**.
قصيدة... مات الضلع...  متعددة الأوزان
.
................والمستهل ...........
.
مات الضلع بالعصره...خدي انذبح بالسطره
ظل گلبي ملهوف
يالمرتضى لاتنعى ... اگطع نزيف الدمعه
فكر بالطفوف
وداعاً    ...  وداعاً يا علي
.
ـــــــــــــــــ ❁ ❁ ❁ ـــــــــــــــــ
.
عود الورد مني ذبل ..
ذبحوني قربان الهُبل
اهل السقيفه ابلا وجل .... ولوني
.
طبع الاصابع والاثر ..
يروي الك ذبح النظر
يالمرتضى برفس الظهر...... سِبوني
.
بضلوعي بسمار انغرس
                  ظل يگطع انفاسي
كل شهگه چن حافر فرس
                   تسحگ أعز ناسي
مسبيه صرت ابحضرتك
                    تنظرني حراسي
ياروحي امسح دمعتك
                 لا تجرح احساسي
لا تجرح احساسي
.
بس هالمسيه وينگطع حبل الوصيه
فكر يروح المصطفى بالغاضريه.  .. بالغاضريه
.
يل بلترب تدفني.. لا تترك حسين ابني.
.ايظل بلا اخوان
عمرك گصير وتدري .. لتخلي وردة خدري ..
تهظمها الاحزان
ونيني .   عليهم يعتلي
.
ـــــــــــــــــ ❁ ❁ ❁ ـــــــــــــــــ
.
هاي الأمانه ابرگّبتك ..
إنشد يحيدر أخوتك
عن حره تكفل عترتك... أبيّه
.
ذاخر الك رب السمه ..
زوجه عظيمة وعالمه
حره واسمها فاطمه.... وفيّه
.
وكت الغروب ابعتبتي
                   الشمعه تشعلها
سبعه المثاني الغربتي
                     تنعى وترتلها
حوريه من جنة عدن
                     الباري أنزلها
تصبر على مُر المحن
                 حره وتعد الها
حره وتعد الها
.
أم البنين  الطاهره الله اصطفاها
هاي التي نذرت الي منزف دماها
منزف دماها
.
الگبري من تجيني .. بماي الورد ترويني
تندبني وتنوح
يالزهره لترديني .. اربع ولد انطيني
بلسم للجروح
.
همومي...بذكرها تنجلي
.
ـــــــــــــــــ ❁ ❁ ❁ ـــــــــــــــــ
.
راح ابقى اندب بالگبر ..
وسط اللحد دمعي يدر
للباري الهج وانتظر .... بلانفاس
.
موعوده من واحد أحد ..
اسمع خبر شبل الاسد
يالزهره هاليوم انولد ... العباس
.
من يبتسم وسط المهد
                  آنه الي ناغيته
من يگطع اگماطه ويشد
                    يعني تنخيته
بعيونه لو هل دمعته
               بحسيني وصيته
يعني أمه هيه الولدته
                 وآنه الي ربيته
.وآنه الي ربيته.
.
أبو الفضل من ينولد انت تشوفه
قبلي عينه ياعلي وقبل چفوفه
.قبل چفوفه
.
هذا البطل انتظره. ياخذلي ثار العصره
بيمينه بتار
اهداني ربي الردته .. نشمي وتكفل أخته
واخوانه ابرار
ندائه... يگاعي زلزلي
.
ـــــــــــــــــ ❁ ❁ ❁ ـــــــــــــــــ
.
أم البنين املوعه..
تجمع ولدها الاربعه..
المدمع بخدها نعه.....يشجعان
.
احفظو يمه اوصيّتي ...
البضعه جمّرة دمعّتي
هاليوم اشدّن شيلتي .. للميدان
.
يمه يشيال اللوه.
          من فــدوه لسنينك
يايمه لاتشتم هوه
             يم رية احسينك
اشبع عطش لاترتوي
            عيش ابميادينك
ثابت تظل ماتلتوي
           لو صوبوا عينك
لو صوبوا عيني .
.
علة وجودي وهيبتي يمه الزچيه
خلوني بيكم افتخر يوم المنيه ..
يوم المنيه
.
نعم الذكر ذكرها ... اعظم خدر خدرها
حره اوديعه
يوم الحشر والمحنه .. يمه تلمنه كلنه
هيه الشفيعه
.
يقيني....وجودي الأولي
.
ـــــــــــــــــ ❁ ❁ ❁ ـــــــــــــــــ
.
مذبوحه عمري 18 
دمي على العتبه انفرش
چن زينب ابليل 11   .. سبيه
.
لو انته بالهامه انصبت
الچبده تنظرها ابطشت..
يعني يحيدر اعلنت ...منيه
.
انظرها وانظر عتبتي
               واتخايل اخيامي
بدمعتها انظر عترتي
              وامراكض ايتامي
يم بابي ما اذرف دمع
             لو الها ظل حامي
ماينكسر منها الضلع
            من تندب الظامي
من تندب الظامي
.
الفضه ما اندب أبد لو عندي خوان
كثر ولد زينب تره وراها عدوان
وراها عدوان
.
ترباتي فاهم درسه .. خيط الخدر يحرسه
لو دمه مدرار
يعني الشمر انظره .. اينادي طلعوا الزهره
وحدها بالدار
.
سلامي.   .. الى اكرم ولي
.
ـــــــــــــــــ ❁ ❁ ❁ ـــــــــــــــــ
.
انطيني ايدك ياعلي ..
خلني اعله چفك انتچي
مطلب الي عندي وحچي ... اسمعه
.
ماتنسى ردتك كربله ..
يوم السبي والعايله
غربة شبابي بالفله .. ارد انعه
.
ارد اندب وانعى وأون
               هاليــــله من داري
وي دمعتك يابو الحسن
                ارد ارتجي الباري
انظر ظهور المنتظر
              لجل الدمه الجاري
والشيعه بسمه تنتصر
               من تطلب ابثاري
من تطلب ابثاري
.
كل يوم اشوفن شيعتي وسط المجالس
صارت يحيدر دمعتي الهم مدارس
الهم مدارس
.
هذا الكلام الگلته.. بچف يمنتك دونته
هاليله تذكار
ابمصحفي اذكره ... ذخر لختام العتره
كل كلمه اسرار
.
وفاتي....هاليله تبتدي
.
.تمت ... بفضل ربي وعطاء اهل البيت عليهم السلام
.
.

