#yashil_energiya

Kecha davlatimiz rahbari tomonidan yurtimizning qator hududlarida quyosh va shamol elektr stansiyasi, yuqori kuchlanishli podstansiya, yirik saqlash tizimi, zamonaviy kogeneratsiya qurilmasi hamda kichik GЕSlar ishga tushirildi.
Xususan, Saudiya Arabistonining “ACWA POWER” kompaniyasi tomonidan Peshku va G‘ijduvon tumanlarida har birining quvvati 500 MVtdan bo‘lgan shamol elektr stansiyalarining dastlabki bosqichidagi 200 megavatt quvvatlar tarmoqqa ulandi.
Ta’kidlash lozimki, mazkur loyihalarni amalga oshirish doirasida xorijiy kompaniya tomonidan qiymati 1,3 mlrd. dollarga teng investitsiyalar jalb qilinib, 300 gektar yer maydonida quvvati 1,0 GVt bo‘lgan 158 ta (79 tadan) shamol trubinalari o‘rnatish orqali yillik ishlab chiqarish hajmi quvvati 3,6 mlrd. kVt/soat quvvatli 2 ta shamol elektr stansiyalari hamda qiymati 370 mln. dollarga teng har biri 500 kVt kuchlanishli podstansiyalar va 290 km uzunlikdagi elektr uzatish tarmoqlarini qurish ishlari olib borildi.
Ushbu obyektlarning qurilishi doirasida 2500 nafardan ortiq xorijiy hamda mahalliy mutaxassislar va ishchi xodimlar ishlab keldi.
Shamol elektr stansiyalarini ishga tushirilishi hamda obyektlarning to‘liq foydalanishga topshirilishi natijasida Markaziy Osiyo mintaqasidagi eng yirik shamol energiyasi loyihalariga aylanadi.
Shuningdek, yiliga 3,6 milliard kVt/soatgacha elektr energiyasi ishlab chiqarilishiga erishiladi. Uskunalar yuqori energiya samaradorligiga egaligi tufayli 1,1 milliard kub metr tabiiy gazni tejash imkonini beradi va atmosferaga 1,1 mln. tonna zararli gazlar chiqishining oldi olinishiga erishiladi.