قصيدة شده لغربة زينب عليها السلام

ابجي ياگلب وانعى الغريبه
بأرض الشام مهظومه وسليبه
ضلت بس وحدهه
حرمه وماكو عدهه
والعباس ليهه امنين اجيبه

♾️♾️♾️♾️♾️♾️
مهظومه وعليها دارت الناس
اختك انسبت اگعد يعباس
مصيبتهه العقيله. اتشيب الراس
كوم واشوف اخيتك
مهظومه ونختك
مصيبته يت علي والله مصيبه

خادمة اهل البيت ام ابراهيم الحلفي

♾️♾️♾️♾️♾️♾️✍️
مهظومه وغريبه ماكوا احباب
اختك انسبت وبديرت. اجناب
صارت ضايعه من دون الاطياب
ضاعت بت الاجواد
محد جاهه هداد
وبهم وكدر عاشت كئيبه
✍?الشاعره عاشقة كربلاء الطف ام محمد آل درويش
♾️♾️♾️♾️♾️♾️✍️
: مصيبت بت علي أثرت بينه
الحضرتها نصد ضلمه اوحزينه
تهل ادموعنه اونصفك بدينه
شيعه اومايقصرون
يم زينب يهدفون
سليبه ماترد زينب سليبه

ام ازهر نجف

♾️♾️♾️♾️♾️♾️♾️
بأرض الشام مدفونة العقيله
تون اعلة المشوا ونه. ثكيله
حملت كل ألم هاي الجليله
محد مر عليهه
اخوتهه وبنيهه
عالاخوان تعتب هل الحبيبه
خادمة الإمام الحسين عليه السلام أم سيف المحمداوية

♾️♾️♾️♾️♾️♾️
دمعتها سجيبه ورايح الحيل
الله ايعينها الله لو هود الليل
من ارض الشام واخوتهه مجاتيل
يعميني وضعهه
بس اتهل دمعهه
وابو فاضل يناديها الحبيبه
ابجي ياكلب وانعي الغريبه

أم حسين الابراهيمي

♾️♾️♾️♾️♾️♾️✍️

برض الشام من ضلت وحيده
تريد حسين والكافل تريده
تعتب عالكفلهه الكطعو. ايده

خويه تصيح عباس
يلبيك رفع الراس

حضرته صفت ظلمه الحبيبه

✍?الشاعره عاشقة كربلاء الطف ام محمد آل درويش
♾️♾️♾️♾️♾️♾️

ضلت بالغرب وبوليه اعداك
زينب تنتحب وتريد. ملكاك
اكعد ياكفيل اختك ترجاك
اكعد عاين الحال
چاوين يكفال
هضيمه ياكمر ارجع سليبه
ابجي ياكلب وانعى الغريبه

خادمه الزهراء ✍️ام علي الزيدي

♾️♾️♾️♾️♾️✍️

يا عباس ما تلحگ عليهه
اختک یالولی امیسریها
های ام الخدر ومسلبیها

تنادی ما تجونی
منهم تخلصونی
والله مصیبتی یهلی مصیبه

خادمة اهل البيت عليهم السلام العلويه ام سيد مهدي الموسوي

♾️♾️♾️♾️♾️♾️✍️

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

قصيده للسيده زينب عليها السلام

أهلها اسباع يابت الميامين
هاي امدللة عباس وحسين
♾️♾️♾️♾️♾️
هاي امعدله وربات الفحول
خلي اشمايكول اشحده اليكول
زينبنه علم وعليهم انصول
والطف يشهدلها والميادين
اهلها اسباع يابت الميامين
♾️♾️♾️♾️♾️
والميدان يشهد يشهد الشام
ميسوره لجن مادنكت هام
اصيله امعدله وربات ضرغام
كد كيدك تكله اتمر السنين
اهلها اسباع يابت الميامين

أم حسين الابراهيميه
♾️♾️♾️♾️♾️♾️
‏ بنت زهره زجيه وحرمة الباب
يا اخت الحسن يابت اطياب
زينب بت علي ربات الحجاب
وجداهه النبي سيد الكونيــن
اهلها اسباع يابت الميامين

✍️طيبة محمد
♾️♾️♾️♾️♾️♾️

معروفه بأصلها هيه معــروفه
هاي اربات حيدر والله موصوفه
زينب والعدو.ماهابت اسيوفه
اخت عباس يالضحه بالجفين
اهلها اسباع وربات الميامين
♾️♾️♾️♾️♾️♾️
أميرة وصابره وام. الكرامات
زينب شامخة او. ماتذل وهيهات
عنوان الشرف وام. الكلافات
مثل وكفة ابوهه ابيوم صفين
اهلها سباع يابت الميامين

✍خادمة الإمام الحسين عليه السلام أم سيف المحمداوية

♾️♾️♾️♾️♾️♾️♾️
اهلها معدلين اربات حربيــــه
اخوها الحسن يا راعي العزوبية
ماطخ راسهه مره لبني اميه
ماذلت ابد وسط الدواوين
اهلها اسباع يابت الميامين

ام رافد السامر

♾️♾️♾️♾️♾️♾️♾️
ماذلت ابد هاي اخت عباس
اختك يلبطل مادنگت. راس
بجفوفك تزامط بين. هالناس
وتزامط. ابخوهه ام گلب الحنين
اهلها وربات الميامين
العلويه ام علي

♾️♾️♾️♾️♾️♾️♾️

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

لطمية فزاعية لمولاتنا أم البنين عليها السلام.

وحشة شيلة التابوت
لأن ماكو ولد بيهه

???????

تون أم البنين تريد دفانة
تريد اولادهه وحسين عوانة
وعباس الشفية الكظة بميدانة
يقراهه العديلة يفصل اجفانه
هوسة(عباس أمك
عز وهيبة)✍
خادمة الإمام الحسين عليه السلام أم سيف المحمداوية

??????

يقراها العديله اتريد ابو فاضل
ويشيع نعشها بيده الكافــــل
ببجي اعلئ الوفيه والدمع سايل

هوسه
وحسين اويا ويشيعوها

خادمة اهل البيت ام ابراهيم الحلفي

??????

ظلت شابحه وتربي على البيبان
لا حسين اجاه ولا كمر عدنان
تريد الاربعه يفصلولها الأجفان
هوسه
وبدمع العين يودعوه

✍️طيبة محمد
??????

تستاهل لطم ونزيدها الونه
فدت لحسينها عباس لمجنه
حرت لمصابها شنهوه اكولنه

((تستاهل/ هوسه.البدويه ))

✍?الشاعره عاشقة كربلاء الطف ام محمد آل درويش

???????

رادت يحضر العباس واخوانه
تتخلف عليه الناس ماتت امه حزنانه
تعب الولد ماينقاس ها يم الولد شانه
هوسه
والساده ابموتج ومحزونه
ام رافد السامر
???????

محزونه العقيله اليله محزونه
لجل ام البطل عباس مرجونه
تستاهل الحره البارعه عيونه
/تستاهل لطمه الهيوبه

خادمه الزهراء ✍️ام علي الزيدي

??????

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

- هنا يتم نشر اقوى القصائد حسب المناسبات (بعد تدقيقها)... ?????

https://t.me/Bany_Hasahim3

قصيده للسيده أم البنين عليها السلام

اون لم البنين اليوم والونه اجر بيها
هاي امعدله وتعجب محاجيها
♦️♦️➖➖➖♦️♦️

اونن والدموع اتهل على الحره
يادرة علي ويلخلفت دره
هاي ام الوفه الوافت الزهره
الطمي والبواجي عليها زيديها
♦️♦️➖➖➖♦️♦️

الطمي واللطم كون ابعداليه
للمخلفه الولد خادم الحوريه
هاي أم البنين الموش بدويه
علويه اسمها وهيج سميها

