عباس علاوي البهادلي
واختصرت الدنيا بيك
??
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago
بسم الله الرحمن الرحيم
اللهم صل على محمد وال محمد الطيبين الطاهرين
**في بداية الأمر جميعنا نبحث عن التعلق والحب الابدي بمحمد وال محمد عليهم السلام) وهذا الحب يحتاج الى معرفة بهم ولو معرفة بسيطة تبدأ بحياة كل معصوم منهم فالحب يلازم المعرفة وكما قال مولانا أمير المؤمنين (عليه السلام ) : ياكميل ما من حركة إلا وأنت محتاج فيها الى معرفة . كلما تعرف أكثر تتعلق أكثر وتحب أكثر »
سنبدأ هذه السلسلة من حياة مولانا الامام علي الهادي صلوات الله عليه**
قريبًا ( الجمال الهاشمي ) ?
الشاعر : عباس علاوي البهادلي
اللهم عجل لوليك الفرج ..
**ردينة كوملنة ولينة
احبالهم عافن ادينه
ردن غريبات الاسيرات
رجّع اسامينه الاميرات
___
كل وحدة طاحت يم گبر
بس انا اطيح بياكتر....اتذكرت ذبح العشيرة
بالياعلي ايخلص الدرب
زينبكم انشلعت كلب...الغالية اتسمت اسيرة
اختصر خطوات الدرب مسبية مهضومة اوصلت
ما اصبر انزل واستعد لا من على الناكة وطحت
وبصرخة وحدة ياهلي ترضونها انا انشفت
مو من طبعكم ماكو ملكة
يالضيعتكم بلا شلكه
نوم الخرايب يلچم الذات
رجع اسامينة الاميرات
___المكسوره خاطرها اجت
كعدت و يم گبرك نعت...عندي اخو وارد اشتكيله
راسك انشده اعلى الجره
الشام مايرحم مرة...سالفتي وياهم طويلة
خوية الامانة ما اجت وياي واشبيديه
ماتت على راسك بچي فوگ الطشت ارقيه
ما ادري واشلون اوصلت الكم على المر بيه
لو سولف البيه من الاعتاب
الگبر يتحرك والاتراب
كلي صرت يبن امي لچمات
رجع اسامينه الاميرات
___لمن وصلت اتذكرت
اهنا گمت واهنا طحت....واهنا ندهتك خوية بهداي
مرتين خوية حشمت
بالعاشر وهسه صحت..وبثنينهن ماكمت وياي
ياملكة هذا وياتعب انعاد خويه اعليه
يا اهلي عندي بس طلب نسوني انه مسبية
هم سامعين انتم كبل تحدي الغرب علويه
استقبلونه يلا يحنان
ضعن المحنة جاي ذبلان
اهل الرسالة بس سبيات
رجع اسامينة الاميرات
____
بفيايكم چنت انحرس
اتغيرت من الشمس....بحر الظهاري بيتونه
كل العلاوي يمي اجن
يبچن وبس چلمة حچن ..اهنا يهلنا الضيعونه
غطيت راسك بالعبي اوياي جبتة الجسمك
نوم الهنه من الرمح والرمح حار يلچمك
واتخيل الجسمك يرد واتكوملي واشتمك
شلون ارد لبيوت اهلنة
ابلا روس طش ويلي شملنه
اخر مسية يمكم انبات
رجعو اسامينه الاميرات
عباس علاوي البهادلي**
[ رسالة زينب ] ع
لايضل بالك عليه....حتى لو اطلع سبيه
بيه عباس وأذل ! ...منبري فوگ الهزل
الشامخه زينب أبيه
____
احنى نسطع نور لوحل الضلام
ناس احنى نبتدي من الختام
لاتفكر بيه باچر وين انام
الليل باچر يوگف الزينب قيام
حته لومعصوبه آديه ... الگيد مايمحي الهويه
الضوه شيقيده ابحبل ... منبري فوگ الهزل
____
من جلوس الليل صليته صحيح
لكن أگبال العدوا لتضن أطيح
يا قصر يا سوگ عباس أستريح
انه بت حيدر علي الماهزه ريح
الله سوه الگاع ألنه ... وين مانگعد. وطنه
الساني دستور وفعل ... منبري فوگ الهزل
____
رغم عظم الصاير وگطع الرگاب
وعالرماح نشالت الروس بعذاب
عايشين بخير اذا بخير الحجاب
وحنه عدنا الستر اغله منالشراب
