‏ديارٍ ما تغافلها الربيع.. أشوفها في زود!
‏أعرف أشجارَها، وأعشق هواها، قبل لا أسكنْها..

‏وِش يشدّ العواصف؟ وأنت بابك للهوى مَسدود
‏تجرَّى! والله إن حلو المحبَّة من (مجنَّنها)

‏أنا لولاي أحبَّك ما بذلت لـ ضحكتك مجهود!
‏ولا غنّيت في بيوت القصيد.. وبيتك أثمنْها

‏تحمَّلت اللَّيالي.. في ديَارك! ما قدرَت أعود:
‏وأنا ما أقدَر أخوْن أيَّامها.. لو قلْت لي: خِنْها

‏أحبّ أحلى مشاوِيْري لـ عينك يا أوَّل العنقود:
‏وأعرف إن الصباحات الجميلة.. تنخلق منْها

وش أسوي! لا طريق ولا خوي
لا قرار ولا خيار ولا مصير

الَّليالي تلوي ذراعي لوي
والرفيق السَّيف يغريه الجفير

والضياع بسكِّتي يدوي دوي
أتصفَّق لا سراب ولا غدير

أطوي الظلْما وعيَّت تنطوي!
واشتهيت الشوف بعيون الضرير!

كل يوم أقول باكر تسْتوي
وخاب ظنِّي بالزمان وبالنصير

كنت أنا الصدر الحنُون المحتوي
وكنت أنا لإحساسِهم سلك الحرير

وصرت أنا هاك النِّحيل المنطوي
تلهث أنفاسي ورا حلمٍ كبير

ضاعت الحيلات حيل الله قوي
لاني الأول ولا أظن الأخير

قلت بأصرخ وآخر علاجي كوي
وصلت الحلقوم والخاطر كسير

من شرب من كف غيره ما روي
لعنبو كفٍ على المدَّه قصير

لا تعاتب ويش أسوي يا خوي
لا قرار .. ولا خيار .. ولا مصير

آخ .. يا كل الدروب المدلهمّة
‏لا سراج .. ولا شعاع .. ولا وصالك

‏طيفك اللي يبتسم لي كيف أضمّه
‏لاح زولي ؟ مرّ عطري ؟ جيت بالك ؟

‏متّجه من غير درب و دون يِمّه
‏وأنتِ نجمة واقدة .. والليل حالك

‏اذكريني .. في لياليك المهمّة
‏و سيّري و اقري شعر وأنتِ لحالك

‏يا صبا نجد وش عذر النديم ونديمه
‏والدهر ما كلا واديك والخير ضافي

‏كل ما لاح برق وهلّ فالقاع غيمة
‏قلت وش يدفع قلوب العرب للتجافي؟

‏في رحابك قصيد وفي ترابك غنيمة
‏وفي برادك علاج وفي سمومك عوافي

‏شاعرك وش يسوي فالجروح القديمة
‏كل ليلة مريض وكل صبح متعافي

tellonym.me/r__hl

«ما يقصَّر عمر الإنسان أكثر مْن أحبابه
‏والتشبّث، والشعور اللي ماهو متبادل

‏أوجَع مْن الشعر .. لا نبَّش حزن كتَّابه
‏وأكذب مْن الضحكة اللي في محيَّا النادل

‏قلّ لطرفك: لا يناديني كسول أهدابه !
‏مبطي، وما عادني بْـ داري أدلّ أو ما ادلّ

‏ويش حبَّبني بـ فيضة موطنْك، وتْرابه؟
‏وأنت "لا قاضي نزيه ولا أنت حاكم عادل»

مقاديم بدوٍ في رجا قلبك الحسّاس
‏يسوقون شرهتهم! وأنا أسوق لك نوقي

‏ترى ما معي شِعر المعرّي، وأبو نوَاس
‏أعرف أكتبك.. لكنّي أجهَل مدى شوقي

‏تجفّ الأراضي وأنت ماطرك دون قياس
‏أبى أتبع سحابك؛ كلّ ما مرّ من فوقي

‏وقبل لا تشحّ بضحكتك يا عسى ما بأس؟
‏ترى يا حبيبي ضحكك من أبسط حقوقي!

حولين وأكثر وأنا واقف بخط الزوال
‏والريح تأخذ من أحزاني ثمر وأجنحة

‏أشرب هجير القوايل وأحلف أنه زلال!
‏والشمس تشرب دمي عذبٍ ولا تمدحه

https://soundcloud.com/fa7s7/zdoa3melxx0z