18-22 HAMAL. Háptelik jańalıqlar

1) YANDEKS KLAVIATURADA “AUTOCOMPLETE” FUNKCIYASÍN ÁMELGE ASÍRÍW UShÍN TEKSTLER JIBERILDI
Kópshilik iOSqa klaviatura joqlıǵı tuwralı jazadı, sonlıqtan da, qaraqalpaq tiliniń latın hám kirill grafikasın qosıw ústinde jumıs alıp barılıp atır.
Házirde "автодополнение" funkciyası islenbekte. Yaǵniy, birnárse jazsańız joqarıda nusqaw (подсказка) shıǵadı.
Bul jańalıqtan Telegramdaǵılardıń xabarı joq, sebebi tek ǵana Instagramda járiyalanǵan edi.

2) RUS-QARAQALPAQ KORPUSÍ
Házirshe korpusqa jańa gáplerdi qosıw toqtatıldı. Men korpustı jaratıw ushın gáplerdi Qaraqalpaq Xabar Agentligi saytınan qollanıp atır edi. 2 kúnnen berli islemey turıptı.

3) SSSR TARIYXÍNAN GÚRRIŃLER (Рассказы по истории СССР) KITABÍ PDFten » ÁPIWAYÍ TEKSTKE AYLANDÍRÍLMAQTA (259 bet)
Qaraqalpaq Xabar Agentligi saytı isleymen degenshi usı kitaptan gáplerdi alıp atırman.

4) UNICODE CLDRǵa QARAQALAQ TILIN QOSÍW UShÍN AKKAUNT BERILDI
Endigi aydan baslap til haqqındaǵı maǵlıwmatlar kirgiziledi.

5) GLIBC STANDARTÍNA TILDI QOSÍW UShÍN FAYLLAR TAYAR
Bul standartqa qosqannan soń:
1) Linux operacion sistemasın hám odaǵı qálegen baǵdarlamanı qaraqalpaq tiline lokalizaciyaw múmkin
2) Klaviaturaǵa qaraqalpaq tilin qosıw múmkin
Fayllar jiberilgennen soń qosımsha post járiyalanadı.

6) ENDI HESHQANDAY KOMANDA JOQ
Komanda da házir bir ózim. Adamlar passiv, berilgen wazıypalardı da hátteki orınlamaydı.

Endigiden bılay, usılay etip hápteme-hápte jańalıqlar menen bólisip turaman.

Qaraqalpaq tilin jáne de rawajlandırıw hám til siyasatın jetilistiriw boyınsha áhmiyetli qarar.

v) qaraqalpaq tiliniń zamanagóy málimleme texnologiyaları hám kommunikaciyalarına jedel integraciyalasıwın támiyinlew tarawında:

2025-jılǵa shekem qaraqalpaq tilinde tarawlar boyınsha is júrgiziw hújjetleriniń birden-bir elektron úlgilerin islep shıǵıw hám olardan paydalanıw ushın 6 onlayn-baǵdarlama jaratıw, 2030-jılǵa shekem bul kórsetkishti 15 ke jetkeriw;

elektron baǵdarlamalardıń qaraqalpaqsha qosımshaların hám elektron sózlikler jaratıw;

shet el puqaraları ushın qaraqalpaq tilin úyretiw baǵdarlamaların jaratıw;

TOLÍQ OQÍW

P.S. Ámelde heshnárse kórmedim.

Soraw jiberilgennen soń onıń birneshe jaǵdayı boladı (статус):

Jiberildi. (házir sorawımız jaǵdayı usınday)
Siziń sorawıńız ekspertlerge tekseriw ushın jiberildi.

Úyreniw.
Sorawıńızdı úyrenip atırmız.

Jumıs alıp barıp atırmız.
Siziń sorawıńız tiykarında jaqsartıw (улучшение) ústinde islep atırmız.

Ózgerisler kirgizildi. (usı jaǵday kerek bizge)
Siziń sorawıńız tiykarında ózgerislerdi kirgizdik.

Qosımsha maǵlıwmat kerek.
Bul mashqalanı tolıq úyreniwimiz ushın bizge siziń járdemińiz kerek.

Házir "язык и ввод" bóliminde "популярность" boyınsha 1 orındamız. ✊✊✊

Yandex Pro - aydawshılar ushın arnalǵan qosımsha bolıp, bul qosımsha arqalı olar buyırtpalardı qabıllaydı. Biz sonıń kishkene bólegin awdardıq, yaǵnıy yandekste jańa aydawshı kelgeninde ol qosımshadan qalay qollanıwdı bilmewi múmkin, sol ushın qosımshada "Тестовая поезда" degen bólimi bar, soǵan kirgen waqtında aydawshıǵa nusqawlar (kórsetpe yamasa инструкция) beriledi hám solay etip aydawshı qosımshanı úyrenip alıwı múmkin.

Házirde bul bólegin juwmaqladıq. Bárshe járdem bergenlerge raxmet!
Endi Qaraqalpaq tili latin hám kirillde (Yandex PRO qosımshasında) payda boladı.

❓Ne sebep qosımsha eki álipbege awdarılıp atır?

Yandekstıń aytıwı boyınsha, latin álipbesi aydawshılar arasında qıyınshılıq tuwdırıwı múmkin hám olar ekewinde qosıp analizlep kóremiz dedi.

Eger kópshilik aydawshılar kirill álipbesin tańlasa, onda kirilldı qosamız.

Analiz juwmaqlanǵannan soń 250 000 nan aslam sózler júklenedi hám tómendegi qosımshalar qaraqalpaq tiline tolıq awdarıladı:

Yandex PRO - aydawshılar ushın arnalǵan qosımsha

Yandex GO - taksige buyırtpa beriwshiler ushın arnalǵan qosımsha

Dispetcherlik qosımsha

Navigatordı qaraqalpaqsha sóyletiw máselesi: