...өміріңізді қай шақпен өлшейсіз? Көп адам өткенімен өлшеп жатады. Бір жағымсыз оқиға болды және тағы да сүріндім. Сәтсіздіктің ызғары тәніңді не жаныңды қарып өтті. Сонымен? Өмір бітіп қалды ма? Мүмкін Жер тоқтап қалған шығар? Сол үшін бақытсыз деген киім киіп алу керек пе? Кешіріңіз. Бірақ қаласаңыз да, қаламасаңыз да Өмір жалғасуда, Жер айналуда. Қандай жағдайды бастан өткізсеңіз де, сол мұңды болсын қайғыны кеудеңізге беріш қып қатырып аласыз ба, оны қабылдап, артқа тастайсыз ба? Шешім әрқашан өзіңізде.

#суға_лақтырған_тас

Миымды үтіктемеші !

#депше

ауыр ашылатын есіктер бар ғой бір. Сондай есіктің артында кішкентай ұлының сөмкесін арқалаған ана қинала ашып жатыр екен. Өзі де аласа бойлы, талдырмаш кісі. Баласын сабақтан алып қайтқан болуы керек, ұлы самбырлап бірдеңелерді айтып жатыр. Бер жағынан итеріп, ашысып жібердім де, ұстап тұрдым. “Рақмет” деді жұмсақ дауыстап.
Осындай сәттерде өзімді тірі адам сезініп қаламын. Біртүрлі қызық сезім… Әрқашан өзге жандарға “есік” ашып жүрейікші, адамдар…

#бүгін

реніш тек сәттік эмоцияның тұнбасы ғой, оны тазалау/тазаламау әркімнің өз еркі. Бірақ ыдысыңыз (жүрегіңіз) не нәрсеге толатынын ойлап қойыңыз…

#меніңше

Біреуге масыл болып өмір сүруден сақтасын деймін. Өзіме де, өзгеге де.

Аяқ-қолың сау, есің бар шақта өз күніңді өзің көруге талпыну қажетсің. Сені ешкім асырауға, қателігіңді кешіріп, бүлдіргеніңді түзеп беруге міндетті емес. Солай біреуге арқа сүйеп қалғандар жаңағының бір ілгері басқан аяғын кері қайтарады. Селбесіп, өсуге, өнуге мұрша бермей қояды.

Біреуге залалың тимей, ешкімді ыңғайсыз жағдайға қалдырмай, әлдебіреуді әурелемей, ешкімге жүк түсірмей өмір сүру – ол да бір сауаттылықтың көрінісі.

"...Сен тілеген түннің бәрі қайырлы..."

#🫀

Түбі рақат болатын қиындықтың несі қиындық? Соңы азап болатын ләззаттың несі ләззат?

#ғұламалардан

Дені сау адамның басында баға жетпес асыл тәж болады. Оны тек науқас адамдар ғана көреді…

#біркемдүние
#ғұламалардан

жеміс бірден ағаштан өсіп кетпейді ғой. бірінші ағаштың жапырағы, сосын бүршігі, одан кейін гүлі. Ең соңында ғана жеміс пайда болады. Істеп жатқан ісімнің нәтижесін көрмедім-деп мұңайып, шаршап, жарты жолда тоқтап қалма.

#саған
#бүгін

жеміс өсіп тұрған ағашқа ғана тас атылады.

#ғаламтордан