Taklifimiz haqida tasvirlar

YAXSHI NIYAT ( DIQQAT E'LON -- SIRDARYOLIKLARGA )

Assalomu alaykum, Sirdaryoning yosh ijodkorlari. Respublika Ma'naviyat va ma'rifat markazi rahbari Otabek Hasanov Sayxunobodga tashrifida Sirdaryo yoshlari bilan uchrashuv o'tkazdi. Uchrashuv vaqtida taklif berdik. Shu taklifimiz qo'llab quvvatlandi.
Taklifimiz shundan iborat ediki, Sirdaryoning har bir hududida ijod qilayotgan maktab o'quvchilari va yosh ijodkorlarning ijodlarini jamlab yangi kitobni Respublika Ma'naviyat va ma'rifat markazi homiyligida chop ettirish iltimosi so'raldi. Va bu iltimos Otabek Hasanov tomonidan qo'llab quvvatlandi.
Vatanni, millatni, ota-onaga muhabbatni, kitobxonlikni va buyuk allomarimiz, jadidlarimiz haqida yoshlarni ilmga undovchi vatanparvar, xalqparvarlik ruhidagi ijodiy ishlaringizni ( She'r, hikoya, esse, maqolalaringizni) yaxshi niyatda bizga taqdim eting biz bilan bog'laning.

📚 Kitobni nashrga tayyorlovchi vazifasida: Aziz Xo'ja Nur

Murojaat uchun + 99894 352 57 57 raqamiga qo'ng'iroq qilib bog'laning yoki ( @QALBDOSHIM_tel_99891_501_57_57 ) telegram orqali o'zingiz haqingizda ma'lumot va ijodiy ishlaringizni imlo xatolarisiz (Times Roman 14 shirift, word variantda )sifatli rasmingiz bilan yuboring.
Imkon qadar qalbida ijod ifori bor har bir yoshning ijodiy ishlarini saralab kitobga qo'shilishini niyat qilamiz.
Va yangi kitobimiz nasib qilsa yaqin vaqt ichida nashr etiladi degan umidimiz bor.

#Hurmatli, umidli, ijodkor yoshlar, safimizga qo'shiling imkonyatdan unumli foydalaning. Ustozlar, ijodkor o'quvchilaringizning qo'llab-quvvatlash uchun bu xabarni yetkazishga shoshiling !!! Kitob bepul homiylik asosida nashr etiladi Alloh xohlasa.

📚 OTA-ONANGIZ ASRANG

Qaytar dunyo, bir kam dunyo bu,
Sinovlarga solar dunyo bu,
Barchamizdan qolar dunyo bu,
Otalarni asrang, odamlar !..
Onalarni asrang, odamlar !..

Ostonangda qolgan izin o'p,
Alloh nazar solgan yuzin o'p,
Yig'latmagin kuydirmagin ko'p,
Otalarni asrang, odamlar !..
Onalarni asrang, odamlar !..

Tomib-tomib tugar suv bir kun,
Yonib-yonib o'char nur bir kun,
Bizdan rozi bo'lishi uchun,
Otalarni asrang, odamlar !..
Onalarni asrang, odamlar !..

Kutib-kutib yo'linga zor bo'lmasin,
O'ksib dili xasta bemor bo'lmasin,
Qariganda qaragin xor bo'lmasin,
Otalarni asrang, odamlar !..
Onalarni asrang, odamlar !..

She'r muallifi: Aziz Xo'ja Nur

Ijrochi: Orifjon Mustapov

Musiqachi: Shuxrat Aliyev

❤️?❤️ ISHQI HALOL ❤️?❤️

Senki paydo bo'lding, paydo bo'ldi ishq,
O'zi ham men kabi shaydo bo'ldi ishq,
Har sahro ko'ngilga daryo bo'ldi ishq,
Qalbi tiriklarga Hamroh uchun sev !
Sevsang... Sen meni Alloh uchun sev !

Hech narsa kerakmas hayodan boshqa,
Imoni nur bo'lgan - vafodan boshqa,
Haq bergan rizqdan, havodan boshqa,
Joningni asragan Panoh uchun sev !
Sevsang... Sen meni Alloh uchun sev !

Halolim, umrimga umringni bog'la,
Jannatga chap emas, o'ngingni bog'la,
Ka'baga yuzlangin, ko'nglingni bog'la,
Qudratli, yagona Iloh uchun sev !
Sevsang... Sen meni Alloh uchun sev !

