https://youtu.be/bysBhXz4XaM

YouTube

Mela Muziqa - Teddy Yo (ቴዲ ዮ) - ወንበርሽ | Wenbersh New Ethiopian Music 2022 (Offical Video)

#ethiopiannewmusic2022 #teddyyo #melamuziqarecords https://zojak.lnk.to/wenbersh Any unauthorized use, copying, or distribution is strictly prohibited. Copyright***©***2022: Melamuziqa Records LLC አዳዲስ እና ቆንጆ ስራዎችን ከቅርብ ጊዜ ወዲ ወደ ኢትዮጵያ ሙዚቃ ገበያ ላይ ይዞ እየመጣ የሚገኘው…

ይብላኝ ለሞተ እንጂ፡
እድሜው ለተገታ፡
ወጊ ተቃቀፈ፡
ገዳይ ትጥቁን ፈታ።

@yegtm
@yegtm

#እህህ

ይብላኝ እንጂ ላንተ፡
ዘመንህ ለመሸ፡
ገዳይህ ተፈታ እየተሞካሸ።

@yegtm
@yegtm

ሰሞኑን እንጃልኝ
"""""""""" """""""""""

ሳማሽ እውላለሁ ሰው ባጣም ለራሴ ፣
መልክሽን ስስለው ፈገግ ይላል ጥርሴ ፣
አጃኢብ ያሰኛል
ተለዋውጫለሁ ተቀያይሬያለሁ ፣
ፍቅርሽ ገብቶልኛል ተረጋግቻለሁ ።

ሰሞኑን እንጃልኝ

ፈጣሪ ጠብቆኝ. ባይመታኝ እንቅፋት ፣
ፈረስ ቢያስጋልብም የጎዳናው ስፋት ፣
ጥጉን እሄዳለው..... አይኖቼን አቅንቼ ፣
ባገኝሽ እያልኩኝ
ባየሁሽ እያልኩኝ .........ልቤን አሞኝቼ ።

ሰሞኑን እንደዚህ ግራ እየተጋባው ፣
ሌቱን እያሰብኩሽ ሳልተኛ እየነቃው ፣
ሳገኝሽ ስታስሪው ያንደበቴን ድፍረት ፣
ስለይሽ በራሴ........ ሳዝንና ስፀፀት ፣

እናልሽ የኔ አለም
ከሀሳቤ ላወጣሽ ሞክሬ አቅቶኛል ፣
ማፍቀሬን ልነግርሽ ፈልጌ አቅቶኛል ፣
ሰሞኑን እንጃልኝ እንዲህ ያደርገኛል ።

#በረከት_ዘውዱ

@yegtm
@yegtm

ልቤ ለምን ይክፋው
         (ሃያት )
ላይኖረኝ የምለው ይሄ  ጎደለብኝ
ሆደባሻ ሆኜ ልቤም ሲከፋብኝ
ሆሄ ፊደል ሲያጥር ማፅናኛ ቃል ጠፍቶ
ካልታየ የልቤ ቁጥርቱ ተፈቶ
ምሏል ወይ ላይለቀኝ ማዘን መተከዜ
የአለም ጎደሎነት ላይሞላ ሁልጊዜ
ይሻለው ነበረ መቻልን መላመድ
መናገር ያስከፋል ሳይለይ ወዳጅ ዘመድ
ትግስትኮ ጌጥ ነው ሁልጊዜም ያምራል
ከመናገር በላይ ዝምም ይናገራል
ስለዚህ  ልቤ ሆይ ለምን ይከፋሀል
መቻል እና ትግስት  ቀን ያሳልፍሀል።

@yegtm
@yegtm

ታዘበኝ ልጅነት
"""""""""""""""""""

ደግመን ብንገናኝ ከልጅነቴ ጋ ፣
አመታት አይበቁም የውስጤን ሳወጋ ፣

ስማኝ ልጅነቴ

በድሎኛል ማደግ ጨቁኖኛል እድሜ ፣
ተገፏል ከላዬ የልጅነት ህልሜ ፣
አወቅኩኝ መግፋትን ፍቅርን ታገልኩት ፣
ይቅር ባዩን ልቤን ቂመኛ አደረኩት ።

ስማኝ ልጅነቴ

ተነፍጓል ያ መልኬ ጎድፏል ንፁህ ልቤ ፣
እየሞትኩኝ አለሁ መኖርን አስቤ ፣
የእውነት ሳቅ የለኝም የልጅነት ደስታ ፣
መቦረቂያ እድሜዬ አልፏል ያኛው ለታ ።

ታዘበኝ ልጅነት ታሰርኩኝ በጊዜ ፣
ነፃነት ተነጠኩ.....ከበበኝ ትካዜ ፣
ተቀይሬያለሁኝ አሁን አታውቀኝም ፣
ለራሴ ደስታ እንጂ ለሰው ግድ የለኝም ።

ከተኛሁ ቆየሁኝ እንቅልፍ አጥቷል ቀልቤ ፣
ወጪ ወራጁን ሲያይ ይሸበራል ልቤ ፣
እይታዬ ሰፍቷል ማስተዋሌ ገዝፏል ፣
ግና ምን ያረጋል
ከደጀ ሰላሙ............. አካሌ ርቋል ።

ታዘበኝ ልጅነት

ጥለኸኝ ብትሄድም ላትመለስ ዳግም ፣
ምከረኝ ልጅነት ከህመሜ ላገገም ፣
ታምሜያለሁ እና በንዋይ መጠማት ፣
አድፌያለሁና
ሆዴን እያጠገብሁ ነፍሴን እያስራብኳት ፣
አኖራት እያልኩኝ.... ስን'ግዜ ገደልኳት ።
.
.
.
.
.
ታዘበኝ ልጅነት ፣
አሁን የለም እና ምታውቀው ማንነት ።

#በረከት_ዘውዱ

@yegtm
@Yegtm

የዘመኑ ትምርት!

በተቆረጠ ግንድ ቅጠል በጎደለው
እንጨት ላይ ተቀምጦ እስትንፋስ በሌለው
መምሩ በውሸት ሲያሳምን በተስፋ
ህዝቡ አሜን ይላል ሆዱን እያሰፋ

[ዳዊት ጥዑማይ]

@yegtm
@yegtm

እርፍጃ

ላንች ያለኝን
የመውደድን ጥግ - 'ራሴን ጠይቄ፣
በእፍኟ ልቤ
የሰናፍጭ ቅንጣት - ፍቅር ሰንቄ፣
በመውደድ እርሾ
በትእግስት ቡሀ'ቃ - ህይወቴን አቡክቼ፣
ጋግሬ ስመጣ
በህሊና ምጣድ - ልቤን አስፍቼ፣
ምን ነበር ምላሽሽ?
የፍቅርን ማዕድ - ሳቀርብ ከፊትሽ?

" በህይወት ጎዳና - እንዳንተ ያረፈደ፣
ማፍቀሩን ለማወቅ - ጊዜ ያነጎደ
ፈጽሞ የለም - በዚች ምድር፣
መውደዱን ለመግለጽ
የህይወቱን ግማሽ - በከንቱ ሚገብር፡፡
እናም . . .
አንተ ስትጋግር - የፍቅርህን እንጀራ፣
ማዕድ ተቋርሻለሁ - ከሌላ ሰው ጋራ፡፡ "
ይሁና!!! . . . ይሁና እቴ
በልክ የበሰለ
የፍቅር ማዕድ - ይዤ መቅረቤ፣
በሌላ አስቀድሞ
አርፋጅ ካሰኘኝ - ፍቅር መደረቤ፣
ምን ይደረጋል
ምንስ ይባላል
የፍጥረት ፈጣሪ
ከፈቀደው ውጭ - መኖር መች ይቻላል፡፡

እቴ …
ያንችም ፈጥኖ - ማዕድ መጋራት፣
የኔም ማቅረብ - ያረፈደ እራት፣
ምክንያት ይኖረዋል
እኛ ባንረዳውም - ፈጣሪ ያውቀዋል፡፡

ቢሆንም
አርፋጅ አትበይኝ - ውስጤ እንዳይጎዳ፣
ቢቻላት…
የፍቅሬን ፅናት - ልብሽ ትረዳ፡፡

እቴ …
ሰው መኖር አይችልም - በሰው ላይ ፈርዶ፣
ደግሞም አያውቅም
ፈጣሪ … በስራው አርፍዶ፡፡

#ኤልዳን

@yegtm
@yegtm