بَسْمِ اللهِ الرَّحْمَنِ الرَّحِيْمِ

[ استحياء التّنور ]

راح احچي بگلبي المقهور عن استحياء التّنور
اشسولف وي بنت المختار لمّن شعلوا ذيّج النّار
—

بيني ما بينچ عشت عشرة عُمُر
جاي احس يا فاطمة بطيني الكسر
اِبْـدَاخِـلِـي ساعة زمن يطفى الجمر
بس جمر حزني اعله ضلعچ مستمر

يالكلشي لربكم منطين جذوع الباب احلم من طين
چا ما صاباچ البسمار لمّن شعلوا ذيچ النّار
—

اللّعين امن اجه لبابچ واقترب
والـجَـزل جمّعه وبعيونه الغضب
چنت اتمنى علي سَـيْـد العرب
ايجمعه بيّه وآنه أحرگله الحطب

من عندچ عندي استحياء المحروگة اعتاب الزّهراء
أذّوا غِيرة حامي الجار لمّن شعلوا ذيچ النّار
—

حزني دايم يالكيانچ عَـلَـوِي
وصفحة آهاتي أبد ما تنطوي
من تخبزين بلضى خوفي اكتوي
خاف چفّچ من لهيبي ينچوي

وانظرلچ هسّه وخجلان چفّچ مچوي وبي دخّان
والأسباب امن الكفّار لمّن شعلوا ذيچ النّار
—

اكو سطرة خبز بايدچ دَاخِـلِـي
واكو سطرة عين بايد الجاهلي
الأولى حنيّة وحنان وحُب الي
الثّانية كسرت ظهر حيدر علي

عايش اجواء إستغراب داحي الباب متعبه الباب
هدموا أركان الكرّار لمّن شعلوا ذيچ النّار
—

چنتي من عندي تطلعين الخبز
واليتامى تاخذه منّج حرز
ام ابوها الدين باسمچ يرتكز
ليش هسّه بسيف ضلعچ ينوكز

زوجة سيف الله المسلول بسيف الشّيطان المذلول
وكزوا ضلعچ هذا الصّار لمّن شعلوا ذيچ النّار
—

فاطمة يوميّه لچفوفچ أحن
من تخبزين آني كلّش اطمئن
اتمنى اصيرن بير من فرط الحزن
حتّه أسمع حيدر شيحچي ويون

ذابحني شگد التّفكير بعلچ شيسولف للبير
بالبير شخلّه امن اسرار لمّن شعلوا ذيچ النّار
—

عشنه من عصروچ أشباه الزّلم
آنه والرّحى وسبحتچ باليتم
حتّه بيتچ مبني لكن منهدم
ياخذ بثارچ المهدي المنتقم

أعرف بي من ولد حسين يصلب عالشّجرة الجبتين
وعد امن الباري القهّار لمّن شعلوا ذيچ النّار

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ أموت عليك ]

أموت عليك كلمة بس تحمل قضيّة
أموت عليك طبّقتها بس رقيّة

من شافت حسين بخضابه شاهد عيان الها الخرابة
طبّقتها بس رقيّة
___

من جابوا الرّاس بطشت عمّتها عاشت بالمحن
والذّكريات المُفجعة ابّال العقيلة تزاحمن
واتذكّرت ذاك الطّشت من سمّموا چبد الحسن
والحرّة من تبچي بـغُـرُب يعني انگطع راس الوطن

مُصاب عظيم ثغره اليفيض بحنانه
مُصاب عظيم ينظرب بالخيزرانة

عالصّدمة من عاشت مُصابه شاهد عيان الها الخرابة
طبّقتها بس رقيّة
___

متغيّر الرّاس شكثر والطّفلة تنظر يا صور
وبگصِّته التّشرق صبح موجودة خسفة امن الحجر
وبعيونه راسم مشرعة ويم الجرف كسرة ظهر
واخدوده شالن چم جرح والسانه متفتّت وذر

