Yashil Makon loyihasiga start berilmoqda…

#Tabrik

Assalomu alaykum muhtaram otaxon va onaxonlar, munis opa-singillar, qadrli aka-ukalar!

Sizlarni va Siz orqali barcha oila a’zolaringizni o‘zida ezgu g‘oyalarni yaqqol ifoda etuvchi bayramlarimizdan biri Qurbon hayiti bilan chin qalbdan muborakbod etaman!

Avvalo shunday kunlarga yetkazgani uchun yaratganga cheksiz shukronalar aytamiz.

Bu kunda arazlar unutilib, shukronalik, mehr-oqibat, shafqat, birdamlik tuyg‘ulari mustahkamlanadi.

Qurbon hayiti – ulugʻ bayram. Shuning uchun bu kunni yaqinlarimizni yoʻqlab ularning holidan xabar olish, yoshi ulugʻlarni ziyorat qilish, muhtojlarga mehr-muruvvat koʻrsatish, oilalarga xursandchilik ulashish va bayramning koʻrkiga koʻrk qoʻshadigan xayrli ishlar bilan oʻtkazish maqsadga muvofiqdir.

Ushbu ayyomning maʼnaviy hayotimizda olijanob fazilatlarni, bagʻrikenglik, muruvvat, doʻstlik va hamjihatlik kabi ezgu qadriyatlarni mustahkamlash borasidagi oʻrni va ahamiyati beqiyosdir.

Qadrli tumandoshlar! 

Barchangizni yana bir bor ulug‘ ayyom – musulmon olamining ulug‘ bayramlaridan biri bo‘lgan Qurbon hayiti bilan chin dildan samimiy tabriklayman!

Xonadonlaringizga qut-baraka, farovonlik tilayman!

Yurtimiz tinch, osmonimiz doimo musaffo bo‘lsin!

Hurmat va ehtirom ila
Boʻstonliq tumani hokimi Joʻrabek Axmedov

Web-site | Telegram | Facebook | Instagram

bostonliq.uz

Bo'stonliq tumani hokimligi

Web site created using create-react-app