【2月25日 衛我山城 撥亂反正】

請將以下訊息傳給更多中大人。

====================

各位學長、同學：

好無奈，常委會至今仍拒絕交待不通過我哋參選資格嘅理據。我哋重申，我哋完全符合章則規定嘅要求，各人均獲遠超門檻要求嘅校友聯署支持。

似乎呢班全部都係委任或自動當選嘅常委，真係認為自己比廿五萬個中大人更有智慧。常委會有權去篩選挑戰自己席位嘅人已經係極不合理，更何況章則根本冇授權。

今次一事我哋更揭發係粵港澳大灣區校友會私相授受、黑箱作業之舉。從佢哋鬼鬼祟祟，不敢公開理據同投票紀錄，就知道佢哋嘅行為根本不論「法、理、情」，都係站不住腳。

據消息人士透露，現屆常委會會提出修章議案，進一步削弱校友喺會員大會嘅權力。我哋亦可預料若今次唔夠人反對嘅話，常委會會將政治篩選變成定制，甚至通過一些議案確保常委會嘅決定係不容挑戰。

我哋唔在乎係咪我哋當選，我哋在乎嘅係公義，以及日後其他有志之士參選嘅權利。我哋唔希望校友評議會成為大灣區校友會圍威喂嘅地方，我哋唔想見到日後想參選嘅人要去攀附盧子穎、郭碧蓮等權貴先可以入閘。

故此，我哋懇求廣大熱愛中大嘅校友，幫忙參與以下行動：

1.【一人拉一個 登記親身出席】

2022會員大會
日期：2月25日（星期六）
時間：下午3點
地點：中大李兆基樓6號演講廳

我哋會提出一系列議案，撥亂反正、從制度上解決常委會濫權嘅問題。

一、解釋選章第10條和第13條選舉主任和常委會的權力，裁定常委會於2023年1月30日所作的決定違章、越權且無效，其後所作的選舉同屬無效，並指示重啟選舉。

二、譴責選舉主任及常委會失職、違章及越權，並未確保選舉公平進行；要求選舉主任及常委會問責下台。

三、廢除章程第30(d)條，修改章程第30(b)(c)條，在「經常務委員會」後，加入「以五分之四多數」。（註：阻止常委會憑個人喜好解除當選常委嘅職務）

四、修改章程第18條，刪去(c)及在第18(e)條，刪去「五」，代以「四」。（註：削減校友會聯會薦任嘅人數）

五、常委會必須在會議或決議通過後一星期內公開會議或決議紀錄供會員查閱。

六、在會議章則加入第22A條「常委會須安排電子投票，容許會員在該次會員大會結束前以常委會指定電子方式，就該次會員大會除第25及26 段的程序議案外的全部議案，遞交投票意向。」

我哋明白有人已經登記了「不出席」，不少中大人亦已經離開了香港，令到人數更少。所以我哋更希望每人可以行多一步，大家可以一個拉一個，叫更多中大人出席。我哋相信只要我哋能夠在會員大會佔三分二多數，就可以撥亂反正。（若你已填了「不出席」，我哋仍鼓勵你列席。）

2.【一人一議程】

我哋預計常委會會拒絕將我哋提交嘅議程列入，所以我哋希望更多校友可以幫手入議程。我哋已經準備好表格樣本，請各位幫忙於2月11日前以電郵送抵中大校友評議會秘書。

結語：

佢哋如斯明目張膽違章，就係睇唔起我哋中大人，睇死我哋唔會企出嚟對抗不公。我哋在此拜托各位，2月25日李兆基樓見！

候選常委 孫昊賢 Anthony 新亞會計21
候選常委 謝煒洛 Walter 逸夫建築22
候選補任常委 陳成偉 Chris 伍宜孫電工22
候選補任常委 梁溢希 Gabriel 晨興法律21

【612 兩周年】

兩年之前嘅事，你仲記得幾多？

由 6 月 11 號凌晨開始，金鐘一帶不斷有抗爭者到場支援，亦有教徒通宵唱聖詩；12 號由頭班車開始，響應社會各界呼籲罷工罷課去金鐘聲援嘅人潮並無停過。接近中午，群眾已經包圍立法會周遭道路，梁君彥亦被逼宣布延遲立法會會議時間。

與此同時，香港警察違反武器使用守則，瘋狂發射催淚彈同海棉彈鎮壓示威，導致至少 80 個示威者受傷，其中有中學教師右眼中槍受傷，對視力造成永久創傷。下午 5 點 42 分，香港警察向傳媒發新聞稿，正式將金鐘一帶嘅抗爭定性為「暴動」，並指會「採取行動」予以制止。

入夜之後，隨住警察嘅暴力驅散行動同立法會會議日期延後，群眾慢慢向中環方向散去。

兩年以來，共 32 人因參與 6‧12 佔領立法會行動而被捕，其中 1 人被落案起訴暴動罪，即使認罪亦被重判入獄四年。

#反送中 #兩年前 #612兩周年

（圖片來源：立場新聞直播片段截圖）

https://www.facebook.com/593869017450923/posts/1796627540508392/

Facebook

Log in to Facebook

Log in to Facebook to start sharing and connecting with your friends, family and people you know.