واختر قرينك واصطفيه تَفاخرًا
إن القرين الى المُقارنِ ينسبُ

صَديقك هو انعكاس لشخصيتك و جوانبك المَخفي والظاهر مِنها
لذلك لا تخجل مِن ابعاد ناس ما تتألف وياهم روحيًا واخلاقيًا

واعتز وضيف لليشبهك ، اهتم بيه وقربه مِنك.

https://youtu.be/uiYiZKHjP6M?si=AR7ZnoZswkAAfqdp

مرات تلح بالتمني
وتستقتل على مواضيع وتگول ليش دا تصير للناس وما تصيرلي
معقولة انا اقل ؟
لحد ما تصيرلك !
وتتمنى بس تطلع مِنها
وقتها راح تتعلم ترضى بالي الله كاتبه الك
و طبيعة حياتك الدا تعيشها
وتباوع لنفسك وما عليك بكلشي دا يصير داير مدايرك.

مادامك ما تحجي
راح تبقى كتاب مُغلق ، شيء ثمين ويستهوي كل الناس لقراءته.

الجو احلى مِن إنك تضوج وتنكد على نفسك

هذا وانت بس حلم
لو واقع شلون ؟..

صح الأقدار مَكتوبة
لكن ماكو نتيجة بدون سعي ، وماكو سعي ناتجه صفر
لأنك دا تتعامل مع مُعطي آلهي
ما يبخس حقك ولو كان بصُغر حَبة خردل
اسعى والنتيجة يمه
حتى لو ما حصلتها هسة
راح تحصلها بعدين ♥️.

انتِ امرأةٌ امرأةٌ جِداً ، كشعبٍ مِن العطر يُنظفُ رِئة الهَواءِ وانتِ بدون هذا وبدون ذاكَ انتِ.

الحمدلله على منعه و عطاءه
الحمدلله على غضبه و حلمه
الحمدلله في الأولى والأخيرة
الحمدلله حتى يرضى من فوقِ عرشه.

كل ما تضيع بالدنيا
وتحس كثرة الذنوب جابتك واخذتك لطرُق ما تعرفها
من تبلش تحس انت مو انت
من تبلش تشوف الدنيا جرتك لأهوائها
ارجع اسجد على سجادتك
وخليها بوصلتك
تدليك للصح
لان ما خاب التمسك بالله ولا انكسر گلب مليان بالأيمان