أبي حُسَيْن نادته والصّوت جارح
أبي حُسَيْن شكثر متغيرة الملامح

من سألته ورادت جوابه شاهد عيان الها الخرابة
طبّقتها بس رقيّة
___

من تحچي تشهگ بالبچي والدّمعة جمرة من تصب
"مَنْ الَّـذِيْ أَيْـتَـمَـنِـيْ" هذا السّؤال شگد صعب
دگّة گلبها تنسمع شيصير من عدها الگلب
چم ضحكة عُـمْـر السّيّدة وتشوف كل هذا الرّعب

تريد أمان خايفة والدّمع هامل
تريد أمان واستغاثت بابو فاضل

والطّفلة من تصيح بابا شاهد عيان الها الخرابة
طبّقتها بس رقيّة
___

التّوحيد راسك يا أَبَـه واتطاول اعليه الصّنم
ابلا قوس منظر شِـيْـبِـتَـك نبّت بعيني شچم سهم
آني الطّفولة الما شفت غير المصايب والألم
ناري عليك امن القهر زادت على نار الخيم

أريد أموت روحي بعدك ياهو الها
أريد أموت قاسية الدّنية واهلها

العيشة بعد مو مُـسْـتَـطَابَة شاهد عيان الها الخرابة
طبّقتها بس رقيّة
___

واست الرّاس المنگطع والصّوت من عدها انگطع
وعمّاتها صاحن قلق والنّبرة تارسها الوجع
"عمّة رقيّة جَاوِبِي" بس الصّدى اعليهن رجع
السّجّاد نادى اعله الحرم ماتت ومن گلهن وگع

يصيح يصيح وَلَـچْـمِـتَـه ما منها لچمة
يصيح يصيح ماتت الطّفلة يعمّة

بيها ولا راعوا قرابة شاهد عيان الها الخرابة
طبّقتها بس رقيّة

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ بسترك المُرخى انغرّيت ]

بسترك المُرخى انغرّيت ويّاه أعرف لازم
استبدالك ادهى امن الموت لو بدّلتني بخادم
كلمة الـ آسف أفعال من تطلع امن النّادم

يا سيّد الرّحمة
يا صاحب النّعمة
الما شافك بگلبه
يعيش العُمُر أعمى

يا أبا عبد الله يا أبا عبد الله
___

هوّه اليحب تدري النّاس ما يجرح بمحبوبه
خادم إجيتك غلطان متأذّي من ذنوبه
علَّمني حُرَّك يـحسين مو حچي السان التّوبة

خيرك عَلَيْ زايد
توبة الحُر رايد
وانتَ الحنين ادري
ما رجّعت واحد

يا أبا عبد الله يا أبا عبد الله
___

فسطاط كل الخِدَّام عَالَم سواد عيونك
بحوبة قصاعك مولاي نبَّهني بالطّف جونك
الياكل بخيرك يـحسين لا يكسر بماعونك

لِيْحِب صدگ قصده
الحُب اغلى شي عنده
مو بالرّخه يلزمه
ويخذله بالشّدّة

يا أبا عبد الله يا أبا عبد الله
___

خيمة بدو گلبي وياك ما ثابت بأوجاعه
ما سلك وادي الأحزان والدّنية لذّة ساعة
وحتّه المُهُر يا مولاي ما شرب گبلك طاعة

يا دين المروّة
مُهْرَك درس يسوه
شرايد بعد أكثر
من انقبل حذوة

يا أبا عبد الله يا أبا عبد الله
___

يا جرح گلب العبّاس متردّي حال جروحي
عَمُّر خراب الدّلّال وبيّض سوادة روحي
وافجعني بس لطاريك خلّيني اهيم بنوحي

وارزقني الك دمعة
تواسي امّك البضعة
وادري الرّحل عنّك
اتخلّيله خَط رجعة

يا أبا عبد الله يا أبا عبد الله
___

لَمْ أَرَى مَوْلَىً يـحسين أَصْبَر عَلَيْ من عندك
يوميّه أخطأ ويّاك وتغفر خطيئة عبدك
هذا العبد فرصة يريد ويخدم صحيح اِيوعدك

وفّقني للتّوبة
وما اعيدها النّوبة
كلمة شرف هايه
بدم گلبي مكتوبة

يا أبا عبد الله يا أبا عبد الله

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ لوحة الخدمة ]

السّادة خَل تنتفض وي عوّامها
فزعة وحدة وخَل تشد احزامها
___

إيد بايد الخدمة تستاهل تعب
نريد نعرف يا تُرى وين السّبب
ليش في بعض الشِّعُر قلّة أدب
وطحنت ظلوع القصيدة اقلامها
___

بعض آداء القصائد مو رَزِن
بيها ما نستشعر اجواء الحزن
صار ترويج القصائد باللّحن
والمهم مثل الطَّرَب أنغامها
___

عدنا نعمة وعلى النّعمة ننحسد
ليش نجني الشّوك ونعوف الورد
القصائد أسمى غاية امن الـ"أعد"
لا نخلّي الـ"أعد" أقصى احلامها
___

كافي وصلت وانكسر حتّه العظم
كلمة اريد احچيها بس حيل انهضم
" كون اواسي مو استعرض باللّطم "
اللّطمة كون بنفسي تمحي اصنامها
___

الدّنية ساعة طاعة مو ساعة وَهَم
كافي من التّفرقة بين الخَدَم
ليش نقبل فاطمة تعيش بألم
واحنه محسوبين من خدّامها
___

الشّهرة مو هيّه الدّليل اعله الأجر
تره بذبح حسين مشهور الشّمر
حتّه لو نخدم حسين من الزّغر
العِبرة تتوضّح بتالي ايّامها
___

لوحة الخدمة يميّزها الوفه
تريد الوان العقل والعاطفة
الحُب ضروري، بس بدون المعرفة
اللّوحة ما نگدر نشيل اعلامها

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

*[ قصّة حزن ]

قصّة حزن عن طفل فاقت حدود العقل
بالعاشر بكربلة بأبشع صور ينقتل
___

قصّة منظرها صعب جدًّا فضيع
عن طفل بس غير عبد الله الرّضيع
هوّه هم اسمه علي، وأصغر صريع
عمره اقل السّاعة ويخضبه النّجيع

بعيونه عايش حلم ذِبْحِتَه اشباه الزّلم
وحسين يبچي اله جرح الإبن مو سهل
___

هالمصيبة ما يوصّفها الكلام
بحرّب وِاسْتَخْبَر بميلاده الإمام
من رجع وتناوله ابّاب الخيام
أذّن بإذنه أبو اليمّة وأقام

بهالحالة هاج الألم بحلگه رماه بسهم
ملعون يا حرملة بالسّهم طش الشّمل
___

انتزع سهمه حسين وبحرگه بچاه
يجري دمعه وظل يسولف وي ظناه
أكرم امن النّاگة إنتَ اعله الإلَٰه
بويه والصوّبك أعرف مستواه

العند الله هوّه اِنِّبَذ امن حسين كلشي أخذ
زمرة كفر جاهلة ما مشت مرّة عدل
___

بجانب الخيمة أبو اليمّة بعذاب
حُفَر حُفْرَة بسيفه دفناه بالتّراب
بچت أُم اسحاق أُمّه اويه الرّباب
انفجعن بطفلين يا عُظم المُصاب

هذا القَدَر والوعد خالي الحضن والمهد
والعالَم بأكمله باللّي حصل منذهل
___

بعد ما گطعوا لابو اليمّة الوريد
من لگوا گبر الطفل أعلنوا عيد
بالرّمح سحبوا جسم أصغر شهيد
احتزّوا الرّاس وخذوه صوغة ليزيد

شيداوي هذا الجرح جسمه انسحب بالرّمح
دم تنزف البسملة والصّار ما ينحمل
___

بعد هاي القصّة صار المستحيل
ما بقى حسين وولا راية وكفيل
إخيام محترگة، وعطش، ركضة، وعويل
وجابوا احبال السّبي ونوگ الهزيل

مصدرها قِصْة الحزن من أَثَر كلمة [وإن]
والچانت مدللة مسبيّة فوگ الهزل

*إستخبر الإمام الحسين عليه السّلام بولادة زوجته أم إسحاق وهوَ في وسط المعركة يوم عاشوراء، فرجع للمخيّم ولم ينزل عن فرسه، فناولوه المولود الجديد، فأخذه في حجره وجعل يؤذّن ويقيم في أذنيه ويحنكه بريقه، وبينما هوَ منشغل به إذ رماه حرملة بسهم في حلقه فمات في الحال، فنزع الإمام الحسين عليه السّلام السّهم من حلقه وقال: والله لأنتَ أكرم على الله من النّاقة [ناقة صالح]، ونزل من فرسه وحفر بسيفه حفرة بجانب الخيمة ودفنه .
يقول بعض الرّواة: انّه بعد انتهاء المعركة ضربوا الأرض بالرّماح بجانب الخيام المحترقة بحثًا عنه حتّى وجدوه وسحبوه بالرّمح واحتزّوا رأسه وأخذوه ضمن الرّؤوس الى يزيد لعنة الله عليه .

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ دعاء الجوشن اتكرّر ]

من شفنه الخيم تسعر دعاء الجوشن اتكرّر

"الغوث الغوث خلِّصنا من النّارِ يا رب"
___

النّار ابلا رِجِل صوب الخيم تسعى
وظل حسين اصابع إيده بس تسعة
وحگ الخمسة أهل العَـبَه والـ تسعة
بس روحي أنه لهاي الغصص تسعه

اللّهيب بروحي من وجّر دعاء الجوشن اتكرّر

"الغوث الغوث خلِّصنا من النّارِ يا رب"
___

دروا بالخيم مصحف بس رغم هايه
حرگوهن وفَـرَّن آية وي آية
الما عدهم وسيلة ذبحوا الغاية
ومن داسوا ظلوعه داسوا الثّاية

ولمّن گطعوا المنحر دعاء الجوشن اتكرّر

"الغوث الغوث خلِّصنا من النّارِ يا رب"
___

الشّرف مطرة ونساء آل النّبي الغيمة
الخيم حرگوهن وگلبي كِـثَـر ضيمه
مو بس النّساء إستحن بالهيمة
الدّخان استحى يطلع امن الخيمة

بساعة فرّن الخِـدَّر دعاء الجوشن اتكرّر

"الغوث الغوث خلِّصنا من النّارِ يا رب"
___

نار احقادهم ترجمهن المشعل
وبحرگ الخيم حسبالهم أنذل
شافوني جبل بس صاعد اعله التّل
"خَرَجَت زينب" تعادل الف مقتل

لإن شافوني وسط البَر دعاء الجوشن اتكرّر

"الغوث الغوث خلِّصنا من النّارِ يا رب"
___

بغضًا باللّواء الشّايله الكافل
رايات الخيم حرگاهن العاذل
رغم كل الجره بسيرة علي نواصل
وتره المقتول دمّه انتصر عالقاتل

من الشّيب صار احمر دعاء الجوشن اتكرّر

"الغوث الغوث خلِّصنا من النّارِ يا رب"
___

مثل دم الرّضيع الصّوّبوا نحره
من انرفع ما طاحت ولا قطرة
كذلك هالخيم بالنّوح والحسرة
صعد دخّانهن يم فاطمة الزّهرة

بعد ما فجعوا الكوثر دعاء الجوشن اتكرّر

"الغوث الغوث خلِّصنا من النّارِ يا رب"
___

حَـدَث غَـيَّـر مسار الكون بالعاشر
يوم الطّف عجيب ومو حَـدَث عابر
صدر حسين هوّه السّاحگ الحافر
وقُـبَب هاي الخيم من تنصب باچر

بس بهجمة العسكر دعاء الجوشن اتكرّر

"الغوث الغوث خلِّصنا من النّارِ يا رب"

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ بعيونك عطش مرسوم ]

بعيونك عطش مرسوم رضيع وبالسّهم مفطوم
وآني ادري السّهم مسموم يعبد الله يعبد الله
___

يا وَرِد مو ماي يسگونك سهم
إنتَ أوّل طفل بالنّبلة انفطم
رفرفت إيدك مثل رَفْـةِ العَلَم
رِگْبِتَك تنزف عطر لو تجري دم

صعد دمّك ونزلت روس بچفوفك بقينه انبوس
بحظن ام الحسن محروس يعبد الله يعبد الله
___

وحشة يا يمّه الحضن ويّه المهد
روحي صعدت ويّه دمّك من صعد
السّهم ظل يچوي برگبتك لو برد
عمت عيني فوگ عينك دم جمد

دمّك جمد فوگ العين بيك السّهم لو بحسين
ما مـيّـزِت بيكم زين يعبد الله يعبد الله
___

يمّه وبراس السّهم شفت الوريد
مبيّن شگد ظال تسحب بِـي أكيد
تارك بعود السّهم لزمات إيد
ترف نحرك ما حِـمَـل حر الحديد

شمس أضحى رحت للجيش شمس مغرب عدتلي ليش
افراگك آنه اعوضه ابّيش يعبد الله يعبد الله
___

چنت أحلم تمشي وانظر خِطْوِتَك
تالي ما تالي السّهم حز رُگْبِتَك
چنت افك ريجي ييمّه بضِحْكِتَك
هسّه شو يبست بخدّك دَمْعِتَك

الله يرحم الأحلام الله يعاود الأيّام
الله يحاسب الظِّـلَّام يعبد الله يعبد الله
___

ضيوف آنه وياك جينه لكربلة
وعزّبوا النه بسهم من حرملة
ضيوف بس ما سمّعونه الـ يا هله
سمّعونه شلون تبچي العايِلة

أدّوا واجب الخطّار جيش، وخيل، موت، ونار
سهمك سبّبه البسمار يعبد الله يعبد الله
___

هذا جرحك يفتحلنه شچم جرح
يمّه حصتي النّحر مو حصة الذّبح
الله ويّاك .. آنه وي جرحي الملح
ليش نورك طافي يا وجه الصّبح

أبچيلك متت عطشان ونزف وي جرحك القرآن
للباري رحت قربان يعبد الله يعبد الله
___

حچي بوجهك منكتب من الدّمه
بِـي خرابة، وشام، ديوان، وضمه
نلت باستحقاق حُسْن الخاتِمة
رحت بگماطك تسجّل ملحمة

تكتب ملحمة أجيال طفل، بس زلمة بالأفعال
وگفتك تسوه چم رجّال يعبد الله يعبد الله

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

عندما رجع الإمام الحسين من مصرع أخيه أبي الفضل العبّاس صلوات الله عليهم أجمعين، وأعلن مصابه عندما أسقط عمود الخيمة، كانت الصّدمة ..

[ صدمة لُبَابَة ]

أبو الأكبر من رجع واعلن مُصابه
طاحت امـن الصّدمة بالخيمة لُبَابَة

رجع مكسور الإمام وضجّة صارت بالخيام
وطاحت امـن الصّدمة بالخيمة لُبَابَة
___

حسين لمّن شافته محني الظَهَر
زوجة العبّاس عرفت بالخبر
طاحت امـن الصّدمة گدّام الحُسَيْن
مثل طيحة أبو فاضل عالنّهر

يا بو فاضل صاحت ومصدومة هيّه
ويمها زينب تبچي وسكينة ورقيّة

إستشعُرَت بيها السّهام وضجّة صارت بالخيام
وطاحت امـن الصّدمة بالخيمة لُبَابَة
___

