ليالي خروج الضعن...
مولاتي فاطمة العليلة صلوات الله عليها

شيصير لو خيمة
تنصبولي بالهيمة
واسهر من تسهرون
برعب العدو وضيمة

ارد اخاف وي اليخافن
وي اهلي اشوة يصير الخوف
شلون انام وماينامن
ومسبيات تمرني طيوف
الخيل من هسة احس غارن
وبكلبي بكل خطوة سيوف

شيصير اذا طاسة جبت وانوي
كلمن عطش من دمعي اضل اروي
اسألكم اهلي انتم وعلموني
المثلي اذا فاركت شتسوي

بياهية يبدي البال
والحيرة تقرة اشكال
لو كلكم تشيلون
زين المن اشكي الحال

هية مو عازة محامل
وياكم اكدر اسافر روح
مني اخذ عبد الله كامل
لا يرجع منكم مذبوح
هاذ حلمي بكلبي ياكل
ضعن اهل الله بضعن جروح

حيرة والبالي منو يفسرة
ياهية من عدهن اشد كسرة
قدمت بيدي لامته وهدمة
وباجر تقدم عمتي المهرة

غير العليل اهله
يطيحون عل عله
جا بس هلي يطيحون
عالترب مو سهله

كبل فركاه ضكت موتي
من شفت اسمي بنضرة نكال
انه ابقة وخذو صوتي
ذكرة علة الناكة وما ضال
هاذة حيلي وهاي قوتي
ماعانني اكتب مرسال

ودي اكتب وماينكتب نوحي
نفس الضمة بس الجرح يوحي
كلالي للمي هلج عطشانين
بس انه للملكة عطش روحي

شاخذ وذب وياي
عالضعن حرت بهاي
ماي انه اذب شلون
وانتم وجعكم ماي

ايست ماطرها هيمة
ولا راح اصعد محمل نوك
بس انصبو بسمي خيمة
عاد اسمي وياكم محروك
كلبي راح يموته ضيمة
شحال كلوب التدخل سوك

هدمي وقميصة اثنينهن لجمة
واحد فراك وواحد مدمة
بشوفتكم اشفي المفترض علتي
مو مال عيني خلافكم تعمة

كرار اياد

**لسان حال العليله (ع)
"" "" "" "" ""
روحي من الصبر طلعت وراهم
وعلاج لگلبي مايحّصل ورآهم
تره خلاف الاهل ضل هم وره الهم
يطگني وزادت العله عليه
..
عليله: اريد امشي اودع حسين
اصدله ويقره جرح العين … وبگلبي انصّب جادر

عليله: گلتله وياكم اسرج خيل
وامّـد فراشكم باليل … ولا تتركني وتسافر

مبين من حمّل الضعون سفرتكم طويله
واليودع اخيار الناس لازم يگضي حيله
تعد بأهلي بــويه حسين وانه وياك اعدن
گلت اسماء كل البيت ومــــا كلت العليله

راح تروح … مكانك يبقه بس جروح
واعيشن عيشة المذبوح
وبيدي افتحت صفحة نوح
"" "" "" "" ""
صادر راح بـس مارد وآردكم
بعازة ماي من رحتو ورّدكم
اتمنه البچي إيرّجع وأردكم
وعليه گالو احچاية خطيه
..
ذبحني: حنين وخذه وياه الحنِان
من شبانها ورضعان … وياهم راحت البسمه

ذبحني: اخذ عبدالله من حضني
ومن شاله كبر حزني … وابالي بقه رسمه

زغيره ومو الي الفراگ فرگتكم جبيره
على الحيطان اتچه و البعمري زغيره
عله اصابيعي وگفت يحسين بلكت تلتفتلي
كـــــل مايبتعد ظعنك بيه اتزيد حيره