حسن الموالي الفاطمي
..

.
2018/2/5
.
الاوزان .
حدي تام +ميمر+ المنسجم+ الفائزي**

زينب اه يزينب يامصيبتــــــــــها
،،،،،،،،
من عگب الخدر والعفـه مسبيـــه
ومن نار الخيم والوعه مچويــــــه
جروح حسين بيها الف وتسع ميــه
خل نجري المدامع وي دمعتهــــــــا
،،،،،،،،
چبيره ام عون وعليها المصاب اصطف
بسدها تلوذ كل العيله يوم الطــــــــــف
مدمعها يهل ومن الحزن ماجـــــــــــف
مسبيه وسباها الذابح خوتـهــــــــــــــــا
،،،،،،،،
حسين اعله الرمح ويگلها عذرينـــي
تعبتچ يبعد ارويحتي وعيينـــــــــــي
يم عون انلچم كلما تحشمينــــــــــــي
وتلوذ اليتامه بسد عبايتهـــــــــــــــــا
،،،،،،،،
دارت عينها ودمع الچفن هامـــــــــــل
وصاحت خويه وينك يا ابو فاضـــــل
مو انت الجبتني وللخدر كافـــــــــــــل
تشكيله وبقت تخنگها عبرتهــــــــــــــا
،،،،،،،،،
ضهر الناگه باللته بدمع حـــــــــــزني
ياعباس هم تدري الشمر سبنـــــــــي
اختك راح اموتاً من كثر ونــــــــــــي
موسهله المجالس خويه طبتهـــــــــا
،،،،،،،،،
بالخمسين عمر ام الخدر واكــــبـــــــر
صعود الناگه مُتعب والله ماتگـــــــدر
شگد دفنت يتامه ام الحزن بالبــــــــر
مجروحه وغريبه وصعبه غربتهـــــــــا
،،،،،،،،،
لخادم الحسين ع
محمد الفهداوي

