PREMERA-FARISHTAM

Jobirxon G‘ulomov ijrosi,
Shoxruh Halilov musiqasi,
Azamat Ziyo so‘zi.

@azamattziyo

#Премера

Банданинг ҳоли шу-қилолмас тоқат,
Чиройли кўринар ўткинчи роҳат,
Хақ амрига хардам қилмай итоат,
Нафсим ғолиб келди, кечиргин Аллоҳ!

Бизларга ўрнак деб хазрати Умар,
Хикоятин тинглаб кўз ёшим томар,
Ва лек насиҳатлар бўлиб бесамар,
Нафсим ғолиб келди кечиргин Аллоҳ!

Гоҳ дилин оғритиб ота-онамни,
Кибрга тўлдирсам кўнгил хонамни,
Роббим розилигинг тополаманми?
Нафсим ғолиб келди кечиргин Аллоҳ!

Кўксимда беомон шахватлар жанги,
Холим не билмайман қиёмат тонги,
Гунохлар ортади янгидан янги,
Нафсим ғолиб келди кечиргин Аллоҳ!

Жон нисор этдилар Росулуллоҳ деб,
Саҳобалар ўтди “Роббим Аллоҳ!“ деб,
Шайтоннинг макридан ўзинг огоҳ эт,
Нафсим ғолиб келди кечиргин Аллоҳ!

Кўнгилга таскинни тақводан топсам,
Маъсият, хатолар эшигин ёпсам,
Азонингни тинглаб, масжидга чопсам,
Хидоят йўлига бошлагин Аллоҳ!

✍ Азамат Зиё
@azamattziyo

**Севма, ёмон дедилар,
Ҳеч сўзимдан қолмадим.
Мен бошқача севгандим,
Бошқа сева олмадим!

Тикон тутдинг, гул дедим,
Мен кўнглимга қул эдим,
Ишқда болмас, панд едим,
Бошқа сева олмадим!

Озоринг ортган сари,
Кетолмай сендан нари,
Юраги муз сингари,
Бошқа сева олмадим!

Оҳу нигоҳ, ғунча лаб,
Юрагимни нимталаб,
Балки... хиёнат сабаб,
Бошқа сева олмадим!

Азамат Зиё**@azamattziyo

***Сенга диллар муштоқ янги йил,
Ҳисларимдек жўшиб келяпсан.
Сониялар санаб бирма-бир,
Ёшимга ёш қўшиб келяпсан.

Кимни топдим, кимни йўқотдим,
Эски йилдан эсдалигим бор.
Янги йилда юртимга яна,
Тинчлигу бахт бер Парвардигор!

✍ АЗАМАТ ЗИЁ***@azamattziyo

#Премера

*Хаяжондан юрак тез уриб,
Бир ёқимли суҳбатлар қуриб,
Бахонани бир четга суриб,
Кўришолсак яхши бўларди!

Қадам боссанг кулбам саройда,
Нимадир бор сен қоши ёйда,
Тор кўчангда-сен айтган жойда,
Кўришолсак яхши бўларди!

Бегоналар кўзидан пана,
Ёдда қолар учрашув сана,
Ростин айтсам соғиндим яна,
Кўришолсак яхши бўларди!

Кўзи жоду, лаблари ғунча,
ʼʼХўпʼʼ дейишлик қийинми шунча?
Жахли ёмон аканг келгунча,
Кўришолсак яхши бўларди!

✍ Азамат Зиё@azamattziyo Ўзига жўнатиб қўйоринг?*

***Истасанг ишқимни тафтида исин,
Жон сақла ховури, хароратида.
Музлаган юракда яшамоқ қийин,
Армон ижарада хар қаватида!

✍Азамат Зиё@azamattziyo ✨ ???????? | Азамат ЗИЁ ижоди***

***Менку, билмай алдандим,
Xуснингиз xийлосига.
Сизчи, билиб кетдингиз,
Ёт ёрнинг тиллосига.

Боғлаганди чинданам,
Қошларингиз қораси.
Энди билдим, бир қадам,
Вафо, нафрат ораси.

Кўтаргандим кўкларга,
Қўлим етмас мохим деб.
Муштлаяпман кўксимга,
Севганим-гуноxим деб.

Ёлғиз қолдим ишқ билан
Кетганда ёр қайрилмай.
Баxтга еетмоқчи эдим,
Севганимдан айрилмай.

Тақдир бўйнимга армон,
Ойқизга маржон илди.
Зарни севган ёримга,
Севишим камлик қилди.

✍ АЗАМАТ ЗИЁ@azamattziyo яқинларингизга ҳам улашинг...***

Менга зарра тикон кирса куюнганим,
Шод кунимда мендан зиёд суюнганим,
Мунисгинам, беозорим, Хақ берганим,
Номинг айтсам ёришади кунглим мени,
Сен онамдай меҳрибоним синглим мени.

Гоҳи дунё ташвишига елиб-елиб,
Ярим дилинг кетганида дарддан тўлиб
Ойда бир бор йўқлолмадим ака бўлиб,
Соғинчлардан мунчоқ кўзи мунглим мени,
Онамдайин меҳрибоним синглим мени.

Волидамдан омонатим йўғу борим,
Қаддимни тик айлагувчи номус орим,
Оқбулутдай кўнгли тоза беғуборим,
Тўлиб кетар бир кулгингдан кўнглим мени,
Сен отамдан ёлғиз ёдгор синглим мени.

Кел мехрга ташнагинам, армони мўл,
Ўзим бўлай кўзёшингни артувчи қўл,
Хақни рози қилар сенга элтувчи йўл,
Ака десанг тоғ бўлади кўнглим мени,
Сен онамдай хушзабоним синглим мени.

Азамат Зиё

@azamattziyo

Сингилларга юбориб қўйинг!

Йиллар сепиб кетди сочларига қор,
Кўзидан нур қочди, белидан мадор
Гоҳо кўрмаса ҳам зарра эътибор,
Дардини хеч кимга айтмаган онам.

Ташвиш тугунларин бирма бир ечиб,
Болам деб орзулар баридан кечиб,
Хаётнинг энг тахир оғусин ичиб,
Дардини хеч кимга айтмаган онам.

Тинмай ютиб борар рўзғорнинг ғори,
Боламга деб турар топгани бори,
Тунлар хароратда ичса ҳам дори,
Дардини хеч кимга айтмаган онам!

Фаришта сийратим, пойи жаннатим,
Хизматингда бўлай фарзим, суннатим,
Тангрим инъом этган тенгсиз неъматим,
Дардини хеч кимга айтмаган онам!

✍Азамат Зиё

@azamattziyo яқинларингизга ҳам улашинг