2024 йил солиғини бирданига тўлиқ тўлашни талаб қилиш мумкинми?

@Yurist_Xizmati 4475-савол:

Ассалому алайкум хурматли юрист. Мен туман мактабида ўқитувчи булиб ишлайман мактаб директори ва  района бошлиги мени 2024 йил учун солиғимни хаммасини тулашга мажбурлаяпти шу тўғрими. Солиқни ойма ой тулаб боряпман лекин Бу кам дейишди шу тугрими жавоб учун олдиндан рахмат.

ЮРИСТ ЖАВОБИ:

🙅‍♂️ Умумий қоида бўйича ходимнинг иш ҳақидан унинг розилигисиз ушлаб қолиш мумкин эмас.

❗️Бироқ бунга истесноли ҳолатлар ҳам мавжуд. Хусусан Меҳнат кодексининг 269-моддасига мувофиқ ходимнинг ёзма розилигидан қатъи назар солиқлар ва йиғимларни ундириш учун унинг иш ҳақидан ушлаб қолиш мумкинлиги белгиланган.

💁‍♂️ Соддароқ айтганда, иш берувчи ходимнинг розилигисиз унинг иш ҳақидан солиқларни ёки бмтларни ушлаб қолиши Солиқ кодексининг 386-моддасига асосланган ҳолда солиқни ҳисоблаб чиқариш, ушлаб қолиш ва буджетга ўтказишни амалга оширади.

❓Мана шу жойда савол туғилади. Иш берувчи солиқ агенти сифатида ходимдан ҳар қандай солиқни ушлаб қолиши мумкинми?

❌ Йўқ ундай эмас, Солиқ кодексининг 386- 387-моддалари мазмунига мувофиқ солиқ агенти (иш берувчи) фақат солиқ тўловчи бўлган ходимдан солиқларни ушлаб қолишга ваколати саналади.

☝️Эътибор беринг! Фақат “солиқ тўловчи”дан ушлаб қолади. Ана энди масалани янада аниқлаштирамиз. Ходим солиқ тўловчи мақомига қачон эга бўлади.

1️⃣ Биринчидан, ходим Солиқ кодексининг 364-моддасига кўра жисмоний шахслардан олинадиган даромад солиғининг солиқ тўловчиси саналади. Шунга асосан иш берувчи ходимдан СК 387-моддасини асос қилиб тўланган иш ҳақидан даромад солиғини ушлаб қолишга ваколатлидир.

❗️Шунга кўра иш берувчи солиқ агенти сифатида ходимга тўлаган иш ҳақи миқдоридан даромад солиғи суммасини ушлаб қолиши лозим.

2️⃣ Иккинчидан, ходимнинг номида мол-мулк ва ер бўладиган бўлса, унда ҳам юқоридаги тартибда солиқларни ушлаб қолиши ёки ходимдан солиқларни ўз вақтида тўлашни талаб қилиши мумкин. Мол-мулк ва ер солиғини тўлаш муддати йилига 2 марта 1 апрель ҳамда 15 октабрь этиб белгиланган.

❌ Шунга кўра сиздан солиқни бирданига тўлиқ тўлашни талаб қилиш мумкин эмас.

Декрет таътилига чиққан ходимларга таътил пули тўланадими?

@Yurist_Xizmati 4426-савол:

Assalomu alaykum, maktabdan dekabr oyini tugatib tug'ruq ta'tiliga chiqqan  o'qituvchiha ta'til puli to'lanadimi?

ЮРИСТ ЖАВОБИ:

Меҳнат кодексининг 404-моддасига биноан аёлга туғруққача етмиш календар кун ҳамда туғруқдан кейин эллик олти календар кун (туғиш қийин кечган ёхуд икки ёки ундан ортиқ бола туғилган тақдирда етмиш календар кун) ҳомиладорлик ва туғиш таътили берилиб, қонунчиликда белгиланган, лекин ўртача ойлик иш ҳақининг етмиш беш фоизидан кам бўлмаган миқдорда нафақа тўланади.