Musaffo tong kabi yorug'lik keltir,
Muborak mehring-la iliqlik keltir.
Sen mendan, Men sendan rozi bo'laylik,
Farzand so'rab, Haqqa ulug'lik keltir.
Duo qil, ko'nglingdan Ogoh uchun sev !
Sevsang... Sen meni Alloh uchun sev !

AZIZ XO'JA NUR

Sirdaryo Sayhun

" Yur, Jannatga boramiz, Yurak ! " kitobidan

@Aziz_Xoja_Nur_99891_501_57_57

??? ISHQ QIBLASI ???

Yo Robbim, ishqimning Qiblasi O'zing,
Qalbim sajda qilar Senga yuzlanib.
Eng oliy mukofot -- Jannatda yuzing,
Qur'ondan shifolar topdim izlanib.

Ishqingni istaydi ishqsiragan ruh,
Ismingni eshitsa jonlanadi jon.
Dunyoni suv bosdi, omon qoldi Nuh,
Omon qoldi yana "omonat inson".

Jon tomirimdan-da yaqinsan menga,
Oshiqman, oshiqlik -- qullikka ahddir.
Shahodat ichirgin, ishq ichir menga,
Seni sevmoq -- rohat, sevilmoq -- baxtdir !..

Ishqsiz qo'yma... Yurakni yashnatib yubor,
Tirik dilga jonsiz hislar to'lmasin.
Ummatlar ichinda hech qaysi banda,
Allohni sevmasdan oldin o'lmasin !!!

Yo Robbim, ishqimning Qiblasisan -- Sen !

AZIZ XO'JA NUR

Sirdaryo Sayhun

"Yur, Jannatga boramiz, Yurak!" kitobidan

@Aziz_Xoja_Nur_99891_501_57_57

✍ Do'stman deganlarning do'stligini ular "kimdir" bo'lganida sen esa "hech kim" bo'lganingda bilasan.

???????? YURT BAYROG'I ????????

Inson aslan onasidan hur tug'ilgay,
Imon sabab yuzlarida nur tug'ilgay,
Balki ming yil, balki yuz yil, Haqqa ayon,
Odamiylik odamlari bir tug'ilgay...
Oqibatning ostonasi -- hur tilaganlar,
Yurt bayrog'i yuragida hilpiraganlar !..

Chap ko'ksimning chetlarida chandig'i bor,
Qabrlardan chaman bo'lib chiqqan bahor,
Yashil o'lka bag'ridagi qizil qonlar --
Qabristonlar lolazormi yo odamzor...
Mangulikning gulshanida gurkiraganlar,
Yurt bayrog'i yuragida hilpiraganlar !..

Tomirlarda oqqan toza qon taslim emas,
To tiriksan, xalq uchun jon taslim emas.
Dushmanni hovuchlab elamoq - mardlik,
Davlat deya yuksalgan shon taslim emas.
Tinch-totuvlik sarhadida tin bilmaganlar,
Yurt bayrog'i yuragida hilpiraganlar !..

Xavf-xatarni kesib kelar asl mardlar,
Yov yo'lini to'sib kelar asl mardlar.
Ezgulikning shahidlari o'lmaydi aslo,
Avlodlari o'sib kelar -- asl mardlar.
Duolarda barhayot, dil tilaganlar,
Yurt bayrog'i yuragida hilpiraganlar!..

To'rt tomoni Qibla-nur, Ka'batullohdek,
Har bandaning tug'ilgan tuprog'i oqdek.
Har kimning ham vatani bo'lgani yaxshi,
Gado ham o'z yurtida yashaydi shohdek.
El ardog'i, omon bo'lsin, xalq tilaganlar,
Yurt bayrog'i yuragida hilpiraganlar !..

AZIZ XO'JA NUR

"Yurt bayrog'i yuragida hilpiraganlar" kitobidan

YURT BAYROGʻI YURAGIDA HILPIRAGANLAR ! ??❤️

?Muallif: Aziz Xo'ja Nur✍

Farg'ona viloyati, Oltiariq tumani 1-umumiy o'rta ta'lim maktabi 7-"G" sinf o'quvchisi Respublika ijodkor bolalar guruhi a'zosi. Bir qancha kitoblar va jurnallarda hikoya va maqolalari chop etilgan.

?Ijroda yosh ijodkor:
Muhammadyusuf Hasanov?

? Taqdimot tadbiriga Muhammad Yusufning ayollari Nazira As-Salom boshchiligida ko'plab ijodkor ustozlar tashrifi niyat qilingan.

30-may soat 09:00 da Sirdaryo viloyati Yoshlar Markazida

Kelsangiz tashrifingizdan xursand bo'lamiz! ?