**شور شور

خايفات خايفات
خايفات ..بنص خرابه كاعدات ..خويه من ليل هدعش مانايمات
الضلام ..وعين ماتقبل ماتنام ..صعبه نغفه
غربه ياخوي الزلام

گيدونه بحبل خويه وعلى الهزل صعدونه
خلصينه الدرب كله يشتمون امنه وابونه

خيمنه احترگت علينه من فيک گطع عنه
نركض گمنه بالهيمه وصوت صهيل لاحگنه

خايفات
..................................................
السهام ..خويه مطرت عالخيام ..ضيعنه ارواحنه بهذا الضلام
جمر حار ...وداست عليه الزغار ..وجوهنه احتركت ولاحاهه السمار

حيل ردناكم تجونه
وينكم يهل المحنه
جدامنه مابيهه همه
وعاليه التله وصعدنه

ادور ع زغار شلون
واخاف التله اضيعنهه
بأذان رقيه دم يابس
التراجي اتسلبن منهه

خايفات
.................................................
ماتجون ..السوط تعبهه المتون ..ام عون تحتاجلهه عون
ياجفون ..ترضه تطبگ ع عيون ..بهدمك الغربه بقو يتگاسمون

جابو عمامتك يمنه
وهو سو بيهه علينه
راسك عله الرمح هذا .
مدري گلبي الشايلينه

متطشر نذر للخيل ؟
صعبه شلون اشوفنك
وصله بوصله متگطع
الحيره شلون شلون المنك

خايفات
..............................................
مدري ليش. ..كلهه مارادت نعيش ..همه ذبحوكم عليش
مكدرات ..هواي بالطف عاثرات ..الخيل منه شرايدات

صوت ضلعك واصلنه
اتطشرت كل المحنه
چنه نترجاك ترجع
بعد مايلتم شملنه

لاحنهه الجدام النار
نطيح اعللوجه گمنه
شيل اسهامك وارجع
راح الخيل تسحكنه
خايفات

مرتضى الجهلاوي**

https://t.me/ghokvgeoksbvfofkznc

Telegram

قناة الرادود ملا اثير الموالي العنبگي

ghokvgeoksbvfofkznc

((( إعلن كونها ))) يابو صالح گوم وأعلن كونها طلعتها الناس من ماعونها .......................................... يابو صالح گوم وأدرك أمتك وإلحگ من الطائفية لشيعتك هيچ ياحيف النواصب سبگتك وخذت من عدنه الطغاة أديونها ...................…