أم حسين الابراهيميه ناصرية
♦️♦️➖➖➖♦️♦️

علوية ولطمهه فوك المتون
هاي أم الكمر وإم اليفزعون
روحي تون عليهه وتبجي العيون
أم عباس والكلفات تكظيهه

✍خادمة الإمام الحسين عليه السلام أم سيف المحمداوية
♦️♦️➖➖➖♦️♦️

سميها بأسمها الحاجه موصوفه
هاي ام السبع مولاتي معروفه
نطلبها بطلب دمعات مذروفه
نكللهه الصعب مولاتي حليها

خادمه الزهراء ✍️ام علي الزيدي
♦️♦️➖➖➖♦️♦️

سميها الوفيه الجابت العباس
واعله حسين گلبه والها رفعت راس
سبع وبخيت ابنها وحده ماينداس
حاجاتي، بعد يمج امخليها

✍️خادمة اهل البيت ام اسعد
♦️♦️➖➖➖♦️♦️

هاي ام البنين النوح تسوينه
وخلفتي الولد الحسين تفدينه
وبنچ هزهز ألطف بميادينه

الونه اليوم الم عباس ونيها

أم منتظر لاسدي
♦️♦️➖➖➖♦️♦️
يفراگج صعب. اوما. ألي، حيله
راح ابن العزيزه وعيني تبچيله
صعب جرح الگلب وانتي تطيبنه
بمصاب الحنينه الزهره عازيها

العلويه ام علي
♦️♦️➖➖➖♦️♦️

لم عباس لطمو حيل. ياشيعه
نعشها مايصح هاليوم تشيعه
بالدمعات خلها اتضيگ. الوسيعه

ام عباس، ماتت ونن. اعليها

✍? الشاعره عاشقة كربلاء الطف ام محمد آل درويش

♦️♦️➖➖➖♦️♦️

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

: نواحيه عن السان ام البنين كانت تنازع بسكرات الموت وتمنت حضور اولادها

اون اعلئ الجفوني وكلهم ابعاد
وافتني المنيه والهظــــــم. زاد

••••••••••••••••••••
كظه عمري وعالج بالمينه
ولاواحد حظر من ولدي
اليه
وعيني علدرب صبح ومسيه

ردتهم بالمنيه
ولمتهم عليه
ونار افراكهم تسعر بالفاد
العلويه ام علي
•••••••••••••••••••••••
نار افراكهم مردتلي الروح
كل صبح ومسه لازمه النوح
يا غياب يمه الكلب مجروح

عليهم تربي العيون
كلهم مايحضرون
شبع لوعات عمري الفركه ما راد

ام ✍️ حيدر العباديه عماره

•••••••••••••••••••
: أنه الوالدة السنين ربيت
وبوكت المنية يلولد ماجيت
تشيل جنازتي وتدفني ياريت

اريدنهم يحضرون
والنعشي يشيعون

يظلت خالية يادور الاجواد

✍خادمة الإمام الحسين عليه السلام أم سيف المحمداوية

••••••••••••••••••••••
تمنيت الولد تحضر. بالاحزان
يدفنوني ابعجل جوه بالتربان
ليش، اويه النعش ماشفت الاحنان

احنان ومااجوني
ولدي ايشيعوني

ونت كل عمرها الگلب. ماهاد

✍? الشاعره عاشقة كربلاء الطف ام محمد آل درويش

••••••••••••••••••••
شبع لوعات كلبي وحيل مهضوم
وعيني علدرب ماشابعـــه. نوم
اونن والونين ايهيج الاهموم

فركاهم جواني
بسك يازماني

نار افراكهم بالگلب. وگاد

خادمه الزهراء ✍️ام علي الزيدي

••••••••••••••••••••••
ابجي والبجي يهدم بالضلوع
وخلصت العمر بس تجري الدموع
على كلبي الحزن يايمه مطبوع

بس دمعه ابجفاكم
يولادي اشلهاكم

والفركه بعد يمه. متراد

خادمة اهل البيت ام ابراهيم الحلفي

•••••••••••••••••••••

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير ونسالكم الدعاء

https://t.me/zartyo

( لطمية السيده ام البنين عليها السلام تخاطب اولادها )
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انه ام عباس اريد أبني يشيعني
العد المگبره بيده یوسدنی
؛؛؛؛؛؛؛؛؛؛؛؛؛؛؛؛؛؛؛؛؛؛؛
اتمنی الولد کلهم یحضرون
او لعند اجنازتی همه الیشیلون
علي یتنگبون او حيل یبچون
وابو السجاد هوه الیلقنی

خادمة اهل البيت عليهم السلام العلويه ام سيد مهدي الموسوي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يلقني ويرشلي لگبري اميه
يم گبري يجيني ويكعد اشويه
ويستخلف لخوته ويبچي اعليه
وبيده للگبر هوه الينزلني

خادمة اهل البيت ام ابراهيم الحلفي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اريد ابني يزتني بيرغ وهوسه
اريدن زلم يمي غيره. متروسه
دمعه على ولد ياناس محبوسه
بيدك يالولد يمه توسدني

ام رافد السامر

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تمنيت الكمر وعضيده يلفوني
ويلحدي الولد. همه يوسدوني
ويقره الفاتحه ويكعد ينعوني
وينصب جادر وعباس يحضرني

✍️طيبة محمد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تمنيت الينزلني كمر عدنان
هوه واخوته اوجملت الشبان
ردتهم ابلدفن اوهيلت التربان
وأنه للموت يمه مابطل وني

ام ازهر نجف
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اونن دوم والدمعات سجابه
اصيح بصوت يايمة الولد يابه
نيران الولـــــــد بالكلب لهابه
اريد امن الولد واحد اليسمعنؤ

✍خادمة الإمام الحسين عليه السلام أم سيف المحمداوية
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ينصب جادر وزينب النعايه
تغسلني وتلف براسي الرايه
ويجي العباس وياهم يدك ثايه

نوحي عالحسين الباقي ماهمني
ام علي البيضانيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

: قصيدة مولاتي ام البنين عليها السلام

تيجي، ام البنين وعينها اتهلها
تريد حسين لجبله يجبلها

♦️➖♦️➖♦️➖
تريد ام البنين اليوم عزوتهه
تون من المصاب الونة هدتهه
مصيبة كربلة وحسين اذتهه
وبيده للگبر رادت ينزلها

٠٠٠٠٠٠٠✍خادمة الإمام الحسين عليه السلام أم سيف المحمداوية

♦️➖♦️➖♦️➖
تريد ايشيلها ويكبر، اعليها
اليوم ام البنين اتريد واليها
ينصب فاتحه الها يسويها
ويشيل النعش، لومال يعدبها

خادمة اهل البيت ام ابراهيم الحلفي
♦️➖♦️➖♦️➖♦️
ويشيل النعش عباس تتمنه
وتكول اعله كبري ايطول الونه
وأعزيز الولد ماينشبع منه
شنهو اليوجعج يمه يناشدها

ام ازهر نجف
♦️➖♦️➖♦️➖

فراك يطول ياييمه يضل سنين
وعيني علدرب يبني ينور العين
تكله يالولد روحي هضمها البين
وافراگ الولد هالروح. نحلها

خادمه الزهراء ✍️ام علي الزيدي

♦️➖♦️➖♦️➖♦️

تدير بعينها واردت يحضروها
وگبل الموت رادتهم يودعوها
وباجر بالحد همه اليدفنوها
والله فراگكم يم الولد سلها

ام منتظر لأسدي

♦️➖♦️➖♦️➖

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

: الطميه بحق ام البنين عليها السلام بطور فزاعي

ونت بل فراش الفرگه كتلتها
منتظره الولد يحضر، منيتهة
**ريد ابني يجيني اليوم جنازي
جعفر، وي عون وماتو. اعزازي
عليه الموت يمه صبح متوازي
خمستهم. ماتو. بالحومه

علويه ام علي
•••••••••••••••-----
شوفنهم گبل لاقكطع انفاسي
ردتهم بالمنيه الولد. يم راسي
وياي الوكت يمه اشكثر قاسي

ماشالو نعشي وشيعوني

خادمة اهل البيت ام ابراهيم الحلفي

••••••••••••••••••••••
: ونيت بلفراش وهدمت حيلي
نحيله علمشوا يم الولد ويلي
اكل الدمعتي لم الوفه. سيلي

ماتنشف دمعات اعيوني
ام علي البيضانيه

••••••••••••••••••-
ماتنشف دموع العين لاتهده
على الويلاد راحوا مالهم رده
وضيم البلكلب حيل الكلب هده
ولادي اشلون ايعوفوني

أم حسين الابراهيميه ناصرية

•••••••••••••••••••

ماتنشف دموعي دوم مجريه
على راحو سوه مارجعو عليه
وانه متانيتهم وكت المنيه
من راحو ما ردو. ليه

✍️خادمة اهل البيت ام اسعد
•••••••••••••••••••••
انه امتانيه ويلادي يلفوني
وبفجني بديهم هم يلفوني
بحضان اللحد. ولدي ينزلوني
نعشي، اعلئ الروس ايشيلونه

خادمة اهل البيت ام ابراهيم الحلفي

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo

للسيده زينب عليها السلام وهي الان بين الاعداء

ياروحي يازينب يسمونج غريبه
ياريتج ابنص كربله آه يلحبيبه
➖♦️➖♦️➖♦️➖
دارت العدوان ماتكعد يعباس
زينبكم غريبه ابين هلناس
ياتاجي وحجابي ورفعة الراس
اريدك يمي ياعباس هيبه
➖♦️➖♦️➖♦️➖
ذبحوا شيعة اليمي يلحسين
خلصوا الخدام كلهم والمحبين
منهم شفت شيعي انسطر علعين
طغو. عباس ليها امنين اجيبه

أم حسين الابراهيميه ناصرية

➖♦️➖♦️➖♦️
تعال وشوف اختك ياضخرها
بين اعداك ماعرفو قدرها
زينب بت علي ثابت اصلها
غريبه بت نبي الله وحبيبه
ام رافد السامر
➖♦️➖♦️➖♦️➖
يابت الزچيه اچويتي، الكلوب
زينب يابو فاضل تنسبي انوب
نخلي الشام عالعدوان مگلوب
اومانقبل تذل ساعه النجيبه
➖♦️➖♦️➖♦️
ويانه ابو فاضل حولج ايدور
حمايه اويه الحشد ويحامي الگبور
حشدنه بغيرت العباس، منصور
نشامه والهرب نشعل لهيبه

خادمة اهل البيت ام ابراهيم الحلفي
➖♦️➖♦️➖♦️
اكعد شوف حالي وعاينه زين
مابين الاعادي و الملاعين
رايدني نسبي مومره ومرتين
ماعرفوني يبت حيدر مصيبه
خادمه الزهراء ✍️ام علي الزيدي
➖♦️➖♦️➖♦️➖
حارسها علي والطاهر والحسين
يابت النشامه والسلاطين
وعباس وحسن والمهدي صوبين
ماعافو عقيلتهم. غريبه

ام احمد من كربلاء خادمة العقيله الهاشميه
➖♦️➖♦️➖♦️➖

ابو فاضل الکافل خل یجی الیله
بسع تنعام ابن حامي ادخیله
يشوف علوج امیه تکرر العیله
یخسه الیوصل اللحره الادیبه

خادمة اهل البيت عليهم السلام العلويه ام سيد مهدي الموسوي
➖♦️➖♦️➖♦️➖

تمت بحمد الله باقلام خادمات رابطة خدام ام الحسن عليها السلام لانجيز حذف الاسم ولاتغيير الكلمات ونسالكم الدعاء

https://t.me/zartyo