مايهم خويه عطشنه --- المهم عالي شرفنه
ألثورة حتمآ تكتمل --- منبري فوگ الهزل
____
مومهم صار الموادع من سكوت
لاچن السابع سمه وصلنه صوت
يموت كلشي والمواقف ماتموت
واحنه لمينه الحچي لمة قنوت
الستر اصله عباتي ... والسمه ادور رضاتي
عفّه معجونه بفضِل ... منبري فوگ الهزل
____
ابتدت رحلة سبي ومابيك القصور
رايحه وربك يسهل النه الامور
بالقصر دورت رحه. بيهم ادور
الاميره أبكل وكت. خلّك فخور
اجسادكم هسه بتراب … باجر اتخصر قباب
احنى فوگ من الاصل ... منبري فوگ الهزل
____
فوگ رمحك فسرت بعيوني راي
الماي لو مو ينذبح هم يبقه ماي
انه اخت عباس ترفع راسي هاي
خويه أمن والضعن كله أبحماي
ظعن محفوظ بكرامه ... الله المگدر مقامه
ما يروعوني أبقتل. ... منبري فوگ الهزل
____
سيد عباس الفاضلي
عباس علاوي البهادلي
**السجاد انه.... راجع للطف بس دفان
طاحو اهلي.. عطشان امكابل عطشان
راسم الصوره ابخيالي..بيدي المّن غالي غالي
__
اتخيل روحك تدفن اهلك بس ماتعرف تبدي منين
الحيره اتدور تابوت الهُمّ لو تبقى اتدور سبعين
اليتغسل بالماي انجرحه ماتو كلهم عطشانين
اول تالي حسين انضيعه يارب دليني اعلى حسين
الخطوه ابمرقد...من گد ما راحولي اهواي
الهدت حيلي .... اثلث تيام وماكو افياي
ابچي اهلي مدري حالي...بيدي المن غالي غالي
____
اليحضر بالطف بعد العاشر يعني ابجسمك متضل روح
غمض عينك عيش الحاله اخذ الگلبك مني اجروح
تركض مشتاگ العبدالله توصل بس تلگاه مذبوح
تگعد بخيام المحترگه اتگابل روحك تبقى اتنوح
دمعك يجري..ويلچمك شيمر عالبال
مدري الالمن..بالبر من ركضت اطفال
راح بارض الطف دلالي..بيدي المن غالي غالي
___
وياي ابقى راح اوصلهم فكره ابالي وبيها اندل
زينب رادت هم تلگاهم. شدت حيل وحيل انفل
طلعت من الخيمه الحد ما شويه شويه صعدت تل
شافت خيل وشبچت عشره طاح حسين وضاع الحل
فوگاه ضلت... ابن امها وشافته اوحيد
أشّر صاحت....ابلا خنصر أشر بالايد
چفها من الخوه خالي...بيدي المن غالي غالي
___
ابخطوه صغيره من رحتلهم مثل الشايل بيده الماي
يتشابه ضهري وعوچيتي حمل السبعه انهد فوگاي
بين الچانو بين عيوني كاعد احچي بس بهداي
ياهو المنكم انطيه حيلي وانطيه ايدي يگوم وياي
سكته وضجه..بيه التمن بعد الصار
اول مره...بين اهله السجاد احتار
الحزن يبدي ماله تالي...بيدي المن غالي غالي
____
طبع اوتاد اهلي ابدفنتهم يابال اليهده ويرتاح
نص جوه اتراب امغطيهم وروس الصعدت فوك ارماح
شنهي اليحلاله ابهالدنيا المن عنده العباس وراح
طوله التارس عين الخيمه يسوه النوح وكضة اصفاح
ضعني ايتاني ... تتلگاني بنت حسين
بس بشرني .. ماشد حيله وصاير زين
اليا جرح ينصاغ بالي...بيدي المن غالي غالي
عباس علاوي البهادلي**
#_ام_البنين **من اهل المشايخ والعرف..ام البنين
راية شرف عالي ترف..ام البنين
يضمادنه بوكت النزف ..ام البنين
كل معگودة تنحل يمها
عاجز كل تفكير يلمها
تچوي الحار حرورة دمها
تقره الفاتحه الها ابضيجها الناس
بس دك بابها من باب عباس
بنت احزام ادعي اتشدلك احزام
بت روس الاكبار الترفع الراس
ام البنين...ام البنين
_____
اتخضر نهر وكت الضمه ام البنين
هي للكرم كالعاصمة ..ام البنين