موشح ٢ بحق سعيد بن جبير (ع)
استشهاده ٢٥ ربيع الأول

ضل سعيد ابن جبير بسيرته
شامخ وتبقه ترفرف رايته

١

ياسلام الله على عالي المقام
الدنيه والتاريخ يوكفله احترام
من علي السجاد علمه والكلام
عاش رايه ومات رايه بوگفته
٢

باقي قمه وعاش بعماق الضمير
ابد مابايع وصافح چف اجير
صح فقير الحال بس من مات أمير
من علي السجاد ماخذ هيبته
٣

ينتهي بآل الرسول ويبتدي
لو عمل أي عمل بيهم يقتدي
والنعم منه سعيد الاسدي
واجه الحجاج هوه وسلطته
٤

واجه الحجاج وانطانه درس
وكل مناضل منه لازم يقتبس
سيرته اتضل واضحه مثل الشمس
جاه ربنه انطاه وتكتل شارته
٥

الباري راد بهل أمر يصبح شهيد
وكله افعل يحجاج شما تريد
وانذبح اشرف نحر بس ضل سعيد
السان ناطق رغم فصلو ركبته
٦

رگبته انفصلت ومابطل كلام
هاي افعال المقاتل والهمام
راسه يتكلم مثل ثالث أمام
حسين والتاريخ خلد قصته

٧

دعه بآخر دعوه يارب العباد
ربي لتسلطه على ارقاب البلاد
واستجاب الله دعوته بكل رشاد
وهاي اخر دعوه جانت دعوته

لاتنسون والدي ووالدتي وابني عباس من الرحمه والمغفره
خادمكم رياض الرسل الجابري

مولد رسول الإنسانيه [ محمد ] ص :

رحمة الله الواسعه
والانـوار الساطعه
مولدك خير وسعاده
وفخر ياتاج السياده
يا ابو الزهراء يا ابو الزهراء

??????

لبست إثـياب إلفرح دنيانه
والـطيور اتـغــرد وفـرحـانه
الليله عرش الباطل وتيجانه
اتـحـطـمـن من إنولد مولانه
والـمـلائك سـبّـحت
حمدت الله وهللت
فرحوا ابيوم الولاده
فـخر يا تاج السياده
ياابوالزهراء ياابوالزهراء

?????

إبمولدك ذلِّ العبودية إنعدم
وبانت بخـسران عباد الصنم
والفقيره إلچانت بذله وخدم
عـاشت إبـحريه وبعلو القمم
المنهظم عمره گظاه
عرف شنهو مستواه
من عرف روح القياده
فـخـر يا تاج الـسياده
ياابوالزهراء ياابوالزهراء

?????

صـاير إبـحـنـيـتك الـعالـم أسير
مـا تـفـرق بـين إلـزغـير وچـبير
يا أمـير الدنيا يالعرشك حصير
إنـت بـسـمة أمل بعيون الفقير

يا حبيب الله الأحد
آدم إگـبـالـك سـجد
وصبح مسلوب الإراده
فـخر يا تاج الـسياده
يابوالزهراء يا ابو الزهراء

?????

أعـمه هـذا الما تبع نور المـبين
المستمد من الله عزمه ومايلين
صادق بكل محتواه صافي وأمين
إلمـنرسل رحمة وهدىً للعالمين

إلمنخلق لجلَّه إنخلق
عـايـش العافه إبقلق
والمحب حصل مراده
فـخـر يا تاج السياده
يابوالزهراء يابوالزهراء

?????

نـسـأل الـباري الـعـزيز الـمؤتمن
إبجاهك إيبارك ويحفظ هالوطن
وعنه يدفع كل ظلم ، جور ومحن
إبضهور المهدي ، حجه إبن الحسن

موطن احسين وعلي
كـل هـمـومه تـنجلي
وتحل بالخانت اباده
فـخر يا تاج السياده
يابوالزهراء يابوالزهراء

☀️☀️??☀️☀️

الخادم عبدالمعين الشمري

هوسات بحق النبي المختار

ظلام الجاهليه انزاح يالمختار
نزل نورك بامر الباري الجبار
وطواغيت الظلاله دخلت بانذار
هاها
الحك يتنومس بنواره

الفقير بجيتك مبتشر والمظلوم
ياعون وتجيه تساعد المهموم
حييت الدين بنوارك من القيوم
هاها
والباطل طاحت تيجانه

زرع بسمة أمل من اجه هادينه
ومن حكنه بفخر لمن تباهينه
وسام الخدمه هذا الشرف يكفينه

ونذوب بحبكم يالهادي.

