Things will get better❤️

الدعاء اللي لازم يكون في لسانك طول الوقت لما تشوف حاجات ماياها في الحوليك : الحمدلله الذي عافانا مما ابتلى به غيرنا لانو حقيقي البنشوفو ده ماطبيعي ، ماطبيعي ابدااا .. الله يرزقنا حسن الخاتمه بس .

الدعاء اللي لازم يكون في لسانك طول الوقت لما تشوف حاجات ماياها في الحوليك :
الحمدلله الذي عافانا مما ابتلى به غيرنا

لانو حقيقي البنشوفو ده ماطبيعي ، ماطبيعي ابدااا ..
الله يرزقنا حسن الخاتمه بس .

شنو الشي اللي لو حصل ليك في اللحظه دي حتكون اسعد شخص على وجه الكره الارضيه ؟

امبارح رضيت وأنا ما فاهمه
و الليلة رضيت لما فهمت...

الرضا الأول هو ما تَقرب به العبد لربه من باب الإيمان
والرضا الثاني هو ما جَزىَ به الرب عبده من باب الجبر..

فاللهم لك الحمد ??

- منقول

وبكده خلصت فقرتنا الصغنونه ❤️
نتلاقى في فقرات تانيه احلى واجمل ❤️
انتو كمان شاركوني بحاجات زي دي غيرت تفكيركم

رمضان كريم وكل سنه وانتو طيبيين ❤️
ان شاء الله دايما تكونو بخير وصحه وسعاده ❤️
شهر المعجزات بدا ، استثمرو فيهو كويس قدر ماتقدرو ، كان بي تسبيح او صدقه او دعاء او قرأن وقيام ليل ..
هو شهر بيجي مره في السنه ، ف خلينا نحاول نحسن فيهو اعمالنا ونستفيد من بركة الايام دي ❤️

بشارك معاكم عبارات عجبتني في الكتب البقراها ..

-إن الشخص الذي يحمل في داخله الكثير من الحزن المكبوت سيخلق بلا وعي احداث حزينه في حياته ،والشخص الخائف ينتهي الى تجارب مرعبه، والشخص الغاضب يحاط بظروف مثيره للغضب .
#السماح_بالرحيل

أنت بحاجة لأن تستريح قليلًا
تستريح من الخوف، من القلق، من توقع الأسوء، من عناء التفكير، من عشرات المعارك التي تخوضها بالتوازي ..

لن تمنحك الحياة أكثر مِمّا كُتِبَ لَك، ولن يمنع عنك أحد مَا كُتِبَ عليك ... فٱهدأ

تصالَح مع ابتلاءاتك التي لا تستطيع تغييرها
قد يبدو الكلام سهلًا، ولكن الحقيقة أنه لا بديل ..

إمّا التَّصالُح، وإمّا أن يمضي العُمر دون أن تلتقط أنفاسك لتستشعر شيئًا جميلًا ولو للحظات ..

"لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ" تعامل مع الحياة على أنّها ليست دار راحة، ليست للسلام النفسي المُطلق، ليست للطمأنينة التي لا يشوبها قلق ..
بل هي مجرد رحلة، لحظاتها تتبدّل، أحوالها تتغيّر، قد تعصف فجأة، وقد تَحلُو فترة، وفي كل أحوالها ستمضي ..

أنت بحاجة لوِسَادَة يغفُو عليها عقلك، ينفصل، يستكِين، يمنحك لحظات من الهُدنة لِتُكمِل الطَّريق .. ?✨

#سماح_ابراهيم

امتنان كبيير شديد وشكرر ما ليهو حد لرب العالمين على كلل النعم الماليه حياتنا من ابسطها لأكبرها ..
يااارب نحمدك ونشكر فضلك يا عظيم يا كبير يا منان .
اللهم لك الحمد والشكر ?

استشعرو نِعم ربنا حوليكم ، استشعروها في صحتكم ،في شكلكم ، في بيتكم في اسرتكم ، ماتعاينو للنواقص ، حتى ولو جا عليكم وقت ماشفتو غير النقص اللي عندكم وده طبيعي لأننا في الاخر بشر ، لكن دايما وابدا حاولو شوفو نِعم الله عليكم في تفاصيل يومكم ..

تصدقو؟
زمان كنت بشوف انو لو ربنا بحبني او بالاصح كنت بحدد كرم ربنا علي بإنو يعمل لي حاجه كبيره او واضحه كده وملموسه ، بعدين اكتشفت انو لا !
كرم ربنا علي ممكن يكون بإنو خلاني اعيش يوم جديد عندي فرصه فيهو اني استفيد واصلح من نفسي ، او اني صحيت بنفسيه كويسه ، اني اصلا قادره استشعر النِعم حوليني واكون حامده وشاكره ..
مابتتخيلو الحاجه دي برااها انك قادر تستشعر النِعم في حياتك دي حاجه قادره تغير حياتك تماما حرفيا .. حتقولو كيف؟
حقول ليكم اولا لما تشوف اللي عندك وتركز عليهو حترضى ،ولما ترضى حترتاح وحتكون مبسوط ولما تنبسط حتشكر ربنا اكتر ولما تشكرو ربنا حيديك اكتر ف تنبسط اكتر ، ف ابدا عمركم ماتستصغرو اي نعمه موجوده عندكم ،مهما كان وضعكم اكيد في حاجه تشكرو ربنا عليها ،وبس جربو اكتبو كل يوم ١٠ حاجات ممتنيين لربنا عليها ، وكل يوم اكتبو في موضوع معيين ،يعني مثلا الليله ركزو في صفاتكم بكره في شكلكم الخارجي بعدو في الناس الحوليكم بعدو مواقف حصلت ليكم وبعدو بيتكم شغلكم وهكذا ، امسكو اي شي في حياتكم واقعدو اشكرو ربنا عليهو كل يوم ..
قد يبدو الموضوع غريب انك تقعد تكتب ، يمكن في البدايه اصلا ماتلاقي كلام تقولو ، لكن مع الايام ، لما تلتزم بالكتابه حتلاقي لا فعلا الموضوع بيفرق نفسيا ع الاقل ،حتبقى قادر تشوف رحمة ربنا بيك محيطه بيك في كل شي بمعنى الكلمه ،وقتها جد حياتك حتتغير ..
تفاصيل صغيره شديد قادره تغير حاجات كبيره شديد .

وبس ❤️

#لينا_عوض