**كل عشيره وعدها بيرغ مالها

واحنه رايتنه ابو فاضل شالها

شكو اطلابه الماتحلها ارجالها

خلها على العباس واحسب حالها

@@@@@@@@ @@@@@@@@@@

كل شده لو بس تنخا عباس يحضر بيها

صارت عشيره الخدام وحسين شيخ اعليها

عامره اتظل المجالس بينه

اشضارها الوادم تحجي علينه

الجنه الهم وحنه النه احسينه

بكيفه وين يريدنه يخلينه

هاي الماتم لحسين طول العمر نحييها

صارت عشيره الخدام وحسين شيخ اعليها

@@@@@@@@@@@ @@@@@ 

شيخنه احسين ونضل حاشيته

نغمض ونمشي ورا خاجيته

ياهو مثله بطيبته وحنيته

حسين فوك العرش واصل صيته

@@@@@@@@@@@@@@@@ 

ديوانه ماينسد يوم شيخ الهلا وراعيها

صارت عشيره الخدام وحسين شيخ اعليها 

منهد ماصاح الا من ناصر 

خادم بخادم ترسنه العاشر

حسين للتاريخ ماضي وحاضر

كون من صدرك نشيل الحافر

ونصير لسكينه الماي يوم اهدعش نرويها 

صارت عشيره الخدام وحسين شيخ اعليها

@@@@@@@@@@@@ @@@@

الختم بيد حسين هو الحاكم

ياملك مثله يقدر الخادم

سيد علينه عطائك دائم

المايسلم امره بيدك نادم

والدنيا من غيرك هيج وبفلس مانشريها

صارت عشيره الخدام وحسين شيخ اعليها

@@@@@@@@@@@@@@@@@@ 

كلها من ايدك وايدك راجعه

واكو وادم عافتك بس ضايعه

تاكل بماعونك وماشابعه

واكو خدام شكثر متواضعه

مايعثر اليمشي وياك وعلى امك يخليها 

صارت عشيره الخدام وحسين شيخ اعليها

الشاعر : شاكر الصميري

كل عشيرة وعدة بيرغ مالها مكتوبة كتابه 

قصيدة كل عشيرة مكتوبة كتابة موسى البولاني** 

https://t.me/ghokvgeoksbvfofkznc

Telegram

قناة الرادود ملا اثير الموالي العنبگي

ghokvgeoksbvfofkznc

اخلع العـــــــباس ارواح الرجال اوقف الجيش وقـوفاً كالحساب قالباً اعقابها فـــــــــوق الرؤوس واقرعت نـــــــــار جهنم للعذاب مالت الگـــــــــــــاع ابزلمهه امنين ماطـــــــــشت يلمهه ابسيفه هاشــــــــم وطگت عرجهه الحومه كض بيهه ويرجهه ابكيفه كتــالهه…..ومن…

**((( إعلن كونها )))

يابو صالح گوم وأعلن كونها
طلعتها الناس من ماعونها
..........................................
يابو صالح گوم وأدرك أمتك
وإلحگ من الطائفية لشيعتك
هيچ ياحيف النواصب سبگتك
وخذت من عدنه الطغاة أديونها
..........................................
هالله تنهالله بحمى الدين الحنيف
اعليه انمد من الغرب چف مو نظيف
ياحليف الماثبت غيرك حليف
لثار طف حسين ياطاعونها
..........................................
ياحليف الثار من آل الرسول
بلمسة إيده يضمد إجروح الأصول
كلها تنطر نهتضتك يبن البتول
وفزعتك لافوگها ولادونها
.........................................
گوم وأعلن عالظلم يوم الوعيد
كربله بطفها إنذبح حتى الوليد
صح نستها الناس لكن يالعجيد
اهل ذو الفقّار ماينسونها
..........................................
وشيعتك يبن الحسن بالأنتظار
تستعر بگلوبها من الفرگه نار
شوكت يالحر تتخذ ذاك القرار
صارت أويعداك مدري شلونها
........................................
يابو صالح هاجت أعلينه الفتن
والنواصب لعبت بحال الوطن
والزمان اعله الشعب صدره إنشحن
وانت مايخفاك كل مضمونها
..........................................
يالكريم اعليك مايخفى الوضع
يالتطلع الدَخَل من حلگ السبع
شوكت ضيك يابدر بالحگ يشع
وتكشف الغمه وتبخ چانونها
...........................................
كلها تتطلع لطرتك يافجر
تفكنا من گيد النوايب والأسر
صار عالي أعل الشعب صوت الكفر
وصرَّحت صهيون عن مكنونها
.........................................
لعبت الموساد بينه وكل لئيم
صار للأسلام بغيابك غريم
وين سيفك وين عن هذا الحشيم
راحت أوهام أمتك بظنونها
.........................................
شاعر أهل البيت
أبو عقيل الناصري

قناة الشاعر ابو عقيل الناصري
لاشي يتركه الزمان مقاوما .. الا الذي حمل الإباء**

https://t.me/ghokvgeoksbvfofkznc

Telegram

قناة الرادود ملا اثير الموالي العنبگي

ghokvgeoksbvfofkznc

قصيده اللعليله (ع) لا علي الاكبر ولا عمي الكمر ما وصل منك ياابو اليمه خبر بويه تاذيني الضنون اتخر ما ضن يجون **** كاعده بدرب لقوافل ونتظر هسه عطر حسين ابو ليمه يمر كلبي بويه يذوب لو صار العصر تدري بل علويه ما تحمل هجر بويه ما يرحم كصه ويانه…