**ميلاد محيي الشريعه..صاحب الامر عج

شتاگينه.......تدرينه تدرينه تدرينه
مهدينه.....روينه روينه روينه
علي علي...علي علي...ياعلـــــــي..ياعلي
ـــــــــــــــــــــــــــــــــــــــ
گلبي..... طافح شوگه
مهدي.... نبض اعروگه
ريتي...بــي مخــــنوگه

يشهد...لـــيلي نهـــاري
بگلبي....تســـعر ناري
أنطر.... ياخـــذ ثاري

كل جمعه...تانينه تانينه تانينه
مهدينه.....روينه روينه روينه
علي علي...علي علي...ياعلـــــــي..ياعلي
ـــــــــــــــــــــــــــــــــــــــــــــــــــــــ
أحسب.... الجيتك أنـــــــــــي
روحي... هـــــــواي تعــــــاني
تدري.... صعــــــــــــبه انتاني

ننطــــــر...تعبنه الأمـــــــل
يامــــــا....نادينه العــــــجل
وينـــك...مــــــبغضكم سأل

نتأمل.....ضلينه ضلينه ضلينه
مهدينه.....روينه روينه روينه
علي علي...علي علي...ياعلي..ياعلي
ـــــــــــــــــــــــــــــــــــــــــــــــــــــــــــ
ياما.....ندبه اقريـــــنه
نفرح.....بيك ادعـــينه
تفرج....ربي شكــينـــه

لنورك....مشتاگه الســـمه
لشوفك...انحس بالضــــمه
أضـــهر.......اعليك بـفاطمه

حاچينه....حنينه حنينه حنينه
مهدينه.....روينه روينه روينه
علي علي...علي علي...ياعلي ياعلي
ـــــــــــــــــــــــــــــــــــــــــــــــــــــــــــــــ
يمته.... ترجع يالمحب
لجلك... ذايب چم گلب
هجرك...يالغايب صعب

اضهر......طيب اجروحنه
الفرگه....عذبت روحنه
لجلك...صاعد نوحـــنه

بقدومك...تحيينه تحيينه تحيينه
مهدينه.....روينه روينه روينه
علي علي...علي علي...ياعلي ياعلي
ــــــــــــــــــــــــــــــــــــــــــــــــــــــــــــــ
أسمك..عايش بيـــــــنه
مروتك.....مـــــر اعلينه
لجيتك...شگد حنــــينه

ناذر...كل اسنيـــــــني
بدربك....أختم دينـــي
بچفك....خل چفينــي

أمنيتي....تمر بينه تمربينه تمربينه
مهدينه.....روينه روينه روينه
علي علي...علي علي...ياعلي ياعلي
ــــــــــــــــــــــــــــــــــــــــــــــــــــــــــــ
تمت والحمد لله
✍️الشاعر
الملا.... ياسر الزيادي... ليلة ١٥شعبان**

**هوسااات...لعنوان الغيره .. العباس ص

بصلب حيدر العباس. شــــــــاهگ لله چفينه
اكبر امنياته ينولد. ويــــــــموت وي احسينه
وشوفت عينك ابشعبان. اجه البلغيره يروينه
وباچر بالطفوف اهناك. يسگي ارقيه وسكينه

((هااااا
((وبصياره.. مولـــــوده الغيره))
((تعلمنه الخوه مـــــــن ايثاره))

گلت لام البنين اتگول. زيـنب علي صاحالچ
ألي غايه اجربه وصدگ. يصبح هــذا كفالچ
وهو بمهده وشوف العين.فزت دارت اگبـالچ
بعمر ساعه ويشگ اگماط.باچر عينه تطفالچ

ها خوتي هاااا
((مطبوعه..... بعيونه رسومج))
((موشومه..... بنفاسه احروفج))

كل الفضل لك ابا الفضل?

لخادم القمر...
✍️ياسر الزيادي**

هل لي من قبول. سيدي يبن البتول
.............................

صاح في اعماقي صوتآ. شارد الذهن تعال
اترك الذنب وسافر. وقصد الحب الحلال
فانيآ كل الوجود. والحسين لا يزال

الى من رايد يكافح
ويدورله عله حب واضح
حب ابن النبي الناجح. ... تجاره لن تبور

امسح گلبك وذنبه
ويومك للعشگ حسبه
الورد يحتاچ ارض خصبه.... بقانون الزهور

بعالم الشوگ افني عمرك...حتى لذه بيه تصير
ونحني ابابه بندمتك. ... وگله لعيونك اسير
هذا حب مابيه خساره. ... تنجح اول لو اخير

هل لي من قبول. ....سيدي يبن البتول
........... ............ ...........
قيد الذنب عنادآ.... وجعل الحب دواء
اندب المذبوح طوعآ.. كلما زاد البلاء
اكبح النفس وذكر..... ملهمآ في كربلا

ذب اذنوبك بكتره
يطرد كل ذنب عطره
بس تحلفه بالزهره. كل شده تزول

بحضرته انكتب لا مانع
تصيح الااي گلب ضايع
ملاذ الكل بشر راجع. اي واحد قبول

كل غل ينزع يمه .... يرد من عتمه چم روح
ومحد يندل جروحك.... بس الگلبه مجروح
هنا ضج بجراحاتك. .... طبيبك نحره مذبوح

هل لي من قبول. .... سيدي يبن البتول

.......... ........... ........
صلي للحب تمامآ .... ان فرض الحب دين
اية العشاق عضمى. .. عند رب العالمين
املأ القلب جنونآ ... من حسين لحسين

الك ثاريها هالطينه
سمع گلبي وفتح عينه
وگام توسل حسينه. ..... بدگاته يگول

يرف وانه برفيفه اسمع
شوگ وحزن يتجمع
وراد من الضلع يطلع ..... هل لي من قبول

اجيت بابك وشايل ... شوگ البالگلب غيمه
اخذها من العشگ قربان ... بلكت تنطفي الخيمه
يبو الااكبر انه المكسور. ... انه التهضمني كل هيمه

هل لي من قبول. .... ياسيدي يبن البتول
............... ................ ............
كلما جافيت بابآ. ... يعتري روحي الذبول
ان في قلبي سؤالا. .... سيدي يبن البتول
هل الى العشاق نضره.... ام لقائي بك يطول

هم نشوفك ونلتم
ماكو جروح بيك ودم
ومن عطرك نخلص الشم. ...... ونعيش بهواك

ويمم جرحي بترابك
وخلص سنيني بعتابك
يالما تنسه احبابك. ...... والعاش برجاك

يابلسم دوه الهالروح. .... اجيتك روحي مشلوله
الحب غيرك يبو السجاد... ندم تاليته محصوله
والحبك يرد غانم. .... حتى دموعه مقبوله

هل لي من قبول. سيدي يبن البتول
.....؟........ .......... ...........
ايها المذخور كنزاآ.... للقلوب الضائعات
هاربآ جئت لبابك. .... من سنيني المرهقات
ياسنين الذل قومي ... ودخلي تلك الحياة

شبگت اعتابك اتوسل
وگلتلك سيدي تقبل
وگلتلي الراجع مدلل. ..... انه كهف المريد

كلبي بشوفتك ربحه
گتلك ذنبي الف صفحه
گتلي الرايح نمسحه. .... ونبدي من جديد

يبو خيام الكلتها النار. ... ونه بذاك الوكت ناسي
العذر منك يبو السجاد... گبل گلبي شكثر قاسي
ماصغتك عشك للروح ... العشگ ماعشته بحساسي

هل لي من قبول. ...... سيدي يبن البتول

......... ........... .............صادق الزاملي

مالت الدنيه ويزينب مالت

_
هلي المثلي عله الهزله
تموت ولا تضل عدله
هلي طيحة الناگه كلفه اليه
نگطع گلبي عله فرگاگم
هلي بس روس جبناگم
هلي زينب جريبه علل منيه

- يخواني همه اليوجعني
- حته الگلب نـام عل وني
- ياشام الاگشر عين شمات
- گالـو غريبه هـواي عني

يكضي العمر - مر عله مر
ظهري انحنه - بان الكبر

مالت الدنيه ويزينب مالت

___
هلي كثرت مصايبنه
بلون وجوهنه الحنه
هلي يوجعني متني الله اكبر
تعبنه الدرب والشام
هلي ردناكم النه احزام
مثل ضيم العلي لا صار لا مر

- گلبي عله گلب النوده
- يحسين حيلي هذا حده
- تعبانه بالخمسين طبيت
- المثلي التچاعيد عل خده

جمره بدرب - تچوي الگلب
كلبي انحنه - بسوط الغرب

مالت الدنيه ويزينب مالت
__
رمحك طاح اصيحلك
اكـومـلك واطيـحلك
نترس تربان نحرك بين اديه
هلي عل حسين عينوني
لتنشدوني شلوني
مغبره وذابله وشبعانه اذيه

- اكـره الـشـام ومـاريـده
- خلصوني ياناسي البعيده
- ثمانين طفله وطفل يبچون
- والشام هذا اليوم عيده

صعبه الحجي - الما ينحجي
وعيوني خلصن - بس بچي

مالت الدنيه ويزينب مالت

____
ماي الحار اذانه
محد بچه لمبچانه
خوارج صاحوا اعلينه وبچينه
اشاكف بس ادي تعبت
اختكم ماي ونشربت
حمره اعيونه من الطگ عمينه

- عامينه فگدك ياحلو الطول
- عگبك سكنه الشام والجول
- ياكل عمرنه السوط يحسين
- راحــت بـزرتـك والـدلـول

ماي النهر - ومصيبته
تكلف عليه - احجايته

مالت الدنيه ويزينب مالت

__
#تمت
#عباس_القلعاوي
#نسألكم_الدعـاء

**(مات الضوه)

مات الضوه وضلمه الدار
يُمــــه اليتم نــــار بنــــار

يالزچيه   ***   يالزچيه

-----------------------------------*
أشگد بچينه أشگد دعينه يُمه وينــــــچ
الحجره ضلمه الدنيا ضلمه اخلاف عينچ
چنتي بضعه چنتي شمعه أيشع جبينـــچ
فجئه رحتي  فجئه  غبتي بهم حنــــنچ

عدنه أشبعد غير النــوح
بهذا العمر وأمنه اتروح

-------------------------------*
الحسره بينه أنمد أدينه ردنه ملگــــه
وحشه بعَدچ عشنه فگدچ والله خنگه
أنتي جنــه بهل محنـــــه وين نلگـــه
قصته مره العنده ذكره اتضل تحرگــه

عشنه بحزن وأصعب حال
بس الدمــــــع ضل همـــال
-----------------------------*

أشيبقه عنده اليبقه وحده وي دموعــــه
شفنه ابونه اتهل عيونه بگلبه لوعـــــــه
ويلي منهه العصره چنهه بنص ضلوعه
يرجع أنه ويلگه حـنه الحد رجوعـــــــه

محني الظهر يمنه ايعود
ينزف جرح حزنه ايزود
---------------------------------*

بحضنچ احنه اشگد فرحنه يمه يمـه
خيمه حلوه ردي فدوه الدنيا ضلمـه
بهل مسيه بهل رزيه بينه هضمـــــه
الفرگه هايه أبلا نهايه قصه عضمه

اليفگد تره ايضل مكسور
رحتي ومشه وياچ النــور
--------------------------------*

الظلمه داره وتچوي ناره وكله عَبره
الباب جرحه من نشرحه أيئذي ذكره
هاذ أمرنه بحيره صرنه يمه زهــره
ذوله احنه وي جرحنه بعيشه مــره

ويه المسه تجري العين
نگضي العمر كله اونين
---------------------------------*

ابلايه خيمه أنضل هضيمه بهل ليالـــي
شلون ننسه البيت هسه انشوفه خالـــي
ينسه صعبه أيذكره گلبه الينسه غالـــي
ايحس غربته الدمعه سكته ايهلهه تالي

بُعدچ ترك بينه احزان
فجئه بعجل موتچ حان
----------------------------------*

✍بقلم خادم الحسين ع
الشاعر رعد الجريخي**