Sizning madaniyatingiz o‘z xanjari ila o‘zini halok etur.
Zaif shoxga qurilgan in mustahkam va boqiy bo‘lmas.

— Iqbol

@Tafakkur_chizgilari

Mening fikrimcha, Islom ta’limoti ayolni va uning shaxsiy "men"ini normallashtiradi, unga inson sifatida juda munosib maqom berib, Alloh barcha insonlarga ato etgan umumiy sharafga sherik qiladi. Islom manbalarida ayolning shaxsiy mustaqilligi hamda ijtimoiy, madaniy, iqtisodiy va siyosiy faoliyati aniq ta’kidlangan. Ayol Odam alayhissalomning ilk gunohi sababchisi emas. Bir tomondan, ayol tanasi yoki qonuniy jismoniy ehtiyojlardan uyalish kerak emas; boshqa tomondan esa, Islomda iboli-hayoli bo‘lish juda tabiiy hol hisoblanadi. U na zulm yetkazadigan darajada qattiq, na insoniy axloq-odobni yo‘q qiladigan darajada erkin emas. Islom nuqtayi nazaridan, hijob – ayollarning hayosi va shaxsiy mustaqilligini hurmatlagan holda, ularning jamoat hayotida faol ishtirok etishini ta’minlash usullaridan biridir. Islom hijob tabiati borasida qaror qabul qilishda erkaklarga yoki boshqa insoniy tashkilotlarga hech qanday rol bermaydi, zero, bu buyruqning manbasi bevosita Qur’oni Karim va Payg‘ambar (s.a.v.) ta’limotlaridir. Erkaklar ham o‘z jismoniy va ruhiy tuzilishlariga mos ravishda sharm-hayoli bo‘lishlari buyurilgan. Biroq shuni ta’kidlash joizki, Islomdagi boshqa har qanday tushuncha singari, hijob ham tashqi sharoitlardan qat’i nazar, o‘z qiymatiga ega. Chunki Islomdagi barcha narsa Alloh va mo‘min o‘rtasidagi chuqur, bevosita va to‘g‘ridan-to‘g‘ri munosabatdan kelib chiqadi. Boshqacha aytganda, bu mo‘minning erkin, ixtiyoriy tanlovidir, u hech qanday kuch yoki majburlashsiz amalga oshiriladi.

(C) Sabrina Chalikandi

@Tafakkur_chizgilari

Men na nasroniy, na musulmonman. Men hech kimman, hech kimga tegishli emasman va ishonchim komilki, oxir-oqibat buning uchun jazo tortaman va azob chekaman.
Ammo bu menga noyob va xolis nuqtayi nazarga ega bo‘lish imkonini berdi.

G‘arbda islomning qoralanishi va nasroniylikning targ‘ib etilishining aniq bir sababi bor. Men sizga qaysi haqiqatga ko‘proq mos kelishini, yoki hech boʻlmaganda nazoratchilarimiz eng ko‘p qo‘rqadigan e’tiqod qaysi ekanligini isbotlay olaman.

G‘arbda, Amerikada bizning nazoratchilarimiz aslida yahudiylar va ularning malaylaridir. Ular nasroniylardan qoʻrqishmaydi va o‘zlari unga eʼtiqod qilmay turib, nasroniylikni targ‘ib qilishadi. Ko‘pgina yahudiylar ichlarida dahriydirlar yoki Isoni rad etib, uni chindan ham yomon ko‘radilar. Tarixan yahudiylar Isoni o‘ldirishgan va Rim imperiyasini nasroniylar isyonkor guruh ekaniga ishontirishgan, natijada ular jazolanganlar.

Yahudiylar nasroniylikni qo‘llab-quvvatlaydilar, buning sababi shuki, u tinchlikni, taslimiyatni, hech qachon qarshilik ko‘rsatmaslik va o‘zingiz yoki e’tiqodingizni himoya qilmaslikni o‘rgatadi. Unga koʻra dahshat, zulm va yovuzlikka yo‘l qo‘yish, passiv va nazorat ostida bo‘lish bir kun kelib najot topish garovidir.

