Бетеге кетет, бел калат,
Бектер кетет, эл калат.
Осмо кетет каш калат,
Оомат кетет баш калат.
Өрдөк учса, көл калат,
Өлбөй тирүү ким калат?
Булбул учса бак калат,
Бул жалганда ким калат?
Жашоо жолу сыйгалак,
Кадырлашып баркташсак,
Каадаланбай катташсак,
Бул өмүрдө бир гана,
Урмат менен сый калат.

Эшик, какпагандарга - ачылбайт.
Аракет кылбагандар ийгиликке жетпейт.

Сыноосуна чыдаш үчүн турмуштун,
Сыр алдырбай сынбаш үчүн тырыштым.
Баш ийилип көздөн жашым акканда,
Өзүмө-өзүм бекем бол деп уруштум.