خادمكم عبدالمعين الشمري

خاتم رسلهه صرت والصبر الك منزله
حاشاك من الغلط حاشاك ابد منزله
انت الوحي اليخدمه ويخدم صبح منزله
يانور فوك الارض وياخاتم الخاتمه
ماريد اطول بعد ارد اوصل الخاتمه
الهادي اوصيك علي المن صدق بخاتمه
نذوب بوفه بمنهجك والكلب لامنزله

محمد جوهر الدنيه وسرها
ابجيته الناس محييهه وسرها
نجاة الامته الهادي وسرها
فضح نوره ضلام الجاهليه

الخادم عبد المعين الشمري

جديد ربيع الأول١٤٤٦هـ
نخوه بالإمام العسكري عليه السلام

يـالـحــســن أنخاك تقضي حاجتي
ــــــــــــــــــــــ
يـابوالمهدي بطلبتي البابك إجيت
كـــل عـسـر يتسهّل بجاهك دعيت
چفوفي لك مدّيت وبإسمك نخيت
غـــوثـــي بالشدات إكشف شدّتي
ــــــــــــــــــــــ
ســـيّــدي ماتصعب اعليك الشدد
يـالـحـسـن أندب وتعطيني المدد
والـــكـرم مـــن عـنـدك بلايه عدد
وتـمـســـح اعلـيّه وتشافي علّتي
ــــــــــــــــــــــ
بيدك اتسلّمني وصفه امن السماء
يـالـحسن بـالطافك ايـروح العناء
نظرتك رحــــمــات للـروح وشفاء
يــالـــولـي وبيها تـــبـــدّل حالتي
ــــــــــــــــــــــ
مـــا إلـــي غيرك وسيله بهالعمر
يــامـــلاذي سـلّـمـت لـيـك الأمر
للقصدلك حـــاشـــه مـنّـه تعتذر
وآنــــه متعنّي إلـــك يـــاغايتي
ــــــــــــــــــــــ
يــاأمـــاني ويــاضـمـاني والأمل
مــا أظـــن ابخيبه وبحيره أظل
بس ردتها تزول من عندي العلل
أنـهَـض اوأكْمِل مسيرة خدمتي
ــــــــــــــــــــــ
خدمتي نـاذرها كلها الخدمتك
أبــقـى للمحشر أون لمصيبتك
حـتّـى اساعد بالنياحه جدّتك
ويلي عالمسموم مَعْهَا صرختي
ــــــــــــــــــــــ
ســيّـدي اوآخر طلب يالعسكري
اعليك أقسم باللّي قبره بالغري
بـشوفت إبنك أرد أكحّل ناظري
الـمـهـدي واتعنّه مـعاه بزيارتي
ــــــــــــــــــــــ

