(ما ضل وكت )

شهر النعمه وشهر الخير ..
او ما يعرف شهر الخيل
الداست فوگ اضلوع اهواي ...

ما ضل بس ايام ويوصل
هاذ النحسبلة امن ايخلص حد ما عام ايدور اوياي
وانرد نحسب .. گرب .. جاي ..
گرب .. جاي

ونحسب من ايخلص العاشر
يمته ايروح اول مشاي

ونتحزم بحزام الخدمة
وواحد بينه ايشد الثاني
وحتى امي اتحزمت مولاي

ونحسب يمتة ابمجلس نلطم
نكعد بلحر ننصب موكب
وانواسي الضل نص الهيمة الما غطاه ابيوم افياي

وانجهز موكب خدمتنة
وانجهز طاسات الماي

ومن ما الكة اوياي اليخدم
انا الكاني اخدم وياي
هاي لكل خادم بس هاي

نظف گلبگ
حضر روحك
والبس اسود ..
واحبس دمعاتك بعيونك
عاشور ايريد البچاي

هيئـة القاسـم بن الحسـ ع ـن:
المجالس الاسبوعية
شهادة مولاتي زينب

القصيدة : تعبني السبي
الملا : مصطفى المالكي
كلمات : عباس الخزعلي
الذاكر : حسين الحريشاوي

ومن الزهراء التوفيق والقبول
هيئـة القاسـم بن الحسـ ؏ ـن | بغداد
https://t.me/alqasim_a3

عظم الله لكم الأجر باستشهاد الإمام علي الهادي عليه السلام ??

استشهاد الامام علي الهادي ع

للهادي ادموعي تصب ..
ويم بابه احرك كلب
والزهرة اويانه تدك
بلحضرة لمن نطب

والمهدي وي الزهرة يبجون ... ويلي
وياهم ابجي والله ممنون .. ويلي
للهادي اموت واعمي العيون .. ويلي

بحبك يا سيدي عندي يقين
ريتي تتنفسك يبن الجواد
خليني خادمك طول السنين
روحي وي مجلسك لبست سواد

مولانا علي ... مولانا علي

لمصابك ابجي و أون
سجلني يابو الحسن
ياريت وبلحضررة اموت
وتشييعي ابنص الصحن

لجلك تصب يا سيدي ادماي ... ويلي
ول علي الهادي معتني وجاي .. ويلي
واسجد واصيحن اه يمولاي .. ويلي

مأتم كل ليليه ننصبلك عزاء
وهاي الخلك الك مدت الايدين
ما اريدن كلشي ارزقني الدموع
هنيالي الطم وبهدومي طين

مولانا علي ... مولانا علي

يا مسموم جيتك اعنايه
زوارك والخلك هايه
يم بابك شالو ايديهم
والزهرة رفت الرايه

كل العمر مولاي منذور ... ويلي
لسامرا ندخل سيدي انزور.. ويلي
للهادي راح انعيده عاشور ... ويلي

لسامرا ندخل اندك علوجوه
يا ابو الحسن الك دمعي يسيل
واني بسمك سيدي ابقى ارتجيك
ومن عيني فاتح لحبك سبيل

مولانا علي .. مولانا علي

نلطمله ونبجي بلحضرة
كل عاشك يفدي الك عمرة
ما اريدن قصر بس اريد
عني كون تقبل الزهرة

كل ليله تبجي وتبدي الاحزان ... ويلي
واتسوي مجلس على العطشان.. ويلي
وجدك تسحكه الخيل عريان.. ويلي

ما اريد اسنيني انا ابحضرتك
ازرع خيم الك نص الكلب
يبو العشك دخيلك سيدي
وادري تلجمك اخيام التشب

مولانا علي .. مولانا علي

يا مسموم يا ابو الكرم
حط بيه وازرع خيم
ما اريد ايام العمر
وابروحي يمشي الألم

يلهادي يا ترتيله اجروح .. ويلي
وابابه هاي الوادم اتنوح .. ويلي
لزوارة حتى كلبه مفتوح .. ويلي

