لا تَدعوا هذهِ الأيّام الرّضويّة تمرّ من دونِ أن
تطلبوا حوائجكم من الإمام الرِّضا الرَّؤوف (عليهِ السّلام).
يقول سماحة الشّيخ المُربي حبيب الكاظمي حفظهُ اللّٰه :
اطلبوا حوائجكم من الإمام الرِّضا بهٰذهِ الصيغة:
«سيّدي أيّها الإمام الرّؤوف يا عليّ بن مُوسىٰ الرِّضا نُقسِمُ عليكَ بحقِ أمِّك الزّهْرَاء عليها السّلام وابنكَ الإمام محمّد الجواد عليهِ السّلام أن تشفعَ لي عِند اللّٰه بقضاءِ حاجتي».

فإنهُ لا يردّكَ خائبًا ❤️‍?

لا تذبحونه _ فاتح اعيونه الماي مو يمكم _ ما تشربونه يصعب عليه وظعه // عوفوني خل اودعه ◇◇◇◇◇◇◇◇◇◇◇◇◇◇◇◇ اوكف يذباح الاخو _ انطي مجال شويه بلكت شريفه يروح اله _ يذب اعله شفته اميه تشوفونه يتكلب عطش _ صفاحه برمل مجويه لوداعه خلوني اجي _ …

اعتذر الفترة مقبلة متحانات اسالكم الدعاء واي استفسار بل خدمة حسابي بل بايو و تدللون ??♥

(ياجرحنه)
.......................................................
عذبني اخوي احسين
كل ما صحيه يلجمني
يريد ايكوم بس الخيل
تجي وتسحك ابن امي

ياناس تعبانه وعلي هواي
ابن امي ماضايك شرب ماي
هدت الخيل وماكو حماي
حتركت خيامي ومابقه افياي

ياخوي حيره.. المن وجهي اديره
كلكم عطاشه
نار ابخيامي... وابن امي ضامي
جان شحلاته

يبن امي حسين....
.....................................................
عافاله خيام ونار
وجدت من هوه علكاع
بس يأشر ابيده
ويعاين ماكو اي فزاع

ياروحي نودي وي الخوان
رايح رسمهم حيلي تعبان
شيكضيها المفاركله احنان
ماتنكضي وناس شمتان

ياروحي نودي... مو هم خلص شوفي
كلش تعبنه
اسياط وبراري... وشمس حر الضهاري
كلش عطشنه

يبن امي حسين.....
.................................................
اعاتب هم خلص حيلي
وشاكف انه من اسياط
خطيه احسين يوميلي
هضيمه مكطعيله انياط

هدت الخيل وسحكت بصدره
ابن امي ضامي منجرح خده
وتراب البراري صك عله نحره
وسهم المنيه صوبله كلبه

احسيني يعاني... من هاي العادي
خلصو حيله
طايح خطيه... وما من عده جيه
وانتظر وينه

يبن امي حسين....
...................................................
عفنه احسين بل حومه
ضامي منكسر حيله
طاح وطيح اكليبي
ذاك الشد الي شيله

يا كلبي كافي بطل انياح
خلصت مشينه وزادت اجراح
حتركت خيامي والوه طاح
وفاركت صوت احسني من راح

طاحت الرايه..وما عدي ثايه
طاحت الخيمات
حرمه وجبيره.. وحيرتها حيره
تضحك الشمات

يبن امي حسين

حيدر صلال

لا تذبحونه _ فاتح اعيونه
الماي مو يمكم _ ما تشربونه

يصعب عليه وظعه // عوفوني خل اودعه
◇◇◇◇◇◇◇◇◇◇◇◇◇◇◇◇
اوكف يذباح الاخو _ انطي مجال شويه
بلكت شريفه يروح اله _ يذب اعله شفته اميه
تشوفونه يتكلب عطش _ صفاحه برمل مجويه
لوداعه خلوني اجي _ كلبي بقه يجر بيه

السهم البكلبه _ لا تحركونه
والشمس تجوي _ غيرت لونه

تغير جماله بسرعه // عوفوني خل اودعه
◇◇◇◇◇◇◇◇◇◇◇◇◇◇◇◇
من الركبه وخر خنجرك _ خلي يجر انفاسه
هوه اليموت من العطش _ شتسوي كاطع راسه
ياناس مو بعده عدل _ جا ليش حافر داسه
توخرون لو حشم تره _ يفزع الي عباسه

هشمت اظلوعه _ دوست الحافر
ياعمت عيني _ بصدره اشصاير

ايون لهسه اسمعه // عوفوني خل اودعه
◇◇◇◇◇◇◇◇◇◇◇◇◇◇◇◇
فاتح اعيونه اعله الخيم _ والرمل تارس عينه
عن لا تشوفه بهالوظع _ غطيت وجه اسكينه
عثركم الله شكد صحت_ معطشينه ومتعبينه
منخل قميصه آمن الطعن _ بالخنجر امسوينه

طايح ابن امي _ كثرن جروحه
منين ماادري _ طلعو روحه

ماخله عندي دمعه // عوفوني خل اودعه
◇◇◇◇◇◇◇◇◇◇◇◇◇◇◇◇
من ايده هد حبل المهر _ وطاح اعله وجهه الظامي
صاح وبجه بحركت كلب _ يايمه اخ اعضامي
دارو عله ابن امي الظهر _ شبعو طعن كدامي
ذبحوني كلهم وبشرط _ بس مو اكبال ايتام

سابح بدمه _ ردلي ميمونه
كتله حاجيني _ العافك شلونه

يرجع جنت متوقعه // عوفوني خل اودعه
◇◇◇◇◇◇◇◇◇◇◇◇◇◇◇◇
هذا الخفت منه حصل _ هنا جفني هد ادموعه
وي القميص السلبه _ من صدره جر اظلوعه
كل ساع يتفرهد كتر _ وتركض عليه مجموعه
الكص خنصره بكلبي صدك _ خلاله لجمه ولوعه

السلب المحبس _ يشمر الخنصر
يخلي بالهيمه _ زينب اتدور

بالليل ادور اصبعه // عوفوني خل اودعه ◇◇◇◇◇◇◇◇◇◇◇◇◇◇◇◇
لشوج الحدر ظهره نسكه _ والرمل دمه يشربه
من صدره اباوع عالارض _ جي ماهو ظايع كلبه
ماكو ولا خير يجي _ يشيله لخيامي يقربه
ياهو اليجي يمه وكف _ بالحجر كام يظربه

بالي ماهوه _ عالرمح بالي
حيره شيشيله _ مطشر الغالي

اله بحصيره اجمعه// عوفوني خل اودعه
◇◇◇◇◇◇◇◇◇◇◇◇◇◇◇◇
تمت__ علاء الزيدي

لحن (ساعة سفر)
بصوت
ملا صادق هاشم
بغداد