من اشوف وياك واحد
شنو شتتوقع !
راح اتاذى ؟ واتمناك بس ترجع ؟
لتغورني بالوياك اعرفك زين
اذا انت رخيص الحبك شيطلع ؟

و أشوفن وجهَك بكُلشي
نهاري و مَغربي و ليّلي
و أحس بروحي مشتاگة ..

وگتلي تگضي ، شلون
تگَضَي ؟
براسِي تفتر السِكاره
براسِي احَس ،
كاظم اسماعيل كاطع
يكتِب وبيده جگَاره".

بيا مَحطة تريِدني انزل ؟
وانه عَايفني القطار
لا تعاتب طير
، غَادر
بيتهم و بعِيد طَار
الي يِدوس النَار
، يدري
مو ثَلج جواه نَار ،
احنة مَثل الينتضَر يَمته يموت ،
و تدري صَعبة الأنتضار .

لمن اتعب ولا اسولف
و أبد ما اگلك البية
و اخاف احچيلك وتتعب
و ازرع طاقة سلبية
أنتً بخير ؟ اني بخير
و إذا تعبان اتعبلك
شايف هيچي حنية ؟

وهذا آنه بعدني أنحَب
وبعدني شما عتگ لوني
أرد من أول أترتَب
يما تدري ..
ذهب مرغوب
لا ينمَل ولاينذَب.

أرسم بيك أمس وابچي
ومدري البيه شيفضه
وخفت لتشوفني شلوني
رسمت عيونك مغمضة.

الليله أموت اللَيله !
الليله أخر ليله
يُمه أخافَن
يُمه غطِيني بسواد الشِيله
الغيم مد أيده على راسِي
والمُطر شد حِيله
الليله اخـِر ليله

بيك من أجيت أثار شبگه !

بردت الدنيا وبعده وجهك حار .