كوز يوم السبت قطعة (العطل why are holidays so important ) بالوحدة الخامسة ولكل الشعب.

التحضير هو مراجعة الوحدة الخامسة

نفسياً من السبت مستعد اداوم وهاي جداول الولد والبنات

يلا نسولف

بمرور الوقت وخاصة بالفصل الثاني راح تبدي تسأل نفسك هل انه اخترت الطريق الصح؟ هل هذا الشغف الي حياتي كلها تعتمد عليه؟؟ الاجابة تصدمك مرات بس استمر هذا نصيبك.

راح تسمعون هواي حجي، ليش هيج درجاتك؟ ليش ما درست وتعبت روحك؟ فلان درجاته افضل منك، بحيث حتى من يوجعك راسك يسألونك ليش هالوجع الراس؟؟ انطيهم كتم وادرس ع كد طاقتك.

بعد كل هالتعب ممكن تشوف جهدك ما يلاقي التقدير الي يستحقه سواء من زملائك او الاساتذة لأن محد يشوف الجهد الي بذلته مثل ما انتَ شايفه. وهنا تضطر تلغي كلشي وتبدي من جديد. وبس تبدي من جديد راح يكون فشلك مضاعف، كمل حتى لو تعرج.

الكل يبدأ بحماس لكن الاصعب هو الاستمرارية. بمرور الوقت تشوف الرغبة والحماس يقل وهنا تبدي الاختبارات الحقيقية للصبر والتحمل.

اكو شي اسمه فخ الكمال .. مرات تسعى لشي مثالي ممكن يوقف تقدمك. فأحياناً كل الي مطلوب منك عمل جيد وهذا العمل الجيد يسويك مثالي.

اخر شي .. اشعل شمعة وعوف لعن الظلام.

قبل يومين لعبت طوبة، اجتني الفلاونزة لعبت بيَ طوبة.

الفلاونزة 1 - 0 المستر

الطلاب بدوني ما اعرف وين ينطون وجوههم، امتحنهم وادرسهم واصورهم وانشرهم ومن يجوعون اشتريلهم لفات فلافل. ذاك اليوم جبتلهم تمر وخليتهم يتفستقون ?

البنات انتن راح اجيبلچن قمر الدين أصلي

محد مرتاح بحياته بس هذنيج الكشموشات الي بالخلفية، هسه متزوجات وكل وحدة عدها جيب شيروكي.

وانت ابو راس ابقى حالك حال ذاك ابو النظارات بحيث رفعهن علمود يشوف الكشمش الطبيعي بلا فلاتر

الأدبي يگول اسئلة العلمي سهلة
والعلمي يگول اسئلة الأدبي سهلة

ودائماً تبدو قطعة الخبز أكبر حينما نراها بين أيدي الأخرين