بدوني شلون راح تعيش
انت تموت من دوني
منو مثلي يضحيلك
اني انطيتك عيوني
بعد شتريد اسويلك
شمعة بليل اضويلك
ومن كل گلبي اغنيلك
واضمك بين أحضاني
تالي أتبدل بثاني !

اليحبك من صدك مايمشي ويخليك
يضل يمك الحد ما تخلص سنينه
اليحبك من صدك مايحب غيرك ناس
بس انت العزيز يشوفك بعينه

علامات الجمال عيون الكبار
وانت عيونك يخبل گبرهن
زرقاء اليمامة ومنك تغار
حقها تغار ما شافت مثلهن
وانا الما اطيحن طحت مجبور
نظراتك غصب طحت بعشگهن

هاي انت التحبني وهيج سويت
لو تكرهني چا شتسوي بيه؟
گبالك أحترك واتعذب بنار
وما طفيتني تباوع عليه
مو مثل البقيه وكتلي وياك
هسه اتمنى ارد أعلى البقيه
هو اني اهلي ما دامولي معذور
انت تريد هسه تدوم اليه
الوادم للصبح سهرانه هل ناس
وانا بعشريني انام المغربية

اني لو ناسيك ومغادر هِواك
الرجفه هاي بجسمي شيسمونها
وليش الاغاني التطلع تذكرني بيك
دموعي تنزل قبل لا يبدونها
نعمه النسيان اكبر چذبه
هاي متصرف بعد لتعيدونها

مو تربيت اهلك انت تربيتي
انا وياك من نطلع مكان بعيد
هوية وياك ماشايل
انا وياك نتحاسب بجنسيتي

حرب ما بيها دم وسيف
اليحارب روحه يكتل روحه بالتفكير

علي ضيم النوايب ماتعدي
المصايب يمي توگف ماتعدي
دخيل ودخل يمي ومات عندي
هله وچتاله متحلفين بيه

شعجب قل أهتمامك بأخر ايام
بعد ما جنت تاخذ شوري وتنام
وجنت اتحكم بكلشي اليمر بيك
الحد ما صرت انا اختار الاحلام
اليوكف يم حبيبه يفيض بل خير
وكفتك يمي جانت حاله اعدام
وضليت احترك بس ما اراويك
لان هنه المعارك نصهن اعلام
وبقيت انتظرك ويجلجل الليل
لحد ما خلصتها دموع واقلام
وسبب فرگاك جان هواي مجهول
مثل سحگت طفل علشارع العام
كلشي تريدة جان بماي العيون
وانا وكلبي جنه نكول خدام
شمدريني النوارس تنكر الماي
ومن تالي الاسد يفرح بالعظام

ياهو الگالك من تبچي ترتاح
هاي انضحك بيها اعلى المساكين
الدمع ماله علاقة بنار الگلوب
الدمع لو طاح ميطفي البراكين