تمت بحمد الله ومنّه
٥ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا

مات الأمل مـــــــات الورد

يايــوسفـــي يمــته تـــرد

وردَك بلا ماي….ليش انته ماجاي.… يابو صالح

★★★★★★★★★★

ماظــل امـل يالمنتظر … مات الورد مات الشَجر

بالگاع ماظل شي خَظر…. يغايب

ماحنت اعليــه السمــــه… تمطر ييوسف فاطمة

ظليت كاتلنـــي الضـمـه… .. يغايب

ماترحم اسيوف العطش….مات الورد وسط النعش

اسمك على گلبي انقش…. يغايب

يالتعصر ابگلبي عصــر …كل مايحل وكت العصر

صليت عد اهلي قصـر….. يغايب

ظليت اتاني ومـــــــا أمل ?…
وبچي مثل بچي الطفل

محد بچه اوياي …..ليش انته ماجاي … يابو صالح

★★★★★★★★★★

سَمعني چَم عاذل حچي… ويلچي على گلبي لچي

بس انـــه اسمعنك بچي… يغالي

محبوبك ايگلي اشعجَب…منك فلا يسمع عتَب

وبوجهي مرسوم التعَــب…. يغالي

ظليت أكابـــــــر عالجرح….والشامت ابحچيه يلــح

يمته تجي ويطلع صبح…. يغالي

من البچي اعيوني انعمَن…. چايمته اشوفك بالصحَن

وتــتلگـــة زوار الحَسَــن…. يغالي

اتنادي هلا وميت هــــــله….
زايــــرنــا واحنه انــــدلله

امروتك يمولاي ….ليش انته ماجاي … يابو صالح

★★★★★★★★★★

يالشوفتك صارت حلم.... بجروحي اطش وارجع ألم

وبروحي نيران الهظم … يمهدي

أسهر واتاني بكل مسه…والدنيا ضيم امعسعسه

چم نوح بدموعي الرسه…. يمهدي

ابيضت اعيوني من الدمع... وشاعلك اسنيني شمع

يعگوبك اني ابهــــل وضع… يمهدي

مَلــت محــــطات السفــر …. يمته تــجي يالمنتظــر

بعيوني راسمــلك صـــور…. يمهدي

بدموعــي كاتب مُستَهل ...
يالمهدي ادركني العَجل

حاطتني بلواي. ….ليش انته ماجاي. … يابو صالح

★★★★★★★★★★

كل يوم اتاني اعله الدرب… وتتصدق اعليه الغـــرب

حافي مشيت اعله الترب… تر اني

في جمكران ام ذي طوه … موگلبي بالنــــار ارنچـوه

يالمهدي خانــگني الهــوه… تراني

في أي بالد عندك سَكن…سايم عليك ام الحسن

ماعندي غيرك أي وطن… تراني

ماتدري محبوبك ســـأل… بدموعه كاتب مُستَهل

وناديت ياالمهدي العَجل…. تر اني

الفارگ محب مايستچن…
يلبس اثياب من الحزن

ويبچي بلا راي. ….ليش انت ماجاي. … يابو صالح

★★★★★★★★★★

صاحت عَـلَـــيْ هاي البشر. … مَهديَك انـــته ماحظر

وصب دمعي من دَم الحَمَر… هضيمه

رحت ودمع عيني أيهلي … ودنگت يــــم گبت عـلــي

المهدي اريد اترجعه ألي… هضيمه

يالرجعت حته الشمس … رجعلي غايـــب من أمـــس

جرحَتني وادم ماتحس…. هضيمه

يالبيضـت وجـــــــه النبــي… بيضلي وَجهــي ابمطلبي

أعليك المشَت درب السبي… هضيمه

ابعبدالله احلفك والسهم ...
ودمعـــة رُقـــيه والعَلــم

سهلي بس هاي…. ليش انته ماجاي…يابو صالح

★★★★★★★★★★

ابجــــاه الشموع اوحنته… ذاك البچــــوله ابزفــــته

ولطمـت ابعرســه عَــمته…. والحسين

ابجاه الذي جسمه انطبَر…وراحاله ابوه مَحني الظهر

چم گلب وي ليله انكسَر… والحسين

ابجاه العله الشاطي انرمه… وامفرعه اجت ليه السمه

وزينـــــب بچــت بمخيمه… والحسين

ابجاه الحنه ظهرة ابألـم… ونــــاده يشـــيال العَــلـــم

ظلت رُقـيه ابــلا خيَـــم ⛺ والحسين

اقسم عليك ابعَـمـتك …
راويني بس اعمامتك

مو ورم اچلاي.... ليش انته ماجاي... يابو صالح

ـــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

[[?قصيدة لإستشهاد العسكري ع?]]
لسان حال صاحب الأمر :

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

وينه الذي يشاركني دمعات
وينادي نعش العسكري وينه

خلي نشيعه بالهتافات
عمر الورود وخلصت سنينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هالنايبه هدت ركن صبري
ياوالدي منهه نكسر ظهري
صابت مسامير الدهر ‌ صدري
كل لحظه سيفه يگطع بنحري

خلصت دموعي أبچي آهات
انه الذي ماخلص ونينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

