حسن بصري (رحمه‌ الله‌) ده‌فه‌رمووێت:
هیچ شتێك نیه‌ بۆ به‌نده‌ی الله‌ به‌وێنه‌ی خه‌مێكی درێژ..

الهم والحزن
لابن ابي الدنیا..

خۆشویستنی پێغەمبەر ﷺ بەوە نیە ساڵی جارێ یادی بکەیتەوە ، بەڵکو خۆشویستنی ڕاستەقینە بەوە دەبێ کە :

١- سوننەتەکانى زیندو بکەیتەوە ، فەرمانەکانى جێبەجێ بکەى ، خۆت بەدوور بگری لەو شتانەى قەدەغەى کردووە.
٢- خۆت شارەزابکەی لە ژیاننامەى ، هەڵسوکەوتی ، عیبادەت و پەرستشەکانى ، ئەخلاق و ڕەوشتى .

٣- خۆشویستنی ڕاستەقینە بۆ پێغەمبەر ﷺ ئەوەیە کە كارو كەسابەتی حەڵاڵ بكەی و خۆت بەدور بگری لە غەش و فیڵ و ڕیبا .
٤- جلوبەرگی خێزانەكەت ، كچەكەت ، خوشكەكەت شەرعی بن و بەو شێوەیە بن كە ئەو فەرمانی پێ كردوە.

٥- منداڵەكانت لەسەر سوننەتی پێغەمبەری خوا ﷺ پەروەردە بكەی .
٦- گرنگی بدەی بە نوێژەكانت لە مزگەوت و نوێژە سونەتەكان شەونوێژ چێشتەنگا .

٧- گرنگی بدەی بە ڕۆژوی سوننەت وەك دووشەمان و پێنج شەمان .
٨- بەردەوام بیت لەسەر زیكرەكانی بەیانیان و ئێواران .

٩- ڕۆژانە قورئان بخوێنی نەك ڕەمەزان بۆ ڕەمەزان.
١٠- یارمەتی فەقیر و هەژار و داماو بدەیت .

١١- بەردەوام سەڵاواتی لەسەر بدەی.
١٢- غەیبەتی موسڵمانان نەكەیت و ئاگات لە زمانت بێ .

١٣- سیلەی ڕەحم بەجێ بگەیەنی ، باش بیت لەگەڵ دایك و باوكت ، لەگەڵ دراوسێ و خزم و کەسوکارت.
١٤- سەروسیما و جلوبەرگت بەو شێوەیە بێ کە شەرع فەرمانی پێ کردوە .

ئەمە مانای خۆشەویستی ڕاستەقینەیە بۆ پێغەمبەرى خوا ﷺ ، نەك ساڵی جارێك یادی بكەیتەوە و هەندێ شرینی دابەش بکەی بەڵام هیچ ئاگات لە سوننەت و ڕێبازەکەى نەبێت .