Ҳомиладорлик ва туғиш таътили Меҳнат кодексининг 202-моддасига асосан ижтимоий таътиллар тоифасига киради. Таътил муддати тугагандан сўнг ходим ўз ишини давом эттириши мумкин бўлади.

✅ Шунга кўра сиз ҳам мазкур таътил вақти тугагандан сўнг бемалол ишингизни бошлашга ҳақлисиз.

❗️Бунда Меҳнат кодекси 400-моддасига кўра ҳомиладор аёлларга ва бола туққан аёлларга йиллик меҳнат таътили, уларнинг хоҳишига кўра, тегишинча ҳомиладорлик ва туғиш таътилидан олдин ёки ундан кейин берилади.

✅ Шу қоидага кўра сиз йиллик меҳнат таътилини декретга чиққандан кейин олиши мумкин.

🆖 #_СТАТИСТИКА

🏢 Расмий маълумотларга кўра, Ўзбекистон Республикасининг 2024 йил 1 январь ҳолатига кўра демографик кўрсаткичлари:

Аҳоли сони – 36,8 млн киши
🚺 Аёллар сони – 18,3 млн киши
🚹 Эркаклар сони – 18,5 млн киши

🌇 Шаҳарда яшовчилар – 18,8 млн киши
🏘 Қишлоқда яшовчилар – 18 млн киши

⭕️ Никоҳлар сони – 283,8 мингта
⛔️ Никоҳдан ажралишлар сони – 49,2 мингта

Умумий миграция
🔻Кўчиб келган – 218,8 минг киши
🔺Кўчиб кетган – 233,2 минг киши

Шундан ташқи миграция
🛬 Кўчиб келган – 2,9 минг киши
🛫 Кўчиб кетган – 17,3 минг киши

Navbahor tumani ta'lim va fan xodimlari kasaba uyushmasi rasmiy kanali
👇👇👇👇

👉 Web-site | Telegram | YouTube

*📣* ESLATMA!

👨🏻‍🎓🧑🏻‍🎓 Hurmatli xorijiy tillardan dars beruvchi ustozlar!O‘zbekiston Respublikasi Vazirlar Mahkamasining "Xorijiy tillarni o‘rganishni ommalashtirishni samarali tashkil etish chora-tadbirlari to‘g‘risida" 2021-yil 19-maydagi 312-son qaror**iga muvofiq:

*➖ 2024/2025-o‘quv yiliga qadar umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o‘qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi* lozimligi belgilangan.

❗️Mazkur talabdan kelib chiqqan holda, Maktabgacha va maktab ta'limi vazirligi barcha xorijiy til ustozlari 2024/2025-o‘quv yiliga qadar kamida B2 darajadagi milliy yoki xalqaro sertifikatlarga ega bo‘lishi lozimligini eslatadi.
Navbahor tumani ta'lim va fan xodimlari kasaba uyushmasi rasmiy kanali👇👇👇
👉 Web-site | Telegram | YouTube

#tabrik

Navbahor tuman 1- umumiy o'rta ta'lim maktab boshlang'ich kasaba uyushma qo'mitasi raisi, o‘z kasbini jonkuyari va fidoyisi, jamoada o‘z o‘rni va mavqeiga ega toza qalb egasi bo‘lgan ustoz Tursunova Shahnoza Jabborovnani  tug'ilgan kunlari bilan samimiy tabriklaymiz.
Sizga uzoq umr, sihat-salomatlik hamda mashaqqatli pedagogik faoliyatingizda  hamisha omad hamrohingiz bo‘lishiga  tilakdoshmiz.

Hurmat bilan, O‘zbekiston ta'lim va fan xodimlari kasaba uyushmasi Navbahor tuman bo‘linmasi Kengashi

👉 Web-site | Telegram | YouTube