انا لزيارتك روووحي وقف
كل عام اتعنه الك واسجد شكر
يلهادي سيدي عشكك حياة
والما عايش عشكنه مو بشر

مولانا علي ... مولانا علي

بالوفه معروفه اسمها
بالدرب يضوي نجمها
هنياله كلمن خدمها .... ام الگمر

للمصاب .. من تفوت .. فوت من باب الونين
بلعطاء .. والوفاء .... هية ام گلب الحنين
لا تحير .. من تطيح .. انخة بس ام البنين

يم عباس
يا ملك بيج انقيسة ...
ابابج ايكبر عيسى
يوسف سجد لعيونج ..
يا فاطمة القديسة

ام البنين .... ام البنين
................
اندب اسمها بكل عزاء
من عندها تعرف كربلاء
ام الحوائج والعطاء ..... ام الگمر

بلوجود .. والحياة .. معجزة اتنگط غرام
بلصلاة .. نحجي كون .. حيا علجابت امام
لو نساج .. كلبي يوم .. فعلى الدنيا السلام

يم عباس
يا ممكلة كل هايم ......
يعگال راس الوادم .....
ايسموها جانت هية ......
شيخة اعلى كل العالم.....

ام البنين..... ام البنين
.............
سلطانة ما بين الهواشم
وبعشكها اني هايم
هي آمنا لكل عوالم .... ام الگمر

من زمان ... هية دوم .. مرجع لكل النساء
والتريد ... زلمه حيد .. خل تجي وتاخذ وفاء
بلطفوف .. الها صيت .. وسألو عنها كربلاء

يم عباس
يا درة يا انسية
عند الله اضن حورية
وانطت ولدها لزينب
واتكول خاف اشوية

ام البنين...... ام البنين
.......................
نحنو يم حسين كلهم
اربع زلم جابتهم
اعلى الوفه ربتهم .... ام الگمر

يمه كون .. بلطفوف .. لا يردلي زلمه زين
تعبو حيل .. صيرو ماي .. لو عطش حلگ الحنين
كل ضناي ..كل رباي .. فدوة لرموش الحسين

يم عباس
يا راية مالت سادة
واضناها كلهم قادة
وفضلها الله اهواية
انطاها علي واولادة

ام البنين..... ام البنين

حبك ربح لا مو خسارة
اسمك اشوفنه منارة
انته ملاذ العاشقين
يم حضرتك تحله الزيارة

يا روؤف : ارحم عبدك گلبه انكسر
يا روؤف : زاد اشتياقي وحبك جمر

شوكي الك آه يالرضا عذب دليلي
بالغربة عايش منكسر ما نمته ليلي
المن اروحن سيدي سويلي جاره
وانت ضريحك سيدي ماخذلي حيلي

سلطاني : حبك عذب
سلطاني : يشفي الگلب
سلطاني : دمعي يصب
.............
جنة ضريحك مأوى حياتي
عشك الطفولة بكل نايباتي
وحشه علي لوما ازورك
كون عله بابك يدنه مماتي

يا ضامن : مثل الغزالة أضمني
يا ضامن : من رحمتك قربني

مثل الغزالة من تحن هيج وتحن ليه
گلبي جرحته بالعشگ واني ابجي يوميه.
بداعة جوادك سيدي خلني ازورنك
خلصته عمري بس الك صفيلي هالنيه

سلطاني : بحبك عشت
سلطاني : يمك ردت
سلطاني : واتعذبت ....
...................
حلمي ولو مرة اشوفك
گلبي الك يبجي ويطوفك
ليك انتضر مثل الجمر
كحل نضرتي بشوفة طيوفك

حبيتك : واسمك سكن وجداني
حبيتك : وانت أصبحت سلطاني .....

يكبر طموحي لو زرت جنة ضريحك
و اتنفسك مثل الهوه واعشگ جروحك
يا ضامن الحب سيدي اضمنها روحي
امشي الك طول الدرب وكلبي يلوحك

سلطاني... وانته الهوه
سلطاني... گبرك ضوه
سلطاني... دمعي نجوه
......................
اسمك نبض بيه وهويته
واني شكثر دمعي بجيته
زاد اشتياقي بشمة ضريحك
والي يزورك ما رجعيته

يا روحي : گلبي بمحبتك حاير
يا روحي : يمتى انحسبلك زاير

روحي يموتها البعد وما زاير الحضره
كلبي يرف رفت عشگ وعايش الحسره
الماشي الك خطوة عمر جن ماشي للزهره
وعيني الك تطوي الدرب يالرايتك خضره

سلطاني.... حسره عشت
سلطاني... بيك امنت
سلطاني... يمك ردت
........
عباس الخزعلي

اللهم عجل لوليك الفرج

وين غايب.... غيبتك هدتلي حيلي
وين غايب.... ما انامن والله ليلي
وين غايب.... يمتى يالمهدي تجيلي
وين غايب.... والدمع تارس شليلي

هدمت حيلي بغيابك
شلون اجرعنه مصابك
والبجي يحله على بابك
گلبي مگسور بعذابك ..... يمهدي

طالت الغيبه يمهدي ... والخير منك يضل يبدي
ما اعيشن لحضه دونك ... سيدي بس انت عندي

متى ترانا ونراك.... متى ترانا ونراك
...........
وين انت.. غايب وغاب الأمان
وين انت.. عطرك التارس حنان
وين انت... وين عايش ابيا مكان
وين انت.... سيدي يا صاحب الزمان

يمتى تفرجها علينه
يمتى ونشبكك بدينه
والله بغيابك بجينه
ارحم اگلوب الحزينه.... يمهدي

يمتى اندب انت وين .... شلونه حالك انت زين
وين اشوفك ارد اجيك.... والله يذبحني الونين

متى ترانا ونراك.... متى ترانا ونراك
.........
انت روحي... وبالعشك هايم بيك
انت روحي.. والسوالف بس عليك
انت روحي... ردت تاخذني بديك
انت روحي... واني يوميه ارتجيك ....

ارتجيك وعشگي يسري
انطيني اديك وخذ عمري
وادري هذا موش كدري
مقصر وبس انته ذخري .... يمهدي

ادركني يا مولاي اصيح ..... خاف بذنوبي اطيح
خل اشوفك خاف اموت ... گلبي لاجمني وجريح

متى ترانا ونراك.... متى ترانا ونراك
.............
گلبي هايم .... هايم بنظرة دلالك
گلبي هايم... ردت ترزقني لوصالك
گلبي هايم... تارس لدنيا بجمالك
گلبي هايم ... يمتى اشوفنه خيالك

يمتى يا مولاي اشوفك
گلبي يومية يطوفك.
كلشي اعوفه وما اعوفك
كحل عيوني بطيوفك ... يمهدي

ضايع واركض وراك ..... ما عندي بالدنيا سواك
يمتى الفرج ضاگ الصدر ..... ريت اشتمه هواك

متى ترانا ونراك.... متى ترانا ونراك
..................
ردتك انت .... عبدك الضايع واسيرك
ردتك انت .... ما ردت مولاي غيرك
ردتك انت .... عايش برحمة ضميرك
ردتك انت.... وبهواي اشتم عبيرك

حبك بگلبي رسمته
سيدي والله عشكته
والدمع لجلك حصدته
جرحك البيه جرحته .... يمهدي

انت بجروحك غريب .... بكربله عندك نحيب
واني احسك منكسر... تسمع حسينك سليب

متى ترانا ونراك.... متى ترانا ونراك
..............

عباس الخزعلي