باب الخدامة فاطمة ..ام البنين
لولاد الزهره اقرايتها
درس ومايخلص خدمتها
اسنين الدنيا الهم طشتها
ينسد الف باب وتفتح الباب
عجيده للبدو راعيها ابوتراب
الله اختارها والحيدر تلوگ
مره ابحفنة زلم خيالة انساب
___
بالطف وفه منها انشتل ..ام البنين
دين النبي ابحبها اكتمل ...ام البنين
وگفت مطر لمن ذبل .....ام البنين
راحو ولدچ ؟ گالت فدوه
دين الله ابدممهم يتروه
مال وصارت موقف تچوه
ماي الگصص من عدها غرف ماي
چفها الدخل عدها اجمل افياي
دخيل ام البنين التحيي الگلوب
امد چف گلبي الها واطلع ابراي
___
ابچفها انعگد خيط الادب ...ام البنين
هي كالسماء رؤية عجب...ام البنين
دخلت الروح ابلا سبب...ام البنين
اترتل چانت اسم الكوثر
معشوگة فاطم وي حيدر
حب طاهر ناتج عن مصدر
تواسي الزهره چانت كل عمرها
لذلك هم بلا حضره گبرها
راح اختصر هي امربيه عباس
كل تعبير قاصر عن امرها
عباس علاوي البهادلي**
**ما ارفض تخليني ..حكمة معصوم
بحنّيتك ادري اتكشفه .كرب المهموم
هاي انا بنتك....واطلب محنتك
ما ارفض تخليني ..حكمة معصوم
.....................
لانسمة هوه..ولا عله ودوه
اجيتك وانت تدري روحتك ليل
خيرني الدهر...افراكك لو سفرر
السفر اسهل الي من فركتك حيل
گبال عينك سولفت كل المشاعر
بويه خلنبچي سوه كافي نكابر
اتفرحها واتبجيها ..كلمه العين
ارحم كلب و احجيها...بويه حسين
وسعت رحمتك...واطلب محنتك
__ذبل عودي ذبل...عليله ابلا اهل
بويه اوعدني ترجع خاطر ارتاح
المدينه شبيها الي..اذا راحو هلي
اتبع يا اثر للضعن لو راح
مايله وفوكاها حضرتو المحامل
بيت من عبدالله شال الابوفاضل
يالماخذ من اعيوني..راحة بال
اتبديت لمني بروحك.. بيه اشضال
اتشارك محِنتك..واطلب محنتك
____
اوياكم لو رحت...نذر مني انذرت
اذا تعبت اباريها رقيه
اختها والاها فيّ..تنام الا اعلادي
عليله انه ولكن فدوه اديه
الي لو ماضل مچان وماكو محمل
ساعه أمشي وساعه اكعد عادي اقبل
حتى الدوه ماريده...انت ادواي
المايرتوي من عيونك..ايعطشه الماي
بنوحي جرحتك..واطلب محنتك
__الفجر طر الفجر..وبعدني انتظر
چلمة حضري روحج راح تمشين
وابوفاضل يجي..يسكتلي البجي
وابشر كل خواتي وام الابنين
امروتك اقبل طلب من طفله عليله
اواداعكم يكضيني بويه مالي حيله
عمري اخلصه امتانه..حسبه وراي
بالباب اناطر واسأل..الراح وجاي
حگ لو متتلك..واطلب محنتك
__من هسه انكسرر..الخاطر والظهر
المرض يعصرني واوكف كوه يمك
السبي گبالك عشت..يبويه ماشفت
وعشتك ضامي ومغربين اسمك
خايفه امسح راسي هم مثل اليتامه
بالسلامه وما اضن تكضي بسلامه
اغفى وافز وابجيلك..ليل انهار
واتخيلك ماترجع..الهاي الدار
بصمتي صحتلك..واطلب محنتك
عباس علاوي البهادلي**
**منك ياگلب منبع دمع عيني
اريد حسين وانت البينه وبيني
فرزن ياجرح يسوه اله تسهر
واخذ دموعك وسافر خيم بالبر
ادعي الجرحك ايحضيك بالمنحر
وصدر بالهيمه ضل الخيلهم معبر
بربيع ايامي انعى وشيبة اسنيني
اريد حسين وانت البينه وبيني
ارسم حزنك وهد الدمع والنوح
اليريد الجرح لابد يرسى عالمجروح
عيش الذبح وانت اختارلك مذبوح
شرط ضامي وبلا تغسيل ضل مطروح
بلا بلسم على أيامه توديني
اريد حسين وانت البينه وبيني
.