تگابلت وي رملة وبحرگة بچن
وبالمصيبة وبالدّموع تشاركن
إثنينهن كل وحدة مفجوعة بمصاب
وحدة بالعبّاس ، وحدة بالحَسَن

إثنينهن نفس الوجع وحدة المصيبة
هنا غِريبة ظلّت تواسي بغِريبة

ويبچي ظل المُسْتَظَام وضجّة صارت بالخيام
وطاحت امـن الصّدمة بالخيمة لُبَابَة
___

تحچي وي النّسوة بدموع وألم
إنكسر جيش حسين من طاح العَلَم
سهم جوده، وسهم عينه ابلا ضمير
سهم أصعب واشد لوعة من سهم

حسين لو ويّاه جابه وآنه اشوفه
چا متت لو شاهدت گطعة چفوفه

إختنگت بهذا الكلام وضجّة صارت بالخيام
وطاحت امـن الصّدمة بالخيمة لُبَابَة
___

الشِّدَّة تستفحل إذا مات المدد
گلبي يشبه راسه حار وما بُـرَد
يا صفيّة وخولة شرد احچي وأگول ؟!
عمچن العبّاس ما يرجع بعد

بيش يتعوّض الرّايح منّه كافل ؟!
إتيّتمت من راح من ايدي ابو فاضل

بعده عالدّنية السّلام وضجّة صارت بالخيام
وطاحت امـن الصّدمة بالخيمة لُبَابَة
___

گمر زينب منخسف ظلمة السّمه
الهاضمتني ونشفّت بيّه الدّمه
چنت متوقعة أبو فاضل يروح
يجيب بت حسين أقصد فاطمة

آني أذكر من سفرهم تشتكيله
گلت عمها يروح ويجيب العليلة

الفرگة ما تعرف حرام وضجّة صارت بالخيام
وطاحت امـن الصّدمة بالخيمة لُبَابَة
___

ما يعيش الجرح غير المنجرح
حچي بگلبي أقوى من طَعْن الرّمح
طيحة العبّاس تِعني بكربلاء
عِطش، نار، وحافر، وركظة، وذبح

حسين لو ظل وحدّه وطايح عضيده
تسهل لْـسيف الشّمر گطعة وريده

بكربلاء صارت ظلام وضجّة صارت بالخيام
وطاحت امـن الصّدمة بالخيمة لُبَابَة
___

والرّزيّة العظمى والما تنحمل
إيطيح چف عبّاس ويسود الحبل
أنذبح مرتين كل لحظة وأموت
بطاري سوگ الشّام وبطاري الهزل

حسين بعد حسين معروفة النّهاية
شرف عبّاس الگمر يمشن سباية

مو مسك، جرح الختام ضجّة صارت بالخيام
وطاحت امـن الصّدمة بالخيمة لُبَابَة

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ بين السّيف والعامود ]

بين السّيف والعامود جرح احساس
ياهوّه الأشد بيهن بُنَي عبّاس

من تنظرب عالهامة مثلي اتطيح الاعمامة
بُنَي عبّاس
___

من طبروني عالهامة سنابل ذبلت ايّامك
بالآمي عشت حالة وصور عن واقع الآمك
إنتَ صحت "يا بويه" الجرح من شفته گدّامك
وهيّه تصيح "يا يُمّه" الزّهرة لو نِزَف هامك

باچر يوم عاشوراء من اتطيح
توگف يمّك الزّهراء يُمّه اتصيح

العدو لو سَدّد اسهامه مثلي اتطيح الاعمامة
بُنَي عبّاس
___

تمسح دمّي من راسي أختنگ بالعَبرة لو شوفك
يا كعبة ندى الظّامي لكن حزنك يطوفك
النّهر صح ينگطع باچر بس شيگطعه معروفك
والتّمسح عَلَي بيهن يطيحن أقصد چفوفك

كلها شوية يا عبّاس وانتَ اهواي
يا أوّل نهر مـيظوگ گطرة ماي

الخصُم من يتبع اوهامه مثلي اتطيح الاعمامة
بُنَي عبّاس
___

يالـ لو گطعوا چفوفك تبقى تحامي عن دينك
الوفه، والغِيرة، والخوّة، السّقاية اتظل عناوينك
من ينزل على عيني الدّم اتمسحه بيمينك
بس بكربلا باچر الدّم يجمد على عينك

عين الزّهرة إنتَ شلون هاي العين
يفضخها العمد واتموت بايد حسين

ومن اتموت يـحزامه مثلي اتطيح الاعمامة
بُنَي عبّاس
___

رِجَعْت بطبرتي لداري واسمع ونّك ونوحك
روحي ابّيتي من تطلع وسيف الفاجعة يلوحك
بس بوقعة العاشر من تزّايد جروحك
ما ترجع لِلِمْخَيَّم وبيهن تِنِّزِع روحك

چبدي عاليصير وياك ظل مفتوت
مو باخيام ابو السّجّاد من اتموت

الحقد من يفتح الثامه مثلي اتطيح الاعمامة
بُنَي عبّاس
___

جرحي الأكبر العاشر من عنده الگلب دامي
واقع مؤلم احچيلك يزيّد همّي والآمي
قبل موتي يابو فاضل اللّبن والماي گدّامي
وإنتَ السّاقي بس باچر بالطف تنذبح ظامي

جروح بگلبي حيل اهواي ما تلتام
واعظم جرح يا عبّاس جرح الشّام

الجرح من يحچي بالآمه مثلي اتطيح الاعمامة
بُنَي عبّاس

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي

بَسْمِ اللهِ الرَّحْمَنِ الرَّحِيْمِ

[ شيعي اللّبن ]

ما درسنه محبّتك يا با الحسن
لكن امن الإم إجه شيعي اللّبن

ومن لبن هالإمّهات نبقه شيعة للممات
يا با الحسن
___

محبّتك فرقان يا روح القيادة
تكشف لكل البشر طيب الولادة
نعمة عالنّعمة وعبادة اعله العبادة
واليبغضك ما عرف معنى السّعادة

ويوم اُحُد يشهدلك النَّص الجلي
بس فقاره ولا فتى إلّا علي

وخلها تسمعنا الطّغاة نبقه شيعة للممات
يا با الحسن
___

إحنه مو عالجّنة يا حيدر نرغبك
حتّه لو ندخل النّار انظل نحبّك
ايحاربون اقلامنه وبالدّم نكتبك
إنتَ ابونا وإنتَ صاحبنه نحسبك

حُبّك البوصلة ايدلّينه الطّريق
وانتَ النه ياعلي نِعْم الصّديق

شما تزيد النّايبات نبقه شيعة للممات
يا با الحسن
___

حُبّك الطّاهر يغذّينه الهداية
وأَيْ عمل مرفوض إلّا بالولاية
مو وسيلة ياعلي، حُبّك الغاية
وجاي ندفع بالضّريبة شگد ضحاية

النّاس لو كلها تحبّك يا عظيم
الله ما يخلق أبد نار الجحيم

ورغم كل الموزمات نبقه شيعة للممات
يا با الحسن
___

حُبّك العنوان باچر بالصّحيفة
نِنَجَه بِي من كل الاهوال المُخيفة
خلها رابع عنّك تگول السّقيفة
المهم عند الله إنتَ اوّل خليفة

ذاتك القُدسيّة ما فَوق العقول
ومنو غيرك أجدر ايمثل الرّسول

ياللّي أوحد بالصّفات نبقه شيعة للممات
يا با الحسن
___

ما نخاف الآخرة عدنا قناعة
لإن بايدك ياعلي صَك الشّفاعة
للگبر ناخذ فقط حُبّك بضاعة
وشكرًا لطيب الولادة والرّضاعة

إولايتك ملجئنا والحصن الحصين
نحيى وانموت احنه بيها امأمّنين

ونهتف لحد الوفاة نبقه شيعة للممات
يا با الحسن

شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي