كتير شديد
برسل لي زول بقول لي عايز CV بنظامATs
بقول ليهو جدًا
وقبل ما أنا ابدأ أسأله عن التفاصيل
بسألني هو،
يعني شنو ATs ؟!
أو الـ Applicant Tracking system
طيب تعالوا نعرف مع بعض يعني شنو ATs

بالعربي بتعني
نظام تتبع مقدمي الطلبات،
اللي هو ببساطة
نظام فضلت مكاتب التوظيف أنها تتبعه لفرز السيّر الذاتية البتجيهم لما يعلنوا عن وظيفة،بدلًا عن الفرز اليدوي بواسطة موظف التوظيف أو الـ HR، ودا ما بمنع إنه لسه في مؤسسات كويسة بتفرز عن طريق الموظفين بس نفس المواصفات لازم تكون متوفرة في السيرة الذاتية

هل النظام دا موحد عند كل المؤسسات و الشركات؟!
دا السؤال اللي حا نجاوب عنه في البوست الجايي وأسئلة كتيرة قاعدة تجيني من العملاء أو الناس اللطيفين اللي قاعدة أشتغل ليهم سيڨيهاتهم

يسعدني جدًا اساعدكم في عمل سيرة ذاتية
مطابقة للمواصفات اللي بطلبها نظام ATs بشكل عام

و توجيهكم لانكم كيف تخلوها مطابقة لكل ATs منفرد

راسلوني واتساب على الرقم دا

0129133819

ومرحبابكم
..♥️♥️

رفيدة الفادني

إذا تأمل المتأمل في أمر العلاقات،
تتسامى أيما تسامي
وتبقى علاقة الإنسان بربه أسماها

يُعبد في السر وفي الخفاء
وديدن العبادة كلها خفي،
النية،
إن صحت، صح الأمر كله
و إن فسدت، أفسدَت كل شيء.

و إن من أجَلّ ما يميز هذه العلاقة
ما يُبحث عنه في كل رابط بشري
الأمن و التخصص
أنت وحدك
تعبده فردًا
و يحاسبك يوم تُحشر منفردا

سبحانه جل شأنه
نعبده كريمًا حكيمًا
و يحاسبنا فردًا صمد
يصيبنا الحياء في سؤال الناس
لكنه يفرح ما إن سألناه
و يعطي عطاء كريم لا انقطاع لمداده،
عطاء محب،
عطاء خالق

المحب لله
المدرك لعظمته
"المدرك وحده"،
يُزهده الله في خلقه
ويسعده ويُنجيه

رفيدة الفادني

حأقول كلام عام
وحأحكي الموقف اللطيف جدًا بعده

طبيعي وعادي جدًا انك تلاقي اتنين في بداية حياتهم تصرفاتهم لطيفة، طبطبتهم لي بعض ظاهرة " بنتكلم في نطاق العيا والمرض نحن"
وكتير بتلاقينا منشورات من شاكلة
جوني عرسان في العيادة نفسنو بيّ
وما شاء الله حلوين، وأدوني أمل وبتاع
و جونا في المستشفى عقّدونا وهلم جرا

الما طبيعي وبالذات في بلدنا الناشفة دي
انه تلاقي ناس يبسطوك بعد ما حياتهم مع بعض في الدنيا قربت تخلص
ربنا يديهم طول العمر

أنا حقيقي بنفسن بي لطافة الأزواج المتقدمين في السن
غيرهم ما في شي بديني أمل في الجانب دا من الحياة

جات مريضة ستينية لي متابعة
معاها بتها، ولدها وزوجها

اللهم بارك
هدوء، لطافة، رُقي في الإنتظار
جابوها داخلة
أرقدي هنا يا خالتو
راسك هنا
عاينت ليّ وبدت ترقد بالإتجاه العكس
بتها مسكتها وحاولت توريها
زوجها واللي هو أكبر منها سنًا
نبهها بي زعل ونهير؟
زي ما كتيرين بعملوا
آي والله بعملوا
بس هو عمل العكس
بإبتسامة عرييضة أنا ذاتي قلبي إنشرح معاها
قال ليها انت نسيتي ولا شنو؟!
بي جاي ما بي جاي
(لأنها جاية لي متابعة وقبل كدا رقدت نفس الرقدة)

إلهي يزيدك سماحة ولطف يا عمو
أنا روحي إتردت والله

رقدَت
البت واقفة
وهو واقف
يصلح التوب
يعدل الراس
في حين انه دا شغلي
وأنا قادرة أعاملها بذات اللطف و أكتر كذا مرة
بس لا ما منعته
لأنه الدعم المعنوي اللي هي لاقياهو من الحركة دي
فايت العلاج والأدوية بي مراحل في رحلة شفاها
بالذات من أبو أولادها و رفيق رحلتها الطويلة

أثناء ما أنا شغالة
جات ذبابة صغيرة في رجلها
هي ما حست بيها
بس هو هشاها كأنها حشرة سامة

إلهي يدك تهبش شباك النبي يا أبوي
تطيب انت
تطيب أم عيالك
ويطيب خاطركم وينجبر

شكرًا بحجم السماء.. ??

و نختم بقوله صلى الله عليه وسلم: "ما كان الرفق في شيء إلا زانه، ولا نُزع من شيء إلا شانه"

وقوله : "يا عائشة إن الله رفيق يحب الرفق ويعطى على الرفق ما لا يعطي على العنف وما لا يعطي على ما سواه"

.. ♥️

رفيدة الفادني

( نحن الجهة الفلانية، قبلناك معانا بعد نتيجة المعاينات، يا ليت تشرفنا في اليوم الفلاني)

ياما انتظرنا
و ياما ناس انتظروا ولسه منتظرين الجملة دي

قبل كم سنة كانت في ورشة كتابة محتوى تبع جهة ما
شفت الإعلان وقررت أمشي
مشيت وحضرت الورشة
الحضور كان فيهو ناس مميزين
اتعرفنا على بعض كروتين تبع الورش اللي من النوع دا
واتبادلت الأرقام مع بعضهم
عدت الأيام
و جاتني فرصة شغل عن طريق واحدة منهم
اتواصلت مع ناس الوكالة
كانت وكالة إعلانية بتمسك مشاريع كبيرة
طلبوا السيرة الذاتية و أدوني بعض المواضيع المختلفة
أكتب عنها خلال كم ساعة وأرسل النصوص
وقد حصل
بعدها بكم يوم
اتصلوا عليّ قالوا لي تعالي للمعاينة
مشيت وكانت ضمن أمتع الإنترڨيوهات الإتعلمت ليّ لحدي هسي
لقيتهم مبسوطين شديد من المحتوى الرسلته ليهم
بس بنهاية المعاينة طلعت منهم وأنا و هم الإتنين واصلين لقناعة اننا ما حننفع مع بعض
لأنهم طلبوا مني أخلي مجالي الأساسي نهائي وللأبد
وأنا رفضت رفض تام، و وريتهم اني حأقدر أوفق بين المجالين كويس شديد، بس ما اقتنعوا وقتها
طلعت وأنا مبسوطة بالتجربة
ولغة الحوار الكانت لطيفة ومتباينة

بعد فترة
اتفاجأت بانه نفس الناس اتصلوا عليّ تاني
وقالوا لي الجملة الفي بداية البوست
وتعالي الشركة خلال اليوم أو بكرة
مشيت وقابلت نفس الناس العملوا لي المعاينة
منهم المدير والمالك  اللي هو من الـ Designers في الوكالة أو المصمم الكبير حقهم ?
قال ليّ انه نحن عملنا معاينات لناس كتيرين جدًا
اخترنا منهم تلاتة
ومن التلاتة ديل اخترناك انتي صراحة

الشاهد الأول في الموضوع
انه السي ڨي تبعي كان صادق جدًا
ما كنت بمتلك خبرة عملية غير تطوع لفترة بسيطة
ولا كورس ولا حتى دورة تدريبية في مجال كتابة المحتوى
بس ولله الحمد والمنة فطرتي سليمة شديد في الإتجاه دا
صاحب الفطرة في مجالات العمل الحر والمتدرب ممكن يشتغلوا تحت نفس المسمى الوظيفي، ونفس كل شي
بس أنا دايمًا بشوف انه صاحب الفطرة فايت المتدرب بي درجة
ودا اللي هم حسوا بيهو

الشاهد التاني والمهم شديد
انه أنا قدرت أسوّق لي نفسي بي سيرة ذاتية من صفحة واحدة
تنسيقها كان مُريح للعين
وكل شي واضح وفعًلا حاصل
حتى المدير بتاع الوكالة أشاد بالتصميم و دي كانت حاجة كويسة بالنسبة ليّ في مجال أنا شغالة فيهو براي
ودي من فوائد انك تعرف تاخد شنو وتخلي شنو من الحوار

بديت شغل تصميم السير الذاتية لي أكتر من سنتين
أو ممكن نقول قرابة التلات سنوات
كل تصميم بطلع منه بإضافة
َوكل عميل بطلع منه بي فايدة
و الفايدة المشتركة بينهم كلهم هي طولة البال
إيييييك
تعرف السلبة يا جميل؟!
دا بالي بقى أطول منها

وأهو البيان بالعمل
دا بوست طويل شديد على بعض الناس
بس كتبته عشانك وعشانهم

بكل الحب وطولة البال
بستقبل طلباتكم لتصميم السير الذاتية على الواتساب في الرقم دا
0129133819

و انتظروني في ونسات أقصر
وحكايات تجارب تانية
مني ومن بعض العملاء اللطيفين

رفيدة الفادني

#زولة_سيڨيهات_وكلام_مكتوب

أنا بعاني من وسواس قهري وكنت أعترفت لمراتي أيام الخطوبة أني عندي مشكلة ممكن تسببلها ضغط، ولأننا مش عايشين في بيت واحد أخدت الموضوع بشكل عفوي وعاطفي وقالت إن الأمر مش مسببلها مشكلة وهاتقدر تتعامل مع حالتي.

شرحتلها كتير أنا بعاني إزاي مع دماغي وتأكيدي الزيادة علي كل حاجة بتحصل، وحرصي علي النضافة بشكل كبير جدًا لدرجة ممكن تخنقها، وإني بالفعل بتعالج عند دكتور بس النتيجة مش مُجزية.

ولأنها بعيدة عن مجال الطب بشكل كبير كان الأمر بنسبالها عادي، إتجوزنا وبعد فترة بدأت تحصل مشاكل لا إرادية مني ومنها بسبب حاجات تافهه بس هي مش قادرة تتعامل معاها، ومش قادرة تقتنع أن الحاجات دي بتضايقني وكونها مش قادرة تتعامل مع حالتي دا مخليني شايف نفسي طول الوقت شخص مش طبيعي، ودا أحساس مؤسف جدًا.

مع الوقت زادت بينا المشاكل ودا لأني بشككها طول الوقت في نفسها، لأني أحيانًا كتيرة بل غالبًا بخليها تتأكد من الحاجة أكتر من مرة، ممكن أخليها تقوم كذا مرة من النوم أو أنا اقوم عشان أتاكد إن الغاز مقفول فعلاً او إننا مسبناش باب الشقة مفتوح.
علي الرغم من أنها بتأكدلي إنها واثقة إنها عملت كل الحاجات دي، ألا إني بأصراري عليها بشككها في نفسها.

كان هايوصل الأمر للطلاق مؤخرًا، كنت غضبان جدًا وزعلان جدًا في نفس الوقت إني مش قادر أتأقلم عليها واتحسن عشانها ومش عارف إخليها تتأقلم وتتعامل معايا.
وفي كل خناقة أقولها "مش قولتي هاتعرفي تتعاملي!" كانت دي حجتي القوية في أي مشادة بينا.

دا كان مسببلها ضغط كبير لأنها فعلاً بتحاول عشاني وبتغلب معايا وفي أي خناقة برمي كل دا علي الأرض، بس أنا بحبها جدًا ومش هاكون بخير أبدًا من غيرها.

كُنت علي السرير اليوم دا وكنت هاقوم قبل ما تمسك إيدي وتفتح فونها، جابت الجاليري وطلعت الصور وقالت "أنا صورت دول قبل ما ندخل الأوضة عالطول، الغاز مقفول أهو، الباب مقفول، الأنوار مطفية والدنيا تمام، ماتغلبش نفسك"
علي الرغم من إني بحاجة فعلاً إني أتأكد بنفسي ودا مش حل، ألا إني فرحت أنها مازلت بتحاول تلاقي معايا حلول.
إبتسمت وماقومتش.

كانت مشاكل الشغل مرهقاني جدًا ولأني مسؤول عن حاجات تحت إيدي، دايمًا بيجيلي إحساس إني ماعملتش حاجة معينة أو إني نسيت أقفل علي العُهدة اللي معايا.
بدأت تكلمني فيديو كول قبل ما أخلص شغل عشان أتأكد علي كل حاجة قدامها وتكون معايا وانا بخلص كل شغلي، ودا هايقلل عندي الإحساس المُلح اللي دايمًا بيقولي إني نسيت حاجة.
حتي إنها كانت بتسجل مكالمة الفيديو أحيانًا عشان تمنع أي إحساس مُلحّْ لما أشكك في كلامها.

بدأت الأمور تهدي بينا وبدأت فعلاً أحس إني معتمد عليها في حاجات كتيرة، كأنها دماغي الجديدة اللي ماشي بيها.
كنت فرحان جدًا، اكتر من اي وقت وإنها مازلت بتحاول وماتعبتش أو ملَّت، إنها مازلت بتحبني، دا كان أحساس الجنة في وسط جحيم راسي.

كتبتلها ماسدج وأنا راجع في يوم من الشغل بعبرلها عن إمتناني لوجودها في حياتي، فماعرفتش أكتب حاجة، حاولت كتير فكتبت في الأخر أصدق شعور حسيته معاها.
"إنتي بقيتي الصوت القوي اللي بيتحدي كل الأصوات جوه دماغي، إنتي بتدافعني عني جوايا..أنا شايف نفسي بتحامي في ضهرك جوه دماغي"
حطيت قلب أحمر وبعتهولها.

قرأت الرسالة وكانت لسه بتكتب لما سألتها علي غفلة "هو أنا قفلت باب المكتب!"
بعتتلي إيموشن ضحك وأسكرين من مكالمة الفيديو وأنا بقفله.

فقولتلها بتنهيدة مني "زهقتي!"
ردت بقلب أحمر كبير "مابيزهقش من الحاجة غير اللي بيعملها مغصوب، أنما إنت جميل وحبيبي ومافكش عيوب"
كنت ماشي أضحك في الشارع من صِدق إحساسي وأحساسها، أنا مش برجع البيت..أنا برجع للحاجة الوحيدة اللي بتفصلني عن دماغي.

"وشخص يشوف عيوبك ويقولك يا جميل"
لـ أميمة عبدالله

لايف (خلافات العلاقات) لي د. سمية الناصر

الفيديو الحاصل على أعلى نسبه مشاهدة الأسبوع الفات❤️

بعترف اني حضرت اللايف ده اكتر من ٣ مرات ?

قالت :
كل العلاقات فيها خلافات ده من اساسها
وهي سبب رئيسي في كون العلاقات مرهقة للناس
لكن :
قدر الإمكان قدر الإمكان قدر الإمكان
(لا تبدأ خلاف)
(لا تبدأ خلاف)
لما تشوف الصوره الكليه للحياة حتشوف انو الخلافات ماعندها معنى.. ?

قبل تدخل اي خلاف
اخد ليك وقفه كده واسأل نفسك..
هل فعلاً الموضوع ده بستاهل؟؟
هل فعلاً يستحق طاقتي المهدرة، وقتي، مشاعري، مرات مالي
وصحتي؟

الفايده الحقيقيه وراء الخلاف ده شنو؟

لو لقيت فعلا يستحق وحيفيدك
خوض الخلاف
لو لقيت انو ما بستحق انسحب منو واتجنبو.
ده ما ضعف ابدا بقدر ما هو ذكاء?

قالت
ما كل الناس ناضجين في كثير من الأطفال حولنا
أو للامانه اغلب الحولنا أطفال

جاهزين للخلافات حقيقي في وضع الانطلاق للمشاكل

بعض الناس هدفها من الخلاف بالنسبه ليهم انهم يجروك للخلاف كتار بستفزوك عشان تعمل معاهم مشكله..
لحاجه جواهم هم
جانب فيهم عايزينك تنكسر او تتلخبط

وجانب عايزين منك الاهتمام حتى لو كان اهتمام سلبي..
?
مرات كتيره شعورك بانو الطرف التاني أضعف منك هو البجرك تخوض الخلاف
?‍♀️
لكن عمومآ
انت بتعرف الزول قبل الخلاف لكن ما بتعرفو بعدو ابداً✔️✔️✔️

ما نفترض انك بتعرف اي زول ?
امك ابوك اختك صحبك صحبتك زوجك زوجتك كل مسمى معرفه
كل الناس دي انت بتعرفها في البر..
قبل ما يحاصرو او يهاجمو

الخلافات بتبين جانب ما بنعرفو في الناس
عشان ما تجي تتصدم بعدين وتقول ده منو؟

عادت كتير انو ♥️
اتذكر دايما لما تختلف مع زول انو في مقابل
مقابل مشاعري فكري طاقي مالي وقتي
قد يجر لسنين وسنين لانو الناس بتركب راسها وبشيلها الغرور والكبر..
اتذكر دايماً إنو في عواقب للخلاف ده
وقبل تبدأ

اسأل نفسك!
هل انت مستعد للشر الحيطلع ليك؟ مستعد للضلام مستعد تواجهه جانب ما بتعرفو؟

مافي زول ضعيف ومافي زول ما عندو قوه
الوجوه التانيه للأشخاص بتبينها المواقف..

لما افكر في كلامها صراحه ♥️
قدر شنو استهلكت طاقه ووقت ومشاعر في خلافات تافهه حقيقي تافهه جداً
لا تستحق..
❤️
هل الخلاف داك الحاصل بين عيله واحده
لسه بستاهل المقاطعه البسنين دي؟؟

هل الراجل القتل اختو او اخو في خلاف.. لسه شايف انو بستاهل..
هل لما زعلتي وكسرتي الكبابي ورميتيهم كان بستاهل..

هل نقاشك الحاد داك لما قدمت استقالتك وشرطت العقد في وش مديرك كان مستاهل..؟؟
لما أديت مرتك كف والبيت اتخرب.. هل كان مستاهل..؟؟

لما اتشاكلت مع واحد في الشارع عشان اتخطاك بي. عربيتو وبقيت وراهو لحدي ما عملتو حادث.. هل تفاهه الموقف ده بستاهل الانت فيهو أسى؟..

صلو على الرسول ✨?

مافي شيء بستاهل والله ♥️
صالحو الناس واتصالحو مع روحكم ?

نحن بس.. روحنا بس البتستاهل كل ذره طاقه وكل ثانيه مهدره في الما بسوى وما بفيد ?
ولنفسك عليك حق ✔️
تاني وتالت والف ❤️

لما نعاين للخلافات دي حنلقي انو في طرق كتييره كانت ممكن تحلها..
لو اختلفت طريقه تعاملك وقتها كان اختلف مسار كل شيء ♥️

في الرابع من سبتمبر ❤️

بُكرة يوم ترجع بسالمك..
بُكرة يوم ترجع بسالمك..
وأحمدل الرجعة اللي طالت..
واوزن الاشواق و اكيلا..
بينا عشرة وعيش مملح وألف قلنا وألف قيلا..
ومهما قلنا.. ما انتهينا..
البدايات البتشفع للحكاية المستحيلة♥️
تبقى ليك يا غالي مرجع وتبقى للتايهين وسيلة♥️

سماح

قد قال كثير من الصحابة والتابعين قبلي: ليتنا لم نخلق! وما ذاك إلا لأثقال عجزوا عنها، ثم من ظن أن التكاليف سهلة فما عرفها.أترى يظن الظان أن التكاليف غسل الأعضاء برطل من الماء، أو الوقوف في محراب لأداء ركعتين؟! هيهات! هذا أسهل التكليف!وإن التكليف هو الذي عجزت عنه الجبال، ومن جملته: أنني إذا رأيت القَدَر يجري بما لا يفهمه العقل، ألزمت العقل الإذعان للمُقَدِّر، فكان من أصعب التكليف، وخصوصًا فيما لا يعلم العقل معناه، كإيلام الأطفال، وذبح الحيوان، مع الإعتقاد بأن المقدر لذلك، والآمر به أرحم الراحمين، فهذا مما يتحير العقل فيه، فيكون تكليفه التسليم وترك الإعتراض، فكم بين تكليف البدن وتكليف العقل.

ابن الجوزي /صيد الخاطر

يُعرَفُ الناسُ بالقُربِ لا بالمُراقبة، تُبنى العلاقاتُ بالوِدّ الخالص لا بالتودّد المُفتعَل، لا ينمو الجفاءُ ببُعدِ المسافات بل بتباعُد القلوب.
الغضبُ أكبرُ من الحُب حجمًا لكنّه أقصرُ عُمرًا وأضعف قوّة. تُدرَكُ السعادةُ بالرّضا لا بامتلاك المزيد.
النّاسُ صناديق مُغلقة، مهما رأيت منها، يظلّ عُمقها مخفيًّا ومظلِمًا فلا تنخَدعَنّ بنصفِ الحقيقة الذي تراهُ من البشر. أو بما يُبدونَهُ لك، هناكَ دائمًا خيرٌ لا يُرى، وشرٌّ لا يُستبان.
السّكينة تُليّنُ القلوب، والاضطراب يزيدُها قسوة.
الخوفُ سائقٌ أهوجٌ، يقودُ النّفوس إلى الهاويةِ ويدفعُها إلى الحماقةِ والرّعونة.
يتجّلّى جمالُ القلوبِ وألَقِها في أوقاتِ الرّاحة والسّكون. وتتجَلّى قوّتها وصمودها في أوقاتِ الخوفِ والنوائب.

- هديل عبدالسلام
‏