صحت بألم كافي يسم كافي
مالحظه گلبي من الحزن صافي
ماعندي ‌ ثار ‌اعله الذهن  خافي
وثار الظلع  وسط  الگلب  غافي

ماتغفه عينه العنده ثارات
لمن يرجع حگه بيدينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جمر الدمع بالخد نياشينه
بالعسكري يتجدد ‌‌ علينه
ماتطفه نيران الظلع بينه
وثوب الحزن ماساعه ذبينه

دنيه شحيحه بالمسرات
بس بالمآسي تمطر علينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ياوالدي ماضل گلب ماحن
لكن نسائك بالخيم صاحن
يعني بلا سوط وألم ناحن
ولا للسبي بعد الأسر راحن

گلبي تگطع ذاب حسرات
على رقيه وعمتي وسكينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

والكافل ‌‌ بعينه سهم شفته
رغم السهم ظل صافن أعله اخته
من النهر ناداني وسمعته
ثاري السبي يبني الك عفته

نادو عليهن ياسبيات
موش السهم هذا الي ماذينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ثار ‌‌‌‌‌‌ الذبيح بكربله ثاري
ياكربله ياشاغله افكاري
وسفه يجدي مسلب وعاري
وراسك يطوف اعله المله بساري

داسو غصونك والورد مات
أمة محمد ذبحت حسينه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم العسكري(ع)

جهاد البصيراوي

جديد ربيع الأول١٤٤٦هـ
شكايات
الهجوم على دار السيدة الزهراء عليها السلام

بدار الوحي حطّ البلا حاطتنا هجمات
يارب إلك منا إعتلا صوت استغاثات

صب عذابــك عالهجم
وقاد أبونا واجرى دم
ضلع أمنا
ـــــــــــ
الحسن آنه إلك چف هضمي ارتفع
أشـكو فعل الجمع هالجانه اوفزع
بـالحـطــب والنار ما لحظه امتنع
وقوه باب أمنا على الضلع اندفع

اتراب النبي بعده رطب قصدونا لارجاس
وبنته اعصروها وتنتحب ومعصبه الراس

اعليهم إغضب وانتقم
وقـاد أبونا واجرى دم
ضلع أمنا
ـــــــــــ
حسـيـن آنه الحالة أمّه فجعته
شــفـت مـسـمــار بصدرها نبّته
تإن يــسـمـعـهـا ويزيد بضربته
هـالعـدو بخدها طبعها سطرته

صرت أدعي اعليه بقهر شلّت يمينه
خد أمّي مو مالت سطر رحمه علينه

لختشى مـنـهــا وحشم
وقـاد أبونا واجرى دم
ضلع أمنا
ـــــــــــ
محسن آنه بكل جريمه اعليها حس
اللي كــــل حنيه مـــن عدها ألتمس
أمـســت انحيله وتـجـر قوّه النفس
ولـــن بـطنهـا برجله الطاغي رفس

بجنّه چنت لاكن وسف حرقو ايديها
فوق العتب عمري انقصف ومسقطيها

بيّه كـــل شـــي ماسلم
وقـاد أبونا واجرى دم
ضلع أمنا
ـــــــــــ
زينب آنه العاشت بروعه وكمد
صـدّت اعليّه العدا تقول بحقد
والدچ إيـــده رفـــض إلنه يمد
نـقــوده قدامچ ولا يمنعنه حد

وجهي درت صوب السما دموعي أهلها
هاي العصابه المجرمه إهلكها كلها

مـنـهـا لاقــيــنـا الهظم
وقـاد أبونا واجرى دم
ضلع أمنا
ـــــــــــ
اويـاهـا رحنه العلي حمّاي الحمه
يـمـنــا ظـــل قنفذ متنها ايوسّمه
لـــــــك إلـــهـــي بهالرزيّه المؤلمه
صحنه وين الطالب ابدم فاطمه

ماتت شباب املوّعه وامكسره اضلاع
كل الحقوق امضيّعه حتى القبر ضاع

امن الذي الدار اقتحم
وقـاد أبونا واجرى دم
ضلع أمنا
ـــــــــــ

تمت بحمد الله ومنّه
٢٨ صفر ١٤٤٦هـ
نظم خادم السيدة الزهراء عليها السلام
ياسين جواد العبد الرضا