Ilmda navbatda turmadik……
??

#kun_hikmati

​Uxlayotgan odamni uygʻotish mumkin, ammo oʻzini uxlaganga solib yotgan odamni uygʻotib boʻlmaydi.
©️Mahadma Gandi

https://t.me/istedod_gazetasi

Ilm olishga hazrati Shofe'iyning mablag'lari bo'lmagan. Hattoki hadis yozish uchun qog'oz topilmagan. Onalari bilan o'zlari hukumat binosiga borib, keraksiz deb tashlangan qog'ozlarni olib, bo'sh joylariga hadislarni yozar edilar.
Qarang, ey muslimalar.. Farzandining ilm olishi uchun mablag'i yetarli emas, ammo taslim bo'lmayapti. Moddiy imkonsizligini bahona qilmayapti.
Bizchi, biz?...
Qog'ozimiz bor..
Hattoki eng so'nggi rusmdagi telefonlarimiz ham bor. Ammo dardimiz ilm emas, ummatga foydasi tegish emas, faqat va faqat "o'zim" bo'lish bo'lib qoldi... Modadan orqada qolib ketmay... Trenddan orqada qolib ketmay... Yangi telefon chiqibdi... Hammada bor... Ko'pchilikning "dardi" shu bo'lib qoldi... Ilm olish uchun hamma sharoitlarimiz bor... Ammo, nafsimiz bunga to'siq qo'ygan. Aytingchi qachongacha nafsimizga qullikda davom etaveramiz?!... Ummatim degan Zotning ummati bo'lishga loyiq bo'lyabmizmi?.
Biroz vaqt ajratib kitob titkilab ilm olsak oʻzimizni aql-farosatimiz ishlaydi.

https://t.me/istedod_gazetasi

​​​​Ҳаммамизда даҳолик бор. Aммо сиз балиқни дарахтга кўтарилиш қобилиятига қараб баҳоласангиз, у бутун умрини ўзини аҳмоқ деб ҳисоблаб ўтказади.
©Альберт Эйнштейн

https://t.me/istedod_gazetasi

O'zbekiston Respublikasi Davlat gerbi qabul qilingan kun barchamizga muborak bo'lsin!

GERB

Bug‘doy o‘rganmisan o‘tmas o‘roqda,
Paxta terganmisan yetti bukilib?
O‘zbekiston deysan, jon zamin deysan,
Amu, Sirdaryoga ko‘rmay to‘kilib.

Ko‘ksingga Humoni qamaganing rost,
Topsang bo‘lmaydimi uchishga shitob?
Yo‘qsa, yulduzlarga yetmaydi qo‘ling,
Yo‘qsa, butunicha ko‘rinmas oftob.

Otang Oqtovmidi, Qoratovmidi,
Onang yaylovmidi - boychechak ungan?
O‘zing yesirmiding yoshingni artib,
Yetmish yil muttaham do‘g'iga ko‘ngan?

Osmoning art elim, ko‘rinsin Egam,
Tug‘ni ko‘taramiz birlashib, kelgin.
Buyursin, mustaqil bo‘lib erishgan,
O‘zbek manglayiga bitilgan belgi!

Navoiylik Alisher

https://t.me/istedod_gazetasi

? **Assalomu alaykum, aziz mushtariylar!

Muborak Qurbon Hayiti ayyomi barchangizga qutlug‘ bo‘lsin. Xonadoningizdan qut-baraka arimasin. Allohimning xayr-barakotlari boshingiz uzra yog‘ilib, yil davomida sizni xushnud etsin! Hamisha yurtimiz tinch, osmonimiz musaffo bo‘lsin!
Hurmat ila, "Iste'dod" gazetasi tahririyati jamoasi.**

https://t.me/istedod_gazetasi

#KUN_HIKMATI
Fidoyilik - Vatanga xizmat demak!

https://t.me/istedod_gazetasi

#YOSHLAR_IJODI

Kanizak

Ikkimizga sevish mumkinmas,
Muhabbatsiz labim qurg'oqchil.
Saltanatda g'avg'olar tinmas,
Siz -- kanizak, men -- oddiy soqchi.

Ko'karmadi orzular -- diltang,
To'rtta devor eshitdi zorim.
Yig'lamangiz, qilmangiz attang,
Siz sultonning sevgan xushtori...

Ko'zingiz-la aylamang makr,
Tuyg'ulari -- shaffof, bokiram.
Bizga taqdir siylagan qahr:
Menga -- sovut, sizgachi -- haram.

O'lib bordim har kun ichimdan,
Saroy uzra etdingiz xirom.
Tunlar topolmadi izimdan,
Topganlarim bo'ldimi xarom?..

Qalbingizga kirdim -- boshpana,
Sizda men yo'q, mendachi -- axloq.
Sevgimizga guvoh oshxona,
Ko'zim -- qaqroq, lablarim -- qaqroq.

Bu dunyoda siz erur lazzat,
Bu dunyoda siz erur tanho.
Fosh qildilar bizlarni, minba'd
Yoqmoqlikni ko'rdilar ravo.

Yonmoqlik-chun keldik aslida
Va hech kimdan so'rmadik izn.
Saltanatdek katta haramda,
Yashamoqlik jirkanch, kanizim.

Ikkimizga yashash mumkinmas!..

Umid Qodir
https://t.me/istedod_gazetasi

Telegram

"Iste'dod" respublika gazetasi tahririyati

"Iste'dod" gazetasining rasmiy kanali. “Haqiqiy iste’dod - hech kim ko‘ra olmagan narsani ko‘ra olishdir” Ijodiy ishlar @Muharrirga\_maktub da qabul qilinadi.

Ватан

Сен Ватан ҳақида берма кўп савол,
Лоф урма Ватаннинг муҳаббати деб.
Уни мансаб каби айлама хаёл,
Ёхуд маърузангга эмасдир у зеб.
Ватан танангдаги жондир, қондир бу,
Ватанни севмоқлик имтиҳондир бу.
Бу улуғ севгида илоҳийлик бор,
Ватанни чин фарзанд фаромуш этмас.
Менга ўз туйғумни ўргатма зинҳор,
Инчунин, кибрнинг бозори ўтмас.
Рост гапни ёлғондан фарқлар ондир бу,
Ватанни севмоқлик имтиҳондир бу.
Асл қаҳрамон ким ёруғ дунёда?
Ғоясин таъмага алмашмаган зот.
Чуғурчуқ кўпайса ҳаддан зиёда,
Бургут бўлиб яшаш олий мукофот.
Қул ҳам юртин севса шоҳдир, хондир бу,
Ватанни севмоқлик имтиҳондир бу.
Гарчи кўҳна замин умум макондир,
Инсоннинг ҳар жойда ёнсин чироғи.
Мўъжаз бўлса ҳамки, кулбанг ошёндир,
Она даргоҳидек унинг қучоғи.
Сен учун поёнсиз каҳкашондир бу,
Ватанни севмоқлик имтиҳондир бу.
Азал мусофирдир дунёда одам,
Руҳим гарчи собит, муаллақ таним.
Бир умр қўйнингда муқим турсам ҳам,
Соғиниб яшадим сени, Ватаним.
Меҳр бир, нафрат ҳам бир томондир бу,
Ватанни севмоқлик имтиҳондир бу.
Майли суймасинлар мени ғанимлар,
Йўлимни тўссинлар рақиблар ҳатто.
Ватан ҳар қайда ҳам маёқдек имлар,
Ғурурим юксалар самогача то.
Ҳеч кимга бергувсиз довруғ, шондир бу,
Ватанни севмоқлик имтиҳондир бу

Абдулла Орипов

https://t.me/istedod_gazetasi