينب عليها السلام
.

مـو مـثل كل الجـزة
گـلبي غـربـة تـفـززه
ما اجي هـاي الـسنة
ومـا اطـب ليـچ بعزا
.

الـعـذر لله ولـجـنـابـچ يـالعـقـيـلـة
ما اجـت يمـچ قوافـلـنا الـجـلـيـلـة
حلم چان نطب على الشام بلـطمـنا
ونچفي مصباح النجف بآحظان ليله

عگب ذيـچ الليلة
وطـبّـتـچ ديـوانـه .. من ابن مرجانة .. القصر
گلبي حلمه بحيله
بصحنچ ابـيـبـانه .. يطش دمع احزانه .. جمر

يالـعقيلـة وشبـعد
ما وصل يمـچ احد
لوحـدچ بغربة وأنْه
ما اطب ليـچ بـعزا
.

بالله لو حـل و وصل يوم الشهادة
وماكو يم بابچ حزن ودموع سادة
گلبي شيّـقنـعه يظل بصدري راكد
جهد عاجز هـذا بس اهـون عبادة

يعـزّ عليّـه دمـوعـي
السـنة مـو يـم بابـچ .. ولا اشـمّ اعـتـابـچ .. واون
ولا تصيـح ضـلوعي
وي الخدم بمصابچ .. واسأل إعلـى احبابچ .. حزن

وحـشة هالمـرّة الدرب
وغربة وي دمعي تصب
گلـبي ما ادري اشـجـنى
ومـا اطـب لـيـچ بـعـزا

.
صدگ يا زينب بگـت ظلٰمة المناير
و صدگ ماكو بالـدرب دمعات زاير
چا منو يهـوّن بعد ضـيم الخـرايب
وياهو بالتشيـيع يبـچي ودمّـه فاير

ماي حضّرنالچ
عدنا منّه هوايه .. وشفتي بالمشّاية .. شكثر
الشام ابد ما ردنا
يمّن حتى بمايه .. اعليـچ يـم اعباية .. خِدر

حچت عنّه كربلا
الشام مو گد الهلا
يا ظهر منكم حِنى
وما اطب ليچ بعزا

.

يم عباية التستحي حتى من اهلها
عگب كافلها العبي ياهو الكفلها ؟
شلونچ وي الشام هسة يالغريبة ؟
عاد ذاك اليوم عدنا اخباره كلها.

يوم طبّيتوا له
ابـ لا هلا لاگوكم .. سادة ويسمّونكم .. عبيد
بيومها هلهوله
هسة عاد شلونكم .. بخير لو تعبوكم .. عديد

نفسه لو غـيره البـلد
گـال اهـلاً لــو بـعـد
لسه اظن شام الغـنا
وما اطب ليـچ بـعزا

.

تاريخ الانشاء :
١٢/رجب الاصب/١٤٤٦ هـ
٢٥/١/١٣ الاثنين
٩:٣١ صباحاً
الديوانية - ام الخيل

تاريخ الانتهاء :
١٢/رجب الاصب/١٤٤٦ هـ
٢٥/١/١٣ الاثنين
١١:٣١ صباحاً
الديوانية - ام الخيل

https://t.me/murtaja_mauod

https://t.me/murtaja_mauod/27

https://t.me/murtaja_mauod/18

بينا ماكو المثل يعگوب بزمانه
بُعد يوسف والمفارگ ما چوانا
الليل عگبه ما سهرنا
وهجر يوسف ما كسرنا ، ولا جبرنا

.

https://t.me/murtaja_mauod/6

حـبيـبي مـروّتـك لا تـتـرك ايــدي
حط حبل العبودية إعـلى جـيـدي
دمع عمري المضى عـفته يـمولاي
واجـيـتـك راح اطلـعـلك جـديدي

.