Yahudiylar esa buni xush koʻradilar, chunki nasroniylar o‘zlarining ta’qib qilinishlariga yo‘l qo‘yib beradilar, hatto yahudiylarni Xudoning tanlangan xalqi deb ishonib, oʻzlarini ta’qib etishda ularga koʻmak beradilar. Bu aqldan ozganlik va o‘z joniga qasd qilishga o‘xshash e’tiqoddir.

Hozir g‘arbda islom yovuz, zulmkor va qoloq din sifatida tasvirlanadi. Nima sababdan shunday?

Chunki islom nasroniylarga xos bo‘lgan "tahdid, yo‘q qilinish oldida tinch turish" yondashuvini qabul qilmaydi.
Muhammad (s.a.v.) ko‘p marta dinni va o‘z xalqini himoya qilish uchun qo‘shinlar tuzgan va hatto jang qilgan. Islomda e’tiqod va o‘zini himoya qilish uchun urush qilish noodatiy hol emas.

Albatta, yahudiylar nasroniylikni yoqtirishadi va targ‘ib qilishadi, chunki ular passiv, boʻynilaridan osongina ip oʻtkazish mumkin va ularning e’tiqodiga ko‘ra, ular nazorat qilinishi va ezilishi kerak, chunki mana shundagina pirovardida najot topishlariga ular qattiq ishonishadi. Bu o‘z-o‘zini qullikka solish va o‘zini oʻzi qattiq nazorat qilishdir.

Ularning islom bilan katta muammosi bor, negaki islom zaif va passiv eʼtiqod emas, musulmonlar nasroniy qardoshlari kabi dushmanga boʻyin egib ketavermaydilar. Shuning uchun bizga ular yovuz, qoloq va buzuq deb aytiladi.

Ammo nasroniylarning islom haqidagi gaplari gʻirt yolgʻon, islom shunchaki o‘zini himoya qiladi va hukmronlik qilinish hamda kimningdir nazorat ostida bo‘lishga hech qachon rozi boʻlmaydi.

Agar bunga shubha qilsangiz, atrofingizga boqing. Qanchadan-qancha nasroniy cherkovlarida endilikda LGBT bayroqlari hilpirab yotibdi, qanchadan qanchasida pastorlar transgenderdan tayinlanmoqda, qanchadan qanchasi o‘zlarining "bag‘rikenglik" chegaralarini tobora buzuqlik tomon koʻchirib bormoqda?

Lekin siz buni islomda ko‘rmaysiz.

Men sizga diningizni o‘zgartirishni yoki hatto nimagadir ishonishni ham aytmayapman. Men o‘zim hech qanday dinga mansub emasman, shunchaki oddiy kuzatuvchiman va men ko‘rgan narsalar hozircha shular.

(C) Noktis Draven, harbiy faxriy, yozuvchi

@Tafakkur_chizgilari

Do‘stim Mustafo menga bir necha daqiqa avval G‘azoning shimolidan qo‘ng‘iroq qildi.

U birinchi navbatda shunday dedi:
"Telefonimning quvvati atigi 2 foiz qoldi va kimga qo‘ng‘iroq qilishni o‘ylaganim zahoti xayolimga sen kelding. Do‘stim, aniq bilaman, men yaqinda oʻlaman. Bu bizning so‘nggi suhbatimiz bo‘lishi mumkin. Ertalabdan beri bir qultum suv izlab yuribman, lekin topolganim yoʻq. Do‘stim, bu yerda hamma narsa o‘limga olib boradi. Ko‘z oldimda 50 dan ortiq odamni o‘ldirishdi. Men mo‘jiza tufayli ulardan qochib qutuldim, 27 dan ortiq inson, 27 jon shahid bo‘lgan qirg‘indan omon qoldim. Bu yerda odamlar o‘lib, jasadlari ko‘chalarda qolib ketyapti. Ularga qarab turib, xuddi toshlar ustidan yurgandek o‘tib ketasan. Tunlari ko‘chada uxlayman; hech kimim yo‘q. Oilamsiz, yolg‘iz yashamoqdaman. Telefonim o‘chay deb turibdi. Seni sevishimni bilishingni va xafa qilgan bo‘lsam, kechirishing istayman."

Qo‘ng‘iroq to‘satdan uzilib qoldi. Chamasi, telefonining quvvati tugab qoldi.

Har bir so‘z orasida yig‘i ovozimni bosishga urinar, koʻzimdan qatra yosh oqardi. Qalbimiz har kuni o‘rtanadi. Bularning barchasi nimaga kerak? Nima sababdan? Nima uchun, ey dunyo? Nima uchun??? Qaniydi men mavjud bo‘lmasam; har lahzada o‘limni tilayman. Men har daqiqada o‘lim tilayman.

(C) Omar Hamad, farmatsist va yozuvchi

@Tafakkur_chizgilari

Muhammad (sollallohu alayhi vasallam) shaxsiyati u toʻliq haqiqatini tushunish eng qiyin boʼlgan narsadir. Men undagi bir yogʻdunigina koʻra olaman. Qanday ajoyib manzaralar shonli silsilasi!
Paygʻambar Muhammad bor. Jangchi Muhammad bor. Tadbirkor Muhammad bor. Davlatning yetakchisi boʻlgan Muhammad ham bor. Notiq Muhammad ham bor. Islohotchi Muhammad ham bor. Yetimlarning panohi Muhammad ham bor. Qullar himoyachisi Muhammad ham bor. Ayollarni ozod qiluvchi Muhammad bor. Qozi Muhammad bor. Mukarram, muqaddas Muhammad bor.
Ushbu muhtasham rollar va insoniy faoliyat shoʻbalarining barchasida, u ayni qahramondir.

(C) Prof. Ramakrishna Rao

Manba

@Tafakkur_chizgilari

Barcha inson orazi bir-biriga o‘xshash, ammo har biri o‘ziga xos xususiyatlarga ega. Mana shu oʻziga xoslik oʻsha chehrani o‘tmishdagi, hozirgi va kelajakdagi boshqa barcha chehralardan ajratib turadi.

Shu bois, inson chehrasi ko‘plik ichidagi birlikning mukammal namunasidir. Barcha yuzlarning Yaratuvchisi ularning o‘xshashligi tufayli Yagona (Vahid) ekanligi aniq. Ayni paytda, har bir orazning boshqa barcha orazlardan farq qilishi, barcha yuzlar Yaratuvchisining Yagona (Ahad) va O‘z yaratiqlaridan butunlay boshqacha ekanligini namoyon etadi.

Muttasil va davomiy ravishda paydo bo‘layotgan, barchasi o‘ziga xos, ammo o‘xshash chehralar ularning Yaratuvchisi O‘z yaratiqlarini "ommatan (massoviy) ishlab chiqarmasligini" ko‘rsatadi. U uzluksiz ravishda, donolik va mutlaq tanlov-ixtiyor erkinligi bilan yaratadi. Har bir yangi yaratiq barcha mavjudotlarning manbayi Yagona, Tengsiz, doimiy mavjud va hamma joyda hozir ekanligini namoyon etadi. Bizning Yaratuvchimiz "g‘oyib mulkdor" yoxud "konstitutsiyaviy monarx" emas, ya’ni chetda turib, haqiqiy hokimiyatga ega bo‘lmagan zot emas. Bil'aks, Yaratuvchimiz har lahzada biz bilan birga, yurak urishidan yurak urishigacha, nafasdan nafasgacha, barcha narsalarni o‘xshash, biroq har birini betakror tarzda uzluksiz yaratib turadi.

(C) Kolin Turner, ilohiyotshunos

@Tafakkur_chizgilari

Men uchun Nuh alayhissalom kemasining hajmi yoki to'fonning dunyoviy qamrovi muhim emas

Aslida biz uchun Nuh alayhissalom davridagi to'fonning mahalliy yoki global voqelik ekani muhimmi? Kemaning kattaligi yoki kemaga qanday hayvonlar joylangani nechogʻlik muhim?

Biz hamisha aniqliklarni, mayda-chuydalarni bilishni istaymiz. Biroq biz xos jihatlarga, tafsilotlarga berilib ketmasligimiz kerak. Qur'on umumiy haqiqatlarni bayon etadi; Shu sababli u juda ixcham. Nuh payg'ambar hikoyasida biz uchun to'fon nimani anglatishini tushunishimiz kerak — bu biz bilgan hamma narsani qamrab oluvchi va atrofimizdagi har neni va hammani yoʻq qilgan to'fon edi. To'fonni talqin qilishning ko'plab usullari mavjud: ateistik materializmning o'sishi, axloqsizlik va buzuqlik; postmodernizm va "uyg'oqlik"ning mantiqsizligi; yomonlik yaxshilik sifatida, qirg'in qonuniy mudofaa sifatida namoyish etiladigan va ayollar uchun mo'ljallangan Olimpiya musobaqalarida erkaklar oltin medallarni qo'lga kiritadigan qadriyatlarning o'zgarishi.

Bizni o'rab turgan kufr to'fonining ma'nosini tushunishimiz va bizni xavfsizlikka eltuvchi va ma'no-mazmunni yo'qotish, ikkiyuzlamachilik, yomonlik, buzuqlik va kufr to'lqinlari uzra gʻarq boʻlib ketishimizdan bizni hıfz etuvchi e'tiqod va ishonish "kemasini" tan olishimiz kerak. Nuh payg'ambarning sevikli o'g'lining kemaga chiqish o'rniga "toqqa qochib ketgani" maʼnosini tushunishimiz lozim. Tog' - bu o'jar "men"ning ramzi boʻlib, Nuhning o'g'li o'zining cheklangan aqliga, cheklangan kuchlariga tayanib, falokatdan qochib qutulishim mumkin, deb o'ylardi. U yanglishgan edi va o'zining takabburligi va o'jarligi uchun oxirda eng ogʻir badalni toʻladi.

Biz tafsilotlardan yuz burib, payg'ambarlar qissalarining asosiy ma'no-mazmuniga diqqat qaratishimiz kerak. Nuh va to'fon biz uchun, hayotimizda nimani anglatadi? Bu biz uchun qanday ahamiyatga ega? Men qachon Nuhman va qachon Nuhning o'g'liman? Chunki ba'zan men qutqarilishga muhtoj ekanligimni anglayman, ba'zan esa o'zimning "men"imga va o'zimda bor deb o'ylagan qobiliyatlarim tomon intilaman. Goho o'zimni Qur'onga bag'ishlayman, gohida esa o'zimni yaxshiroq bilaman deb o'ylayman. Tog' men uchun nimani anglatadi? Ko'tarilgan suv nimaning ramzi?

Biz o'zimizni aksariyatini hech kim bilmaydigan ahamiyatsiz tafsilotlar bilan band qilishdan to'xtatishimiz kerak. Nafaqat Nuh va To'fon kontekstida, balki hayotning barcha jabhalarida. Biz tashqi ko'rinishga, tafsilotlarga, mayda-chuyda narsalarga berilib ketganmiz, taqdirimiz va najotimizga unchalik ham ta'sir qilmaydigan narsalarni muhokama qilish uchun cheksiz vaqtimizni sarflaymiz.

Inglizlarda bir maqol bor: “Iblis tafsilotlarda yashirin”. Bu shuni anglatadiki, tafsilotlar juda aldamchi bo'lishi mumkin va biz ularga sergak aql bilan nazar tashlashimiz kerak, ammo faqat zarur bo'lgandagina. Shaxsiy fikrimcha, asrlar oshgan ingliz maqolchiligiga hurmat bilan aytganda, bu, aslida buning aksini ham anglatishi mumkin va agar biz tafsilotlarga juda ko'p e'tibor bersak, shayton tomog'imizdan ushlab, bizni olovga irg'itadi degan ma'noni anglatadi.

© Kolin Turner, ilohiyotshunos

@Tafakkur_Chizgilari

Freyd mehribonlikni ojizlik va passivlik deb biladi va bemoriga quyidagicha maslahat beradi: “Sen ye, aks holda seni yeyishadi.” Biz esa mehribonlikni kuch va ijobiylik deb bilamiz hamda kechirishga daʼvat etamiz:

Bas, sen chiroyli kechirim ila kechir. (Hijr, 85)

Bas, Alloh Oʻz amrini keltirgunicha afv eting va kechirib yuboring. (Baqara, 109)

Albatta, Alloh qilayotgan amallaringizni koʻrib turuvchidir. (Baqara, 237)

Freyd ruhiy qizishishdan chiqaruvchi va yengillanishga yordam beradigan amallarni tanlasa, biz solih amallarni shart qilamiz.

U bolalik oʻtmishi har bir insonning ustidan hukmron deb bilsa, biz faqat Allohning hukmronligini tan olamiz va Allohning marhamati bilan har qanday hukm yoki boshqaruvdan chiqib ketishimiz mumkin, deymiz.

Freyd agressiv tabiat, vayronkorlik va oʻlimga undovchi instinktlar, shahvoniy energiya kabi asosiy motivlar haqida gapirsa, biz insonning erkin tanlovga ega ekanligini, salbiy va ijobiy intilishlar orasidan istaganini tanlash imkoniyatiga ega ekanligini aytamiz.

Freydning bu materialistik qarashlari va umuman olganda zamonaviy psixologiyaning materialistik tabiati insonni mexanik, hayvoniy va fiziologik nuqtai nazardan tasavvur qilishidan kelib chiqadi.

Bu xuddi Karl Marksning tarixni faqat moddiy manfaatlar va moddiy kuchlar harakatlantiradi, deb tasavvur qilgani kabi. Uning fikricha, tarixiy harakat har doim boylarning ochkoʻzligi va kambagʻallar gʻazabining kurashi natijasidir.

Bu cheklangan va tor doirada yondashish ikkovining ham notoʻgʻri nazariyalarni ilgari surishiga olib keldi hamda ularni inson ruhiyati va tarixi haqida haqiqatlarni soxtalashtirishga, dalillarni sunʼiy ravishda toʻqishga majbur qildi.

©️Doktor Mustafo Mahmud “Qurʼon sirlari” kitobidan

@Tafakkur_Chizgilari

Alloh taolo oʻz Kitobida shunday deydi:

“Agar Allohning odamlarni bir-birlari bilan daf qilishi boʻlmaganida, yer yuzi buzilardi.” (Baqara, 251).

Va bu xabar boshqa joyda ham aynan shu soʻzlar bilan takrorlanadi:

“Agar Alloh odamlarning baʼzilarini baʼzilari bilan daf qilib turmasa, uzlatgohlar, kanisalar, havralar va Allohning nomi koʻplab zikr qilinadigan masjidlar vayron qilingan boʻlur edi.” (Haj, 40).

Bu ishoraning takrorlanishi uning (xabarning) muhimligini va koʻproq diqqatni jalb qilishni bildiradi. Alloh bizga ushbu ajib qonuniyatning hikmatlarini mazkur oyatlar orqali tushuntiradi.

U (Alloh) zolimlarni bir-biriga qarshi qoʻyadi va ularni oʻzlari kabi boshqa zolimlar orqali sindiradi, shunda zaiflar oʻz ibodatlarini ibodatxonalari va masjidlarida tinchlik bilan bajara oladilar.

Ushbu qonuniyat bizni zolimlarning zulmidan himoya qiladigan xavfsizlik soyabonidir, chunki Alloh ularning kuch-quvvatlarini bir-birlariga qarshi kurashda tugatadi.

©️Doktor Mustafo Mahmud rahimahulloh, “Qurʼon sirlari” kitobidan

@Tafakkur_Chizgilari

Haqiqat va botil kurashi

7-oktabrda boshlangan urush va genotsid haqiqatlar, gʻoyalar, insoniylik, madaniyatlar, kimliklar, dinlar urushiga aylandi. Insoniyat shu vaqtgacha shakllantirgan jamiki mafkuralar/ideologiyalar ayni shu pallada tom ma'noda G'azoning insoniylik sinalayotgan genotsidi olovida toblanmoqda, sortlanmoqda, yo yashab qolmoqda yo chiqitga otib yuborgulik holga kelmoqda.

Siyosiy, ijtimoiy, madaniy jabha yulduzlari, mashhurlar, shou-biznes vakillari tomonidan aks ettiriladigan jamiyatlar moddiyat ustida qurilgan, status kvo tomonidan boshqariladigan holda ekani oshkor boʻldi. Endilikda kishilar moddiy, ijtimoiy mavqeyi, obroʻsi, statusi uchun haqiqatni qurbon qilmoqda. Haqiqat tomonida emas, balki oʻzingga har jihatdan yaqin boʻlgan tomonda turish muhim, garchi u genotsidni, AQSHning imperialistik siyosatini, terrorizmga qarshi urush bahonasida duch kelgan insonni, bolalarni yoʻq qilish, aqlga sigʻdirish mumkin boʻlmagan har qanday dahshat va qabih ishni qoʻllashni anglatsin.

Soʻnggi butun sakkiz oylik fojia bugungi odamzod uchun gigant elak vazifasini oʻtab berdiki, koʻrib turganimizdek, oktyabr oylarida urushni faol tarzda qo'llab kelgan, Isroilning ochiqchasiga tarafdori boʻlgan minglab faollar hech boʻlmaganda haqiqatni, adolatni anglab yetdi, bunda medianing foydasini koʻrish mumkin, odamlarning tarmoqlarda nonstop – uzzukun, toʻxtovsiz ravishda qabohat va yovuzlikni yoritib, yozib borishi juda ham yirik ishni qildi. Demak yana ham yozaverishdan, haqiqatni baralla aytishdan, dushmanga qarshi til ila (bugun klaviatura orqali) kurashishdan toʻxtamaslik kerak.

Tarmoqlarda (asosan X da) sogʻlom aql mutlaqo qabul qilmaydigan argumentlar bilan Isroilning sodir etayotgan qing'irliklarini oshkora tarzda himoya qilayotganlarni koʻrib kishi ilkis yoqasini ushlab yuboradi. "Hammasiga Xamas aybdor. Bolalarni, tinch aholini Isroilga qarshi qalqon qilyapti. Isroil qoqqan qoziqdek qarab turmaydiyu, oʻzini himoya qilishga mutlaqo haqli, yoʻq boʻlsin Xamas, yashasin Isroil" qabilidagi gaplar va shoirlarni har qayerda uchratish mumkin. Bunday mafkura va qarash egalari biz oʻylaganchalik kam emaski, buni men modern gʻoyalar hamda madaniyatlar toʻqnashuvi deb atagan boʻlar edim.

Urush yana oʻsha eski nazariyalar, talqinlar, fikr maktablari, eskicha/urfdan qolgan intellektual bahslarni qoʻzgʻatib yubordiki, hozirda bu jabhada "qaynayotgan" X tarmog'iga kirsangiz, gʻarb va musulmon ham mayli, musulmon vs musulmonning gʻoyaviy kurashlari ham avj tarzda boʻlayotganini koʻrib bexos hayrat barmogʻingizni tishlab yuborasiz.

Shulardan kelib chiqib aytish kerakki, yoʻq, jim boʻlishga, sukunat ahliga, jimgina kuzatuvchi jamiyatga aylanishga haqqimiz yoʻq. Biz ham oʻshanday gʻoyaviy kurashlarda oʻz safimizda qatnashishimiz, haqiqatni (haqiqatlarni) adolatni, samimiylikni yovuzlik, chirkinlik va botildan ajratishda oʻz hissa va ulushimizni qoʻshishga oshiqishimiz kerak.

Bugun modern, an'anachi, liberal/sekulyar, marksist-sotsialist, patsifist-literar, nihilist/loqayd, leftist kabi turlicha personaj shakllari paydo boʻlgan. Haqiqatda, global jabhada ular urush sahnasida jang qilyapti. Bu yaxshi albatta. Demak odamlarni issiqqina to'shagidan chiqib, tashqarining sovuqqina haroratidan tatishga, "bahra olishga" majburlash kerakki, dunyoning bir chetida goʻdaklar tiriklayin yoqib yuborilayotgani, butun bir oilalar yoppasiga qirib tashlanayotganini idrok etsin, reallikdan voqif boʻlsin, belidan oyoq qismi chippa uzilgan bolakaylarning qanchalik ogʻriqni boshdan kechirayotganini aqalli tasavvur va shuuran his etib koʻrsin, insoniyligi uygʻonsin.

Axborot urushi bu shunday narsaki, unda ishtirok etmasangiz oʻz oʻzidan mohiyatan, ma'nan qurbonlar safidan joy olasiz, ikkiga boʻlingan lagerda ongsiz ravishda salbiy va nohaq tomondan oʻrin egallaysiz. Inson uchun, musulmon uchun bundan-da tubanroq isnod, badbaxtlik boʻlishi mumkinmas.

@Tafakkur_Chizgilari