تمر شمات … تگلي ماخذاج وياه
وقبل لا احجي تطلع اه
روحي راحت بمگفاه
"" "" "" "" "" ""
ونيني هـــــــدم الحيطان يارح
طواحين الحزن بضلوعي يآرِح
اليجيب اخبار ظعنك گلي ياريح
الرسايل بالدمع موش ابــ اديه
..
عگبهم: بقيت اتلمس الحيطان
واشم بكل اثر نيشان … عطرهم ماهو بمجانه

عگبهم: العرب ماشرعت بيبان
طفه من راحو الديوان … ووجعهم باقي ويانه

شيخ الطايفه مســــافر بعد يا باب نفتح
على ياضيم اگل للناس خلها بگلبي تجرح
احس الريح هيج يگول ابوكم ماله رجعه
الهوه متكسر بصدري و گـام بريتي يذبح

اه يالريح … ما وصلت رسايلنه
ماكو اخبار والدنه
منه نگطع الضنه
"" "" "" "" ""
كل ما اگرب اعله الماي ها مآي
اختنگ يمك ويكبر ليش هماي
ابوي بعطش وايدي فوک هآماي
توذر چنه بأرض الغاضريه
..
سمعته: الناعي يصيح ابوكم راح
الطف ماخله احد يرتاح … اليرضع ماسلم منه

سمعته: يأهل يثرب يصيح بصوت
انسبت نسوان بعد الموت … واخذو كل حرمنه

البي ريحة هلي بيا حال هسه الله واعلم
جايب عطر من عدهم لـو بي ريحة اخيّم
عمتي البيها وجه حسين هسه حسين ذبحوه
اذا اصدلها من اشتاگ اشوفن خنصر ودم

مايرتاح … الرافگ بالدرب ذباح
ما تبراله بس الرماح
راح يعيش عمره جراح
"" "" "" "" "" ""
خادم القصيده
عزيز المياحي**

ليلة العليله

يابويه لا تـتنـطري الرساله
ارجـع الـچ يافاطمه محاله
مايرجع الراح يروح .. من هسه اگـلج مذبوح
وارجـع الـچ محاله ..

………………………

يابويه باچر لو رحت  وشفتي مكاني خالي
بـالبـاب لا تـتـنـطري  يرجـــع الـچ مـرسالي
يابويه اريـد احـچي الچ  هـم بدليلي وبالي
يافاطمه بطـف كربله  يذبحوها كلـها اگبالي

رايد الـچ اشكي يبـويه  هـمي
طـف كربله باچر يفيض بدمي
وبگـلبي يفـتحلي اجروح .. من هسه اگـلج مذبوح
وارجع الچ محاله ..
………………………

يابويـه ما ارجع  بعد  كلش عظيم امصابي
باچر الوج من العـطش  واتلوه فوگ اترابي
ودلالي ينطر بالسهم  وكلش غميج اصوابي
عريان يذبحني الشمر يسلبون حتى اثيابي

يابويه مـو بس تنگـطع رگـبـتي
الخيل بحوافرها تطشها جـثـتي
من تطـلـع لربـهـا الروح .. من هسه اگـلج مذبوح
وارجع الچ محاله ..
………………………

وعباس مايرجع بعد  ومـايرد حـتى الاكبر
عـبـاس باچـر عالـنـهـر مـن الحـرم يتـعـذر
ماي الخجل وي هامته  فوگ الترب يطشر
والاكـبر بسيـف العـدو باچر أجـمـعـه موذر

باچـر علي وعباسي عالوطيه
ابحضني اجمـعـهم وذر سويه
ودمعي عله خدي مسفوح .. من هسه اگـلج مذبوح
وارجع الچ محاله ..
………………………
وعبد الله هذا من العـطش  بلا رحمه ايذبحونه
نحـره التـرف هـذا بسـهم يـا فاطـمه يگـطـعـونه
وصـدره علـه غـبـرة نيـنوى  يافاطمه يسحگـونه
وراسـه على راس الرمـح  يهـوسـون ويرفـعـونه

وامه الربـاب ويـه الحـرم سبيه
نظره عله ابنها ونظره نوبه اليه
ليا راس تمـشي وتـروح .. من هسه اگـلج مذبوح
وارجع الچ محاله ..
…………
وهـنــاك هـــاي بكـربـلـه يـافـاطـمـه رقــيه
تشبع ركـض فوگ الجمر بالطف تدور عليه
ومـا نـلـتـقي الا بسبـي  بالشام انـي وهـيه
يجيبولها راسي بطشت  وتالي تموت عليه

بالطشت راسي تشوفه بالخرابه
واخـر سوالـفـها اضربـوني بـابه
تموت عله الوجهي المجروح .. من هسه اگـلج مذبوح
وارجع الچ محاله ..
………………………

وزينب يبويه من ترد  عگب السبي اتـيـهـيـها
متـغـيره حـيل من التـعب  عمـتچ ولا تعرفيها
مـو هـاي زينب بـت علي  كـبرانه اتـشـوفـيـها
ركـضيلـها وشبگـيها الي  ولا تـلچـمـين ايديـها

لحـبـال بـيـديـهـا يضـل اثــرهـا
بكل حيله يا بويه الشمر يجرها
عله فراگي زيدن بالنوح .. من هسه اگـلج مذبوح
وارجع الچ محاله ..

الشاعر عقيل الحسناوي..

حسبه اتجيبني وحسبه توديني
اول تالي ابوي حسين ناسيني
ماخذله عليل بضعنا الحسين
وعايفله عليله تهمل العين
…………………………………………..
يا عذر مقبول عندك بويه يا حامي الدخيل
لا تگلي انتي عليله وانت ماخذلك عليل
خافن اتگلي مريضه وللسفر ما بيج حيل
الدوه شوفتك بويه والجفه يمرضني حيل

يرب نجيت يونس من بطن حوت
نجي روحي من الفرگه لا أموت
ما ريدن يفرق بين الاثنين
عايفله عليله تهمل العين
………………………………………..
حسين ما يعرف يفرق هاي كل سنينه
الدوه لمن يجيبه يجسمه بيني وبينه
فجاه والزينب اخيته والدي فر عينه
وگالها اتموت بسفرنا والسفر تدرينه

اول تالي ابوي يفرق شلون
اخذيني بعباتج عمه يمعون
هيه السالفه الهضمتني مرتين
عايفله عليله تهمل العين
……………………………………..
عمه ضميني بعباتج خل اروح بهل ضعن
وياج المن بل يتامه باجر بطف المحن
بيا وطن تستجن روحي يا هلي وانتو الوطن
منين اجتني هل مصيبه الله اليعابي الزمن

اذ غرب ضعنكم عني وشال
يتراوالي ادينج بيهن احبال
اشوفن خيل تفتر يم الحسين
عايفله عليله تهمل العين
……………………………………..
حسين عرش الباري صدره وهذه معروف الأمر
شلون ترهم عرش الله ادوسه الخيول الضهر
و فوگ نعمة الله باجر راح يتربع شمر
وكسرت المنجل عليجن لو سبوجن ينكسر

التراجي والمحابس يمي خلوهن
لو طاح الگمر باجر يسلبوهن
الشامت نشدته تهضم يغالين
عايفله عليله تهمل العين
……………………………………
نشدة الشامت ثجيله خذو كل عيالهم
ومو عزيزه انتي عدهم وتركوج بدارهم
وياهو اليسد وحشة اهلج يل عليله خلافهم
ولاكو مرسال اليمرج ليج ينطي اخبارهم

سوالفها الشماته اتهدم الحيل
شلون بلا ابو لو مرج اليل
من يحجون يمي انطي الوجه وين
عايفله عليله تهمل العين
…………………………………………….
تمت بفضل ام البنين ع
الخادم مهدي الصالحي

نص خلصت كل الرسايل
حيدر الحلفي

مستهل خلصت كل الرسايل
حيدر الحلفي

محرررم 1446 هـ ( العليلة ع )

خلصت كل الرسايل . مابقى شي ماكتبته
كلشي من عدكم أتاني . لو هوى هم چا حضنته
يمتى يمتى .. اتعاودولي
عمري خلص .. لحگولي

من الفگد من السهر . دلالي بالهم انحفر
دار الزمن اوحيدة ابوطن . طفلة وگلب گلبي انكسر
كلشي اللي بگليبي اكتبت . حتى اشكثر إلكم صحت
اشكد صيحت يهلي متت . ومنكم ولا رد اسمعت

ماكسر بگلوبكم حالي حالي
مافكدتوا امچاني الخالي الخالي
ابعيدة عنكم ليش من تالي تالي

عالعدد أكتب رسايل . ابكل إسم مفجوعة وانحب
چلمة بس ردولي منكم . الينتظر أحبابه يتعب
مره مره . إكتبولي
عمري خلص . لحگولي
____
بالجربة دمعي فرغت . والكم هلي اشگد ارسلت
دمعة حزن إلكم تحن . ابدال الدمع كون اوصلت
إمن اول رسالة اتأكدت . ناسيني واشگد اصرخت
يهلي اشعجب محد كتب . اشتاگينه الچ چان افرحت

تنطفي ابمرسالكم ناري ناري
يالصوركم شايله ابداري داري
الحالي ظل ينحب علَي جاري جاري

تارسه ادموعي الرسايل . والدمع يكتب أسامي
ويه عبدالله دمعتي . اچبيرة يمكن باقي ضامي
دمعة دمعة . إنثرولي
عمري خلص . لحگولي
____
مرسال مامنكم أبد . حاچوني چا شكتب بعد
كل الحچي وهذا البچي . معقولة ما أثر بحد
شنهو العذر من البُعد . امبارك ولو واحد يرد
حتى الهوى صدري چوه . ولمن يمر بابي يسد

لاخبر لاهدهد ايجيني ايجيني
انسدت الدنيا ترى ابعيني ابعيني
اليمتى اتاني وخلصن اسنيني اسنيني

عالعدد أشعل شموعي . وكلهن ايذوبن بديه
ثاري منكم ماكو رجعة . وانعصر كل مغربيه
أدري أدري . ماتجولي
عمري خلص . لحگولي
____
أكتب رسالة وتنمسح . من يوم عاشور الصبح
وشفت القلم وحده رسم . راس وتعلگ بالرمح
وانرسمت ابعيني الخيم . محترگه واعليهن علم
صحت ابكدر عمي الگمر . أتمنه ما صابك سهم

ابعيني شفت انكتبت احچايه احچايه
هذا عبدالله انتظر مايه مايه
وهذا عمي ماخذ الراية الراية

وهذي زينب بالمخيم . شافت إحسين او أخيه
اتشابگوا والحره صاحت . ربي رجعهم سويه
مره مره . إنظرولي
عمري خلص . لحگولي
____
خذني الخيال الكربله . وناس اشكثر متچتله
شفت الأبو شابگ أخو . وعالشاطي چفه شايله
شفت الحُسين اعله الترب . بالخيل كل سا ينگلب
خده انحفر ظهره انكسر . ودم منحره اگباله يصب

والدي امگطعينه بطفوفه اطفوفه
والرضيع امتد عله اچفوفه اچفوفه
وگوه زينب رايحه اتعوفه اتعوفه

طلعت اتدور رقية . عن ابوي وتبچي سكته
شمت إمن ابعيد عطره . بس بلا راسه لگته
راسه راسه .. رجعولي
عمري خلص .. لحگولي

حيدر الحلفي

((عونه الگعد))

عونه الگَعد ويــاك عونه
عونه اليفـك بيكم عيونه
تنشد عليه وشنهي اگلك
بويه العمر مبــهوت لونه

عمري وگضه بحسرةّ الگعده
يابويه جــرحي شلون أشـــده
والليل وحشه وبيش أخلصـه
ضعــني مـشه يــــاهو الـيرده

تــردون .. يبويه مــــا أضن ليه تردون
بالعيون .. بعد منشوفكم بويه بالعيون

هلي چاوينكم ...

"""""""""""""""""""""""""""""""""""''''''''''

وشمـــــالها بــــويه الليالي
تستنگي وين العندي غالي
وهيه المصيبه أهـلي كلهم
والــي يگود بــ إيـد والــــي

أيــــامي يــــــابويه گصــيره
حيره وتذب بيه أعله حيـره
والبيت خالي من النحــبهم
شالو فـــــرد شيله العشـيره

بعــد وين .. أديرن وجهي يابويه بعد وين
يالحسين .. يرفس گلبي وينادي يالحسين

هلي چاوينكم ...

"""""""""""""""""""""""""""""""""""''''''''''

چاهيه هيچ تصير قصتي
تخلص حياتي وي دمعتي
ولاويــن يـاروحي العــليله
لاويـــن عالراحو حـسرتي

ياوكتي فيض بدمعي فيضه
چا ليش مـــو آنـــــه مريضه
وأهلي اتركوني بعتبةّ البـاب
گيض الزمن مابيه گيـــــضه

بــلا روح .. يتاركني علـى فراشي بلا روح
بالجروح .. أَصبح وأمسي يابويه بالجروح

هلي چاوينكم ...

"""""""""""""""""""""""""""""""""""''''''''''

تركض يروحي ونار بيه
بالبيت بس آنــــه سبيه
ياريــت لوماخذني بويه
يابويه آنه بگــــد رقيـه

عايفني حسره بنص محرم
ياريت أمــــوتن بــــالمخيم
ويــــه صفيه المــوته حـلوه
وهواي يـــــاگـلبي وتنــــدم

بالخيام .. ياگلبي وحنانك نص الخيام
ولا نـام .. افكــــر بيـــكم ويابويه مانـام

هلي چاوينكم ...

عبد زينب
محمد الابراهيمي

قصیده  حق مولاتنا  العلیله  بنت الحسین

تخنگنی  العبره  هلي لو عاتبتکم‌

معقوله یحباب الگلب عفتوها  بتکم

بتکم یهلها              الفرگه  تشلها

عندي اعتاب ویه الابو  یرضها الی شلون

وبهاي وضعي  وحالتي   وانتم ترحلون

لو متت وحدي بغربتي    یل ماتحسبون

لا یمی ام  ولااخت  تغمضلي  العیون

موت بحسرتي             ومایمي   اختي

معقوله یحباب الگلب  تعوفها بتکم

راح انه موت بحسرتي  بدیره اجنبیه

یابویه  لو اني متت وسمعت بیه

کول بسب  الفراگ ماتت هل بنیه

واتذکر بیوم إلي گتلك  حن علیه

مته بحسرتک            یلعفت بتک

معقوله یحباب الگلب  تعوفها بتکم

ردتک تحن وتگلي  یلا یلحنینه

جهزی یافاطمه  ومشي بنتی ویلضعینه

ماحسبت  بویه   تگلی  سلمینه

کمن یجلج  فاطمه ویسال  علینه

گلبي مردته       یوم  الی عفته

معقوله یحباب الگلب  تعوفها بتکم

مردیت  گلبی  ودمعتی بعینی انظرلهن

وحده وي وحده من خواتي صعدتهن

جا ليش ضعني يلابو فرديته عنهن

بسكنه ورقيه اتوسلت اخذني اگلهن

مو انی   اختچن          اخذنی  یمجن

معقوله یحباب الگلب  تعوفها بتکم

خذنی ویاجن ولابقه وحیده

آخر ایام العمر یمکم انه  اریده

حته من موتن  عاد یمجن موبعیده

امنيتي بلحدي الحسين يزتني بيده

های  امنیاتی             من کل  حیاتی

معقوله یحباب الگلب  تعوفها بتکم

✍ کلمات   انتظار  الریاحی