📰Бүгүн "МҮРҮ САҺАРҔАТА" хаһыат төрдүс нүөмэрэ бэчээттэннэ👏👍

Хаһыаппыт оҕото - "ҮРҮЙЭЧЭЭН" бу сылга бастакы нүөмэрэ таҕыста. "Үрүйэчээҥҥэ" улууспут оҕолорун суруйуулара тиһилиннэ.

Оҕолор маладьыастар👍✊суруйар дьоҕурдара сайдан иһэриттэн үөрэбит. Онуоха эбии үөрэхтээһин педагогтара көҕүлүүр пресс-кииннэрэ, медиа-кииннэрэ үлэлээн эрэллэрэ көстөр. Бу курдук ый ахсын суруктаргыт, хаартыскалаах репортажтаргыт киирэ турдахтарына, оҕобут хаһыатын бэчээттэнэр ситимэ быстыбат✍️📹

Бу нүөмэргэ 2024 сыл үс бастыҥ оскуолатын ситиһиилэрин бэчээттээтибит. "Дьулуур" диэн ааттанан доруобуйаларынан хааччахтаах оҕолорго анал балаһа баар буолла.
Чэ, салгыы бэйэҕит ааҕаарыҥ✊

📹Ольга Шепелева

✅@uamurusahargata @ulusmedia

📍 Уус Алдан улууһун оскуолаларыгар 1-5 кылаастарга актированнай күн. Салгын температурата -46.

✅ @uamurusahargata @ulusmedia

? Алтынньы 31 күнэ. Чэбэр күн

Былыт ☁️☁️☁️ баар аҕай? Арай тыалын хайысхатын хотуттан ылбыт. Сарсыарда 5:30 чааска Суоттуга -22°С? Сарсыҥҥыттан -40°С буоларын киһи итэҕэйэмиэх курдук? Бүгүн билиҥҥи кэмҥэ сөп түбэһэр кэпсээн ыытар буоламмын, дьүһүйүүбүн, билгэбин тохтоттум.?

ИДЭҺЭ БАРАХСАН

"Күһүҥҥү киһи күлбүтүнэн", – диэн ѳс хоһооно идэһэни ѳлѳрүүттэн, муҥха саҕаланыаҕыттан ааҕыллар. Бу кэмҥэ ас-үѳл дэлэйэр, санаа кѳнньүѳрэр. Кыстык кэмэ уратыта диэн муус ылыыта, идэһэ ѳлѳрүүтэ, күһүҥҥү муҥха барыта биир кэмҥэ түбэһэр буолан үлэтэ баһырхай. Идэһэлэнэ сырыттаххына, мууһуҥ халыҥыыр, муускунан дьарыктаннаххына, халлааныҥ тымныйар. Дьэ, ол иһин тыа киһитэ барахсан барытын аттаран үлэлиэхтээх.

Баһылайка быйыл 5-гэр сылдьар ат кунанын ѳлѳрүѳхтээх. Оҕонньор сүѳһүлэрин бэйэтэ кѳрѳр, оҕо курдук бүѳбэйдиир . Идэһэни сүүскэ охсуохтааҕар ѳлѳрѳллѳрүн да кѳрѳѳччүтэ суох. Хата ол оннугар ыгым майгытыгар тэптэрэн, мѳккүспүт киһитин, чэпчэки да буоллар, чэчэгэйгэ баран кэлээччи. Ону эттэххэ, "киһи мѳккүһэр буоллаҕа" диэн тыллаах буолааччы.

Бүгүн сүѳһү ѳлѳрѳргѳ анаабыт курдук үтүѳ күн үүннэ. Хаан сытын билэн хара тыа хара суордара "кулук-халык" саҥарсан дэриэбинэни уһаты-туора кѳтѳн куһурҕаспыттара ыраатта. Баһылайка кырдьаҕас киһи сиэринэн ыксаабакка, аа-дьуо малын-салын бэлэмнии сырытта. Үѳлээннээҕэ Сиидэр кѳмѳлѳһѳ кэлиэхтээх. Сиидэр үйэлээх сааһыгар сүѳһү сааҕыгар биккиллибэтэх киһи. Хата дьэ, тылынан баҕас кини саҕа сүѳһүгэ үлэлээбит киһи суох. Кинини билбэт дьон аһынан: "Оо, барахсаны", – диэхтэригэр диэри кэпсээччи.

Баһылайка тиэргэнигэр тѳттѳрү-таары тэйбэҥнии сылдьан "оҕуспун киминэн оҕустарабын?" диэн санааттан ырааҕы толкуйдаабат буолла. Ол сырыттаҕына атахтаһа олорор ыалын уоллара Куонааскы обургу доҕорунаан Киргиэлэйдиин дьиэттэн бѳтѳрѳҥнѳһѳн тахсан, кыстык маска тиийэн, чууркаларга олороот табахтаабытынан бардылар. Баһылайка "сэксэс" гына түстэ. Идэтинэн үтүлүктээх илиитинэн ыстаанын ѳрѳ тардыммыта буолла. Ыскаабар баар буоккатын саныы-саныы уолаттары сапсыйан ыҥырда. "Тугу гынабыт?" дии сылдьар уолаттар ѳр ыҥыртара туруохтара дуо? Бу ыстаҥалаһан кэллилэр. Сүѳһү ѳлѳрүѳхтээҕин эппитигэр уолаттар "Ханна баарый?" – дэһэ түстүлэр. Этитэ да барбакка, далтан сиэтэн таһааран, баҕанаҕа эрийэ кѳттүлэр… Оҕус эрэйдээх ѳлѳрүн билэн бууһурҕаччы тыынна, хос-хос хойуулаан туманнатта, хааннааҕынан кѳрдѳ, хараҕыттан уу-хаар баста.

"Сүгэни дабаай", – диэн буолла. Баһылайка оҕуһун аһынан сүрэҕэ ытырбахтаата, салҕалас илиитинэн мас хайытар килиин сүгэни биэрдэ, Куонааскы обургу сүгэни ыараҥнатан кѳрдѳ уонна оҕонньорго:
– Баһылайка, манан оҕустахпына оҕуһуҥ ѳлѳн хаалыа суоҕа дуо? – диэтэ. Оҕонньор ѳйдѳѳбѳтѳ:
- Онтон биһиги ѳлѳрѳ сатыыбыт буолбатах дуо? – диэтэ бэркэ мунааран, итиэннэ барбатах балык минин курдук кѳрѳн кэбистэ.
– Суох оҕонньор, миэхэ оҕус ѳлѳрѳ наадата суох, дѳйүтэн түһэриэхпин наада. Дѳйѳн, сүрэҕэ үлэлии сыттаҕына хаана элбэх кэлиэ этэ буоллаҕа.
– Оннук сах этэ дуу?..
– Бар, тэттик тэлэгэр сүгэни аҕал, – Куонааскы обургу кыыла турбута сүр. Сутуругунан охсуохтуу оҕус будьурҕай сүүһүн тоҥсуйбахтаан ылла. Сүѳһүнү сүүскэ охсортон атын үлэни сатаабат курдук тутунна. Баһылайка дьону баһаалыстаҕа үлэлэтэ сылдьан хос этиттэрэ сылдьыа дуо, умса-тѳннѳ түһэн тэрээк сүгэни аҕалан Куонааскыга туттаран кэбистэ уонна:
– Куонаан, эрэйдээбэккэ ѳлѳрѳѳр эрэ. Бээрэ, мин дьиэҕэ киирбитим кэннэ охсоор, – диэтэ.
– Сѳп-сѳп, – уол тирэҕин булунардыы хаары хаһыйбахтаата. Оҕонньор кѳхсүнэн буоларын кытта, оҕус сүүһэ сүр тыастаахтык "тоос!" гынна. Дьон үрдүлэринэн ыт да сирэн сиэбэтэх сүѳһү куһаҕанын ытыран испит суор соһуйан тиэрэ ханарыйда, тэлиэс-былас дайбанна, сыптарыйан ыһыырта, бэрт куһаҕаннык саҥараары били бэйэлээҕин мүччү тутта. Баһылайка иэнэ кэдэс гынна, эргиллэн кѳрбүтэ – оҕуһа эрэйдээх орулаабытынан тура сатаан эрэр эбит. Сүгэ иккистээн күѳрэйдэ, Баһылайка хараҕын быһа симтэ, кулгааҕын саба тутунна. Идэһэ барахсан…

САЛАЛЛЫБЫТ САҤА КҮН?СЫРДЫГЫНАН СЫДЬААЙАН,САҤА САҔАХТАРЫ АРЫЙДЫН!?✊✊✊

✍️ *Иннокентий Попов-Оҕуруоттаах. Суотту

? Ольга Шепелева. Мүрү
✅* @uamurusahargata