حطب متروك بس حسين لماني
ورجعلي خضاري وفيض الواني
وانطاني امانه وبيها وصاني
انا الگاك من تريد تلكاني
مو بجدامي اسافر انت مشيني
اريد حسين وانت البينه وبيني
___
فاتحته مثل جسمه ولاتنلم
دنيا وعيشها من كل جهه مأتم
غريب اعلى الغريب تعيش ماتنذم
ينفل الدمع لو ضهرك اتحزم
على ايامه حزن رايد تگويني
اريد حسين وانت البينه وبيني
__كون اليوجعنّه ايعيشن ابروحك
وهي الزهره تنطي اجروح لجروحك
هم مذبوحها وهم هو مذبوحك
نوح الزهره ادعي ايشاركه نوحك
___
على العطشان ليل انهار بچيني
اريد حسين وانت البينه وبيني**
**من عالم الوهم..عيش أنتقاله
اجه..شهر..الخدم..ضجوا بوصاله
من ذا الذي يُقرض دمع عين
ويردها الك اضعاف الحسين
ضجوا بوصاله
_حضر كلب واغرف دمع ..اسعدها فاطمه
شهر المحرم اقترب ..تخدم ارض سمه
اذبح نيتك صوب الحضره
جاي حسين وفايح عطره
ياخدام وشمتانين
اخلاف حسين الابيض كحله
اسأل روحك عندك اغله
من حسين واهل حسين
شي. عابر .العقل . . بالموكب الصار
الكهل مع الطفل...تحس نفس الاعمار
كل شي التقدمه يعتبر دين
ويردها الك ضعفين الحسين
__بين الخيم ازرع وفه..اتخضر قدم صدق
يسگيك ابو فاضل شيم..وشمحله هالزرق
المعصوم ابفعالك يفخر
اذنوبك جاي اتقل لو تكثر
ركز بيك وعوف الناس
لازم يصبح همي وهمك
اعلى اهل البيت من ايمر اسمك
ايذكرك بالخير العباس ؟
الطاعه بالامر...مو بالتريده
الخادم المهم....اليملك عقيده
بس لاتكن شيناً وكن زين
ويردها الك اضعاف الحسين
____
لتسولف بطاري السبي..وامجامل الرمح
اتسمى مو طاح بأثم ...طايح على الجرح
من يكبر اسمك لاتنغر
ثبت روحك مثل المنبر
بكل مجلس نحظر نلكاه
عوفك من أسم الي يقره
المأتم تحظر بيه الزهره
وهنياله الي تبجي وياه
ابحث على الدمع...عوف البقيه
ومو ترضي بفلان...وتنسى الزجيه
هّمك على صدرك الچفين
ويردها االك اضغاف الحسين
____
اتذكر قبل هم مبتعد..بس رجعك منو
حسين ويريدك تخدمه..تبرد يجي دفو
هاي ايام المايتجازه
الما صح بالعاشر جنازه
لطمة صدرك احلى افياي
كلبي اتلمس عشكه استوه
وصاح (الله) هذا الحب يسوه
يابعد الرايح والجاي
بالرحمة تنشمل...من تنزف ادموع
غير الخيم ابد...ماعدنا موضوع
اتذكر قبل وين وصرت وين
ويردها الك اضعاف الحسين
___سبعين محمل للخدم..حط من تجي الفتن
وانصير أيد بأيد اذا...يحاربنا هالزمن
الناقد حظر رمي اسهامه
وجاي اعلى حسين وخدامه
يبعدنا ابكل عقله ايريد
راح انقلها بأوضح فكره
خالقني الله لأبن الزهره
ما اهتم للفكره أبعيد
الى من ينتقد... هاك التريده
ناس احنى من نحب..انحب بقصيده
بس صوب واحد ماكو صوبين
ويردها الك اضعاف الحسين
عباس علاوي البهادلي**
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago