BAXT HAQIDA BALLADA

Men baxtni ko‘rganman. Ko‘rganman. Aniq.
O‘rdada nogahon kelgan ro‘baro‘.
Qish kuni. Paltoga olgan o‘ranib,
Besas bir hayratda qotganman: – Voy-bo‘!..

Yo‘lkalar chetida baland chinorlar,
Qator tizilishgan. Beharakat. Jim.
Dong qotgan bekatlar, qorlar, shiorlar...
Ammo baxt ekanin bilmagan – hech kim.

Baxt juda chiroyli edi! Chiroyli!
Chiroyli! – sovuqda yuzin yashnashi.
Hatto qor poyida g‘irchillar edi,
Tanini ezsa ham o‘tkir poshnasi.

Yuzi tegrasida ro‘moli – tuman.
Bir uchi kiftiga tashlangan edi.
Lollikdan boshqa hol bo‘lgan edi man’ –
Uni ko‘rib bu ish boshlangan edi.

Men baxtni ko‘rganman. Ko‘rganman. Aniq.
Hatto ko‘zlarimiz uchrashgan bir zum.
O‘rtada bo‘lmagan salomu alik,
Faqat lablariga qo‘ngan tabassum.

Shu tarz o‘tib ketgan yonimdan. Tashxis:
Jonim chiqmaslikka u dam yaragan.
O‘grilib qarasam, ortimga ilkis,
Ishoning-ishonmang, baxt ham qaragan!

Shundan buyon menga bu dunyo bir pul!
Nomard g‘alvalari berolmas ozor.
Yuragim erta-kech she’r bilan mashg‘ul –
Baxtni uchratganman! Nima g‘amim bor!

Yonib kirib kelsam (yurishim – sarbast!) –
Fasod davralarga – g‘iybat tinadi,
Axir, menga hech kim kelolmaydi bas –
Baxtga duch kelganim barcha biladi.

Mardligim bilishar (do‘stu yov ogoh!):
Nechun “yur” deb baxtni qistamaganman,
Baxtni etmaganman ne uchun hamroh?..
Bebaxt bo‘lishini istamaganman.

Usmon Azim

Sherik, hamroh 🦌

Oʻtgan yili sentyabrdan beri har oyda bir bor boʻlsa ham madaniy xordiq chiqarish uchun teatr-spektakllarga borishni odat qilgandim. Endi baletga borish ham qoʻshildi orasiga. Ammo faqat, baʼzan sherik topolmay qolishing alam qiladi.

Teatr va kinolarga sherik bilan borish – zoʻr. Lekin uni tomosha qilgandan soʻng oʻtirib birga muhokama qilmasang, baribir foydasiz. Unday boʻlsa, bir oʻzing bording nima, sherik bilan bording nima, toʻgʻrimi?

Interstallerʼga bir sherik bilan tushgan edim. U esa Nolanni, kinolarni va ayniqsa shu kinoning muxlisi edi. Kinodan soʻng 3.5-4 km piyoda yurgan edik. Kinoni muhokama qilganmiz. Maza boʻlgan. Men diqqat qimagan nuqtalarni u aytib oʻtgandi. Oʻzi hamroh koʻrilgan asarni gʻiybat qilish uchun kerak ekan aslida. 🙂

Xullas, qissadan hissa shuki, yolgʻiz bormanglar bunaqa joylarga, hamroh bilan boringlar. Lekin hamroh tanlashda eʼtiborli boʻlinglar. ☺️

Mutolaa ustida

Izoh ?
“Mujohada” – arabcha soʻz boʻlib, lugʻatda “jidd-u jahd qilish”, “bor kuchi bilan harakat qilish”, degan ma’nolarni anglatadi.

@mutolaa_ustida ?